student2005
15-08-2013, 07:02 PM
السلام عليكم :)
طبعا السنة اللي فاتت سمعتو زيي ان فيه ناس طالعة تصوت من امتحانات الرياضة
والسؤال هنا .. هل الأسألة اللي جات في الامتحانات دي الطلاب شافوها قبل كدا في الكتب الخارجية ؟! .. وهل في كتب جابت أسألة أصعب منها ؟!
وإيه أحسن كتاب .. شكرااا
ehabelsapa
16-08-2013, 06:39 PM
حل كتاب المدرسة لان كتاب المدرسة فيه مسائل كتييييييرة ومتشيبش مسأله فيه إلا لما تحلها وهتلاقي فيه مسائل محلولة فى الكتاب حلها برضه لان ساعات بييجي منهم فى الامتحان او نفس الافكار بتاعتهم...
واشتري كتاب فيه امتحانات السنوات السابقة وحل كل الامتحانات السابقة من غير ما تسيب ولا مسألة الا لما تحلها واكتفى بكدا وخلاص ...
ولو عاوز تحل كتاب دليل التقويم حله مفيش مشكلة بس برضه مادام اشتريت دليل التقويم فتحله كله متسيبش فيه مسألة فلازم تحل المسائل كلها برضه ودليل التقويم فيه مسائل كتيرة برضه تكفيك عن اي كتاب خارجي
وكفاية....
محتار ومتردد وعايز تشتري كتاب خارجي فاشتري كتاب لامي بس لازم تحله كله برضه ومتسيبش فيه مسأله
مع ان مش لازم يعني تشتري كتاب خارجي لان كتب الوزارة والامتحانات السابقة هيكفي; عشان تلاقي وقت تذاكر المواد التانية بس
وبكدا تحل اي مسألة تقف قدامك :rolleyes:
حزوما 2
20-08-2013, 08:09 PM
طب لو عملت كل اللى انت بتقول عليه هل هقدر احل اسئله الطلبه الفائقين اللى الكل بيشتكى منها فى الامتحانات زى كل سنه للاسف ؟؟؟ :stickjo4::stickjo4: