متى اعرب اللى ياتى بعد ايها وايتها بدلا وامتى اعربه نعت .... ولية بنقول نعت مرفوع ؟


وازاى افرق بين الاسماء المشتقه والجامده ؟؟


و اسفه لو هعطلكوا با جابة هذة الاسئلة .

وشكرا

وبارك الله فيكم

جارى الكتــــــابة

الاسم بعد يأيها ويأيتها يعرب نعت الا اذا كان اسم جامد فإنه يعرب بدل
بس عامة فى الامتحانات اللى بيكتبه نعت سواء جامد ولا مشتق بيحسبوها صح
أنا شخصيا بعتبرها نعت وأريح دماغى …زى ما المدرسين بيقولوا لنا
وده مايمنعش انى لو متأكدة ان ده اسم جامد ...أعربه بدل عادى
بس علشان ملخبطش نفسى بأمشيها نعت
إنما بقى الأسماء المشتقة هى الأسماء المشتقة من الفعل مثل( اسم الفاعل واسم المفعول وصيغة المبالغة واسم التفضيل واسم الزمان واسم المكان واسم الآلة(

أما الاسم الجامد هو مالم يؤخذ من غيره وينقسم إلى نوعان :
1-ذات(شجرة ..كأس ..أرض .. تفاحة) فهو يكون اسم محسوس وغير مشتق

2-معنى(ويكون غير مشتق)مثل (مشيا .. أكلا ... لعبا ... لهوا)
ووأنا بريح دماغى وأدور على مصدر وخلاص سواء ثلاثى أو رباعى أو خماسى أو سداسى




الكلام ده على أد معلوماتى أنا طالبة فى 2 ثانوى .........وأتمنى من أساتذتى الكرام على المنتدى إن وجدوا خطأ يصوبوه ولكم جزيل الشكر

أيتها الأخت الكريمة :
النعت لابد أن يكون مشتقا أو شبه مشتق ، وكل من علم طالبا النعت ولم يذكر له ذلك فقد قصر في أداء الأمانة .
لأن الصفات جاءت من ألفاظ الأفعال . وعليه فما كان مشتقا جاز فيه النعت والبدل أما الجامد فلا سبيل له إلا البدل أو عطف البيان وأعلم انك لا تعلمين عطف البيان ، فيمكنك الاكتفاء بالبدل .
نسألكم صالح الدعاء .