هو احنا مش هنخلص منه بأى؟؟؟؟!!!!! [الأرشيف] - بوابة الثانوية العامة المصرية

مشاهدة النسخة كاملة : هو احنا مش هنخلص منه بأى؟؟؟؟!!!!!

C A N D Y

07-07-2008, 05:59 PM

57 مليون جنيه تمن حملة واحدة لغرض واحد
57 مليون جنيه دفعوا لتبرئة اسم رجل من الاتهام , و لكسب حب الناس رغم ان الكتير بيكرهوه
57 مليون جنيه دفعهم رجل واحد..مما يجعلنا نتسائل هو عنده كام فى البنوك؟؟؟!!!

المبلغ الكبير دا دفعه احمد عز عشان يبرأ اسمه من كل الاتهامات اللى ضده ..و ما اكترها

من اول تدمير الحياة السياسية فى مصر لحد تدمير الحياة الاقتصادية و بالتالى تدمير الحياة الاجتماعية

هو ليس الا المشهور احمد عز (لأ انا مش بتكلم عن احمد عز الجميل بتاع السينما اللى المفروض يغير اسمه..انا بتكلم عن التانى الوحش)

الرجل التانى فى الحزب الوطنى بعد جمال مبارك

فى اخر خمس سنين اصبح عز من اكثر الرجال تأثيرا فى مصر فهو يقود الحراس الجدد اللى طردوا القدام من الحزب الوطنى و هو اللى بيتحكم فى البرلمان من خلال نظرة واحدة لاعضاء الحزب اللى مش انا لواحدى بقول عليهم "خراف"

اه خراف..مشفتوش جلسة مناقشة قانون الاحتكار لما اعضاء الحزب رفضوا التعديلات و رفعوا ايديهم ..بنظرة واحدة منه كانت اياديهم كلها تحت فى ثانية واحدة

المشكلة مش انه سياسى
المشكلة انه رجل اعمال بيستفيد من نفوذه السياسى
فقد كان رجلا ناجحا و كان يملك حديد عز و Gemma Ceramics بس بشكل ما بدأ جشعه ينفجر عندما انضم للحزب الوطنى و بدأ يكتشف الثروة اللى ممكن يجنيها من نفوذه السياسى

و للناس اللى مش عارفين عز
فهو اول منتج للحديد فى مصر
فقد اشترى مصنع الدقهلية للحديد من الحكومة بسعر اقل من قيمته الفعلية و بعدين بدأ لعبه ....للاحتكار
مش احتكار بالظبت يعنى عشان فى لاعبين كتير فى السوق المصرى
بس طبعا عز كان طول عمره هدفه انه يبقى اللاعب الوحيد

من غير تفاصيل زيادة عشان انا زهقت من سيرته
خلق عز احد اسوأ الحالات الاقتصادية فى مصر خلال اخر عشر سنين
ازمة الحديد
فقد كان السبب فى ارتفاع سعر الحديد بشكل جنونى مما صعب الامر على الكثير
اكيد طبعا رفع المقاولين اسعارهم
و اشمعنة الاسمنت سعره ميزدش
طبعا دا جاء فى نفس الوقت بتاع الموجة الجديدة للاسعار اللى بتزيد
يعنى خلى الدنيا دمار

عز كان بيهاجم كتيييير فى الجرانين المعارضة و المستقلة
و على الرغم من صلته بمبارك و ابنه
و زواجه من شاهيناز النجار
الصحف مكانتش بتفضى من نقد لاذع له كاساس يومى
و لم يهتم عز فقد كان اهدأ من الصمت
مما جعل الناس يثيرون عليه
فقد كان اكثر غرورا من ان يرد على احد
مما زاد الناس كرها له

و لكى يقلل من كره الناس له قام ببث حملة علاقات عامة لتبرأة اسمه من كل الاتهامات ضده من الاعلانات الى الاصدارات الصحفية الى اللقاءات فى الشهور الاخيرة
خفض اسعار الحديد فى السوق
و لسة الناس مش مقتنعين(طب عايزين الراجل يعمللكوا ايه يعنى مش كفاية انه سايبكم تعيشو)

قال انه هيتبرع بالحديد لمشروع اسكان الشباب
و رفضوا عرضه
و فضلوا ان بيوتهم المستقبلية تتبنى بنظام
bearing wall
بأى فى كره اكتر من كدة

