|
مشاهدة النسخة كاملة : يا شباب أرجوكم عايز ردكم بسرعة فاضل أقل من ساعة على التنسيق :( mina_2012 04-08-2013, 08:17 AM دلوقتي أنا جايب 381.5 = 93.05 % ... وكتبت حاسبات ومعلومات الأول ... وبعدين معهد هندسة العاشر من رمضان ... وفيه إحتمال كبير إني ماطلش حاسبات ... أقدر أعرف منكم إيه سلبيات العاشر ؟؟؟ علشان ناس كتير خوفتني منه :( ... بس تكونوا متأكدين من الكلام اللي هاتقولوه وبسرعة لو سمحتوا ... Dr Elgohary 04-08-2013, 08:24 AM مين قالك اصلا انك مش هتطول حاسبات انت المفروض تكون كتبت كل كليات الحاسبات وباذن الله هتجيلك واحدة فيهم اللى اعرفه عن معهد العاشر من رمضان ان خريجوه لا يتساووا مع خريجو هندسة NeVeR CoMe BacK 04-08-2013, 08:25 AM هتلحق حآآآآآآآآآآآآآآآآآسبآت آن شآء آلله متخفش :) samehpc2 04-08-2013, 08:28 AM انا جايب 382 بس خايف ما الحقش حاسبات ... طيب هيه الجمهورية بتقول 382.5 ليه؟ mina_2012 04-08-2013, 08:31 AM يا ريت يا شباب بجد ... هايبقى أحسن ليا لأني بأحب مجال الحاسبات جداً وكمان أوفر كتير وأقرب ليا لأني من الفيوم ... بس توقعات اليوم السابع اللي بتقول حاسبات 382.5 عصبتني خالص :( ... على فكرة أنا كتبت كل كليات الحاسبات ال12 ... الحمد لله إنكم طمنتوني :) ... بس برده إحتياطي عايز أعرف العاشر صعب في إيه ؟؟؟ Dr Elgohary 04-08-2013, 08:32 AM دى توقعااااااات وبعدين ازاى 382 ومتطولش حاسبات تيجى ازااااااااااااااااااااااااااى ؟؟؟؟ mina_2012 04-08-2013, 08:35 AM انا جايب 382 بس خايف ما الحقش حاسبات ... طيب هيه الجمهورية بتقول 382.5 ليه؟ مش عارف وكمان اليوم السابع بتقول كده ... بس بصراحة العقل بيقول إن إستحالة حاسبات تعلى درجة كاملة عن تنسيق السنة اللي فاتت ... يعني طب وصيدلة وبيطري وأسنان وعلاج طبيعي ينزلوا 4.5 درجة وهندسة تنزل درجة وحاسبات تعلى ؟؟؟ دي مجرد توقعات ... وبعدين مش الجمهورية دي اللي قالت إن هندسة من 90 % واليوم السابع قال إنها من 92 % ... كله كلام على الفاضي ... ده أصلاً موقع التنسيق لسه ماقفلش ودول بيقوا توقعات ... بيلعبوا بأعصاب الطلبة بجد :( .... mina_2012 04-08-2013, 08:37 AM مين قالك اصلا انك مش هتطول حاسبات انت المفروض تكون كتبت كل كليات الحاسبات وباذن الله هتجيلك واحدة فيهم اللى اعرفه عن معهد العاشر من رمضان ان خريجوه لا يتساووا مع خريجو هندسة يعني إيه خريجيين العاشر مش بيتساوا مع خريجيين هندسة ؟؟؟ hobahoby 04-08-2013, 08:39 AM هندسة العاشر دى تحفة و متصدقش اى حد يقول عليها وحشة ^_^ ان شاء الله حاسبات متخافش بجد :) Dr Elgohary 04-08-2013, 08:39 AM انا لسه متخرج منها أخيرا الاسبوع اللي فات نصيحه ابعد عنها لان نظام الدراسه فيها معقد ولا يراعي الطلبه نهائي بالعكس بيدوروا ازاي يقرفو الطلبه عشان يشيلو مواد وبالتالي الدخل يكتر وهديك شويه امثله لكده : 1- بتدرس كم كبير من المواد ملهاش اي علاقه بالهندسه زي سلوك حضاري وفكر تكنولجي وحضاره اسلاميه (ا) وحضاره اسلاميه (ب) ودراسات اسلاميه وتاريخ وادب عربي وسلوك تنظيمي واقتصاد (1) و اقتصاد (2) واقتصاديات اداره ومواد تانيه مش فاكر اسمائها حاليا المهم ان كل المواد دي فيها نجاح وسقوط وتقديرها بيتضاف للتقدير العام بتاعك وكتير بيسقطو فيهم !!!! 