سوبر ساره
10-08-2013, 09:10 AM
السلام عليكم ورحمة الله وبركاته
أقدم لكم هذا الموضوع التابع لـ
ملتقى طلاب الصف الثالث الثانوى (علمى علوم) 2014
هذا الموضوع خاص بمادة
الجيولوجيا والعلوم البيئية
نرجو وضع الأسئلة والمناقشات المختلفة حول المادة
كما نرجو من السادة المدرسين التفاعل معنا
ابوعمرة
10-08-2013, 09:13 AM
اعتقد انه مش لازم جروب لكل مادة عشن مانتشتتش غير كده علمى علوم كلهم هيدرسوا نفس المواد يبقى جروب واحد لطلبة علمى علوم كفاية عشان نتناقش فيه مع بعض ونسال عن اى مادة تعجبنا وده النظام اللى عملوا طلبة السنة اللى فاتت ولو شوفتيه الجروب بتاعهم هتلاقيه تجاوز ال 170 صفحة وكانوا بيسالوا بعض فى اى مادة ولا انتى ايه رايك ؟؟؟
سوبر ساره
10-08-2013, 09:19 AM
أنا فى رأيى
كل مادة تبقى مستقلة بجروبها
عشان حتى لو طلبة رياضة أو أدبى حابوا يشاركوا
وعشان تبقى كل مادة كأنها كتاب لوحدها
واللى يحب يرجع لحاجة في مادة يبقى عارف هى فى موضوع ايه
ويبقى سهل البحث عنها
وعشان كمان مدرسين المادة يدخلوا يناقشونا فيها
ابوعمرة
10-08-2013, 09:31 AM
وجهة نظر بردو بس انتى كده هتخلى التجمع اقل بدل ماكلنا نبقى فى جروب واحد نتناقش فيه مع بعض فى الاسئلة الصعبة سواء اللى عارف اجابتها او اللى مش عارف هتخلى كل واحد يدخل جروب المادة اللى عايز يسال فيه ويطنش الباقى على اساس انه كويس فيهم فى حين انه ممكن يبقى فى اسئلة مايعرفهاش ومعدتش عليه ومش حاسس بنفسه وهو ده قصدى ان لو خلينا علمى علوم جروب واحد هتعم الاستفادة على الكل احسن مانلف وندور على الموضوعات وندوخ فالاحسن اننا نخلى الدنيا كلها فى حتة واحده ديه وهى وجهة نظرى
ابانوب ايليا
10-08-2013, 04:38 PM
هو خلاص موضوع الجولوجيا ده بقى اكيد :(
ابوعمرة
10-08-2013, 04:45 PM
هو خلاص موضوع الجولوجيا ده بقى اكيد :(
حتى الان اه بس لسه الوزارة ما اصدرتش قرار بكده عشان اجازة العيد بس الكلام لكيد المفروض يبقى يوم الاتنين او التلات بعد الاجازة والله اعلم
asmaa232
10-08-2013, 09:50 PM
حيث كدا بقى ياريت أى مدرس يقولنا أخبار المادة دى إيه يعنى صعبة زى ما الأدبى بيقولوا وفيها لف ودوران ونظام امتحاناتها إيه بالظبط ؟؟
Yasmeena.R
11-08-2013, 02:14 AM
حد هياخد فيها دروس
حرام والله امتى هنذاكر وامتى الدروس وامتى المدرسة
وكمان اعمال سنة ع الانشطة
الله المستعان /
SwOrD OF JusTice
11-08-2013, 02:04 PM
ياجماعه انا كنت جيولوجيا السنه الى فاتت
وبجد بجد ماده سهله اوى وجميله ومفيش فيها اى حاجه صعبه لدرجه انى ذاكرتها اقل من علم النفس وفى نفس الوقت جبت فيها اكتر من اى امتحانها السنه الى فاتت مكنش مباشر بس اسهل من امتحان علم النفس
asmaa232
12-08-2013, 03:11 AM
حد هياخد فيها دروس
حرام والله امتى هنذاكر وامتى الدروس وامتى المدرسة
وكمان اعمال سنة ع الانشطة
الله المستعان /
اه بإذن الله هاخد درس دول 60 درجة مش لعبة يعنى
mero~moro
12-08-2013, 07:36 PM
هي الجيولوجيا خلاص اخر كلام هتبقي مادة اساسية ف علمي علوم ؟