مشاهدة النسخة كاملة : مصر جتلى فى المنام


مريم السباعى.
20-08-2013, 06:23 AM
على صوت تغريد بلبل
مسهرنى لجل ماسمعله
وعلى صوت اذن الفجر
يطمن قلبى فتزيد راحته
على ريحة النسيم متظبطة بالقهوه
وشعور بسعاده يجيلي على سهوة
لما اشوف نور البكور
والشمس بتتولد لليوم
والنخلة بتنده للولد قوم
ياولد نخلتك طرحة
بلح بسمارالنيل
وحلوة القلوب الالطيبة السامحة
فرحة !!
بحس والله انا بفرحة
لما القى مصر
بتتمشى
على شط بكرة
شبابها ينطق
انا لسة حلوة علفكرة
لسة جمالى بيدهول رجال
وانالسه عايشة بربى العيال
ولسة برسم ليهم بخطوتى سكة
اقول يا جمالك الصابح
يا شجر عمرو ماكان طارح
الا ثمار الصبر والراحة
يا مصر علينا براحة
على جماللك دة مقدرشى
وعلى قوتك يااااا الله
ماقومشى
ومهما اشوف فيكى واقول حنساكى
معرفشى ؟!
تقولى لساك يواد بتعرفنى؟!
اقولها اه ولسة بحبك
مهما عشت فى هواكى اسير ومتبهدل
ومهما بشوف فيكى الويل الى متقدر
بحبك
يا حب زى داء ملوش دوا
بحبك من قبل ميخترعو ا حتى الهوا
مهو لا حبك لا موت ملهاش خيار تانى
حبك ق ت ل نى ورب العرش نجانى
ترمشلى حببتى بعنيها تقولى :
حبيب قلبى
يا ضنا روحى يابنى
لا كان بيدى اختار تعبك
ولا قادرة اشيل همى
فسكت واقول قدرى
اخاف لا بان مكسورة
كلاب الغدر تنهشنى
لكن ولا نسيتك ولا غادر
محبتك قلبى
ابصلها مشتاق
فا تحضنى
وتكمل بقيت كلامها حنان
بتصبرنى على الى بشوفه فى الايام
واصحى فاجاءة من نومى
وصوت مصر فى ودانى
ريحتها لسة فى هدومى
اتارى دة كلو كان فى فى الحلم
ومصر جتلى فى المنام

:)
بقلم/اشرقت الشمس

مـــــلك
20-08-2013, 05:35 PM
عجبتني جدااااااااااااااااااا
واحساسها حلوووووووووووووووووو اوي
بجد يامريم رووووووووووووووووعه
من احسن اللي قريته ليكي
تسلم ايديكي ياقلبي :d

مريم السباعى.
20-08-2013, 06:43 PM
عجبتني جدااااااااااااااااااا
واحساسها حلوووووووووووووووووو اوي
بجد يامريم رووووووووووووووووعه
من احسن اللي قريته ليكي
تسلم ايديكي ياقلبي :d



ميرسى يا كنارة ربنا يخليكى على الكلام الجميل دة :)

faten forever
24-08-2013, 09:56 AM
أحلى منام وأحلى مشاعر

عبرت بأسلوب جميل وبكلمات تلقائية بسيطة عن مشاعرحب عظيمة

سلمت يداك

مريم السباعى.
24-08-2013, 12:43 PM
أحلى منام وأحلى مشاعر

عبرت بأسلوب جميل وبكلمات تلقائية بسيطة عن مشاعرحب عظيمة

سلمت يداك

متشكرة يا فاتن على مرورك الراقى :)

فاروق ابوعيانه
24-08-2013, 03:30 PM
فعلا يا أستاذة أشرقت
مشاركة أكثر من رائعة
ومن أجمل أعمالك الإبداعية تطورا كما قالت كنارة
إذا استمر تطور أسلوبك الإبداعى بهذا الشكل
فأنت ولابد على عتبات مرحلة التكامل والاحتراف
أسجل إعجابى الشديد بتلك الصور الإبداعية التى صاغها خيالك الخصب
تقبلى مرورى

مريم السباعى.
24-08-2013, 05:25 PM
فعلا يا أستاذة أشرقت
مشاركة أكثر من رائعة
ومن أجمل أعمالك الإبداعية تطورا كما قالت كنارة
إذا استمر تطور أسلوبك الإبداعى بهذا الشكل
فأنت ولابد على عتبات مرحلة التكامل والاحتراف
أسجل إعجابى الشديد بتلك الصور الإبداعية التى صاغها خيالك الخصب
تقبلى مرورى


شكرا جزيلا استاذ فاروق على هذا المرور الراقى والمشجع بارك الله فيك :)