مشاهدة النسخة كاملة : الموضوع الشامل عن التحويل الالكتروني
hishamthanwya 07-08-2013, 04:06 PM اولا:ملاحظات هامة عند كتابة الرغبات:-
1-حاول ترتب رغاباتك بحيث تكتب كل الى نفسك فية حتى لو مجموع مش هايجبة فلربما ممكن تحول
2- خلى بالك التحويل بعد العيد مباشرة انشالله
1-تحويل كلية مناظرة(يعنى لو جالك هندسة بعيدة عن محافظتك ومحافظتك تاخذ اعلى من مجموع بدرجة او 2 ممكن تحول هندسة
محافظتك فقط وتدخل ضمن نسبة العشرة فى المية التى يقبلها المجلس الاعلى كل عام )ممكن تقبل وممكن متقبلش )حسب فرق الدرجات
2-تحويل كليات غير مناظرة(لو جالك طب بعيد عن محافظتك مثلا ومش عاوز تروح ممكن تحول كلية اقل صيدلة مثلا او علوم داخل محافظتك فقط ويكون مجموعك جايبها ودى تقبل فورا
3- فى جميع الحالات التحويل يكون داخل محافظتط فقط عدا الكليات المنفردة اى التى ليس لها نظير مسموع بالتحويل لها لو مجموعك جابها مثل التعدين والاعلام ولاالسن
maxpaine 07-08-2013, 05:22 PM التحويل هيفتح امتى لو سمحت
nada elsawy 07-08-2013, 05:27 PM طب لو فرق الدرجات كبير مثلا 4 درجات ممكن يحول ؟؟
hishamthanwya 07-08-2013, 05:33 PM التحويل هيفتح امتى لو سمحت
التحويل يوم الاحد القادم ان شاء الله
hishamthanwya 07-08-2013, 05:35 PM طب لو فرق الدرجات كبير مثلا 4 درجات ممكن يحول ؟؟
حكاية الدرجات بيحددها المجلس الاعلي للجامعات بس هيا بتبقي في حدود من 2 ---------------->5 درجات
خليك هنا خليك 07-08-2013, 05:45 PM طيب اختي مقيمه بالاسكندريه وجالها صيدله اسكندريه ولكن هيا عايزه تروح اسنان المنصوره وهيا جايبها مجموع اسنان المنصوره ليها تحويل والا ايه
مودي رونالدو 07-08-2013, 05:48 PM طب أنا اخويا جاله اعلام بني سويف .. واحنا هنا في القاهرة فبالتالي عاوزين اعلام القاهرة وهو فارق درجة ونصف بالظبط عن اعلام القاهرة .. ايه نظامه في التحويل ان شاء الله؟؟؟؟
the king11 07-08-2013, 06:08 PM 10% ازاى الى التحويل بتاعهم بيتقبل !!!!!؟؟؟؟ طب و الباقى و بالنسبالى انا جايب 388.5 و جالى هندسة بورسعيد و لما يبدا التحويل هحول هندسة المطرية ج حلوان و كانت واخدة 389 فرق نص هينفع ولا لأ
To Be Is To Do 07-08-2013, 06:13 PM طيب اختي مقيمه بالاسكندريه وجالها صيدله اسكندريه ولكن هيا عايزه تروح اسنان المنصوره وهيا جايبها مجموع اسنان المنصوره ليها تحويل والا ايه
لازم يكون ليها محل اقامه فى المنصوره عشان تحول ولو ليها محل اقامه يبقى التحويل ورقى ان شاء الله
طب أنا اخويا جاله اعلام بني سويف .. واحنا هنا في القاهرة فبالتالي عاوزين اعلام القاهرة وهو فارق درجة ونصف بالظبط عن اعلام القاهرة .. ايه نظامه في التحويل ان شاء الله؟؟؟؟
حيحول فى التحويل الالكترونى وحيتقبل ان شاء الله :)
To Be Is To Do 07-08-2013, 06:15 PM 10% ازاى الى التحويل بتاعهم بيتقبل !!!!!؟؟؟؟ طب و الباقى و بالنسبالى انا جايب 388.5 و جالى هندسة بورسعيد و لما يبدا التحويل هحول هندسة المطرية ج حلوان و كانت واخدة 389 فرق نص هينفع ولا لأ
لو فيه نطاقك الجغرافى حتحول ان شاء الله وكمان الفرق بسيط جدا فحيتقبل على طول ف الالكترونى
the king11 07-08-2013, 06:20 PM لو فيه نطاقك الجغرافى حتحول ان شاء الله وكمان الفرق بسيط جدا فحيتقبل على طول ف الالكترونى
لو على النطاق الجغرافى انا ساكن جنب هندسة عين شمس بس التحويل صعب انا عارف فرق 7 درجات
shimaa_7 07-08-2013, 06:25 PM طيب انا جالي آداب شبين الكوم ج إلمنوفية و عايزة احول تربية دميااط ينفع ؟؟
وانا ساكنة بشبين بس جايبة مجموع تربية دمياط
