تسجيل الدخول

مشاهدة النسخة كاملة : عايزه مساعده............تقولوا لي اتصرف ازاي

مدرس_حاسب
15-08-2013, 09:36 PM
سلام عليكم
يا جماعه احنا طبعا في اجازة وبنروح المدرسه يومين في الاسبوع او 3 ايام
المهم انا رحت يوم الاثنين ومارحتش يوم الثلاثاء فجات لجنه المدرسه وشطبت طبعا علي اللي مش موجودين وقالوا دوا هبتحولوا شئون قانونيه
انا شغاه جديد في التربيه والتعليم وما اعرفش يعني ايه تحويل شئون قانونيه و هم هناك هيساله وهيقولوا ليه وهل ممكن انا اضر في كده
ممكن حد يفهمني ويقولوا المفروض اقول ايه
Niven Omar
15-08-2013, 09:44 PM
لو حضرتك اتقفل عليك بالاحمر حضور وانصراف كده اليوم حيتحسب يوم عرضه وما فيش شئون قانونية ولا حاجة اليوم بيتحسب عرضه وخلاص
اما لو كنت ماضى حضور واتقفل عليك بالاحمر الانصراف ده بيعتبر خروج بدون إذن وفعلا ده بتتحول فيه شئون قانونية بيتحقق معاك وتقول سبب خروجك من الشغل بدون اذن .. ولو دى اول مره بتاخد لفت نظر او انظار .. ولو اخدت جزا بيبقى بالخصم من المرتب والجزا بيتشال من الملف بعد مرور 6 اشهر
مدرس_حاسب
15-08-2013, 09:46 PM
هو مدير الاداره اللي محولنا شئون قانونيه علشان اكثر من تلت المدرسه كان غايب
Niven Omar
15-08-2013, 11:48 PM
هو مدير الاداره اللي محولنا شئون قانونيه علشان اكثر من تلت المدرسه كان غايب

تمام يبقى فى التحقيق تقول العذر اللى مش خلاك تنزل الشغل
ولو عندك رصيد عرضه ان شاء الله حيتحسب يوم عرضه بعد التحقيق
وان شاء الله الموضوع يعدى على خير