دعت حركة "أنا الطالب" إلى تنظيم وقفة احتجاجية أمام مقر وزارة التربية والتعليم، بوسط القاهرة، الأحد المقبل 18 أغسطس، وذلك للمطالبة بإلغاء بعض بنود قرار الثانوية العامة الجديدة، على أن تبدأ الوقفة بتنظيم مسيرة للطلاب من شارع محمد محمود، وصولا إلى مقر الوزارة.

وأكد الطلاب، أنهم سيطالبون بإلغاء قرار الـ20 درجة المخصصة لأعمال السنة، لكونها عاملا قويا فى يد المعلم لإجبار الطلاب على الالتحاق بالدروس الخصوصية، حتى لا يتم حرمانهم من الدرجات، بالإضافة إلى إلغاء قرارى الـ30 يوما غياب وحضور، والإبقاء على 6 مواد فقط للمرحلة الثانوية، بدلا من 7 مواد، وأخيرا إلغاء قرار يوم السبت للراحة والتسهيل على الطالب فى الدروس.

وكانت وزارة التربية والتعليم، قد أعلنت عن بعض التعديلات التى أجريت بقرار 88 والخاص نظام الثانوية العامة الجديد، والتى ارتفع عدد المواد بمقتضاه إلى 7 مواد بدلا من 6، بالإضافة إلى إقرار بعض المواد، دون وجود مواد اختيارية.

المصدر : http://www.cairodar.com/news/details/45507
يا جماعة مين ناوى يروح بجد المفروض يعنى منسبش حقنا كده و نستسلم للامر الواقع و نقول أمين ولا ايه ؟؟!! :078111rg3::stickjo4: اللى ناوى يروح يقول

ياريت ياجماعة كله يروح انا لو هناك كنت حنزل .........ولو عندى هنا فى بلدى حنزل

المشكلة ان انا من المنوفية ونفسى اروح لكن المشكلة انى لسة مطلعتش بطاقة وخايف من التفتيش والحاجات دى

بصراحة والله عندهم حق كله ينزل اللى هناك كله ينزل يا جماعة والله حرام كدا

ربنا يوفقكم يااااااارب
وان شاء الله كل حاجه هتتحل
متقلقوووووووش
ان شاء الله خيرررررررررررر

اكيد مينفعش 3 ث يروحوا المدرسة واعمال وكمان 7 مواد ربنا يسهل يا رب

اكيد مينفعش 3 ث يروحوا المدرسة واعمال وكمان 7 مواد ربنا يسهل يا رب

علي فكره انكم تروحوا المدرسه ده في افاده لكم
بجد والله والاساتذه بيقولوا حاجات مهمه ولو طالب واحد بس
في الفصل بيدخلوا يشرحوا وبعدين ده في مصلحتكم وهيفيدكم
مش هيضركم علي فكره المعلومات اللي هتتقال في الفصل
احسن من الدرس الخصوصي كمان بس هيا المشكله في الوقت وكده
وفكره اعمال السنه في 3 دي بصراحه مش في محالها
بس يعني لو تروحوا 4 ايام في الاسبوع حلو اوي
احنا مكناش بنروح المدرسه اساسا بس اللي بيروح يوم
والله بيستفيد كتير اوي اوي
بس الطالب الشاطر هو اللي كان بيروح باستمرار :rolleyes:
علشان يستفاد ويستغل الفرصه عن اصحابه بس ربنا يوفقكم
ان شاء الله .. وبعدين هيا سنه بالطول بالعرض هتعدي والله
وفي ثانيه كمان ...
ده ايه الرغي ده كله :):) اسفه علي الاطاله بجد :)

بصراحة انا معترض علي حكاية في غياب وحضور وحكاية عشرون درجة اعمال سنة لان دول فعلا مش في محلهم لكن انا لا احب مطلقا نظام الوقفات الاحتجاجة واريد ان اسال سؤال هل لو كنتم قبل ثورة 25 يناير تجرؤوا انكم حتي تدعوا للاحتشاد مش تروحوا وربنا معاكم في كل شي وهناك طريقة اخري بدل من هذه الطريقة لو جمعتم اكبر عدد من التوقيعات ممكن توكولوا حد وبرفع قضية ضد الوزارة هذا راي

ربنا معاكوا

وانا كمان هنزل لو فيه عندنا لان اللى بيعملوه ده حراااااااام بجد مش عارفين قد ايه ان احنا كده هنتعب اووووووى وازاى هنذاكر 7 مواد اساسيه ده غير الاقتصاد والاحصاء والتربيه الوطنيه والتربيه الدينيه يبقى 10 مواد ونفسى يسمعوا بقى كلام الطلاب اللى هم اصلا حاسين بالمشكله دى وكانوا عايزين يقللو من الدروس كده كتروها وخلوها 8 دروس بدل 5 دروس ده غير حكايه الحضور بتاع المدرسه

المفروض انها كانت امبارح محصلش حاجه يعنى