2- بتدرس 8 كورسات تربيه رياضيه عملي ونظري وبتمتحن فيهم عملي ونظري برضو الامتحان العملي بيكون 6 تمارين ضغط وبطن ووثب وامتحان تاني متخلف معرفش اسمه( بتقعد على الارض وتضرب كوره في الحيطه ترجعلك تضربها تاني في الحيطه!!!)وامتحان خامس برضو متخلف (بتمسك كوره وتقعد تدخلها بين رجليك) وامتحان سادس جري والمطلوب منك في ال6 تمارين دول تحقق اكبر عدد ممكن في كل واحد في خلال 30 ثانيه لكل واحد !!!! تيجي بقى للجزء النظري كل كورس ليه كتاب من 60 ل 70 ورقه مطلوب منك انك تحفظه كله عشان هتمتحن فيه نظري في الفاينل غير كده هتخلص الامتحان ده اكيد هتدخل بعده او قبله على امتحان لماده مهمه عندك في القسم ده لو مكانتش مادتين وده طبيعي في الكليه دي انك تمتحن ماده او اتين او تلاته فاينل في يوم واحد !!!! 3- الدراسه 3 تيرمات ومفيش اجازات هيضحكو عليك ويقولولك انك بتاخد اسبوعين بين التيرم الاول والتاني وبين التاني والتالت لكن الفعلي يومين او تلاته والباقي بتقضيه في التسجيل (ده فيلم تاني هتكلم عنه بعدين) والاجازه الاخيره المفروض انها شهر لكن بتكون 3 اسابع او اسبوعين على حسب ما انت خلصت مناقشه تدريبك. 4- التسجيل: المفروض ان انت بعد كل تيرم بيخلص بتروح تدفع الفلوس (ونصيحه لو هتدخلها تدفع الفلوس دي بدري ابل معاد التسجيل والا هيطلع عينك وتقف في طابور 3 ساعات على ما يجي دورك ويمكن يضيع عليك التسجيل) المهم انت بعد لما بتدفع الفلوس بتروح للشباك بتاع شؤن الطلبه تديهم الوصل وتستلم بطلقه التسجيل دي بتكتب فيها المواد اللي انت عايز تسجلها وتروح بقى زي الشاطر تحارب على شباك التسجيل تقف ساعه اتنين تلاته انت وشاطرتك بس يسلام بقى بعد ده كله وتلاقي نص او تلت تربع المواد متسجلتش عشان المواد دي قفلت وساعتها مطلوب منك انك تغير جدولك تاني وتشيل المواد اللي قفلت وتحط مواد غيرها وتقعد كده تظبط فيها كذا يوم ويمكن تنتحر ابلها لانها مش راضيه تتظبط وكل لما تحط ماده تلاقيها قفله !!!! 5- نظام الدراسه : الاول التيرم بيكون 14 اسبوع بتمتحن في كل ماده انت مسجلها 3 امتحانات بعد اول اربع اسابيع بتمتحن الفرست ميد تيرم وبعد اربع اسابيع كمان بتمتحن السكند ميد تيرم وبعد كده الفاينل في دكاتره تانيه لذيذه شايفه ان عدد الامتحانات دي قليل فا بتديك كمان كويزات في النص !!!! مجموع الدرجات بتاعتك بيكون كا التالي 60 درجه اعمال سنه (2 ميد تيرم ب 40 درجه والحضور والغياب والريبورتات والكويزات عليهم ال 20 درجه الباقين) و 40 درجه للفاينل مطلوب منك عشان تنجح تجيب 50 درجه بشرط ان درجه الفاينل متقلش عن 12 درجه لو جبت 60 من 60 اعمال سنه و 10 فاينل هتسقط !!!! 6- الامتحانات : عادي جدا انك تمتحن مادين او 3 في نفس اليوم سواء كان فاينل او ميد تيرم وممكن يكون وحده من المواد دي تربيه رياضيه (تخيل انك اعد طول الليل تذاكر واول لما تدخل الصبح تروح تمتحن تربيه رياضيه عملي وبعدها تبدأ تمتحن المواد التانيه !!!!) 7- كل تيرم تلاقي قوانين جديده وانظمه جديده بيتم تطبيقها يعني عادي انك تلاقي مواد اتضافت جديد عليك او مواد اتلغت كل شئ في المعهد ده لازم تكون متوقعه غير كده المصاريف مش ثابته كل تيرم بتلاقي في بنود جديده في المصاريف هما ضايفنها مره يحطلك صيانه 100 مره تانيه صيانه 250 مره تالته دعم معاهد خاصه 300 جنيه !!!!!!!!!!!!!!!!!!!!!!!!!!!!!!!!!!!!!!!!) عامتا لو انت شايف تفسك تقدر تستحمل كل ده يبقى توكل على الله وادخلها وربنا يعينك لكن لو لا يبقى الحق نفسك من دلوقتي ابل لما تندم وقت لا ينفع الندم !!!!! هندسة العاشر واحدة من أفضل الهندسات فى مصر وتمتاز بالتركيز على الجانب العملى بصورة مكثفة هى كل اللى فيها إنك حتلاقى نظامها معقد شوية فى الأول بس وبعد كده حتتعود عليه بس لو إشتغلت جد من الأول حترتاح فيها جدا بصراحة هي من افضل الهندسات الخاصة، ان لم تكن افضلهم و تمتاز بانها لا تتهاون مع الطلاب ممتازه لان كل طلابها اثبتوا نفسهم انا واحد منهم وكمان انا في منصب كويس جدا بشركه ممتازه كل الي يقال علينا مش اكتر من مجرد غيره لاننا بقينا احسن منهم في السوق العملي اسمنا سمع كتير اوي Dr Elgohary 04-08-2013, 08:40 AM اللى انا كاتبهولك ده مشاركات ناس اعرفهم بس من موقع تانى ودى ارائهم Dr Elgohary 04-08-2013, 08:42 AM اخى الكريم هندسه العاشر من افضل الهندسه الخاصه الموجوده ان لما تكن الافضل انا خريج المعهد ومعيد فيه ومع احترامى للاخ خريج المعهد اللى بينتقد نظامه وان الدكاتره بتسقط الطلبه علشان الفلوس فبحب اقلك ان زى ما فى ناس بتسقط فى ناس بتنجح وبتخلص فى 5 سنين وبتقدير كمان ومفيش مكان الناس كلها بتنجح فيه بنسبه 100 % والا يبقى المكان دا مشكوك فيه اما بالنسبه للمواد اللى بتدرسها وملهاش علاقه بالهندسه دا لان اللى اسس المعهد كان عايش بره مصر وفى رايه ان المهندس لازم يكون ملم بالحاجت الاخرى مش بس فى مجال الهندسه والمهندس لازم يكون عنده درايه بادراه المشروعات مثلا وادراه المواد وكمان يكون عنده ثقافه عامه فدا مش عيب فى رايى الشخصى انك تدرس المواد دى وبالنسبه لكورسات التربيه الرياضيه فدى كمان مش عيب انك تكون انسان رياضى وتتعرف على العاب كتير وتعرف قوانينها وبالنسبه ان الدراسه 3 تيرمات فبعتقد ان واحد عايز يبقى مهندس وبعد كده هيشتغل فموضوع الاجازات معتقدش تفرق معاه ماهو لما هتشتغل بعد كده مش هتلاقى اللى يديك اجازه 4 شهور زى الجامعات وبعدين التيرم التالت دا هو