ياريت حد يساعدنى [الأرشيف] - بوابة الثانوية العامة المصرية

yoyoo salah

18-08-2013, 04:59 PM

تقريبا فاضل شهر او شهر ونص على الدراسة...وكنت عايزة استغل الفترة دى فى قراءة كتب تساعدنى لما ابدا دراسة...يعنى لانى بسمع ان كلية العلوم صعبة شوية...فلو حد يعرف اسامى كتب عن اساسيات الكيمياء او ما شبه ياريت يقولى
وهل الدراسة باللغة الانجليزية ام العربية؟

Aisha_Tarek

18-08-2013, 05:28 PM

مجتهدة اووووووى ;) :022yb4:

user22

18-08-2013, 09:38 PM

لغة الدراسة على حسب الكلية , علوم الإسكندرية إنجليش , علوم عين شمس -على حد علمي- بالعربي .. وهكذا

بخصوص مادة زي الكيمياء هي نفس كيمياء ثانوي لكن بتعمق أكبر , نفس الشيء في الفيزياء والرياضة والحيوان والنبات , يعني لو معاك الأساسيات تمام مش هتتعب كتير في أول سنة بإذن الله .

مش لازم تستعجلي من دلوقتي لأن الإجازة فرصة مش هتتعوض لما الدراسة في علوم تبدأ :d

دكتور كريم الزعيقي

19-08-2013, 01:37 AM

Meryhan

19-08-2013, 11:40 AM

ماشاء الله عليكي .. ايه الاقبال الرهيب ع العلم ده ^^
أفضلي بقي بنفس الحماس .. و أوعي تخلي علوم تحبطك d:

بس بلاش تاخديها جد اوي كدة .. انتي ممكن تعملي ريفرش للمعلومات اللي عندك
بحاجات بسيطة .. اتفرجي ع حلقة "أينشتاين و النسبية " بتاعت مصطفي محمود ع اليوتيوب
تقريبا هتقدري تربطي اغلب اساسيات الكيميا والفيزيا الحديثة
و بعدين اقري الكتاب بتاعه "اينشتاين والنسبية " قليل مش كبير و شرح بسيط جدا لموضوع المفروض انه معقد جدا
هو يمكن مالوش علاقة بدراسة علوم
بس هيخلي دماغك ف حالة تأهب لأستقبال المعلومات و هتستمتعي ان شاء الله ^^

صدى الدمعة

01-09-2013, 01:34 AM

نصيحة لوجة الله يابنتي بلاش تمسكي كتاب خالص دلوقتي استمتعي بالاجازة على قد ماتقدري عشان الكلية لما تبدا مش هتلاقي وقت انك حتى تاخدي نفسك بذات لو كنتي في كلية زي علوم كده

وبالتوفيق ان شاء الله

صدى الدمعة

01-09-2013, 01:35 AM

وعلى فكرة الدراسة في علوم عين شمس بالانجليزي:bosyht9: