واحد ماشي بعربيته ونازل من كوبري 26 يوليو ورايح ميدان لبنان وفي نهاية الكوبري كان في مجموعه من العيال عاملين لجان شعبية مع ان المكان بعيد عن ميت عقبه ومنطقة الجزيرة
المهم العيال دي شايله سنج وعصيان وفرد خرطوش الراجل افتكر انه هيتثب او انهم هيهجموا عليه راح قبل ما ينزل راح لف من فوق الكوبري العيال شافوا افتكروا معاه حاجه راحو ضربوا عليه بالخرطوش
وهو بيلف راح الرجل طلع الطبنجه بتاعته وابتدا يرد عليهم واتصاب واحد من العيال دي
كان في مدرعه فهد تبع الجيش بتحمي البنك المركزي اللي ادام سور نادي الزمالك جنب وزارة الشباب والرياضة سمعوا ضرب النار والناس قالتهم الحقوا راح جنود الجيش جم جري لمكان الضرب وضربوا علي الراجل ده لحد ما مات

العيال جريت علي الراجل وكسروا العربية وقلبوا الراجل ده في الطبنجه والمحفظة والموبايل
ولم جه جنود الجيش فتشوا العربية لقوا شنطه لاب توب اللي لحقوه من العربية بعد ما العيال قلبت اللي في العربية " ودي من واسخه الشعب المصري طبعا كالعاده "

المهم طلعت اشاعه انه اخوان وكل واحد بقا يقول كلمتين " احسن غار في داهيه .. ارهابي .. يستهال " اكنه كلب يعني ولا يسوي " وفضلت جثته كدا في نزله الكوبري لحد ما واحد ابن حلال غطاه " قولنا ندور علي اي حاجه في العربية نعرف بيها شخصيته عشان نكلم اهله
وفعلا لاقينا ورقة كشف بتاعته و اوراق خاصه بالتأمين الصحي طلع ايه الراجل ده " طلع رائد شرطة " الناس لم عرفت قعدت تترحم عليه وابتدا الناس تقول اللي خد اي حاجه من العربيه يرجعه وخصوصا الطبنجه وطبعا ولاحد رد ولا اي حاجه رجعت
وواحد كلم الاسعاف وجت الاسعاف عشان تشيله فعلا
ملازم اول في الجيش ابتدا يكلم في العيال وقال محديش يقف يعمل لجان شعبيه تاني هنا

ذنب ايه ده يموت فطيس .. عمل ايه عشان يموت الموت دي .. كل ده عشان شويه عيال شمامه وقفت تفتيش في العربيات وهي ملهيش انه تفتيش حظر التجوال و قانون الطواري خالوا الاشكال الضاله بقا ليه حق انها تفتيشك وتفتيش عربيتك

حسبي الله ونعم الوكيل في اللي كان السبب
اقسم بالله لاقيت صورة لبنته شكلها لسه مولده .. ذنبها ايه ابوها يت*** وتتربي يتيمه
دي اول مره اشوف واحد مات ادامي امال العشرات الناس اللي ماتت امبارح في النهضه ورابعه ومصطفي محمود اهليهم يعملوا ايه .. حسبي الله ونعم الوكيل
See Translation

See Translation
هههههههههههههههه
واضح ان كلامك منقول ومش انت اللى بتقول كده .
يا اخونا انا قولت فى ميلشيات للأخوان قاعدين على النت ليس لهم هدف سوى اثارة الفتنة.
ههههههههههه بس برضه حلوة See Translation

حتى لو الموضوع منقول اخى العزيز الموت ليس بة شماتة ربنا يرحم الموتى اجمعين سوا اخوانى او سلفى او ليبرالى او اين كان فى الاخر كلنا مصريين فياريت بلاش فى الاخ الى بيتريق على الموضوع المنقول يفتكر عظمة الله جل قدرة وياترى لما نقف قدامة هنقول اننا ساعدنا فى موت احد حتى بالقول اتمنى نعى مانقول اتمنى لان حرمة الدم مش هنقدر نشيلها لانها اثقل من الجبال لو حضرتك تقدر تشيل شيل ولك مطلق الحرية فياريت نفكر ونتعظ بكل الى بيحصل وحسبنا الله ونعم الوكيل فى كل انسان *** بدون وعى ولم يراعى حرمة الموتى اللهم يارب الكون العظيم انصر الحق وجنبنا الشيطان الرجيم ومايوسوس لكل انسان اثيم يارب