بعد كدة عمل لقاءات فى جرانين زى المصرى اليوم
و بردو معرفش يضحك ع الناس

اما بأى حواره الرهيب مع منى الشاذلى خلى الناس تكرهه اكتر من اى حاجة تانية
كفاية المكالمات اللى الناس فيها كانوا على وشك انهم يشتموه

و فى الاخر يدفع 57 مليون جنيه عشان الحملة بتاعته
بس الفلوس دى راحت ع الارض
لان الناس لسة بيكرهوه و لسة مش طايقينه

و انا اعتقد انه وصل لمرحلة انه مش فاهم اصلا هم ليه الناس كارهينه
وصل لنقطة انه افتكر انه ممكن يخدع الناس بالاعلانات و اللقاءات
مش مصدق ان مهما كان الشعب المصرى سلبى عمره ما يكون غبى او مغفل
الشعب المصرى طول عمره من اذكى الشعوب

و تفكيره دا ما هو الا انتحار سياسى

و انا عندى احساس ان احمد عز هيتحرق قريب
لانه بقى مستهلك
فهو طلع لسماء السياسة بسرعة قد تكسر عنقه فى اى لحظة

و انا مش عندى امل ان مصر تتصلح قبل ما احمد عز يسيبها
لان الفساد الحقيقى الجامد اوى مبتداش الا لما هو ظهر

مجرد وجهة نظر

Cray_Bird91

07-07-2008, 08:27 PM

والله انا حقولك حاجة بلا عز بلا نيلة

الراجل ده مش حنخلص منه الا لما نخلص من الحكومة الفاسدة الاول
والله البلد دى مش حينصلح حالها الا لما نفوق الاول ونعرف ان فى حد بيوقع ما بينا وبين بعضينا

وبعديها حنقدر نتفرغ للراجل ده اللى ملوش لازمة ده

ريحى دماغك منه لحد ما نخلص ونشوف سيادة الحكومة حتعمل ايه بدل ماهى كل شوية تبيعلى ارض وبنك وربنا يستر احسن يحطوا الشعب هم كمان فى المزاد العلنى

C A N D Y

08-07-2008, 12:13 AM

اولا ثانكس ع المرور و الرد لانك الوحيدة اللى عبرتينى:)

و الله انا بقيت حاسة ان مش عندهم مشاكل يبيعونا احنا شخصيا
و يبقى عندهم حق ما احنا عبء عليهم و مبوظينلهم حياتهم خالص

و انا شايفة ان اول حاجة المفروض تتعمل هى ان الحزب الوطنى دا يتشال خالص
.
.
.
.
القراءات :25 ...ثانكس ع المرور الكريم

Cray_Bird91

08-07-2008, 09:12 AM

اولا ثانكس ع المرور و الرد لانك الوحيدة اللى عبرتينى:)

و الله انا بقيت حاسة ان مش عندهم مشاكل يبيعونا احنا شخصيا
و يبقى عندهم حق ما احنا عبء عليهم و مبوظينلهم حياتهم خالص
ما احنا برضه عملينهم كلكيعة ولا ايه:D
و انا شايفة ان اول حاجة المفروض تتعمل هى ان الحزب الوطنى دا يتشال خالص

ماهو لو الحزب الوطنى ده حيتشال حيبقى بابا حسنى حيزعل وابنه العسل جمال حيتخلع لانه فيه:D
.
.
.
.
القراءات :25 ...ثانكس ع المرور الكريم

الله يكرمك ده انتى اللى جميل

C A N D Y

09-07-2008, 01:46 PM

ماهو لو الحزب الوطنى ده حيتشال حيبقى بابا حسنى حيزعل وابنه العسل جمال حيتخلع لانه فيه

لأ خلاص خليه ..كله الا زعل بابا حسنى مبارك

ثانكس ع المرور تانى:)

reda_mafia50

09-07-2008, 02:07 PM

شكرااااااااااا يا برنسيسه على التوبيك

واكيد مهم علشان يعرف لمعرفش

وانا هقول حسبى والله ونعم الوكيل فى الظالم ولمفترى

from_sinai

09-07-2008, 02:14 PM

والله عندك حق فى كل كلمه قولتيها
يالا ربنا يهدى النفوس التعبانه
كفايه بس ان السور اللى اسرائيل عملته فى فلسطين مكتوب عليه ( حديد عز)
يالا ربنا يصلح حال البلد

C A N D Y

09-07-2008, 05:54 PM

شكرااااااااااا يا برنسيسه على التوبيك

الشكر لله

واكيد مهم علشان يعرف لمعرفش

وانا هقول حسبى والله ونعم الوكيل فى الظالم ولمفترى

هنقول و هنقول و هنقول ..
و يبقى الحال كما هو عليه...

