ناس كثير فاكره ان خريج حاسبات ومعلومات مهندس ده اسمه الوهم زى مثلا الزمالك قادم الحقيقة ان المهندس هو من درس العلوم الهندسيه لمده 5 سنين مش 4 وشرط اساسى للحصول على هذه اللقب الغالى ان يكون مسجل فى نقايه المهندسين مش ملهوش نقابه لحد دلوقتى انت ماشى بتشتغل كويس بس مش مهندس وانصح كل واحد لم يوفق ولم يلحق هندسه حكومى يبحث عن الخاصة و لا يستسلم للحاسبات ويجب ان يختار الاتى
الجماعة الالمانيه-الاكديميه البحريه-مصر للعلوم والتكنولوجيا-الشروق-العاشر-معهد امبابه للطيران -جامعة المستقبل اى رايكم فى الترتيب ده

خريج حاسبات مش محتاج اللقب وظيفة تتحدث عنه انت عايز تعمل دعايه للجامعات لخاصه اعمل براحتك لكن ماتتلزقش فى خريجى حاسبات وبعدين نسبة البطاله فى المهندسيين 30% فى حين نسبة البطاله فى خريجى حاسبات 2%

حاسبات ومعلومات شغلها حر و بعدين طالما انت مبدع الكليه دي محتاجه ابداع و بعدين اظن شغل هندسه حاسبات مختلف عن حاسبات ومعلومات لان هندسه بتركز علي ال hardware اما حاسبات ومعلومات تركز اكتر علي ال software

احم احم ! No comment ! انا الحمد لله مجموعي يدخلني هندسه حكومه لاكن حخش حاسبات و معلومات !!حب فيها و بتخرج انسان على مستوي عالي من الدراسه و يا سلام لو تفوقت فيها و اخذت كورسات , و المبدء مش بطاله لو شفنا الكليات الخاصه هتلاقي ناس مش بتعرف تجمع و دخلوا هندسه بفلوسهم على عكس حاسبات ناس قليله ال بيخشهوها الكل عاوز يبقي اسمه مهندس معلش ياعني مع احترامي للمهدنسين ( مع ان والدي مهندس معماري ) لاكن يعني ايه مهندس لقب ملوش لازمه او بمعني اخص مبقاش ليه لازمه هيبته قلت و نسبه البطاله زي ما الأخ قال 30% بس احب ازود انها اكتر بحاولي 10 % كمان يعني 40% على عكس حاسبات و اصلا مش شرط بعد التخرج انك تشتغل في شركه انت ممكن تشتتغل مع نفسك و الشغل مفتوح و المجلات ايضا متعده ,و مش عارف اسلوبك متحامل ليه خفف الحده ديه شويه !!!! انت داخل تنصح ناس و اهم بينفروا منك ! علي العموم لكل انسان وجهه نظره و الحكم في الأخر من الصادق .

انا مش فاهمه حضرتك عايز ايه بالظبط !!!!عارفين كويس انه مش مهندس بطلو احباط بقى !!!!!!!!!!

احم احم ! No comment ! انا الحمد لله مجموعي يدخلني هندسه حكومه لاكن حخش حاسبات و معلومات !!حب فيها و بتخرج انسان على مستوي عالي من الدراسه و يا سلام لو تفوقت فيها و اخذت كورسات , و المبدء مش بطاله لو شفنا الكليات الخاصه هتلاقي ناس مش بتعرف تجمع و دخلوا هندسه بفلوسهم على عكس حاسبات ناس قليله ال بيخشهوها الكل عاوز يبقي اسمه مهندس معلش ياعني مع احترامي للمهدنسين ( مع ان والدي مهندس معماري ) لاكن يعني ايه مهندس لقب ملوش لازمه او بمعني اخص مبقاش ليه لازمه هيبته قلت و نسبه البطاله زي ما الأخ قال 30% بس احب ازود انها اكتر بحاولي 10 % كمان يعني 40% على عكس حاسبات و اصلا مش شرط بعد التخرج انك تشتغل في شركه انت ممكن تشتتغل مع نفسك و الشغل مفتوح و المجلات ايضا متعده ,و مش عارف اسلوبك متحامل ليه خفف الحده ديه شويه !!!! انت داخل تنصح ناس و اهم بينفروا منك ! علي العموم لكل انسان وجهه نظره و الحكم في الأخر من الصادق .

