لو سمحتم انا جايبة 392 و نص يعنى 95,7
و محتارة اعمل ايه
فا انهى افضل
بيطرى ولا تجارة انجلش
بس بالنسبالى عشان الشغل و كدة

والله بص حسب المكان اللى انتة ساكن فية يعنى مثلا لو انتة ساكن فى الارياف فى قريب من القري وكدة فيبقى بيطرى احسن وهتفتح صيدلية بيطرية وهتبقى تمام اوى ولو انتة ساكن فى مكان اكترة بنوك او كدة او ممكن تجيب واسطة فتجارة انجليزى لو انتة حاسس انك هتقدر تجيب فيما لا يقل عن جيد جدا فى تجارة انجليزى ادخلها لان اللى بيجيب فيها بيبقى لية فرصة كبيرة ( ارجوا تكون فهمتنى )

بص الاول شوف ميولك ايه عاوز تدرس طب و جراحة و تكون دكتور و كدة وعندك استعداد تذاكر يبقى اوك
عاوز بقى تدخل تجارة و تريح دماغك انت حر بس اللى اعرفة ان بتوع تجارة انجلش شغلهم بيكون بوسايط
كل الموضوع ميول وبس شوف انت عاوز ايه م الاخر وادخلة

بصي شغل الطب البيطري بالنسبة للبنات مش متوفر اوي
الاغلبية بياخدوا الشهادة و يقعدوا بيها في البيت
اما تجارة انجلش او تجارة عموما شغلها متوفر اكتر
فشوفي ميولك ايه

بصي شغل الطب البيطري بالنسبة للبنات مش متوفر اوي
الاغلبية بياخدوا الشهادة و يقعدوا بيها في البيت
اما تجارة انجلش او تجارة عموما شغلها متوفر اكتر
فشوفي ميولك ايه

والله انا ماشوفت بنت واحدة بتشتغل بتجارة دى عربى او انجلش متوفر ايه بس هو اى كلام بيتقال وخلاص

نصيحتي ليكي تجارة انجلش.

فرصتك لو إتخرجتي بتقدير عالي انك تشتغلي في بنك حتي لو بواسطة.

انما لو اتخرجتي في طيب بيطري تفتحي عيادة ودة مستبعد طبعاً ، أو تشتغلي في شركة أدوية بيطرية ودي صعبه برضة.

الأفضل بالنسبة ليكي كبنت انك تدخلي تجارة إنجلش ، علي الأقل لو اشتغلتي ، لما تتجوزي ويكون عندك بيت وأولاد تقدري توفقي بينهم أحسن من طب بيطري.

والقرار ليكي.