اية ابراهيم
07-08-2013, 09:50 AM
اديكوا يا جماعة
انا جاتلى طب بيطرى بنها
انا خايفة منها اوى ومش عارفة ادخلها ازاى
بس كل الى فيها بيقولوا عليها كويسة ومجالات الشغل فيها كتير
انا روحت حجزت علاج طبيعى خاص فى جامعة مصر للعلوم والتكنولوجيا
ولسة نتيجة التنسيق بتاعتهم يوم 16
انتو اية رايكوا اكمل بيطرى ولا اتجة لعلاج طبيعى خاص
هل ممكن لو كملت احول من بنها للقاهرة
مع العلم ان التوزيع الجغرافى ليا الاول بنها
والقاهرة بتاخد اقل من بنها
مش عارفة يارب حد يفيدنى ويساعدنى انى اتخذ قرار
Dr.Mohamed Attia
07-08-2013, 01:45 PM
خايفة ليه حد قالك ان بيطرى بتاكل بنى ادمين
اية ابراهيم
07-08-2013, 05:13 PM
خايفة ليه حد قالك ان بيطرى بتاكل بنى ادمين
لا خايفة من التعامل مع الحيوانات
ياريت تفيدنى مش تتريق كدة
كل واحد داخل بيبقى عايز نصيحة تطمنة وتشجعة دة مجال جديد عليا
ومش واخدة علية
عزوزمحمد
08-08-2013, 01:02 AM
هو التقديم فى جامعة مصر للعلوم والتكنولوجيا مستمر ولا خلص و التقديم بيكون ازاى
اية ابراهيم
08-08-2013, 01:17 AM
هو التقديم فى جامعة مصر للعلوم والتكنولوجيا مستمر ولا خلص و التقديم بيكون ازاى
انا قدمت بعد النتيجة على طول
وسحبت طلب التقديم
mina_2012
08-08-2013, 05:16 AM
أنا في رأيي بيطري ممتازة جداً ... بس للأسف في مصر ناس كتير ماتعرفش أهميتها ...
أنا كنت أفكرها زيك كده كلية للتعامل مع الحيوانات ... بس لما سألت ناس أصحابي دخلوها لقيتها كلية ممتازة بجد ...
تقدري منها تفتحي صيدلية بس يكون 20 % منها أدوية بيطري والباقي أدوية بشري وكل حاجة :) ... كمان تقدري تشتغلي في شركات الأدوية وتقبضي مرتب محترم جداً :) ... وتقدر كمان تفتحي عيادة في منطقة متحضرة وكده بدل الفلوس ماتروح في الخاص :) ...
كمان على فكرة التعامل مع الحيوانات مش في كل السنين ... تقريباً بتكون سنتين أو تلاتة والباقي بيكون معظمه نظري ... وشوية شوية هاتتعودي على الجو وتاخدي عليه ...
لكن أنا مش مقتنع بكلية علاج طبيعي دي أصلاً ... أساساً مالهاش مجال خالص في مصر تقريباً :( ...
على فكرة أنا كنت علمي رياضة يعني ماليش مصلحة في بيطري أو علاج طبيعي :) ... ده رأيي الشخصي ... وبجد هاتندمي لو حولتي من بيطري :( ...
..: Pink rose :..
08-08-2013, 10:20 PM
انت مجموعك عالي و جايب طب بيطري حكومي و في ناس كتير كانوا عايزنها و مجموعهم مجبهاش
من رأيي لو مش حباها حولي لاعلام او السن او تجارة انجلش اكيد احسن من اي كلية خاصة
مفيش داعي للسفر و التعب و المصاريف طول السنة
و القرار قرارك في الاخر ..
اية ابراهيم
09-08-2013, 12:41 PM
ان شاء اللة ربنا يسهل
اروح اشوفها بعد العيد واعرف اقرر ان شاء اللة
ومش عارفة بقى هاقدر احول من بنها لللقاهرة ولا لا
moon sky
10-08-2013, 08:33 AM
لو مجموعك جاب بيطري ادخليه لان من الينه الجايبه تكليف البيطري هيرجع وهيتعينوا لانهم محتاجنهم في الحكومه وحتي اللي في اخر سنه السنادي مضين علي ورق انهم هيتكلفوا ان شاء الله يعني ادخلي واتوكلي علي الله وبرده صلي استخاره
Ehab Hegazy
10-08-2013, 12:02 PM
انا في رأيي و اللي اسمعه ان بيطري للصبيان أحسن من البنات كتير في كل حاجه و في الشغل و علاج طبيعي أحسن أكيد انا عارف واحده كان جالها بيطري راحت عمل اعادة تصحيح جالها نص درجه و دخلت العلاج الطبيعي و خلصت و تمام يعني