|
مشاهدة النسخة كاملة : استفسارات عن حقوق انجليزى يا ريت تساعدونى welcomeeee 05-07-2008, 10:25 PM بعد اذنكم ياجماعة أنا عاوزة أعرف معلومات عن كلية حقوق انجليزى يا ريت لو حد فيها أو حد يعرف حد فيها يقولى ايه طبيعة الدراسة فيها وهو أنا المفروض أكون جايبة كام فى الانجليزى عشان أقبل فيهاويا ريت لو حد يعرف أي حاجة عنها يقولى عشان أطمن ومعلش سؤال كمان هو أنا لازم أكون فرنساوى فى الثانوية العامة عشان أدخلها ولا إيه؟؟؟؟ welcomeeee 06-07-2008, 12:04 PM يا جماعة بليز عاوزة أعرف اراءكم وشكرا يا مستر محمود LA STELLA 06-07-2008, 12:35 PM بصى يا بنتى انا فعلا معرفش عنها حاجة خالص ومافيش معلومات اكيد بس هنقول حكاية الفرنساو ى دى اعتقد اه بس تقريبا مبيمنعش دخولها بس لازم تمتحنى فيها ،، تقريبا - عشان حكاية القانون الفرنسى لانى فاكرة السنة اللى فاتت كان فيه طالبة المفروض تكون اتخرجت من حقوق جت للمسيو اللى بيدينا عشان يشرح لهاشوية عشان تقريبا كانت هتمتحن فرنساوى عشان تطلع لهاشهادة التخرج الله اعلم بس انا قلت ارد عليكى بدا ما انتى لوحدك بس وخلى بالك انا قلت " تقريبا " و لم أؤكد شىء اطلاقا ربنا يوفقك ،، وادعى لاختك بقى ان شاء الله ربنا يوفقها هى كمان ملاحظة : اعذرينى لو الكلام ملخبط لانى منمتش من امبارح خااااالص والسلام عليكم ورحمة الله وبركاته http://www.te3p.com/vb/uploaded3/30893_11179959825.gif welcomeeee 06-07-2008, 12:42 PM ميرسى يا عسل ربنا يخليكى الحمد لله حد رد عليا أنا بس كنت عاوزة أعرف معلومات عنها خصوصا انى كنت ألمانى السنةاللى فاتت وسمعت انها كلية كويسة ومستقبلها حلو و ميرسى ليكى تانى مرة وادخلى نامى بقى عشان تفوقى... :):):) ويا ريت ياجماعة لو حد تانى عارف أى حاجة يقولى عشان استريح LA STELLA 06-07-2008, 12:46 PM مش عارفة انا تانى بس كان ليا واحدة زميلتى ليها اخ فى حقوق انجلش المشكلة بس انى معييش رقم تليفونها يعنى عشان اوصل لها محتاجة وقت وشوية بحث كدة اذا عرفت اوصل لها مش ناسياكى ان شاء الله غير انى عارفة الشعور لما حد يسأل وميلاقيش حد يعبره بيبقى عامل ازاى :D:D:D فعشان كدة بحاول ارد ولو حتى انى مش متأكدة او عارفة welcomeeee 06-07-2008, 01:51 PM ميرسى على ذوقك واهتمامك ربنا يخليكى welcomeeee 06-07-2008, 05:36 PM ايه يا جماعة مبتردوش ليه معقول كلكم محدش سمع فيكم عن حقوق انجليزى ولا مطنشين وخلاص زمردة 06-07-2008, 09:27 PM http://www.frcu.eun.eg/docs-n/details.php?id=2266&page=a-eun welcomeeee 07-07-2008, 12:13 AM شكرا ليكى يا زمردة بس أنا كنت عاوزة حد مجرب عشان يقولى رأيه وعموما شكرا ليكى تانى مرة على إهتمامك welcomeeee 09-07-2008, 07:13 PM ايه يا جماعة محدش بيرد ليه معقول المنتدى كله ميعرفش حاجة عن حقوق انجليزى حقوق عين شمس دماغ اوى 10-07-2008, 03:30 AM انا فى حقوق عين شمس اى سؤال تحت امركم mR . mOstafa Fathi 10-07-2008, 06:27 AM حاضر انا اصحابى فيها بس محولتش استفسر اكتر هسالك واقولك welcomeeee 10-07-2008, 12:27 PM انا فى حقوق عين شمس اى سؤال تحت امركم بص يا باشا أنا كنت ألمانى السنة اللى فاتت ينفع أدخل حقوق انجليزى وأنا ألمانى ولا إيه؟؟؟ وكنت عاوزة أعرف كمان المفروض أكون جايبة كام فى الانجليزى عشان أدخل حقوق انجليزى؟؟؟؟ وكنت عاوزة أعرف رأيك ايه أحسن حقوق انجليزى ولا تجارة انجليزى؟؟ شكرا لاهتمامك welcomeeee 10-07-2008, 12:30 PM حاضر انا اصحابى فيها بس محولتش استفسر اكتر هسالك واقولك شكرا على اهتمام حضرتك ومستنية رد حضرتك sammer2008 10-07-2008, 06:14 PM اولا: مفيهاش حاجة اذا دخلتى كليه حقوق وانتى المانى بس هتروحى تمتحنى فى كلية اداب فى خلال اى سنة من السنوات الاربعة امتحان فرنساوى عشان تخدى شهادة التخرج وكلية حقوق( انجليزى او فرنساوى) اعتقد مجموعهابيكون من 94% دة بالنسبة لجامعة القاهرة welcomeeee 11-07-2008, 04:22 PM اولا: مفيهاش حاجة اذا دخلتى كليه حقوق وانتى المانى بس هتروحى تمتحنى فى كلية اداب فى خلال اى سنة من السنوات الاربعة امتحان فرنساوى عشان تخدى شهادة التخرج وكلية حقوق( انجليزى او فرنساوى) اعتقد مجموعهابيكون من 94% دة بالنسبة لجامعة القاهرة شكرا يا سمر على ردك فتاة الاسلام 11-07-2008, 05:30 PM :) بصى يا جميل عن ثقة لانى حاليا فى حقوق وانا جبت لك الشروط كمان من موقع الكلية 1 ) يقبـل بالشعبة الطلاب الحاصلون على الثانوية العامـة أو ما يعادلها في العام الجامعي 2008/2009وعلى أن يكونوا مقبولين بكلية الحقوق جامعة عين شمس وفقاً لقواعد التنسيق. 2 ) لا يقـل مجموع درجـات الطالب في اللغة الإنجليزية في الثانوية العامة عن 42.5 درجة بمعدل ( 85 % ) ,ويجوز لمجلس إدارة الشعبة النزول إلى 40 درجة بمعدل ( 80% ) عند الضرورة. 3 ) الدراسة بالشعبة نظامية . 4 ) يجوز الالتحاق لخريجي المدارس العربية بالشروط السابقة ( مع اجتياز اختبار القدرات الذي تعقده الكلية إذا قرر مجلس إدارة الشعبة ذلك ) . وبالنسبة لاخر شرط يعنى لو انتى فى مدرسة عربى مش لغات يبقى الاول تروحى امتحان اختبار القدرات فى اللغة وبشرط بردو تكونى جايبة 42.5 فى الانجلش:) وكنت عاوزة أعرف رأيك ايه أحسن حقوق انجليزى ولا تجارة انجليزى؟؟ دى ترجع ليكى انتى على حسب حبك للدراسة مثلا حقوق بتعتمد على الحفظ وتجارة فى اجزاء منها حفظ واجزاء رياضة اى كانت اللغة شوفى انتى حابة اية وتقدرى تمشى فى دراستة واختارى بس تاخدى بالاراء مثلا اللى توضح لك الفرق بين الدراستين ومجالات شغلهم ومستقبلهم المنهى انما الارداء اللى تقول دى سهلة ودى صعبة ودى وحشة ودى حلوة لالا:D وربنا يوفقك يا جميل ان شاء الله welcomeeee 11-07-2008, 08:50 PM :) بصى يا جميل عن ثقة لانى حاليا فى حقوق وانا جبت لك الشروط كمان من موقع الكلية 1 ) يقبـل بالشعبة الطلاب الحاصلون على الثانوية العامـة أو ما يعادلها في العام الجامعي 2008/2009وعلى أن يكونوا مقبولين بكلية الحقوق جامعة عين شمس وفقاً لقواعد التنسيق. 2 ) لا يقـل مجموع درجـات الطالب في اللغة الإنجليزية في الثانوية العامة عن 42.5 درجة بمعدل ( 85 % ) ,ويجوز لمجلس إدارة الشعبة النزول إلى 40 درجة بمعدل ( 80% ) عند الضرورة. 3 ) الدراسة بالشعبة نظامية . 