علي فكره مش شرط ان كل الناس في هندسه خاص مش بتعرف تجمع زي ما انتا بتقول علي فكره انا هندسه msa خاص علي الاقل جامعه معترف بيها في انجلترا و علي فكره انا عارف ان في ناس في الجامعات الحكومه مش فهمه حاجه انا عندي واحد صحبي في هندسه شبرا اتخرج من قسم كهربا بور مش بيعرف يوصل ديره كهربيه فبلاش تفتي و تقول ان الناس الي في الخاص مش بتعرف تجمع

بالنسبة للى بيتكلم ان نسبة بطالة حاسبات ومعلومات 2% .. :d :d :d
هو فى كلية فى مصر كلية نسبة بطالتها كدا؟!!

ياريت مصدرك .. :d :d

وبالنسبة للى بيتكلم ع الخاص .. دلوقتى واحد زيى كان جايب 95% .. ونزل بقى 85% .. بسبب ظلم فى التصحيح .. وجايب درجات محترمة فى الرياضة والفيزيا والى منزلنى المواد الادبية؟!!
يبقى انا كدا مبعرفش احسب ومستحقش هندسة.!؟!


ياريت الناس تبطل تقارن حاسبات بهندسة .. لان دا مجال ودا مجال .. كل واحد ليه شغله !

حضرتك مبدأياَ مينفعش تقارن مجال شغل بمجال متخلق، يعنى المتفوق فى اى مجال باين، ولكن فى مواضيع النسب ده السبب بسيط خالص، لا عدد هندسة حكومى اللى عددها 24 جامعة حكومى و ضعفهم خاص، فا من الطبيعى يكون عدد البطالة فى هندسة ضخم، و فى حاسبات النسب قليل لان اعتقد محدش بيدخل حاسبات غير لانه حابب المجال ده ، على عكس هندسة اللى ممكن ناس يدخلوها لاسباب كتير غير انهم حابين المجال ده.

اول حاجة دا مجال ودا مجال فعلا الفرق حاسبات ومعلومات انت مهندس بينك وبين نفسك وعلتك يفرحوا بيك لاكن علي الورق انت مش ضمن النقابة ودي اهم حاجة لان لا مهندس بدون كارنيه النقابة مثلا واحد دخل جامعة خاصة وفضل فيها 5 سنين ودرس الهندسة زيه زي الحكومي لاكن الجامعة دي مش معتمدة اذا كل اللي عملتة لا يساوي شي وانت لست مهندس لذلك اتفق جزئيا مع حضرتك وليس كليا لان لا توجد مقارنة بين اشياء متناقضة وشكرا:):022yb4::av4056bb7jp3::stickjo4:

و الله مش عشان سبب تافة زى 4 سنين و 5 سنين دة يبقى ليها علاقة بمهندس او مش مهندس :d :d
و بالنسبة للنقابة هى تحت الانشاء و اسمها ان شاء الله نقابة مهندسى البرمجيات :d
و اية موضوع يستسلم لحاسبات دى هى شريرة للدرجة دى :p
دى ميول يعنى فى ناس كتير ممكن تدخل هندسة بمجموعها او خاص حتى و بردو دخلت حاسبات
و بعدين مهندس او مش مهندس مش مهم دة مجرد لقب ^_^
بلاش احباط بس لو سمحت :( :(

معلش:angry2: بس الاخ الي مش عاجبىه الهندسة احب اقولك انت مش عارف حاجة ويا ريت اسال فبل ماتكتب

علي فكرة فيه ناس بتحب تمدح فالحاجة بتاعتها زي الاطفال يعني واحد كان نفٍسو فطب ومالحقهاش ودخل علاج طبيعي