To Be Is To Do 07-08-2013, 06:25 PM لو على النطاق الجغرافى انا ساكن جنب هندسة عين شمس بس التحويل صعب انا عارف فرق 7 درجات
انا بتكلم على ان الفرق نص درجه وتروح حلوان
انما لو انت عايز عين شمس وهى فى نطاقك الجغرافى يبقى تمام حتحول ورقى وحيتقبل ان شاء الله :)
the king11 07-08-2013, 06:31 PM انا بتكلم على ان الفرق نص درجه وتروح حلوان
انما لو انت عايز عين شمس وهى فى نطاقك الجغرافى يبقى تمام حتحول ورقى وحيتقبل ان شاء الله :)
سألت ناس على موضوع التحويل دة قالولى ان الموضوع يعتمد انهم هيحولوك هندسة الى مجوعها اقل فى محافظتك (مطرية) ملوش علاقة بانطاق الجغرافى :( لو نطاق جغرافى انا ادارة حدائق القبة اقرب ادار لعين شمس بس للاسف هحول هندسة المطرية و الحمد لله طبعا غيرى مش لاقى :)
hishamthanwya 07-08-2013, 06:36 PM طيب اختي مقيمه بالاسكندريه وجالها صيدله اسكندريه ولكن هيا عايزه تروح اسنان المنصوره وهيا جايبها مجموع اسنان المنصوره ليها تحويل والا ايه
لو المنصور تبع التوزيع الجغرافي ينفع تحول انشالله
hishamthanwya 07-08-2013, 06:37 PM طب أنا اخويا جاله اعلام بني سويف .. واحنا هنا في القاهرة فبالتالي عاوزين اعلام القاهرة وهو فارق درجة ونصف بالظبط عن اعلام القاهرة .. ايه نظامه في التحويل ان شاء الله؟؟؟؟
يقدم في التحويل وانشالله تجيلوا مادا الفرق بسيط
,بالتوفيق
hishamthanwya 07-08-2013, 06:38 PM 10% ازاى الى التحويل بتاعهم بيتقبل !!!!!؟؟؟؟ طب و الباقى و بالنسبالى انا جايب 388.5 و جالى هندسة بورسعيد و لما يبدا التحويل هحول هندسة المطرية ج حلوان و كانت واخدة 389 فرق نص هينفع ولا لأ
10% هي نسبة الي بيتقبلوا في التحويل للكليات المناظرة
وانتا انشالله تتقبل في التحويل علشان الفرق بسيط
shimaa_7 07-08-2013, 06:47 PM مافيش رد علي سؤالي ؟؟؟؟؟؟؟؟؟؟؟؟؟؟؟؟؟؟
hishamthanwya 07-08-2013, 06:59 PM طيب انا جالي آداب شبين الكوم ج إلمنوفية و عايزة احول تربية دميااط ينفع ؟؟
وانا ساكنة بشبين بس جايبة مجموع تربية دمياط
اسف علي التأخير في الرد ............
وبالنسبة للتحويل
لو دمياط تبع التوزيع الجغرافي و عندك فيها محل اقامة
هينفع ان شاء الله
ahmedehab95 07-08-2013, 07:17 PM انا عندى القاهرة و عين شمس و حلوان فى النطاق الجغرافى و انا فى حاسبات و معلومات الاسماعيلية هل ممكن احول قاهرة مع العلم مجموعى 382 و قاهرة 384.5 و عين شمس 384 و حلوان 383 فهل على الاقل هلحق اى جامعة منهم و لو منفعش ممكن اعمل تحويل ورقى كمان
theattaker 07-08-2013, 07:25 PM دلوقت اسنان طنطا واخده 402.5 وانا جايب 400.5 وجايب اسنان المنيا ايه نظامى
shimaa_7 07-08-2013, 07:31 PM وبالنسبة للتحويل
لو دمياط تبع التوزيع الجغرافي و عندك فيها محل اقامة
هينفع ان شاء الله
دمياط ضمن آلمنطقة (ج) في التوزيع الجفرافي
بس ماعنديش سكن في دمياط لآني مقيمة في شبين
مينفعش التحق بالمدينة الجامعية ؟؟؟
omar.ahmed3 07-08-2013, 07:38 PM ما هى اجراءات التحويل ؟
ينفع احول من كلية تجارة عين شمس للقاهرة
مع العلم انى من القليوبية (القناطر الخيرية)
وانا كاتب فى الرغبات عين شمس بنها القاهرة
هل ينفع اتقبل فى القاهرة
مع العلم انى جايب مجموع القاهرة
واية حكاية عقد يثبت انك عايش فى القاهرة ؟
ASHRAF SHANAN 07-08-2013, 07:54 PM كيفية التحويل من كلية اداب الى كلية علوم القاهرة أو علوم حلوان
بعد اذن معاليك
مطلوب ضروري جدا كيفية التحويل من كلية اداب القاهرة الى كلية علوم القاهرة أو علوم حلوان . وهل له موعد محدد ، ومتى .
