فى ادارة بني مزار التعليمية تم عمل مرتب شهر 8 بدون العلاوة ولم تأت تعليمات بعمل فروق 7و8 للعلاوة شكلهم هيلبسوا الدولة كلها طراطييييييييير عشام ميبقاش في طرطور واحد بس يا نهار س ي س ي وسلملى البشبيشى

انت شكلك اخواني ...نرجو من ادارة المنتدى عدم نشر هذه الاشاعات وحذف تاموضوعات التي تشق صف الامة وصف المعلمين

كل واحد هاينشر موضوع يتقال عليه اخواني اتقوا الله هما الاخوان حارقينكم للدرجة دي

فعلا تم عمل مرتب شهر 8 بدون العلاوه فى محافظة الغربية

فى الجيزة تم خصم حوالى 60 جنيه من المعينين الجدد يعنى المرتب نقص عن الشهر اللى فات ومرتب شهر 8 اتعمل من غير علاوات .... واللى هيقول انى اخوان اقوله ايام قليلة وهاتعرف ان انا مش اخوان لكن يمكن تكون انته اللى طرطور

يا جماعه ارجوكم خليكم موضوعيين
اولا فى الجيزه انا ليا زميلى معلم مساعد فى البراجيل و قبض مرتبه كامل و انا فى القاهره قبضت مرتبى كامل اما عن موضوع العلاوه اهو لما نقبض انشاءالله
كل واحد يكتب اذا كان قبضها و لا لا
و بعدين ما احنا طول السنين اللى فاتت و احنا بنقبض العلاوه فى شهر 9 او 10 بأثر رجعى
و حتى ال50 فى الميه اللى قال عليها الدكتور محمد مرسى و الله لحد دلوقتى ما خدناه و لا هنخدها و اللى خد ال50 فى الميه الاولى مش هياخد ال50 فى التانيه و الله يا جماعه اللى جاى احسن ان شاء الله تحياتى للجميع و ارجو ان نتناقش بالعقل و بأسلوب راقى

لم تصل اي تعليمات عن العلاوة وشكلها مفيش علاوة

الاخوان انظف واحسن ناس
يكفى انهم بيجاهدوا منذ اكثر من ستين سنه
واحنا نايمين فى العسل نسيح بحمد حكامنا العرب(الجرب)

الجيزة للمثبتين حديثا فعلا خصموا علاوات الاعوام التعاقد وبدأ حساب تاريخ التثبيت فقط بداية العلاوات وهذ معناه حوالي 60 جنيه خصم وحدث هذا معنا فعلا في جنوب الجيزة..........

وكفي بالإخوان فخراً أن دعايتهم صارت حقا مكتسباً رغما علي أعدائهم

في محافظة كفر الشيخ لم يتم خصم شيئ واخبرني الاداري انه عمل زيادة 10 في المائة لشهر 8. بلاش تسييس الموضوع ده عيب تنفيذ اداري

اللهم انى لا اسالك رد القضاء ولكنى اسالك اللطف فية

بتتكلموا على مرتب شهر 8 احنا فى ادارة المرج لسه مقبضناش مرتب 7 ويمكن يبقى بعد العيد باسبوع وقبضنا نص المكافاة بس الله يكون فى عونا

بس ياخروووووووووووووووووووووووووووووووووووووووووووف

احنا هنفضل لحد امتي نصنف بعضنا اخواني عالماني سلفي نصراني ليبرالي احنا وصلنا الي تقسيم بجد لم كانت اسرائيل هتحاربنا بالسلاح مش هتعمل معانا كده هلفينا احد رشيد وكل عام وانتم بخير وتقبل الله منا ومنكم صالح الاعمال

الحال لا يسر عدو ولا حبيب وكل الناس بتاخذ حقها كامل اما المعلمين لما يطابوا بحقهم نقول في عجز في الموازنه وهذه هي الديموقراطيه

احنا فى سمالوط بمحافظة المنيا قبضنا مرتب شهر 7 والعلاوه كانت 15/وسوف يتم خصم ال5/ من مرتب شهر 8

احنا في ادارة بنها المرتبات اتسرقت بتاعة مدرستين ابتدائي واعدادى مدموجين في مدرسة تعليم اساسي واتسرق مع المرتبات مكافأة الغلابة بتوع الأجر وما قبضناش قبل العيد والسيدة الجديدة اللي بتقبضنا صرفت الشيكات بتاعة مرتبات المدرستين ومكافأة الأجر وخلعت

و حسبي الله ونعم الوكيل

الاخوه الافاضل/
اولا/ ارجوا ان يكون التعامل بيننا والتعليق على المشاركات فى حدود الادب والذوق العام ولاننسى ان لنا الظاهر والله يتولى السرائر0
ثانيا/ارجو ان تلاحظو معى التخبط الادارى فى نفس المحافظه (المنيا) كالاتى//1- المستر رجب -ادارة بنى مزار لم تحسب اى علاوه لشهر7 0
2-الاستاذ/ابومالك-ادارة سمالوط صرف15% فى شهر 7 وسوف يتم خصم 5% شهر8 اى سيتم حساب العلاوة 10%0
3-اماصاحبكم سيد الخطيب-ادارة مطاى وحتى كتابتى هذة المشاركه لم تصل مطاى اى تعليمات بخصوص العلاوة فشهر 7 زى شهر 8 من غير علاوات0
ثالثا/بينما حضراتكم تتعاركو اعلى المجهول اقصد العلاوة الاجتماعيه السنويه اصدر الدكتور/احمد البرعى وزير التضامن القرار 74 لسنة2013 برفع الاجر التامينى بنسبة 15% وذلك كل عام ميلادى اى من 138 جنيه الى 158.7 اى بما يعادل 20.7 جنيه (ملحوظه هامه جدا)بالنسبه لى خاصة وبعد 26سنه خدمه لو العلاوه 10% ستكون علاوتى 62.85 جنيه بخصم 20.7 جنيه قرار74 يكون الباقى 42.15 اى انهم خصموا تلت العلاوة قبل ماتيجى على فكرة كلما تكون حديث التعيين كلما كانت نسبتك من العلاوة الجديدة قليل لان 20.7 ثابته و10%بتاعتك صغيره0
رابعا/على فكره المصدر لكلامى هوالموضوع فى البوابه منتدى المعلمين الجدد 0من فضلك للمراجعه والمتابعه ارجع للموضوع الرئيسى فى منتدى معلمى مصر0

الخوة الافاضل/ على منتدى معلى مصر- قضايا واخبار التعليم المصرى للاستاذ/ عوض على
وهذا لينك الموضوع
http://www.thanwya.com/vb/showthread.php?t=538629
ارجوا منالاخوه المشرفين حذف كل المشاركات التى بها سباب وكل شىء والفاظ مؤذيه وغير مؤدبه سريعا سريعا 0 وكل عام وانتو بخير 0