طبعا بيزعل وبيضطر ياخد راي دا وراي دا عشان يطمن وناس كتير تحب ترضيه وتقولو دا مستقبلها افضل واحس،

من طب ومرتبات اعلي ويبدء يجيبلو كل عيوب كلية الطب ويجيبلو محاسن كلية العلاج وبالتالي هو زكر جانب واحد

فكل من الكليتين برغم من ان ممكن الي دخل علاج دا يكون عارف انه بيحور عليه لكن بيصدقه عشان يطمن نفسو

وبتتكرر الحكاية دي فكزا كلية

وبالنسبة لهندسة بدون عصبية فدا كلام منطقي انتو عارفين ان كل سنه بيتخرج فوق ال 25 الف مهندس :d

يعني تقريبا اكتر فئه فمصر فحين حاسبات بتخرج عدد لايزكر . علي فكرة انا كان نفسي فهندسة وملحقتهاش

ودلوقتي نفٍسي تجيلي عمارة عشان يبقي اسمي مهندٍس برضو وبفكر كمان فالخاص بس احنا بنتكلم

فواقع . وانا اعرف مهندسين واعرف ناس من حاسبات والاتنين شغلهم زي الفل واعرف مهندس معماري

مرتبة مكانش محترم هنا وسافر السعودية واعرف واحد خريج حاسبات شغال فمايكروسوفت

فالناس الي دخلت هندسة متسخرش من بتوع حاٍسبات علي فكرة خش علي موقع التنٍٍٍسيق زمان

ايام تقريبا 2003 حاسبات كانت اعلي من هندسة وانا اتوقع ان هترجع اكتر من هندٍسة تاني

بعد اربع خمس سنين بعدما يتم انشاء نقابة مهندٍس برمجيات والكلام دا منطقي جدا انو يحصل خصوصا ان بقي عندنا وعي وناس كتير بقت

تحب تتخصص فالي هي بتحبو مش الي الناٍٍس بتحبو . ياريت محدش يتعصب للحاجة بتاعتو وخلاص ويتكلم

بالمنطق

اول حاجه هعملها السنه الجايه نعمل نقابه بطرق غير تقليديه خالص احنا برده اذكى ناس ف مصر معلش بقى

تعظيم سلام لكلية الحاسبات والمعلومات
مستبقلها بإذن الله أفضل من الهندسة

مفيش حاجه اسمها كليه افضل ولا مستقبلها افضل ولا الكلام ده
من الاخر انت بتتخرج بيبقي معاك شهاده فيه ملايين غيرك معاهم نفس الشهاده
ايه الفرق بينك و بينهم ؟ الفرق بيبقي بأجتهادك و اهتمامك انك تكون فاهم و كويس في المجال بتاعك

لكن هندسه و حاسبات او حتي اي كليه

مش معني انك دخلتها يبقي انت ضمنت مستقبل كويس

اللي بيضمنلك مستقبل كويس مستواك و قدراتك بغض النظر الكليه ايه

حاسبات احسن من هندسة

أيوه يعنى .. ماله الكاسيت؟ :d

اية الفكر الغبى دة؟؟؟؟؟ مهى دة مشكلة العقول المريضة الى فى مصر لو انت مش دكتور او ظابط او مهندس تبقى فاشل حاسبات كلية راائعة مستقبلها برة ملوش حل بس فعلا فى مصر بطيخ

حاسبات هى في الاصل قسم من اقسام كليه علوم وهى معادله لقسم علوم الحاسب في كليه علوم وهى تدرس علوم حاسب التى تعتمد علي السوفت وير وليس هندسه حاسب للي بيعتمد علي الهارد وير ولذالك يتم معادلتها بكليه العلوم وتتقيد خريجيها تبع نقابه العلوم ( العلميين )

حاسبات ومعلومات هى الشعبه السادسه لنقابه العلميين (المهن العلميه )

http://im35.gulfup.com/3mQ5O.jpg (http://www.gulfup.com/?ArEpr3)