يا جماعة أنا لغاية دلقوت لسا حيران أدخل علمى علوم ولا علمى رياضة؟
أنا كتبت فى الرغبات علوم بس أنا بحب الرياضة بس أنا مستواى فيها مش قوى مثلً السنة الى فاتت موضوع القضبان دا مككنتش فاهموا خالص بس الجبر وحساب المثلثات كنت كويس فيها جداً والميكانيكا متوسط

فياريت حد ينصحنى ويقولى رياضة 2 السنة دى عاملة ايه يعنى زى القضبان كدل ولا أصعب ولو ذاكرت كتييير همشى فيها ولا هعمل ايه؟

السلام عليكم ورحمه الله وبركاته
بص مش تحتار خالص عندك حلين
الاول انك تعمل صلاه استخاره وربنا يقدملك اللى فيه الخير وهيحسسك بارتياح نحيه شعبه منهم
التانى انك تفكر كويس دلوقتى بص لعلوم موادها سهله الكل بيقول كده بس الاحياء محتاجه حفظ حفظ يعنى شوف انت هتقدر تحفظ وتفهمها ولا لا
الرياضه مش لوحدك اللى ضعيف فيها كلنا كده بس انا قبل ما ادخلها سألت المستر اذا كنت هحتاج حاجه من اللى فات قال لا احنا هنبدأ من اول السطر ولحد الان منهج الرياضه سهل جدا حتى المسائل الصعبه بقت تتحل بسهوله علشان انت فهمت بنسبه لمسائل القطبان دى كانت مشكله بنسبه لكتير بس بالتمارين على حلها هتقدر تواصل
ونصيحه الرياضه مش حل مسائل كتير لا خالص على فكره الرياضه انك تحل مسائل افكارها مختلفه علشان توسع مداركك وربنا المستعان وربنا يكرمك بس انا من رائ الشخصى ان علمى رياضه احسن بكتير وانت ليك مطلق الحريه فى الاخيار مع العلم اختيار لدا اودا انت هنا معاك افضل نخبه من المدرسين واخواتك الطلبه والطالبات يعنى لو احتجت اى حاجه كلنا تحت امرك

انا كتبت علمى رياضة وبالفعل انا بدات حاليا دروس و شايف ان المنهج لذيذ


مشكلة علمى علوم ان الأحياء كلها حفظ و كمان الجيولوجيا بقت فى المجموع بالنسبة لعلمى علوم و هى كمان كلها حفظ وانا مبحبش الحفظ وبحب الرياضة أكتر


فشوف نفسك لو هتعرف تمشى فى سكة الحفظ يبقى زى مانت لو فعلا ميولك رياضية وهتعرف تمشى فيها يبقى شوف علمى رياضة
وفى الاول و الاخر شوف انت نفسك تبقى ايه يعنى دكتور يبقى علمى علوم
هندسة يبقى علمى رياضة وبالتوفيق باذن الله

انضحك لو مكونتش بتحب الرياضيات فأوع تخش علمى رياضيات ومنهج رياضيات 2 كبير ومليان وكمان انا سمعت ان نزل عليكم السنادي الميكانيكا اللى كانت في المستوى فالمنهج هيكبر وهيحلو لان منهج المستوى دا لذيذ جدااا جداا وما في امتع من دا منهج درسته .... و برضه منهج التكامل اللى فى المستوى ممتع جدا جداا فمش عارف بقى دا هينزلوه برضه ولا لأ
" وعشان اطمتك فانا بحب الرياضيات عشان كدا دخلت علمى رياضيات واخدت مستوى رياضيات وجبت فيه 10 من 10 " الحمد لله
فمادام انت بتحب مادة اووى فهتلاقي المنهج سهل جدا معاك ولا فيه اي حاجة
فالرياضيات سهلة على فكرة بس للى بيحب الرياضيات
ومسائل القضيب دي ما فى اهيف من دي مسائل انا مش عارف الناس بتشتكى منها ليه
وبرضه مش عارف برضه تلاقي الناس بيشتكوا من قاعدة ارشميدس دي اللى فى الفيزيا ليه برضه مش عارف مع انها هايفة ومفيهاش حاجة برضه

وبالنسبة للأحياء فانا معرفش الاحياء فيها ايه "اذا كانت حفظ ولا فهم" لاننى مدرستهاش ولا عمري اخدتها حتى لما كونت فى اولة ثانوي مكونتش بروح مدرسة ولا درس للاحياء دي ولا كونت بفتح الكتاب ومش عارف انا نجحت فيها ازاى اصلا فى اولة ثانوي دي :d ... انا نجحت فيها ببركة الله والله :d:d:d