اللى بيمز المعهد لان الجانب العملى هو اللى بيفتحلك كجال شغل بحيث انك تاخد خبره وانك تعمل علاقات تقدر بعد ما تخلص تروح تشتغل فى الاماكن اللى اتدربت فيها لانهم هيفضلوك عن اى حد تانى متضربش عندهم فدا ميزه برده مش عيب اخى الكريم طبعا انا مش هنكر ان الدراسه عندنا صعبه ومحتاجه واحد مجتهد وبيذاكر بس مش معنى انك تذاكر 24 ساعه لا بس انك تعمل اللى بيطلب منك يبقى هتجيب تقدير وبعدين المعهد له سمعه كويسه فى السوق وممكن تتاكد بنفسك واول ما يعرفوا انك خريج العاشر بيشغلوك على طول وانا دفعتى كلها والحمدلله اشتغلت وفى ناس اشتغلت قبل ما يستلموا الشهاده كمان لانهم اشتغلوا فى اماكن اتدربوا فيها وعملوا علاقات كويسه على اى حال انت صاحب القرار وربنا يوفقك mina_2012 04-08-2013, 08:44 AM هندسة العاشر دى تحفة و متصدقش اى حد يقول عليها وحشة ^_^ ان شاء الله حاسبات متخافش بجد :) ياااااااااااااااارب ... ربنا يطمنك ديماً :) ... ميرسي خالص ... بس الكلام ده إنتي متأكده منه ؟؟؟ يعني تعرفي حد كان في العاشر ؟ Dr Elgohary 04-08-2013, 08:46 AM ياعم بس اقرى الكلام اللى انا كاتبه ودى الخلاصة من ناس اتخرجت منها وانت هتفهم الليلة samehpc2 04-08-2013, 08:48 AM فيه بتاع 5 جرايد بيقولوا نفس الكلام بتاع 382.5 مش عارف عرفوا منين ؟ ... mina_2012 04-08-2013, 08:48 AM يعني أنا أصدق مين دلوقتي يا casper 17 (http://www.thanwya.com/vb/member.php?u=568500) ؟؟؟ الرأيين اللي حضرتك حطيتهم متناقضين تماماً ... ياريت تقولي رأيك الشخصي واللي عن تجربة وبس :) ... mina_2012 04-08-2013, 08:52 AM فيه بتاع 5 جرايد بيقولوا نفس الكلام بتاع 382.5 مش عارف عرفوا منين ؟ ... أقولك أنا ... اليوم السابع سربت نتيجة تنسيق المرحلة الأولى قبل إعلانها بيوم ( ليلة ) ... وبعدين عملت التوقعات دي فكل الجرايد صدقتها ومشت وراها وخلاص :( ... كل الجرايد مقتبسة الخبر ده من اليوم السابع وكايرو دار ... ياســــــــمين * 04-08-2013, 09:00 AM جريدة الجمهورية كانت بتقول بعد نتيجة الثانوية ان هندسة هتاخد من تسعين وطب من 97 وكلو ف الاخر فشنك ,, وجريدة الوطن كانت منزلة قايمة طويلة عريضة فيها توقعات بتنسيق الكليات للمرحلة الأولى وكانت حاطة فيها ان طب هتاخد من 97 ونص والسن من 95 واعلام من 94 تقريبا وقالو ان صيدلة وعلاج طبيعى وهندسة نازلين مررحلة تانية وبردو محصلش و السن خدت من تسعين واعلام من 95 وطب من 98 :D من الآخر كلها توقعات وكلام جرايد متخدوش بنسبة مية ف المية صح وتبنى عليه .. مش هقلك متصدقش خالص بس ع الاقل حط نسبة خمسين % صح وخمسين % غلط , عشان بردو متتفاجئش ف الاخر بحاجة مكنتش عامل حسابها ومنطقيا انا مش فاهمة هى ازاى حاسبات هتزيد اذا كان السنة اللى فاتت 4 كليات منها خلصوا ف المرحلة الأولى وكان الحد الادنى لها 381.5 والسنة دى كللللللللها نازلة مرحلة تانية يبقا ازاى