السلام عليكم ورحمه الله وبركاته


يا جماعه انا قبلت طب اسنان والحمد لله بس وكنت هقدم بعد العيد بس قابلت ناس ف طب اسنان قالولى حولى صيدله والكل معارضنى وعايزنى احول صيدله لانى بنت ومستقبل صيدله احسن للبنات ارجوكوا افيدونى بمميزات وعيوب الاتنين وانا بناء ع كده هحدد بس ومحدش يقولى ميولك اى لان الاتنين كليات علميه ومتشابهين الى حد كبير وانا حيرااااااانه بجد وحاسه انى زهقانه لانى مش عارفه احدد ولا اختار لان كلام الناس ماثر عليه جدا وكله عايزنى احول صيدله افيدونى بالله عليكوا واسفه انى طولت عليكوا

صلى صلاة استخاره وربنا هيهديكى للطريق السليم ان شاء الله يا دكتوره

السلام عليكم ورحمه الله وبركاته


يا جماعه انا قبلت طب اسنان والحمد لله بس وكنت هقدم بعد العيد بس قابلت ناس ف طب اسنان قالولى حولى صيدله والكل معارضنى وعايزنى احول صيدله لانى بنت ومستقبل صيدله احسن للبنات ارجوكوا افيدونى بمميزات وعيوب الاتنين وانا بناء ع كده هحدد بس ومحدش يقولى ميولك اى لان الاتنين كليات علميه ومتشابهين الى حد كبير وانا حيرااااااانه بجد وحاسه انى زهقانه لانى مش عارفه احدد ولا اختار لان كلام الناس ماثر عليه جدا وكله عايزنى احول صيدله افيدونى بالله عليكوا واسفه انى طولت عليكوا


اولا الف مبروك ياسعاد

بصى لو عايزة الراحة يبقى صيدلة .. لو عندك طموح وعايزة تتعبى يبقى اسنان

كليه صيدله كليه محترمه جدا من ناحيه الدراسه يعني هتدرسي منهج ممتاز...كمنهج
بس هتتعبي في الدراسه لان المناهج تقيلة وصعبة من كتر ماهي مهمه وغنيه جدا ولازم تكونى بتحبى الكيمياء لان الخمس سنين كيمياء ..وبم انك شاطرة فكده كده واخده علي التعب وسواء اسنان او صيدله الاتنين فيهم مذاكره . بس اسنان اسهل فى الدراسة واخف بس مصاريفها اكتر .
نيجي بقي للتخرج...الكليتين 5 سنين هتتخرجي من صيدله قدامك كذا طريق
يا تشتغلي في الحكومه..وطبعا الراتب مش حلو لكن الي حد ما متقارب مع اطباء الاسنان
يا اما بجانب الحكومه تشتغلي في صيدليه ... ومرتبتك في الصيدليه لو بتشتغلي 6 ساعات يوميا هيبقي من 360 الي 700 جنيه مصري شهريا ...لان ساعه الصيدلي بتتراوح بين 60 الي 120 في الشهر طبعا
يا اما بقي تشتغلي في الدعايه...مندوبه وهتلاقي تنافس رهيب من خريجين كليه العلوم والبيطري واللي ممكن يرضوا برواتب اقل وده بيخلي الصيادله كمندوبين مش رقم واحد بالنسبه للشركات الا الشركات المالتي ناشونال المحترمه ودي ليها وضع خاص والراتب بيبقي حوالي 1200 جنيه اساسي وبدلات ممكن تفتح منك وتعملي فلوس كويسه بس قصادها لازم تكوني بتشتغلي زي الترس في الساعه...وده لايمنع من بعض الشغل اللي من تحت الترابيزه علشان توصلي للرقم اللي هما عاوزينه منك تحققيه اخر الشهر وده بيبقي شغل مش نضيف حرق ومخازن ومواضيع البنات ملهاش فيها ده غير بهدلتك ف الاول من غير عربيه علي متتثبتي في الشركه وتثبتي وجودك ده غير غلاسه ورخامه بعض الاطباء . كمان عندك فرصه انك تشتغلي في شركه ادويه لو كنتي من الشطار...تشتغلي جوا المصنع يعني...طاب تعالي اقولك علي عيوبها...شغلك من 7 الي 4 العصر ...ترس في ساعه...الخطا مرفوض لانها ادويه مش خضار وفاكهه...مرتب مش عالي يادوب 1000 جنيه بالكتير وشويه بدلات عبيطه لكن المشكله فين ...اقولك ياستي...المشكله ان الشركات دي قطاع خاص مش عام حكومي...يعني في اي وقت تتجوزي وتحملي عاوزه اجازه يقولولك حاجه العمل لا تسمح...طاب ياجماعه رعايه طفل يقولولك لا معلش اسفين مش هنجيب حد نعينه مكان سيادتك وبعد مترجعي نقلوه مع السلامه...المشكله الاكبر والاخطر بقي...ان حضرتك بتشتغلي في المصنع اللي مهما كانت فيه اجراءات امان بيبقي في ذؤات من غبار الادويه موجوده ف الجو..دي ليها مصيبتين...لو في نونو يبقي روحتي ف داهيه..وعلي المدي الطويل بالنسبه لك انتي ..يعني 10 سنين مثلا هتلاقي انزيمات الكبد ارتفعت علشان الادويه الخام اللي انتي قاعهد فيها كل يوم...اوكاي حاولي تركزي
اخيرا لو طهقتي من حياتك ومن بلدك وقررتي انك تسافري بره...شوفي بقي ...الكويت هتقولك لازم ماجيستير علي الاقل وفرص العمل تكاد تكون معدومه وبيفضلوا الذكور
الامارات لازم تعملي شهاده معادله وتمتحني تاني علشان يعترفوا بشهادتك اصلا وبعدين دوري بقي علي فرصه وقولي يارب
السعوديه انسي انسي انسي انك تلاقي فرصه شغل وانتي لسه بنت مش متزوجه الا لو ليكي واسطه من الدرجه الاولي ودي شئ نادر ولو لقيتي الواسطه(ابقي قابليني ) هتمتحني معادله برضو وهيبقي راتب طبيب الاسنان والطبيب البشري اللي يادوب متخرج من سنه اد راتب حضرتك اربع مرات ( متستغربيش هو ده الوضع) ومش هيكون ليكي عقد عائلي يعني متقدريش تجيبي جوزك بعد كده معاكي ده غير بقي ان السعوديه دلوقتي اتجهت بقوه للسعوديه وبقي عندهم صيادله بالههههههبل واخدين بكالريوسات من كل دول العالم وبقو بيعينوهم بدل مننا علشان البطاله اللي بقت عندهم...يعني انسي تتعيني الا بطلوع الروح ...ومتقلقيش لو اتعينتي روحك هتطلع من غير حاجه بعد الذل اللي هتشوفيه في الشغل كصيدلانيه ...الناس معظمهم مش هيعتبروكي دكتوره وهتبقي زيك زي التمريض ..

