السلام عليكم ورحمه الله وبركاته


اول حاجه انا كنت السنه اللى فاتت طالب زيكم ومريت بنفس الظروف اللى انتوا هتمروا بيها والحمدلله ربنا كرمنى وجبت 98.6 ودخلت هندسه القاهره


وان شاء الله ناوى انزلكم ملخص pdf للتجربه ديه وهيبقى شامل حاجات كتير


فكنت عايز اعرف محتاجين ايه ف الملخص ده عشان اعرف افيدكوااا وربنا معاكم ونشوفكم السنه الجايه ف الكليه اللى انتوا بتحبوهاااا

اولا شكرا ليك على المساعده
بالنسبالى الى محتاجو
امتي كانت ساعات المذاكره وكانت كام ساعه وازاي كنت بتذاكر المواد المختلفه
كنت ازاي بتنظم وقتك
ازاي كنت بتتعامل مع مشاكل معينه
كدا يعني !

جزاك الله خيرًا
1- ياريت تقول ايه كل المشاكل اللى واجهتك كلها و توصلت الحمد لله لحلها ازاى

2-بالإضافة للى قال له الأخ أحمد إبراهيم

3- هل كل المدرسين اللى بتاخد معاهم دروس لازم تبقى مستريح ليهم نفسيًا أصل فيه للأسف مدرس تحس انه مغرور و هو فعلًا عنده علم لكن بيألس كتير فأقعد أفكر أسيبه
ولا لأ و لو سبته مش عارف هااتقلم مع المدرس التانى ولا لأ !

4- و كنت بتقضى الراحة ازاى خصوصًا لو بتحب رياضة معينة

4- متتأخرش علينا فى الملف عشان نلحق نقراه .. :rolleyes:
و شكرًاااااااااااااااااا :022yb4:

ازاى كنت بتتخلص من ملل المذاكره ,, انا من النوع الى بيمل بسرعة جدا من المذاكره عايزة نصايح :)

وكنت منظم واقتك ازاى

وكنت بتاخد دروس ولا معتمد على المدرسة :d
والدروس الى بتاخدها كنت فى بيتك ولا بره ,, انا عايزة اخد كل الدروس فى بيتى بس خايفه امل وازهق !! :d


بالنسبة للعربي انا ازاي اقفل الدرجه النهائيه فيه

والفيزياء هو ايه احسن كتاب اجيبه فيها؟؟ واحلى كتب فى كل المواد

و المفروض اني اذاكر كام ساعه في اليوم ؟؟

كمان معلش هو صح اني اذاكر كل المواد في يوم واحد ؟؟
يعني شويه فيزياء وشويه احياء وشويه انجليزى وكده ولا غلط

مممممممممممممممممممممممممم الراحة النفسية قبل المزاكرة انا كنت بعمل كده

3- هل كل المدرسين اللى بتاخد معاهم دروس لازم تبقى مستريح ليهم نفسيًا أصل فيه للأسف مدرس تحس انه مغرور و هو فعلًا عنده علم لكن بيألس كتير فأقعد أفكر أسيبه
ولا لأ و لو سبته مش عارف هااتقلم مع المدرس التانى ولا لأ !



آسف على التدخل
على فكرة المعرفة موجودة عند كل المدرسين و لله الحمد
و الى هايدوهولك المدرس الفلان هايشرحه ليك برضة المدرس علان
مفيش مدرس هايجيبلك حاجة أول مرة تسمع عنها يعنى
فالعلم واحد هنا و هنا
الفرق الحقيقى شخصية المدرس دى الأساس الأول الى كنت بختار عليه المدرسين
يعنى مدرس عربى كدة في المنصورة اسمه الأستاذ ممدوح عبد الفتاح
دة كان له سنتر في الترعة و سنتر في احمد ماهر ( بس هو ساب الترعة خلاص )
و كان سنتر الترعة دة عبارة عن غرفة في حجم غرفة النوم متجمع فيها 100 طالب ولا حاجة و بيقعدوا فوق بعض
طبعاً هو كمدرس هو لا خلاف عليه لكن - مع كامل احترامى - مغرور و متعجرف و بيعامل الطلبة أسوء معاملة
و كنتيجة طبيعية سيبته و روحت لمدرس تانى عندنا من المدرس مش مشهور إطلاقاً لكن جيد جداً هو الأستاذ إيهاب حمزة ( بس للأسف عنده عيب واحد و هو عدم الإلتزام في المواعيد )
و الحمدلله مشيت كويس في العربى
يعنى باختصار سيبك من موضوع المدرس مشهور ولا لا و افتكر إن المدرس ما هو إلا وسيلة لشرح المنهج و أنت الى عليك المذاكرة و حل الامتحان في النهاية .. فالعلم واحد لكن شخصية المدرس مختلفة
فخليك دائماً مع المدرس الى ترتاح له نفسياً
أعتقد إن أفضل المدرسين الى خدت عندهم في المنصورة هم الأستاذ على عمر بتاع الأحياء ( شغال في سنتر على المشاية جنب محل قنديل بتاع النجف و قهوة إكسبريسو إياها ) و الأستاذ سامى جبر بتاع الكيمياء ( له سنتر أمام البوابة الخلفية لمستشفى المنصورة الدولي على ما اتذكر )

عايزة اعرف الملخصات الأفضل لكل مادة

احنا عايزين نعرف ازاى كنت بتنظم وقتك وازاى كنت بتزاككر المواد وكده وكماان انا مشكلتى انى بنااام كتيير اززى فلو تقوولى بقى حل وكده وكمان كنت بتروح المدرسه ولا لاء وكنت مماشى السنه اززاى وايه الكتب اللى جبتها ف كل المواد واحنا عايزين كل حااجه وربنا يكرمك ويجعله ف ميزان حسناتك