EyadError
09-08-2013, 05:36 AM
دلوقتى لو فى واحد مرحلة اولى و كتب معهد عالى قبل الهندسة و مجموعة جايب هندسة , و جاتلو بطاقة الترشيح عن المعهد العالى ده ...
المهم هو دلوقتى عاوز يحول من المعهد الى هندسة الاسكندرية عشان هو مش عايش فى الاسكندرية بس مجموعة جايب هندسة المنيا , ازاى يعمل التحويل ؟؟؟ ارجو الايضاح خطوة بخطوة ! و هل فيه فرق بين التحويل الالكترونى و التحويل الورقى ؟؟؟ و ازاى بتعرف انه تم التحويل ؟ يعنى بتعرف فى نفس اليوم و لا ايه ؟؟؟؟؟؟؟؟؟؟؟؟
_____________
أرجو المساعدة ضروووورى جدا و بسرعة .
شكرا :) و عيد سعيد .
EyadError
09-08-2013, 05:39 AM
عشان هو عايش فى الاسكندرية
^^^
تصحيح
Eco esraa feps
09-08-2013, 07:05 AM
بص انت اصلا ممكن تحول ع طول هندسة اسكندرية ادى طالما مجموعك قبل هندسة فى اى مكان حتى لو ندسة اسوان ومش قابل اسكندرية برضو تقدير تحول ع طول اسكندرية
بص هفهمك حاجه دلوقتى التحويل هيفتح بعد العيد حول ع طول لندسة الاسكندرية ولو منفعش او خايف مش يقبلوك حول لهندسة المنيا ع النت وبعدين بعد ما تقبل فى المنيا ان شاء الله سافر المنيا وهات ورقك وهتدفع تقريبا 300 جنيه وتحول لاسكندرية
ربنا يكرمك ان شاء الله
EyadError
09-08-2013, 09:45 AM
شكرا لردك , و نتيجة التحويل بتعرفيها امتى ؟!؟!
ابوعمرة
09-08-2013, 10:01 AM
النتيجة بتظهر بعدها ب3 ايام بعد ما باب التحويل الالكترونى على النت يتقفل يعنى زيها زى نتيجة التنسيق ونتيجة التحويل هتلاقيها على موقع التنسيق وموقع الاستاذ بردو
EyadError
10-08-2013, 03:42 AM
تمام , بالنسبة للتحويل الالكترونى , بيطلب برده رقم الجلوس و الرقم السرى ولا ايه ؟؟
ابوعمرة
10-08-2013, 07:01 AM
تمام , بالنسبة للتحويل الالكترونى , بيطلب برده رقم الجلوس و الرقم السرى ولا ايه ؟؟
اكيد طبعا لانك هتدخل موقع التنسيق عن طريقهم وهتختار رغبتين للكليتين الى انت عايز تحول اليهم سواء متناظرتين او مختلفتين يعنى مثلا ممكن يكونوا الرغبتين لكلية واحدة انت نفسك فيها فبتختار الكلية ديه فى اقرب جامعتين ليك مثال تربية القاهرة والتانية تربية عين شمس ساعتها التنسيق بيختارلك الكلية اللى مجموعها الاقرب لمجموعك ولو فرق الدرجات كبير بين مجموعك وبين الحد الادنى للكلية غالبا التحويل بيترفض يعنى لازم الفرق مايزيدش عن 3 درجات ده بالنسبة للتحويل الالكترونى ولو اترفض مش مشكلة بتعمل تحويل ورقى وده بيتقبل بنسبة 99% اما الحالة التانية انك تختار كليتين مختلفتين فى جامعة واحدة عشان مش عايز تتغرب وديه الجامعة الاقرب لك وانت عايزها وعايز كلية داخل الجامعة ديه ايا كانت هى كلية ايه مثال تربية عين شمس وتجاره عين شمس ساعتها برده التنسيق هيختارلك الكلية الاقرب لمجموعك وبردو هيعمل نفس الحوار لو فرق الدرجات كبير التحويل الالكترونى غالبا بيترفض وساعتها لازم تحول ورقى او تفضل فى الكلية اللى جاتلك فى الاول بس هو ده الموضوع ومتقلقش واى حاجة عايز تستفسر عنها تانى انا معاك فى الخدمة وربنا معاك وان شاء الله تحويلك يتقبل من غير لف ودوران
Mo0on Light
10-08-2013, 07:15 AM
اكيد طبعا لانك هتدخل موقع التنسيق عن طريقهم وهتختار رغبتين للكليتين الى انت عايز تحول اليهم سواء متناظرتين او مختلفتين يعنى مثلا ممكن يكونوا الرغبتين لكلية واحدة انت نفسك فيها فبتختار الكلية ديه فى اقرب جامعتين ليك مثال تربية القاهرة والتانية تربية عين شمس ساعتها التنسيق بيختارلك الكلية اللى مجموعها الاقرب لمجموعك ولو فرق الدرجات كبير بين مجموعك وبين الحد الادنى للكلية غالبا التحويل بيترفض يعنى لازم الفرق مايزيدش عن 3 درجات ده بالنسبة للتحويل الالكترونى ولو اترفض مش مشكلة بتعمل تحويل ورقى وده بيتقبل بنسبة 99% اما الحالة التانية انك تختار كليتين مختلفتين فى جامعة واحدة عشان مش عايز تتغرب وديه الجامعة الاقرب لك وانت عايزها وعايز كلية داخل الجامعة ديه ايا كانت هى كلية ايه مثال تربية عين شمس وتجاره عين شمس ساعتها برده التنسيق هيختارلك الكلية الاقرب لمجموعك وبردو هيعمل نفس الحوار لو فرق الدرجات كبير التحويل الالكترونى غالبا بيترفض وساعتها لازم تحول ورقى او تفضل فى الكلية اللى جاتلك فى الاول بس هو ده الموضوع ومتقلقش واى حاجة عايز تستفسر عنها تانى انا معاك فى الخدمة وربنا معاك وان شاء الله تحويلك يتقبل من غير لف ودوران
لو سمحت ممكن لينك الموقع اللي بنحول عن طريقه ؟
ابوعمرة
10-08-2013, 09:03 AM
لو سمحت ممكن لينك الموقع اللي بنحول عن طريقه ؟
اتفضلى هو ده لينك الموقع اللى هتحولى من عليه وان شاء الله التحويل هيفتح بعد العيد لمدة 4 ايام بالكتير يعنى لازم تتابعى الموقع اول باول واول مايفتح باب التحويل تحولى بسرررررعة اوك وربنا معاكى ان شاء الله وتحويلك يتقبل
http://www.tansik.egypt.gov.eg/application/