.اسنان حلوة و دراستها سهلة و مفهاش ماستر و دكتوراه و الكلام ده كله بتاع طب بشرى بس هى محتاجة مصاريف شوية بس مش للدرجة يعنى و شغلها بعد كده كويس جدا .صيدلة متعبة شوية فى دراستها لان كله شغل عملى يعنى بيروحوا الكلية من الساعة8 الصبح و يرجعوا الساعة 4 بس الكلام ده فى اعداى بالذات بعد كده الامور بتبقى احسن) بس بعد لما تخلصوا شغلها سهل و خفيف و حتى اللى مش حابة تشتغل مفيش مشكلة ممكن تفتح صيدليه على اسمها و تاخد مرتب شهرى و هى قاعدة فى البيت

شوفي بالنسبة لصيدلة للبنت اريح كتير عن أسنان ونوعاً ما أسنان شغلها رخم شوية اما هتفتحي عيادة لنفسك او انك هتشتغلى مع اي دكتور ده بالنسبة للشغل اما لو عشان تقعدي في البيت فبردو صيدلية كويسة او اسنان مش هيفرقوا عن بعض
بالنسبة بقى للدراسة فصيدلة أصعب من أسنان ودي حقيقة لأن صيدلة اعتمادها على الدش كتيير لكن اسنان مذاكرتها وكلامها أقل بكتيير عن صيدلة غير ان أسنان العملي فيها مهم جداً وبيدققوا عليه كتيير جدا وممكن تعيدي شغلك كتير جدا من الاخر عايزة صبر وطولت بال
بالنسبة بقى للمصاريف في صيدلة ادوات بسيطة جدا ممكن تجيبي شوية انابيب وسحاحات وماصات وحاجات من دي واسعارها هادية نوعاً ما لكن اسنان مطلوب منك أدوات في سنة تانية تقريبا بتوصل ل 1200 جنية تقريبا وفي سنة تالتة ورابعة بيطلبوا أسنان حقيقية اما بقة بتخلعي ضروس أعي حد تعرفيه او انك بتشتريهم ومتهيألي كان سعر الضرس ب 100 او 150 طبعا على حسب طبيعة الضرس وكله بتمنه
ربنا معاكي وصلي استخارة كده وان شاء الله ربنا هيهديكي للي فيه الخير


بس فى ناس كتير شايفة أن طب اسنان أفضل للولاد

وصيدله أفضل للبنات

أسنان فيها مستوي أجتماعي و مادي مع بعض

لان الشغل عملي في اسنان مش زي صيدله

و اعداد أطباء الأسنان أقل بكثير من الصيادلة

غير ان شغلهم باليد و متعب اكثر

اما صيدله تتميز بانها مريحه عن اسنان


لكن وجهة نظرى الشخصية : اسنان افضل بس لو عايزة الراحة يبقى صيدلة وده يرجع لعزيمتك وطموحك

ربنا يوفقك يااارب .. اى نصيحة انا تحت امرك .. اسالى تانى قبل ما تقررى ..دى مجرد معلومات جمعتها علشان اساعدك .

ميرسى بجد شكراااااااااااااااااااااااااا جدااا ربنا يكرمك وانا نفسيا مرتاحه لطب اسنان وده كله توفيق من عند ربنا وربنا يقدم اللى فيه الخير

ميرسى بجد شكراااااااااااااااااااااااااا جدااا ربنا يكرمك وانا نفسيا مرتاحه لطب اسنان وده كله توفيق من عند ربنا وربنا يقدم اللى فيه الخير


العفو .. خلااص يبقى طب اسنان .. انا كمان شايف انها افضل بصراحة .. ربنا يوفقك ياااارب .. بس متنسيش لما تفتحى العيادة تقوليلى علشان اكشف مجانا ولا هتاخدى منى فلوس ولا ايه؟؟؟

اسنان غير صيدله خالص مفيش بينهم اى تشابه شوفى انتى عاوزة تدرسى ايه ادويه وكيمياء ولا تراكيب اسنان وكدة ولو على الاتنين فالاتنين اسهل كليتين فى المجموعة الطبيه فا مش هتفرق بس شوفى انتى مرتاحة ل ايه وربنا معاكى وانا بفضلك اسنان

ربنا يوفقك ان شاء الله
...
يا ريت صلاة استخاره علشان الاطمئنان النفسى