وكمان عندك فيزيا كلها رياضيات وفهم والفيزيا موجودة فى علمى رياضيات وعلمى علوم :bosyht9:

فانت شوف نفسك لو ميولك تطلع مهندس او بتموت في حاجة اسمها رياضيات ومش بتحب الاحياء فادخل رياضيات
اما لو نفسك تطلع دكتور فادخل احياء واتكل على الله :)

بس اهم حاجة انك تذاكر لانك لما تذاكر حلو هتحس ان المنهج دا هايف واقسم بالله
واتكل على الله واختار الاختيار الصح عشان متندمش فى النهاية زي ناس كتير

اذا بتكره الرياضيات يبقى أدبي

اذا بتكره الرياضيات يبقى أدبي


عندك حق ... انت كدا جبت من الاخر

مش شرط على فكرة
انا كنت محتار برضو وكتبت رياضة وبدات درس بدرى جدا فى شهر 7
واخدت باب من كل فرع
ومستوايا حلو جدا وبحب المادة ومع ذلك مكملتش وحولت علوم
رغم انى مبعرفش احفظ
بس المشكلة انى لما صليت استخارة جاتلى حالة زهق ومكنتش بقدر احل مسألة
اه والله بجد
وزعلت انى حولت بس النصيب بقى
وبرضو انا مكنتش عاوز هندسة اصلا لان هندسة اللى بيدرسوها فى الجامعات معقدين اصلا وبيسقطوا الناس
انا كنت عاوز بترول بس لما لقيت الرياضة وصلت 100 و 120قولت لا حلمى هيبوظ
ومع ذلك انا داخل علوم معرفش انا نفسى فى ايه
بس مش عارف برضو
الحكاية محيررررررررررة
وموضوع تغيير القرار كل يوم خوفنى
فصلى استخارة وسيبك من حكاية بحب ومبحبش

مش شرط على فكرة
انا كنت محتار برضو وكتبت رياضة وبدات درس بدرى جدا فى شهر 7
واخدت باب من كل فرع
ومستوايا حلو جدا وبحب المادة ومع ذلك مكملتش وحولت علوم
رغم انى مبعرفش احفظ
بس المشكلة انى لما صليت استخارة جاتلى حالة زهق ومكنتش بقدر احل مسألة
اه والله بجد
وزعلت انى حولت بس النصيب بقى
وبرضو انا مكنتش عاوز هندسة اصلا لان هندسة اللى بيدرسوها فى الجامعات معقدين اصلا وبيسقطوا الناس
انا كنت عاوز بترول بس لما لقيت الرياضة وصلت 100 و 120قولت لا حلمى هيبوظ
ومع ذلك انا داخل علوم معرفش انا نفسى فى ايه
بس مش عارف برضو
الحكاية محيررررررررررة
وموضوع تغيير القرار كل يوم خوفنى
فصلى استخارة وسيبك من حكاية بحب ومبحبش



يا عم مال ان المجموع بتاع المادة يزيد ل 100 ولا يزيد ل 120
فيها ايه المشكلة ... ولا هيأثروا ولا هيعملوا حاجة ... عادي يعني ... ان شالله يخلوا مجموع المادة من ألف .. ايه المشكلة في كدا انا مش عارف

انت المفروض داخل الامتحان جاهز لاي مسألة تجيلك حتى مهما كانت المسألة :cool:

حليت الامتحان كله صح مبروك عليك الدرجة النهائية

على فكرة انت ممكن تجيب النهاية فى الفيزيا والرياضيات وتلاقي العربي او الانجليزي واقع فيهم يعني هية مش قصة يعني

بتحب الرياضيات جدا وانت بتقول روحت فى شهر سبعة اخدت دروس وكنت بعرف احل وكمان انت عايز تخش بترول دوس واتكل على الله وذاكر بجدية جداااااااااا عشان تجيب مجموع عالى وتخشها بإذن الله

ههههههههههههههه

انا بكره الاحياء ودخلت رياضه انا طول حياتي بجيب الدرجات النهائيه في الرياضه ربنا يستر علي السنادي بس هو باين كده منهج الرياضه فل يعني سيبها لله وشوف انت بتحب ايه يعني لما بتيجي تحل رياضه بتعرف ولا لا وعندك استعداد تحفظ احياء وترسم رسوماتها الصعبه ولا لا وعندك استعداد تحفظ جيولوجيا ولا لا وكده وربنا يسهلنا كلنا ان شاء الله