ميرسى ع المرور و الرد الجميل

C A N D Y

09-07-2008, 05:57 PM

والله عندك حق فى كل كلمه قولتيها
يالا ربنا يهدى النفوس التعبانه
كفايه بس ان السور اللى اسرائيل عملته فى فلسطين مكتوب عليه ( حديد عز)
يالا ربنا يصلح حال البلد

لا صراحة أول مرة اعرفها دى ..خلاص اهم حاجة ان السور دا ميتهدش:)

و ربنا يصلح حالنا جميعا

ميرسى ع الرد...

thechampion

09-07-2008, 05:59 PM

عيب يا جماعة ده مهما كان الحزب الحاكم

اوركيديا

23-07-2008, 08:41 AM

pure_heart

23-07-2008, 09:55 AM

[QUOTE=Precious;558801]لا صراحة أول مرة اعرفها دى ..خلاص اهم حاجة ان السور دا ميتهدش:)

طب قول بقى انت مش عايز السور ده يتهد ليه؟:confused:

موضوع جاامد
بس قدرتى تستحملى لحد ما كتبتى عن الراجل المنيل ده
وانا بقرأ الموضوع خفت الكهرباء تقطع
ربنا يصبرك

Bossy Cat

23-07-2008, 10:07 AM

طالب في ثالثة ثانوي

23-07-2008, 11:30 AM

مشكور على الموضوع

اوركيديا

23-07-2008, 11:51 AM

C A N D Y

23-07-2008, 12:05 PM

عيب يا جماعة ده مهما كان الحزب الحاكم

ع رأيك..نتدخل ليه فى حياتنا اللى مش لينا اصلا

C A N D Y

23-07-2008, 12:14 PM

ايوه ماشى عز عز عز
بس مين اللى سمح لعز انه يتحول للصوره المتوحشه و المستوحشه دى
احنا
مين و مين و مين
واحد لقى مصلحتو عايزاه ميحولش انه يحققه (سورى يبقى عبيط)
و ده طبعا ملناش دعوه بالقيمو الدين عشان احنا متفقين فى النقطه دى
احنا بقى اللى المفروض ندور شويه على مصلحتنا
فينا احنا من كل ده
بيلعبو بينا الكوره الشراب كمان
اووووووووووف
(ان الله لا يغير ما بقوم حتى يغيرو ما بانفسهم)
فى رعايه الله

صح صح
و احنا كنا لسة بنكلم فى الموضوع دا
و قلنا مستنيين قائد
دورو يا جماعة على قائد
هو معداش هنا من شوية ولا اى؟:D
طب ما اى رأيك يا اسدات انتى تبأى قائد؟
اهو بردو هيبأى احسن بدل ما نفضل مستنيين كدا كتير:D
ربنا يهدينا يا بنتى
ازا كنا مش عارفين نصلح المنتدى
هنصلح مصر ازاى

C A N D Y

23-07-2008, 12:17 PM

لا صراحة أول مرة اعرفها دى ..خلاص اهم حاجة ان السور دا ميتهدش:)

طب قول بقى انت مش عايز السور ده يتهد ليه؟:confused:

موضوع جاامد
بس قدرتى تستحملى لحد ما كتبتى عن الراجل المنيل ده
وانا بقرأ الموضوع خفت الكهرباء تقطع
ربنا يصبرك

طبعا ميتهدش
يرضيكى يعنى السور يتهد و عمو عز يخسر
اخث عليكى
و ربنا المعين
بصراحة كتبته ع 3 مراحل:D
ميرسى للمرور

C A N D Y

23-07-2008, 12:21 PM

بصى انا مش هقول حاجة غير
حسبى الله ونعم الوكيل
لان دلوقتى اللى بيتكلم فى حاجة صح بيتاخد على طول ومتعرفيش بيروح فين وبعديها يقولولك ده كان فى المعتقل عشان غلط فى .......
لا كمان بيقولوا ان احنا بلد ديموقراطى وفيها حرية راى وحرية صحافة واعلام و وووو .........
وفى الاخر الواحد يتكلم ويحصله اللى حصل لمجموعة الشباب اللى كانوا على الفيس بوك وبيتكلموا عن حال مصر
واولا واخيرا مش هقول غير حسبى الله ونعم الوكيل على الظالم والمفترى
وميرسى يا قمر على موضوعك ده وصبرك على كتابة عن الراجل الخنيق ده