بقا هيبقا الحد الأدنى 382.5 يعنى زادت درجة , ده مش معقول حتا o.O سيبك من الكلام ده و بإذن الله لاحقها وربنا يوفقنااااااا يااااااااارب لانى أنا كمان على اعصابى والله :/ mina_2012 04-08-2013, 09:07 AM جريدة الجمهورية كانت بتقول بعد نتيجة الثانوية ان هندسة هتاخد من تسعين وطب من 97 وكلو ف الاخر فشنك ,, وجريدة الوطن كانت منزلة قايمة طويلة عريضة فيها توقعات بتنسيق الكليات للمرحلة الأولى وكانت حاطة فيها ان طب هتاخد من 97 ونص والسن من 95 واعلام من 94 تقريبا وقالو ان صيدلة وعلاج طبيعى وهندسة نازلين مررحلة تانية وبردو محصلش و السن خدت من تسعين واعلام من 95 وطب من 98 :d من الآخر كلها توقعات وكلام جرايد متخدوش بنسبة مية ف المية صح وتبنى عليه .. مش هقلك متصدقش خالص بس ع الاقل حط نسبة خمسين % صح وخمسين % غلط , عشان بردو متتفاجئش ف الاخر بحاجة مكنتش عامل حسابها ومنطقيا انا مش فاهمة هى ازاى حاسبات هتزيد اذا كان السنة اللى فاتت 4 كليات منها خلصوا ف المرحلة الأولى وكان الحد الادنى لها 381.5 والسنة دى كللللللللها نازلة مرحلة تانية يبقا ازاى بقا هيبقا الحد الأدنى 382.5 يعنى زادت درجة , ده مش معقول حتا o.o سيبك من الكلام ده و بإذن الله لاحقها وربنا يوفقنااااااا يااااااااارب لانى أنا كمان على اعصابى والله :/ فعلاً معاكي حق يا ياسمين :) ... وربنا معاكي بإذن الله ماتخافيش وتدخلي الكلية اللي إنتي عايزاها ... ربنا يطمنك دايماً زي ما إنتي بتطمني غيرك :) ... CoLD BLooDeD 04-08-2013, 09:14 AM الحق اكتب الشروق قبل العاشر بسسسسسسسسسسسسسسسسسسسسسرعه بص من الاخر الاتنين معتمدين وفالنقابه وبكالوريوس هندسه الشروق زى اى هندسه .. سنه اعدادى و4 تخصص الشروق معقققده اقسم بالله حاجه Over اوى 3 تيرمات ومش هتاخد نفسك من الامتحانات وحاجه صعبه جدا ولا هتشوف اصحابك ولا حاجه ومواد تقيله وكتيره .. علشان تبقى شهاده لوجه الله هى شهادتها بيقولوا احسن شويه من العاشر بس اقسم لك بالله لو خرجت من الشروق بجيد جدا هيكون احسن لك الف مره من انك تخرج من العاشر بجيد مرتفع ولا حاجه بتوع سوق العمل مبيبصوش فتفاصيل الشهاده الدقيقه دى قد ما بيبصوا للتقدير وصدقنى والله التعليم والشغل فمصر ما مستاهل التعقيد دا Dr Elgohary 04-08-2013, 09:18 AM الحق اكتب الشروق قبل العاشر بسسسسسسسسسسسسسسسسسسسسسرعه بص من الاخر الاتنين معتمدين وفالنقابه وبكالوريوس هندسه الشروق زى اى هندسه .. سنه اعدادى و4 تخصص الشروق معقققده اقسم بالله حاجه over اوى 3 تيرمات ومش هتاخد نفسك من الامتحانات وحاجه صعبه جدا ولا هتشوف اصحابك ولا حاجه ومواد تقيله وكتيره .. علشان تبقى شهاده لوجه الله هى شهادتها بيقولوا احسن شويه من العاشر بس اقسم لك بالله لو خرجت من الشروق بجيد جدا هيكون احسن لك الف مره من انك تخرج من العاشر بجيد مرتفع ولا حاجه بتوع سوق العمل مبيبصوش فتفاصيل الشهاده الدقيقه دى قد ما بيبصوا للتقدير وصدقنى والله التعليم والشغل فمصر ما مستاهل التعقيد دا جبت الخلاصة من الاخر hobahoby 04-08-2013, 11:43 AM ياااااااااااااااارب ... ربنا يطمنك ديماً :) ... ميرسي خالص ... بس الكلام ده إنتي متأكده منه ؟؟؟ يعني تعرفي حد كان في العاشر ؟ اصلى بقالى كتير اوى بسأل فى الموضوع دة سألت طوب الارض ^_^ و كتيير اوى اشتغلوا علطول :) :) سمعتها فى السوق حلوة جدااااااا هى و الشروق بس مشكلة العاشر فعلا موضوع ال 3 تيرم دة بصراحة كلية طحن عايزة ناس جامدين :078111rg3: :078111rg3: بس بيجى بفايدة فى الاخر ^_^ ربنا معاك يا رب :blush: بس رأيى لو جاتلك حاسبات يبقى حلو جدا :av4056bb7jp3: Hossam Devo 04-08-2013, 03:09 PM هتلحقها بس ادعى ربنا Code IT 04-08-2013, 03:25 PM casper 17 (http://www.thanwya.com/vb/member.php?u=568500) ماله الكاسيت يعنى ؟ :D :D :D أرجوك Don't "تفتى" :D انتيموا 05-08-2013, 05:48 AM جريدة الجمهورية كانت بتقول بعد نتيجة الثانوية ان هندسة هتاخد من تسعين وطب من 97 وكلو ف الاخر فشنك ,, وجريدة الوطن كانت منزلة قايمة طويلة عريضة فيها توقعات بتنسيق الكليات للمرحلة الأولى وكانت حاطة فيها ان طب هتاخد من 97 ونص والسن من 95 واعلام من 94 تقريبا وقالو ان صيدلة وعلاج طبيعى وهندسة نازلين مررحلة تانية وبردو محصلش و السن خدت من تسعين واعلام من 95 وطب من 98 :d من الآخر كلها توقعات وكلام جرايد متخدوش بنسبة مية ف المية صح وتبنى عليه .. مش هقلك متصدقش خالص بس ع الاقل حط نسبة خمسين % صح وخمسين % غلط , عشان بردو متتفاجئش ف الاخر بحاجة مكنتش عامل حسابها ومنطقيا انا مش فاهمة هى ازاى حاسبات هتزيد اذا كان السنة اللى فاتت 4 كليات منها خلصوا ف المرحلة الأولى وكان الحد الادنى لها 381.5 والسنة دى كللللللللها نازلة مرحلة تانية يبقا ازاى بقا هيبقا الحد الأدنى 382.5 يعنى زادت درجة , ده مش معقول حتا o.o سيبك من الكلام ده و بإذن الله لاحقها وربنا يوفقنااااااا يااااااااارب لانى أنا كمان على اعصابى والله :/ علي فكرة انا معاكي انها اٍستحالة تزيد بالعكس انا اتوقع تقل نص درجة بس فيه حاجة عاوز اقولهالك السنه الي فاتت فيه كليات خلصت فالمرحلة الاولي علشان كان الحد الادني ليها .385 والسنادي 386 فالحد الادني السنه الي فاتت كان اقل من دلوقتي فعشان كدا في كليات خلصت مرحلة اولي بٍس حرام بجد انا جايب 384 وخايف فنون عمارة تقف معايا علي نص درجة زي مهما كاتبين مع ان السنه الي فاتت كانت 383.5 حاجة زفت بجد ياســــــــمين * 05-08-2013, 06:07 AM علي فكرة انا معاكي انها اٍستحالة تزيد بالعكس انا اتوقع تقل نص درجة بس فيه حاجة عاوز اقولهالك السنه الي فاتت فيه كليات خلصت فالمرحلة الاولي علشان كان الحد الادني ليها .385 والسنادي 386 فالحد الادني السنه الي فاتت كان اقل من دلوقتي فعشان كدا في كليات خلصت مرحلة اولي بٍس حرام بجد انا جايب 384 وخايف فنون عمارة تقف معايا علي نص درجة زي مهما كاتبين مع ان السنه الي فاتت كانت 383.5 حاجة زفت بجد انا شوفتك كنت بتسأل كذا مرة على الاختبارات واديهم فتحوها , أنا بقا مجموعى يجيب فنون جميلة - فنون - وكنت هموت ويفتحوا الاختبارات تانى ويوم ما فتحوها شلت الموضوع من دماغى خالص وشفت كلية غيرها :d هما مين اللى كاتبين ؟ توقعات بردو وكلام جرايد ؟ سيبكوا من الكلام ده كلها يومين والنتيجة تطلع ونرتاح وانا اصلا معدتش بقرأ اى توقعات لان تعبوا عصابنا ومن غير فايدة :angry2: بس الحمد لله انهم فتحوا الاختبارات تانى وبردو قدم وربنا يوفقك وان شاء الله خييييييير :) mina_2012 05-08-2013, 07:00 AM طيب ياشباب محدش برده رد عليا في موضوع العاشر !!! أنا كتبته خلاص في التنسيق ... بس عايز أعرف برده إيه سلبياته ؛؛؛ علشان ناس كتير خوفتني منه وقالولي مافيهوش أجازة غير أسبوعين :( ... ودراسته صعبة أوي أصعب من الثانوية العامة :( ... ولازم تذاكر كل يوم :( ... وكمان مكانه في الصحرا :( ... وبيطلب مصاريف تانية غير الأساسية ، مصاريف أدوات وكتب وكده :( ... صح الكلام ده ولا هما بيبالغوا شوية ؟؟؟ ehabelsapa 05-08-2013, 08:13 AM هتلحق حاسبات بإذن الله انتيموا 05-08-2013, 11:50 AM انا شوفتك كنت بتسأل كذا مرة على الاختبارات واديهم فتحوها , أنا بقا مجموعى يجيب فنون جميلة - فنون - وكنت هموت ويفتحوا الاختبارات تانى ويوم ما فتحوها شلت الموضوع من دماغى خالص وشفت كلية غيرها :d هما مين اللى كاتبين ؟ توقعات بردو وكلام جرايد ؟ سيبكوا من الكلام ده كلها يومين والنتيجة تطلع ونرتاح وانا اصلا معدتش بقرأ اى توقعات لان تعبوا عصابنا ومن غير فايدة :angry2: بس الحمد لله انهم فتحوا الاختبارات تانى وبردو قدم وربنا يوفقك وان شاء الله خييييييير :) اه مهو ربنا بيقطع من هنا ويوصل من هنا كنت خايف من الاختبارات ولما فتحت قلقت من المجموع بسبب التوقعات الزبالة دي مع اني كنت عامل حسابي انها هتقل كمان عن الٍسنه الي فاتت لان حلوان قلت نص درجة فازاي الحد الادني هيزيد درجة كاملة بس ياخوفي ليكون كلامهم صح . لو مش عاوزاها خشي حاٍسبات انا لو لقدر الله ملحقتش هخش حاسبات وش لاني صرف نظر عن الخاص لسبب بسيط .. اكتشفت ان بتوع الصنايع بيخشوها من75 فالمية :d وخلي بالك 75 فالمية بتاعتهم غير 75 فالمية بتاعتنا ممكن تكون بتعادل 60 بتاعتنا . انا صاحبي مفتحش فيها كتاب وجايب 83 وواحد تاني شايل ملحقين وحسب المجموع بعد مينجح فيهم طلع مغدي ال75 فالمية والاتنين ناويين علي خاص مع بعضنا فحرام انا اتساوى بيهم . علي فكرة مش بسخر منهم لان دا كلامهم هما اصلا الي قالو اني حرام اتساوى بي بتاع صنايع . قصدك ايه الي توقعات جرايد ؟ .. عموما شكرا ليكي ياٍٍثكر انتيموا 05-08-2013, 11:53 AM طيب ياشباب محدش برده رد عليا في موضوع العاشر !!! أنا كتبته خلاص في التنسيق ... بس عايز أعرف برده إيه سلبياته ؛؛؛ علشان ناس كتير خوفتني منه وقالولي مافيهوش أجازة غير أسبوعين :( ... ودراسته صعبة أوي أصعب من الثانوية العامة :( ... ولازم تذاكر كل يوم :( ... وكمان مكانه في الصحرا :( ... وبيطلب مصاريف تانية غير الأساسية ، مصاريف أدوات وكتب وكده :( ... صح الكلام ده ولا هما بيبالغوا شوية ؟؟؟ بقولك ايه نصيحة خليك فالشروق عشان الشروق الوحيدة هي الي مش بتقبل طلبة الصنايع وبتقبل ثانوى بس هي وطيران امبابة انا لو دخلت هعمل كدا بصرحة . وبرضو اسال اهل الخبرة متسكتش:022yb4: ياســــــــمين * 05-08-2013, 02:13 PM اه مهو ربنا بيقطع من هنا ويوصل من هنا كنت خايف من الاختبارات ولما فتحت قلقت من المجموع بسبب التوقعات الزبالة دي مع اني كنت عامل حسابي انها هتقل كمان عن الٍسنه الي فاتت لان حلوان قلت نص درجة فازاي الحد الادني هيزيد درجة كاملة بس ياخوفي ليكون كلامهم صح . لو مش عاوزاها خشي حاٍسبات انا لو لقدر الله ملحقتش هخش حاسبات وش لاني صرف نظر عن الخاص لسبب بسيط .. اكتشفت ان بتوع الصنايع بيخشوها من75 فالمية :d وخلي بالك 75 فالمية بتاعتهم غير 75 فالمية بتاعتنا ممكن تكون بتعادل 60 بتاعتنا . انا صاحبي مفتحش فيها كتاب وجايب 83 وواحد تاني شايل ملحقين وحسب المجموع بعد مينجح فيهم طلع مغدي ال75 فالمية والاتنين ناويين علي خاص مع بعضنا فحرام انا اتساوى بيهم . علي فكرة مش بسخر منهم لان دا كلامهم هما اصلا الي قالو اني حرام اتساوى بي بتاع صنايع . قصدك ايه الي توقعات جرايد ؟ .. عموما شكرا ليكي ياٍٍثكر قصدى توقعات جرايد على الكلام بتاع اليومالسابع وكايرو دار لانك بتقول ف التعليق اللى قبلو التوقعات بتاعتهم وعلى اساسها قررت انك داخل حاسبات , عامة الكليتين ممتازين جدا وانت باذن الله لاحق حاسبات وش ;) ولو جت عمارة يبقا خير وبركة بردو ,, بالنسبة لموضوع الصنايع ده اه فعلا صحيح لأنى قرأته مبارح هنا ف المنتدى واحد كان كاتبه + انى اتأكدت كمان من برا حاسبات احسن من الخاص ف رأيي والنتيجة طالعة بكرا ان شاء الله والكل هيرتاح من تعب الاعصاب ده العفوووووووووو على ايه وربنا يوفقك وتدخل الكلية اللى عاوزها ان شاء الله :) eng.mooon 05-08-2013, 04:26 PM انت ترتيبك الكام ع الجمهوريه ؟؟ mina_2012 05-08-2013, 11:58 PM انت ترتيبك الكام ع الجمهوريه ؟؟ مش عارف تقريباً 22000 وجايب 381.5 = 93.05 % ... samehpc2 06-08-2013, 12:19 AM ازاى انت 22000 ... انا جايب 382 وترتيبى 54000 mina_2012 06-08-2013, 01:39 AM ازاى انت 22000 ... انا جايب 382 وترتيبى 54000 أنا بأتكلم على شعبة علمي رياضة بس :) samehpc2 06-08-2013, 02:08 AM انت بتعرف ترتيبك على الشعبة ازاى عشان انا عايز اعرف ؟ mina_2012 06-08-2013, 02:39 AM انت بتعرف ترتيبك على الشعبة ازاى عشان انا عايز اعرف ؟ من موقع الأستاذ http://elostaz.com/main.php?serv=rank2013 |