4 ) يجوز الالتحاق لخريجي المدارس العربية بالشروط السابقة ( مع اجتياز اختبار القدرات الذي تعقده الكلية إذا قرر مجلس إدارة الشعبة ذلك ) . وبالنسبة لاخر شرط يعنى لو انتى فى مدرسة عربى مش لغات يبقى الاول تروحى امتحان اختبار القدرات فى اللغة وبشرط بردو تكونى جايبة 42.5 فى الانجلش:) دى ترجع ليكى انتى على حسب حبك للدراسة مثلا حقوق بتعتمد على الحفظ وتجارة فى اجزاء منها حفظ واجزاء رياضة اى كانت اللغة شوفى انتى حابة اية وتقدرى تمشى فى دراستة واختارى بس تاخدى بالاراء مثلا اللى توضح لك الفرق بين الدراستين ومجالات شغلهم ومستقبلهم المنهى انما الارداء اللى تقول دى سهلة ودى صعبة ودى وحشة ودى حلوة لالا:D وربنا يوفقك يا جميل ان شاء الله ألف شكر ليكى على ردك الصراحة مش عارفة أشكرك ازاى لأنى كنت قلقانة من حكاية الفرنساوى دى أوى وميرسى ليكى يا قمر تانى مرة على ذوقك:) أحمد2025 20-07-2008, 01:42 PM ياااااااااااااااااااه أنا كنت فين من زمان على فكرة أنا ناوى ادخل حقوق انجليش بس لسه هقدم فى التنسيق بكرة ان شاء الله اول حاجة هكتبها حقوق عين شمس طبعا وان شاء لو جت هقدم فيها عادى بس اسحب استمارة حقوق انجليش ويارب يوفقنا كولنا بس هى كلية حلوة وربنا يكتبهلنا يارب welcomeeee 20-07-2008, 04:18 PM ميرسى يا أحمد على ردك وربنا يسهل أحمد2025 21-07-2008, 04:19 AM http://www.frcu.eun.eg/docs-n/details.php?id=2266&page=a-eun (http://www.frcu.eun.eg/docs-n/details.php?id=2266&page=a-eun) عايز اشكر بس زمردة على اللينك ده علشان استفدت منه كتير شكرا زمرة شكرا welcome welcomeeee 21-07-2008, 01:26 PM العفو يا أحمد وأنت بجد شرفت الموضوع mohamed_oweis 30-07-2008, 12:33 PM طيب انا ممكن افيدك لان انا في حقوق انجليزي سنة تانية دلوقتي مين حيث القبول هي الشروط اللي في الموقع دي تعتبر نظرية انما في الواقع مش بيكون فيه امتحان ولا حاجة هي مسالة مجموع ..انتي بتقدمي حقوق عادي وبعدين في الكلية بيكون فيه تنسيق داخلي تاني للي عوزين حقوق انجليزي او فرنساوي بيتحسب فيه مجموع الانجليزي الاساسي و المستوى الرفيع مرتين مثلا لو حد جايب 390 و مجموع الانجليزي عنده 45 و المستوى حاجة غير الانجليزي بيكون مجموعه في الكلية 390+45+0 = 435 ...وعلى هذا الاساس بيرتبو الناس المتقدمين و بيقبلوهم وموضوع الالماني مش مشكلة اطلاقا ممكن تدخلي حقوق انجليزي بس تقريبا في سنة تانية بتحتاجي تعملي امتحان او حاجة بسيطة كدة بالنسبة للدراسة في الكلية بيكون تقريبا نص المواد عربيو النص التاني انجليزي كل سنة و بالنسبة لجامعة القاهرة خصوصا بيكون المواد العربي في الترم الازل و المواد الانجليوي ممتدة تتمتحنيها في الترم التاني كل مادة من 20 ..وفي قسم انجلزي بتكون التقديرات عالية نسبيا يعني مثلا بيكون في امتياز و كتير جيد جدا لان معظم الطلبة فيها بيكونو فوق 90% الكلية بيكون ليها مصاري حوالي 4000 جنيه بس بيكون في اعفاءات يعني مثلا الي بيجيب امتياز بيدفع 2000 بس و هكذا... واخيرا المستقبل...مستقبل الكلية كويس جدا واحسن من غيرها كتير خصوصا اللي بيجيب جيد جدا او امتياز لان بيكون في مجالات كتير للعمل اتمنى اكون افدتك welcomeeee 30-07-2008, 01:59 PM طيب انا ممكن افيدك لان انا في حقوق انجليزي سنة تانية دلوقتي مين حيث القبول هي الشروط اللي في الموقع دي تعتبر نظرية انما في الواقع مش بيكون فيه امتحان ولا حاجة هي مسالة مجموع ..