أنا عن نفسى
زعلان من نفسى
انى وقفت مع الاخوان
و انتخبت مرسى

عشان كدا
أقدم للشعب المصرى
أعتذار رسمى

الصراحة ما كنش ينفع
أنتخب شفيق
ما أنا مش قادر أفهم
أزاى نعملوا ثورة
ونشيلوا مبارك
ونجيبوا أعز صديق

على قد ما كنت مع مرسى والاخوان
على قد ما بقيت ضدهم
خلاص أنكشف أمرهم
وحرقوا نفسهم بنفسهم
وحفروا بأيدهم قبرهم
ياريت بقى يرتحوا على وضعهم
الناس تعبت وقرفت أخر قرف منهم

وعايز أقول لاى حد
اخوانى او متعاطف معاهم
و بيدافع من قلبه بجد
عن مرسى وعن الكرسى
ووجع دمغنا بالصندوق والشرعية والحق

يركب بس ميكروباص
ويتكلم مع الركاب
ويسمع حسهم
ويحس بنبضهم
ويعرف همهم
ويشوف ظلمهم
ما انت فى الاول وفى الاخر واحد منهم

واوعى تفكر العيب فى الناس
العيب فى الاخوان نفسهم
عشان بتقولوا اللى حصل دا انقلاب
الميكروباص هو مجلس الشعب الحقيقى
حتى ومجلس الشغب شغال يا صديقى

أبقى تعالى قابلنى
اذا عرفت تنزل من العربية
وتفتح الباب
وشوف مين هايخلصك من أيد الركاب

الشاعر
عبد الحميد بدوى

ياريت كل اخوانى متأسلم ايا كان يعتذر
أو اى مسري انتخبهم
حسبنا الله ونعم الوكيل في الاخوان ومن والاهم
شكرا على الكلام المعبرة

هى مش القصيدة دى سياسية ولا ايه يا جماعة ؟
ولا انا بس اللى بتتحذف قصايدى هنا ؟

لا القصيدة دى مش سياسة

دى اراء ووجهه نظر

حسبى الله ونعم الوكيل فى الظالم والقاتل والخائن

يارب احفظ مصر

جميلة تسلم الايادى

هى مش القصيدة دى سياسية ولا ايه يا جماعة ؟
ولا انا بس اللى بتتحذف قصايدى هنا ؟

دى تعبير عن رأى

واى موضوع بيكون سياسى بيتحذف

ولشاعرنا الاستاذ عبدالحميد حذف له مشاركات قبل ذلك

وموضوع حضرتك اللى بيتحذف بيكون عبارة عن هجوم على فصيل معين

تحياتى لحضرتك

ماذا أضافت الرئاسة لمرسى وللاخوان ؟؟؟

ماذا أضافت الرئاسة لمرسى وللاخوان ؟؟؟؟
حتى يتمسكوا بها
ويظنوا أنها ساتبقى الى أخر الزمان
وفى رواية أخرى
على لسان وزير الدفاع 500 عام
وفى أخر الامر
قعدتوا سنة
الشعب شاف على
ايديكم الهنا أشكال والوان
الفقر والجهل والغباء عنوان
وكل حاجة كانت عندنا بالمجان
وعشان كدا كل الشعب
على بعدكم ندمان
أصلا الناس كلها
بتموت فى حاجة أسمها أخوان


و شعبيتكم دايما فى زيادة
عشان كدا كل أما أكلم حد
يقولى دول عايزين ابادة
وأنتم بتقولوا يالنصر يالشهادة
والله أنا مكسوفلكم
وعلى رايكم
الشعب بيحب البيادة
بس المهم شربنا
علي تنظيمكم وعلى جماعتكم قهوة سادة

أنا عندى سؤال
هو أنتم ليه دايما
ما بتسمعوش ولا بتشفوش
غير نفسكم فين عقلكم ؟؟؟؟
ضعيتوا نفسكم بنفسكم
فيها أية لو مرسى قال
طز فى الكرسى
هو يعنى الكرسى أيةعملكم؟؟؟؟
كل اللى ماتوا الله يرحمهم
بسبب جهلكم

وللاسف كل أما حد يكلمهم
يقولوا الاعلام
أنا راضى ضميركم
بالذمة ده أسمه كلام
ولسه بتتكلموا عن الانقلاب
طيب هو فين الانقلاب ؟؟
طيب والناس والشعب
اللى نزل بالملايين
دول مش محسوبين
ولا دول مش مصريين
طيب والكهربة والسولار والبنزين
والجملة الشهيرة اللى سمعتها
الف مليون مرة
من كل الغلابة والفلاحين
الله يخرب بيتك يامرسى
هاتروح من ربنا فين
ودعوتهم استجابت
وعمر المصريين الغلابة
دعوتهم ما خابت
لانهم هما اللى كانوا
شايلين الطين

وحصل اللى عمره ما خطر على بالك
ما أنت كل أما حاجة تحصل بتحشد رجالك
ورغم كل ده الشعب شالك
مع أن مبارك كان قدامك
كان نفسى تتحمى فى الشعب
مش فى أهلك وعشيرتك واخوانك
أقول أية الله يرحم أيامك
قضيت على نفسك وجماعتك وأعوانك
المفروض كمان تعتذر للشعب اللى أختارك

الشاعر
عبد الحميد بدوى