وهل التحويل الكتروني .
ام مباشر
وياريت الخطوات بالترتيب
طالب مشوش 07-08-2013, 09:25 PM طب انا من الفيوم وجبت 387,5وجتلي هندسة المنيا والفيوم خدت من390 في احتمال التحويل يتقبل ولا كده الفرق كبير
اشرف حربى11 07-08-2013, 09:35 PM انا ساكن فى عين شمس القاهرة
مجموعى 382 وجات لى حاسبات بنى سويف
ينفع احول حاسبات غين شمس على الرغم من ان الحد الادنى لها 384
وهل هذا حدث مع اى حد تعرفوة قبل كدة
ana.masry 07-08-2013, 10:33 PM كيفية التحويل من كلية اداب الى كلية علوم القاهرة أو علوم حلوان
بعد اذن معاليك
مطلوب ضروري جدا كيفية التحويل من كلية اداب القاهرة الى كلية علوم القاهرة أو علوم حلوان . وهل له موعد محدد ، ومتى .
وهل التحويل الكتروني .
ام مباشر
وياريت الخطوات بالترتيب
محدش رد لية يا جماعة انا عندي نفس المشكلة
معاذ حمدي 08-08-2013, 12:19 AM لو سمحت كنت عايز اسأل انا دلوقتى كتبت فى الرغبات بيطرى الاول وجاتلى الحمد لله بس عايز احول علاج طبيعى فى كفر الشيخ دة اقرب حاجة ليا حسب التوزيع الجغرافى وانا جايب مجموعها الحمد لله ينفع ولا لا ؟ وازاى ؟
taky2010 08-08-2013, 08:48 AM السلام عليكم .. باشا انا اختي جالها تجاره بنها انتظام و احنا من القاهره هل ينفع تحول تجاره القاهره انتساب ؟ مع العلم ان مجموعها اعلي من القاهره انتساب ب نصف درجه .. و التخويل اخسن و اضمن يكون ورقي ولا من النت ؟ شكرااا مقدما
Dr.Hesham 08-08-2013, 05:26 PM اخى جاتله تجارة عين شمس ومجموعه5ز379 ينفع يحول حاسبات ومعلومات مع العلم ان الفرق 3 درجات بينهم ارجو الرد سريعا
Hasnaa.Sh.Abd Elaziz 09-08-2013, 04:21 AM طيب معلش انا جايبه 298 و جالى اداب كفر الشيخ و اداب كفر الشيخ بتاخد من 295.5 و انا عايزه احول لكليه تربيه طفوله الاسماعيليه و هى بتاخد من 296 يعنى اقل من مجموعى يا ترى ينفع احول تربيه طفوله اسماعيليه ولا لا مع العلم انى من كفر الشيخ لو سمحت الرد ضرورررررررررررررى
السلف 09-08-2013, 05:00 AM انا جبت 404,5 ومن قنا(ا) وجاتلى طب أسوان (ا) وينفع احول إلكتروني طب أسيوط (ب) أو طب القاهرة (ج) ؟؟؟؟؟؟؟! من اختيار التماس التحويل خارج التوزيع ولا لأ
احمد على السقا 09-08-2013, 11:43 AM انا جايب 388 وجاتلى هندسة المنيا وهندسة اسكندريه واخده من 392 يعنى الفرق4 درجات مع العلم ان اسكندريه فى نطاقى الجغرافى بس معاها طنطا وكفر الشيخ وانا عايز اسكندريه هل ينفع؟؟؟ ارجو الرد
اية ابراهيم 09-08-2013, 12:48 PM انا جالى طب بيطرى بنها ينفع احول
طب بيطرى القاهرة
بس انا الولوية ليا بنها
اية الاوراق المطلوبة التى تثبن انى ساكنة فى القاهرة
امام الهيشرى 09-08-2013, 05:19 PM سؤال اخويا جاله رياض اطفال القاهره وهو من بنى سويف
ومفيش رياض اطفال ف بنى سويف بس فيه ف الفيوم والفيوم اقرب من القاهره
بس رياض اطفال الفيوم بتقبل من 336 وهو جايب 333
يا ترى تقليل الاغتراب هايجيبه الفيوم ولا تحويل ورقى ولو ورقى هاروح احول من القاهره ولا من جامعه الفيوم ؟
|