انتي بتقدمي حقوق عادي وبعدين في الكلية بيكون فيه تنسيق داخلي تاني للي عوزين حقوق انجليزي او فرنساوي بيتحسب فيه مجموع الانجليزي الاساسي و المستوى الرفيع مرتين مثلا لو حد جايب 390 و مجموع الانجليزي عنده 45 و المستوى حاجة غير الانجليزي بيكون مجموعه في الكلية 390+45+0 = 435 ...وعلى هذا الاساس بيرتبو الناس المتقدمين و بيقبلوهم وموضوع الالماني مش مشكلة اطلاقا ممكن تدخلي حقوق انجليزي بس تقريبا في سنة تانية بتحتاجي تعملي امتحان او حاجة بسيطة كدة بالنسبة للدراسة في الكلية بيكون تقريبا نص المواد عربيو النص التاني انجليزي كل سنة و بالنسبة لجامعة القاهرة خصوصا بيكون المواد العربي في الترم الازل و المواد الانجليوي ممتدة تتمتحنيها في الترم التاني كل مادة من 20 ..وفي قسم انجلزي بتكون التقديرات عالية نسبيا يعني مثلا بيكون في امتياز و كتير جيد جدا لان معظم الطلبة فيها بيكونو فوق 90% الكلية بيكون ليها مصاري حوالي 4000 جنيه بس بيكون في اعفاءات يعني مثلا الي بيجيب امتياز بيدفع 2000 بس و هكذا... واخيرا المستقبل...مستقبل الكلية كويس جدا واحسن من غيرها كتير خصوصا اللي بيجيب جيد جدا او امتياز لان بيكون في مجالات كتير للعمل اتمنى اكون افدتك ميرسى أوى يا محمد وشكرا على الافاده:) ToMoRrOw_NeVeR_DiEs 30-07-2008, 08:18 PM انا جايب 92 % و داخل حقوق انجلش انشاء الله welcomeeee 30-07-2008, 09:37 PM انا جايب 92 % و داخل حقوق انجلش انشاء الله ألف مبروووووووووك وعقبال البكاليريوس :):p زبادو 31-07-2008, 11:50 PM حقوق انجليزى بجد كلية تحفة تحفة بجد احسن من اعلام ميت مرة وسياسة واقتصاد انا متهيالى مش شرط الفرنساوى بس لازم تجيبى فى مجموع الانجليزى 85 وبتاخد كحد ادنى 92 في المية welcomeeee 01-08-2008, 05:50 PM حقوق انجليزى بجد كلية تحفة تحفة بجد احسن من اعلام ميت مرة وسياسة واقتصاد انا متهيالى مش شرط الفرنساوى بس لازم تجيبى فى مجموع الانجليزى 85 وبتاخد كحد ادنى 92 في المية شكرا يا زبادو على ردك وربنا يوفقنا كلنا:) bahtity 02-08-2008, 05:09 AM انا كنت عايز اسال هى مصاريف الحقوق الانجليزى بكام وشكرا يا Welcome وان شاء الله تدخلى حقوق انجلش welcomeeee 03-08-2008, 01:25 PM انا كنت عايز اسال هى مصاريف الحقوق الانجليزى بكام وشكرا يا Welcome وان شاء الله تدخلى حقوق انجلش بص هو انا مش متأكده بس أعتقد حوالى 5000 جنيه يا ريت لو حد متأكد يفيدنا أحمد2025 04-08-2008, 04:34 PM 5 ألاف لعين شمس و4 ألاف للقاهرة كل سنة heba mostafa 09-08-2008, 12:20 PM بليو يا جماعة حد يرد عليا انا صحبتى جايبة مجموع كلى 86% و جايبة فى الانجليزى 46 و نص هينفع تدخل ولا لاء أحمد2025 09-08-2008, 02:09 PM بليو يا جماعة حد يرد عليا انا صحبتى جايبة مجموع كلى 86% و جايبة فى الانجليزى 46 و نص هينفع تدخل ولا لاء بصى هى جامعة ايه؟؟ على العموم فى عين شمس انا قدمت أنا جايب 88 % و45 فى الإنجليش الحمدلله انا قدمت فى الإنجليش عادى خالص بس هما هياخدوا منك الورق وبعدين هيقولوا ليكى هما يتصلوا بيكى وفى فى عين شمس تنسيق للإنجليش لوحدة لسه هيظهر فى اول 9 يدوب خلى صاحبتك تلحق تقدم وان شاء الله تقبل |