تصدقى
ايام ما كنت بكتب كدا كتير
كانت مامما دايما تقوللى كدا
دول بيمسكو ناس بالهبل كل يوم
و فى اغلب الوقت مش بيقولو و مفيش حد بيعرف عنهم حاجة
ربنا معاهم بأى
بس انا نفسى اتمسك زى اسراء كدا
اشمعنى هى يعنى:D
ميرسى يا قمر ع المرور
و ع قرائة الموضوع الخنيق دا:D

C A N D Y

23-07-2008, 12:23 PM

مشكور على الموضوع

ميرسى ع المرور

C A N D Y

23-07-2008, 12:31 PM

ماشى بصى عندى فكوره كده
ايه رايك نعمل كده حاجه تشبه الدونه يعنى من الاخر تتكلمى عن الناس الحلويين دول زى ما اتكلمتى عن العسل اللى قبلهم
كده نبذه حلوه و مفيده
و اديكى اهه بتعمليلنا حاجه
مااااااااشى
فى رعايه الله

:eek::eek:
يعنى لسة بوسى بتقوللك بيمسكوهم فى المعتقلات و انتى عايزانى اروح فى داهية:mad:
يعنى جوانتنامو دا عايزة توديهونى بأى شكل و خلاص
يا بنتى انا بطلت اكتب
دى كانت حاجة كدا سبيشيال عشان انتى عارفة اد اى انا بموت فى الراجل دا
عامة اصلا ان شاء الله هبأى اكتب حاجات تانية
بس مش هنا
دا التوبيك كان فيه ردين بالعافية لولا ان انتى رديتى و طلعتيه من مقبرة الصفحة التالتة تانى
بس ممكن اكتب..و تكتبى انتى معايا عشان محدش يعتقلنى لواحدى
الله تصورى الفكرة تلعت فى راسى اوى
عايزة حد يعتقلنى :D
ها ..هتكتبى ولا اى؟
اكيد طبعا عايزانى ادبس لواحدى..عارفة انا الناس دى كويس:D

اوركيديا

23-07-2008, 01:14 PM

يعنى لسة بوسى بتقوللك بيمسكوهم فى المعتقلات و انتى عايزانى اروح فى داهية
يعنى جوانتنامو دا عايزة توديهونى بأى شكل و خلاص
يا بنتى انا بطلت اكتب
دى كانت حاجة كدا سبيشيال عشان انتى عارفة اد اى انا بموت فى الراجل دا
عامة اصلا ان شاء الله هبأى اكتب حاجات تانية
بس مش هنا
دا التوبيك كان فيه ردين بالعافية لولا ان انتى رديتى و طلعتيه من مقبرة الصفحة التالتة تانى
بس ممكن اكتب..و تكتبى انتى معايا عشان محدش يعتقلنى لواحدى
الله تصورى الفكرة تلعت فى راسى اوى
عايزة حد يعتقلنى
ها ..هتكتبى ولا اى؟
اكيد طبعا عايزانى ادبس لواحدى..عارفة انا الناس دى كويس

طاب ايه رايك انا موافقه و بالثلث و مستعده نعملها احنا الاتنين بس
و حنخنقهم بيها لحد ما يقتنعو بكلامنا
ماهو الزن على الودان امر من السحر
ووراهم وراهم لحد ما يخضعو
مااشى
فى رعايه الله

C A N D Y

23-07-2008, 01:24 PM

طاب ايه رايك انا موافقه و بالثلث و مستعده نعملها احنا الاتنين بس
و حنخنقهم بيها لحد ما يقتنعو بكلامنا
ماهو الزن على الودان امر من السحر
ووراهم وراهم لحد ما يخضعو
مااشى
فى رعايه الله

مااااشى يا حبيبتى
خليكى فى الكلام دا هنا
و بعدها بديقتين ع الميل تقوليلى تدبيسة:p
طب شوفى عايزة تزنى ع ودان مين
و انا اشيلهالك خاالص;)
بس انتى معايا..ها؟ معاايا:D

اوركيديا

23-07-2008, 01:33 PM

مااااشى يا حبيبتى
خليكى فى الكلام دا هنا
و بعدها بديقتين ع الميل تقوليلى تدبيسة
طب شوفى عايزة تزنى ع ودان مين
و انا اشيلهالك خاالص
بس انتى معايا..ها؟ معاايا

ايه الفضايح دى الكلام ده بينا بينااااااااااااا
انا برده قلت تدبيسه ده انا حتى اسدايه
بس النتى ارضى بس و ان هوريكى اللى حعملو
فى رعايه الله

C A N D Y

23-07-2008, 01:36 PM

ايه الفضايح دى الكلام ده بينا بينااااااااااااا
انا برده قلت تدبيسه ده انا حتى اسدايه
بس النتى ارضى بس و ان هوريكى اللى حعملو
فى رعايه الله

مااشى بس عشان اقتلك:pمعااااكييييى:p
يلا ورينى بأى :)

bosy .. mostafa

23-07-2008, 02:29 PM

المغترب

23-07-2008, 02:41 PM

يعنى اشمعنى دى اللى مستغرب ليها اوى يعنى
مابيحصل اكتر من كده
كويس انه ماعملش توكيل لبعض الشحنات لشاب

كله على الله

طـفـلـة الامـس

23-07-2008, 02:51 PM

ربنا يصلح حال بلدنا وينتقم من كل ظالم
انه ولى ذلك والقادر عليه

اوركيديا

23-07-2008, 05:03 PM

شفتى يا برشيوس اهو الناس مهتمه اهو

C A N D Y

24-07-2008, 07:48 AM

بسم الله الرحمن الرحيم

احنا بنبني عماره دلوقتي , و طلعان عينينا في الحديد و عز مطلع عينينا برضو الله يحرقه يعني
هو قال انه رخص سعر الطن عشان يوصل ويبقى 5000 جنيه ..
أيوا رخّص .. بس لما تروح تشتري يقولك مافيش ..
يعني رخصه و سحبه من السوق ..
فبنروح نشتري من بشاي للصلب اللي بيبيع الطن بـ 7000 و 8000
و كمان تتصل بيه الصبح يقولك ايوا تعالى الطن دلوقتي بـ 7500 و لما تروح يقولك لأ ده بقى بـ 7700
بيغلى يعني في النص ساعه اللي بتروح فيها .. كل واحد ماشي بمزاجه يعني ..
و عز ده بقى بجد استفزني و حواره مع منى الشاذلي استفزني أكتــر و الناس اللي جم في اول البرنامج دول اكيد كان مديهم فلوس .. عايز الناس تحبه بالعافيه .. حاجه يعني .. مش عارفه اقول ايه
هو بس بيتبرع بالحديد بتاعه لإسرائيل عشان يبنوا الجدار الفاصل
منه لله .. و حسبي الله و نعم الوكيل ..
الراجل ده كل ماحد يجيب سيرته بتنرفز و بحس اني عايزه اقوم اضرب اي حد و محدش يسألني ليه
يمكن عشان مص دمنا في الحديد
او يمكن لإنه مص دم الشعب كله .. بيعلي سعر الحديد بمزاجه
الله اعلم بقى
شكراً على الموضوع

و احنا كمان نفس المشكلة
بجد حاجة بقيت تزهق
بس ع الاقل احنا ماشيين فى البناء
فى ناس تانية عمالين يوقفو و يبنو و يوقفو و يبنو و ماشيين يكلمو فى نفسهم
و رايح يتبرع لاسرائيل فى الاخر
و المشكلة ان الحديد بيزيد كله بيزيد وراه
حاجة هم
حسبى الله و نعم الويل
ميرسى ع المرور

يعنى اشمعنى دى اللى مستغرب ليها اوى يعنى
مابيحصل اكتر من كده
كويس انه ماعملش توكيل لبعض الشحنات لشاب

كله على الله

مش مستغربة ولا حاجة
معدش فى حاجة غريبة اصلا
بس بجد من زهقى كتبت الموضوع دا
ميرسى عالمرور

ربنا يصلح حال بلدنا وينتقم من كل ظالم
انه ولى ذلك والقادر عليه

ااميين
ميرسى ع المرور

شفتى يا برشيوس اهو الناس مهتمه اهو

احم ماشى..ورينا همتك بأى فى اللى اتفقنا عليه:)