ياجماعه الافضل بعد حاسبات السن ولا اقتصاد وعلوم سياسيه ؟! [الأرشيف]

مشاهدة النسخة كاملة : ياجماعه الافضل بعد حاسبات السن ولا اقتصاد وعلوم سياسيه ؟!

د.ساره

04-08-2013, 12:30 AM

انا كتبت ف اول الرغبات حاسبات بس عايزه اعرف ايه الافضل بعدها السن ول اقتصاد وعلوم سياسيه بنى سويف ومعلومات عن كل واحده فيهم ومجالات الشغل

ahmed H capo

04-08-2013, 12:34 AM

حاسبات وبعد كدة السن
سياسة واقتصاد بني سويف من مناظره للقاهره يعني لو جتلك حتروحي بني سويف ومش حتقدري تحولي لانها لسه اول سنه وجديدة
لكن السن حتبقي ف عين شمس لو مجموع اللغات عندك 90 وفي كلام برضو من اتحاد الطلبه ان مجموع اللغات تم تخفيضه وبقي 87 ونص يعني مجموع اللغات عندك لازم يبقي 140
بتدرسي فيها لغات حسب القسم اللي درجاتك ف الانجليزي و اللغه التانيه تجيبه وهي كليه كويسه وليها مستقبل والشغل فيها كويس وبيبقي معاكي لغه قوية وكويسة
انا شايف ان احسن حاجة بالنسبالك الحاسبات ثم الالسن

د.ساره

04-08-2013, 12:45 AM

ahmed H capo

04-08-2013, 01:07 AM

ليه قوليلي درجاتك ف العربي والانجليزي واللغه التانيه كدة ؟ !

د.ساره

04-08-2013, 02:27 AM

27.5 عربى ف السنتين و24 انجليزى و49 فرنساوى

ahmed H capo

04-08-2013, 02:37 AM

24 انجليزي ف السنتين ؟

د.ساره

04-08-2013, 02:38 AM

اه والله ايه المشكله؟

احمدالمدريدي

04-08-2013, 02:44 AM

هو يقصد مجموع السنتين يعني 27 في تانية لوحدها وتالتة لوحدها ولا الاتنين مع بعض

ahmed H capo

04-08-2013, 03:14 AM

انتي مجموعك في اللغات ممتاز يعني يجيليك السن عين شمس
بس المشكله في التحويل الجغرافي بس
ممكن يعتبروا ان المنيا اقربلك ؟ حصل دة معاكي وانتي بتعملي التنسيق ؟

انتيموا

04-08-2013, 03:23 AM

مدام انتي من بني سويف يبقي اقتصاد طبعا دا من ناحية الشهادة دي تعتبر اعلي كلية فمصر

بٍس ناٍس كتير بتقولك شغلها صعب مع اني مش مقتنع بكلامهم دي اقل حاجة تشتغلي فالبورصة وتضربي

ميت واحد فتجارة انجلش . لكن الٍسن لو ملقيتيش شغل هتبقي مدرسة لغات ثانوي اوتدي كورسات

وفلوسها حلوى اوى انا قريبي دكتور ايطالي فعين شمس وماكملش 30 سنه واتنقل لمستوي تاني خالص

من الكورسات واللزي منو . وفكري فاعلام برضو

د.ساره

04-08-2013, 03:37 AM

هو يقصد مجموع السنتين يعني 27 في تانية لوحدها وتالتة لوحدها ولا الاتنين مع بعض
اه ف السنتين

د.ساره

04-08-2013, 03:53 AM

انتي مجموعك في اللغات ممتاز يعني يجيليك السن عين شمس
بس المشكله في التحويل الجغرافي بس
ممكن يعتبروا ان المنيا اقربلك ؟ حصل دة معاكي وانتي بتعملي التنسيق ؟
والله ياريت عين شمس بس وانا بكتب التنسيق مصر جدا على المنيا

د.ساره

04-08-2013, 03:55 AM

انتيموا

04-08-2013, 11:48 AM

انا من ناحيه الشغل بابا بيشجعنى جدا ع الكليه دى وخاصه انه يقدر يشغلنى ف مكان محترم بس بيقولو دراستها صعبه هل حضرتك تعرف حاجه عن طبيعه الدراسه والمواد؟

الي اعرفو انها بتعتمد عالحفظ بنسبة كبيرة واكيد صعبة جدا بسمااعتقدش ان فيه كلية سهله

وعلي فكرة مهما كانت صعبة مش هتبقي زي الثانوية وعالاقل هتبقي صعبة بس مقتصر علي

تخصص واحد بتدرسيه فحتي مابتحبيهوش هتحبيه من المزاكرة والمتابع وكدا . ومدام ضامنة شغل

انا لو منك اافوتش فرصة زي دي ربنا يكرمني ويكرمك

Muhammad Mahmoud

04-08-2013, 12:40 PM

مفيش حاجه اسمها صاعبة في حاجه اسمها ذاكرت او مش ذاكرت

Mr Mostafa Goda

04-08-2013, 12:47 PM

السلام عليكم :
اولا : كليات سياسة واقتصاد " واعلام "والسن . كليات قمة مفيش كلام .. بس كليات مش سهلة وعلشان تشتغلىبيها غالبا هتعوزى واسطة او معرفة مع التقدير العالى ده اختيارك انتى ع حسب ارادتك وتصميمك المهم انك تدخلى الكلية اللى حاسه نفسك هتبدعى فيها

