السلام عليكم والرحمة

أنا طالب خلصت 3 ثانوي بس طلعت بمادة ع أسلس إنّي هأجّلها ..

المهم أنا جايب مجموع وحش خالص وكنت متوقّع ده عشان كده أجّلت وكنت ناوي أخش " كلية دار العلوم " لو تعرفوها ..

بس الوالد والوالدة قالوا لي ليه هتضيع سنة ع كلية ملهاش مستقبل خش معهد وخلاص .. ف أنا محتار أأجل ولا أخش معهد ولا ايه !!؟


ايه رآيكم ايه الأنسب ليا والأنفع ف المستقبل

ي ريت تردوا عليا بسرعة عشان تنسيق المرحلة التالته هيخلص ف 15 / 8 وأنا مسحبتش الملف من المدرسة أصلا وعندي دور تاني ..

أنا مش عارفة انت جايب كم بس لو فعلا مش هيدخلك حاجة يبقى هتضيع سنة كاملة حراام:( فأنا رأيي انك تدخل معهد بس انت كدا هتمتحن المادة امتى ؟؟؟؟

انا من رأيي ان مفيش حاجة اسمها تضيع سنة من عمرك
طول ما في حاجة في دماغك و حاببها خليك وراها مش يهمك كلام الناس
هيكون وراك ايه يعني طول عمرك المهم انك تدخل الكلية اللي انت عايزها و اللي شايف نفسك فيها
الكلية اكيد احسن من المعهد .
بس انت هتقضي سنة في مذاكرة مادة واحدة
فلو ممكن تقدم تاني ثانوية عامة بتاع النظام الجديد و تكون ناوي تذاكر كويس
ميتيهالي هيكون افضل و تدخل كلية من كليات القمة

أنا مش عارفة انت جايب كم بس لو فعلا مش هيدخلك حاجة يبقى هتضيع سنة كاملة حراام:( فأنا رأيي انك تدخل معهد بس انت كدا هتمتحن المادة امتى ؟؟؟؟

هو مجموع وحش خاالص:( أنا لو أجّلت فعلاً هخش كلية اسمها دار علوم بتاعت لغة عربية ف ناس بتقول ملهاش لازمة

الدور التاني هيبدأ يوم 8/17 ومش لاقي الجدول بتاع الدور التاني ...

انا من رأيي ان مفيش حاجة اسمها تضيع سنة من عمرك
طول ما في حاجة في دماغك و حاببها خليك وراها مش يهمك كلام الناس
هيكون وراك ايه يعني طول عمرك المهم انك تدخل الكلية اللي انت عايزها و اللي شايف نفسك فيها
الكلية اكيد احسن من المعهد .
بس انت هتقضي سنة في مذاكرة مادة واحدة
فلو ممكن تقدم تاني ثانوية عامة بتاع النظام الجديد و تكون ناوي تذاكر كويس
ميتيهالي هيكون افضل و تدخل كلية من كليات القمة

أقدم ثانوي نظام جديد .. هو ينفع !!

مش عارفة بس اسأل مش هتخسر حاجة
لو انت ناوي تذاكر من جديد و تدخل كلية قمة ان شاء الله
لان مفيش حاجة اسمها تضيع حاجة من عمرك انت مش وراك حاجة غير مستقبلك

السلام عليكم
الي اعرفه
ان مفيش حاجة خالص اسمها كلية ملهاش لازمة كل كلية وليها لازمة واذا مجموعك هيجيب الكلية ديه وكمان انت نفسك في الكلية ديه او بتحب الكلية ديه
فخشها بالنسبة لعرف المصريين او ثقافتهم بتلاقي فعلا الاهل بيقولوا كده وانا بردوه لما بنتكلم عن كليات شبه ديه بلاقيهم بيقولوا نفس الكلام بس اخواتي وابوي لا
المهمم لو انت مش عايز الكلية ديه ومش بتحبها يبقى خلاص خش معهد
واتمنى اكون افدتك

أنا من رأيي يعني
متأجلش أمتحنها وخلاص وانجح
وادخل المركز المتفوح ( التعليم المفتوح )
وهتلاقي فيه كلية دار علوم، سياحة وفنادق، اداب، حقوق وتجارة
وكل ده في التعليم المفتوح بياخد من مجموع 50% .

بس هو الي هيفرق معاك ممكن الشهادة
يعني لما تيجي تشتغل
صاحب الشغل هيختار إنتظام عن مفتوح
افتكر كدا
بس في الاول وفي الاخر هيا كلها ارزاق من عند ربنا
انت فكر في الموضوع طلاما كدا كدا هتدخل دار علوم في الاخر
هيا موجودة اصلا في التعليم المفتوح .

وربنا يوفقك إن شاء الله.

ولو هتمتحن امتحان الدور الثاني
هتروح المدرسة هتاخد منهم "بيان نجاح" مش الملف
عشان يخطرو المديرية ان اسمك ينزل في الدور الثاني
والجدول نزل
وانت كدا هتبقى مرحلة ثالثة والمرحلة الثالثة هتفضل فاتحة إن شاء الله
لحد ما نتيجة الدور الثاني تبان ويكتبوا رغباتهم .

أهم حاجة انك تحط كل الخيارات قدامك وتاخد قرار من نفسك .