معظم بنات مصر
انا بقول معظم( مش كلهم)
اما تيجي الاجازه تلاقيهم
ماسكين التليفون وهات يا رغي

ود ود ود ود ود
ويك ويك ويك ويك

وخد بقى يامعلم
شفتي الواد حمص كان لابس ايه النهارده
التيشرت كان جميل بس الشوز كان مقطوع

بيقولوا البت الح ما ره اتقدملها عريس كويس
اه فعلا ..بس رفسته ؟؟ هع

شفتي فستان اليسا الجديد

هيا صحيح البت زعبله اتخطبت
لا.. اصل عريسها مكنش شبه تامر حسني

اما شفت حته واد النهارده
زي القمر وقعد يبصلي كتيــر
(دا على اساس انه عبرها انسى )

وبعد اما تقفل التليفون مع صحبتها او بعد ما تسبها
تقول البت دي كدابه كدب ؟ (شوفت الكهن)
دي اكيد بتفشر عليا في اللي قالتله
وهيا في وشها ازيك يا قمر .. ازيك يا روحي .. .ازيك يا حبيبتي
ويا دوبك تديها ضهرها
البت دي انا مبقبلهاش بس هيا اللي مصممه تكلمني

ال ايه ويقولك علاقه البنات ببعض اقوي من علاقه الشباب مع بعض هع هع (هموت واعرف مين اللى طلع الاشاعه دى)

والواحده من دول اما تتعارك مع صحبتها
يالهووووووووووووووووووووووي

تلاقي الملايه اتفرشت واللسان الجميل تحول اللي مجارى ضاربه

وعلي راي حبيبى عادل امام
فجاه لقيت النسر طار يا خال
والنور اللي في وشه انطفي
وقالي ملكـش فلـوش عنـدي

تخلص مع اصحابها تخش علي الام الغلبانه
ومفيش غير كلمه( لا) علي لسانها و(اشمعني انا)
متخلي فوزيه اختي هيا اللي تعمل
وياليله سودا لو اخوها قالها اعمليلي حاجه كدا يبقى لعب فى عداد عمره

واما تكون عايزه حاجه منه
اخويا حبيبي (اه يا كهينه)
فاكر لما قلتلي اعملك شاي من سنتين وعملتهولك
ويا سلام لو ماسكه عليه حاجه
اول ما يزعقلها تقوله مش فاكر لما خلتني
روحت كلمتلك البت اياها (اهلا هى بقت كدا )

هتنفذ الامر ولا اقول لبابا ولماما اخليهم يطينوا عيشتك
ونظرا للضغط الرهيب من الاخت بيرضخ(يا نهار اسمر ع الكلام هى وصلت ليرضخ)الاخ البري.. الوديع..الحالم.. المطيع..الركيك. .لطلبات الاخت المفتريه
خلاص خلصت علي ماما واخوها واصحابها (ليكى يوم يا ظالمه)

تخش علي بابا عشان تنكد عليه
عايزهاجيب شنطه جديده
عايزه اغير الموبايل
عايزه واحد كشري بالكبده
المهم انها تقرفه وتقوله هات فلوس بأي طريقه
ويقولك البنات حنينين علي اباهتهم (طب ازاى ؟)

و طول اليوم بقى من المطبخ للنت للسرير ل melody لـ ستار اكاديمى
واما تلاقي نفسها اتخنقت من اللي عملته
تخش علي المطبخ وهات يا .....؟
كأنها مكلتش من ميت سنه وشويه
وهيا تلاقيها قدامك في الجامعه
منتهي الركه والطيبه (بس على مين)
وتقولها متاكلي تقولك انا ساندويتش واحد يشبعني
بالزمه فى كدا ركه (ركيكه ع الاخر)
مش مهم تاكل ايه
وتقولك انا بطلع زهقى في الاكل

حتي تلاقي الواحده من دول في سنك
وقدك 9 مرات..

هههههههههه والله الموضوع يموت من الضحك ...وانا معاك ف حتة ان البنات احيانا علاقتهم مع بعض بتبقى وحشة اوي
بس بجد حنينين على ابهاتهم ..هو في حد زي الاب

بس على فكرة انت مزودها حبتين ..اكيد في بنات بتعمل كده بس مش للدرجة دي يعني
انت ليه مصر تهاجم البنات مع انكم بتموتو نفسكم عليهم ؟؟؟!!!!

لالالالا
مش كل الشباب بجروا ورا البنات على فكرة

انا واصحابى عاملين رابطة مشجعى العزوبة

مش البنات ووجع الدماغ

هايجيلك يوم وتجري ...لما تحب مش هاتقدر تتكلم وبكرة تقول هنا قالت

يا حرام دة البنات مفتريين اوى
وانتو يا عينى طيبين خالص

الصفات السيئة لا تتوقف على النوع بنت او ولد لكن تتوقف على الشخصية
فكلنا عيوب وللناس اعين

طالما هناك احترام فاعلم ان للاحترام عدو

لاشىء فى الكون بدون عدو له

عموما زى مافى هناك عيوب عند البنات فى برضه عيوب عند الشباب واكتر كمان

ربنا يهديكوا والله

ههههههههههههههههههه

هى عادتهم ولا هيشتروها يا عمده

بتحسسوني يا اولاد بانكم ما بتطيقوش البنات
وع فكرة عماد انا سالته ليه بيهاجم البنات وما ردش ...واخدين بالكو

بتحسسوني يا اولاد بانكم ما بتطيقوش البنات
وع فكرة عماد انا سالته ليه بيهاجم البنات وما ردش ...واخدين بالكو
بصى يا هنا لو دورتى علىل اى مصيبة هتلاقى السبب بنت

انتى ناسية ان لولاكوا كنا زمانا فى الجنه

مش حوا هى اللى زنت فى ودن سيدنا ادم وخلتوا يعصى امر الله؟

انا كنت ناسى افكرك

موضوع محذوف