ودى فكرة عن الكليات:

سياسة واقتصاد :
هي3 اقسام
قسم سياسة
قسم اقتصاد
قسم احصاء

وقسم الاقتصاد فيها شغل كويس بتشتغلى فى حاجات كتير وخصوصا لو كان اقتصاد انجلش

اما قسم العلوم السياسية فمالكيش شغل الا فى وزارة الخارجية وده طبعا شىء مستحيل الا اللى ليه حد هناك يشغله او واسطة

بس برضو كلية السياسة والاقتصاد مجالاتها محدودة فى سوق العمل ودى الحقيقة واكيد طبعا فى ناس منهم اتخرجوا واتوظفوا بس قليل

والتخصص من سنة تانية ولازم تاخدى تخصص اضافي فى تالتة بحيث كل تيرم تاخد مادة من التخصص الاضافي ده
والتخصصات الاضافية " إدارة - سياسة - اقتصاد - كمبيوتر - احصاء "

خريج سياسة واقتصاد بيشتغل فى البنوك وهيئة الاستثمار او فى هيئة قناة السويسوطبعا ممكن تقدمي فى الخارجية .... مش عارف هي ميزة ولا عيب بس خريج سياسةواقتصاد بيشتغل فى اي حاجة واي مكان لو عنده مهارات كويسة لغة وكمبيوترومهارات شخصية

بس ياريت يكون ليك اهتمامات في السياسة والاقتصاد .

ممكن تدخلى قسم عربى او انجليزى

والقسم الانجليزي لازم يبقي مجموع الانجليزي فى الثانوية العامة لا يقل عن 45 من 50 تقريبا وطبعا بمصاريف خاصة اعتقد انها مش قليلة
وفى قسم فرنسي ومصاريفه اعلى اوي ولازم تكون فى الفرنساوي كويسة اوي او خريج مدرسة فرنساوي
الاقسام كلها زي بعض لكن ميزة الانجليزي تقوية اللغة وفي مواد كتيرة مشتركة وكلكم الطلبة بتحضروا مع بعض.

كلية الاعلام كلية قمة
شغلهاصعب شوية بتشتغل مذيع او صحفي او مسئول علاقات عامة والصراحة التلاتوظايف عايزين واسطة الا الصحفى ممكن تشتغل صحفى من غير واسطة عادى بس طبعاالرزق على الله وفى ناس بتشتغل من غير واسطة عادى وبعدين فى كمان كلية ادابقسم اعلام

كلية الالسن الصراحةمن وجهة نظرى كلية جامدة جدا فى اللغات وبتتخرج منها فاهم لغة جامد اوى وطبعابالاضافة لشهادة icdl وشهادات الكمبيوتر التانية هتبقى جامد اوى وليكشغل فى الترجمة والسياحة والاذاعة بس الاذاعة دى صعبة شوية وممكن مدرسة

امابالنسبة لاقسام الالسن اللى ليها شغل الكورى والصينى واليابانى التلاتلغات دول يعتبروا حاجة كده خرافة يعنى اللى بيتخرج منهم بيطلبوه علطولوخصوصا ان مفيش خريجين منهم كتير فى مصر يتعدوا على الصوابع يعنى فبياخدوهمبس للاسف الاقسام دى بياخدوا من مجموع فى الانجليزى فى الثانوية العامةعالى جدا من 48 او 49 فى الانجليزى

وكمان اى لغة نادرة بتبقى جامدة لكن قسم الانجليزى الصراحة مش حلو لان مصر كلهابتفهم انجليزى ومشهور جامد اوى عشان كده يفضل خريجى لغات نادرة وطبعاالاقسام التانية زى الفرنساوى والاسبانى والايطالى والالمانى حلوة بس برضوفى منهم خريجين كتير برضو بس هما اقسام مطلوبة كتير فى سوق العمل خصوصاالفرنساوى والالمانى

بس خلى بالك كلية الالسن كل دراستها على اللغات فقط عشان كده لازم تاخدى خبرات تانية وشوية كورسات كده اما بقى لو الوظيفة ترجمة وبس فتبقى تمااام
وفى ناس اتخرجت من السن ومن الكليات دى ومش لاقية شغل ع فكرة الشغل ده نصيب وع حسب مجهودك وكفاءتك وتقديرك وبحثك ونشاطك .
بس خلى بالك أكد تانى . ان مش كل اللى بيتخرج من الكليات دى بيشتغل .. عايزةواسطة وعايزة مجهود كبير فى الدراسة .. والشغل نصيب اولا واخيرا ..وكمان انا لا افضك شىء ..انتى فكرى واسألى تانى وقررى ..وصلى استخارة ..

وربنا يوفقك ياسارة ان شاء الله

وبالتوفيق للجميع ان شاء الله