صباح الفل عليكم جميعا

انا عايز اقول لكم ان احنا فى خطر سياسى كبير و هو الجهل السياسى والثقافى فى البلد .......محدش يعرف

حاجه عن السياسه غير الساده الحاكمون المبجلون وبس.......... بعد كده مفيييييييييييييييييييش 5 لا نعرف

حاجه عن احزاب ولا حقوق وواجبات وكل هم الشباب الاغانى الجميله والتظبيط والعيب فى الدوله اللى عزلت

السياسه عن الناس مع ان السياسه دى اهم حاجه اكتر من الثانويه العامه المرعبة لو فى سياسه مكنتش

مرعبه .......الرعب فى خوفنا من السياسه واعتبارها من المحرمات و اقتصارها على طبقة برجوازيه لا تعرف

همومكم وهموم الغلابه فى مصر الحبيبه .................... ارجو مكنش قرفتكم وعقدتكم منى

على فكره انا عضو جديد ومخلص ثانويه عامه وجى اشاركم رعبكم



ارجو الرد على الموضوع

هى حاجه اتربت فينا مش هتخلص فى يوم وليله وانت صغير مش كان بابا وماما يقلولك متتكلمش فى السياسه اتزرعت جوانا ان اللى يدخل فى حاجه زى كده اكيد هيتسجن انت فكرك ان بابا لو عرف انى بتكلم فى السياسه مثلا هيسبونى لازم يقنعك ان اخرك معروف
وفى احداث كتير بتاكد كده شكرا ع موضوعك

ميرسى كتير على موضوعك وهو فعلا موضوع جديد ومحتاج لمناقشه
لكن فعلا انا نفسى اعرف ايه السبب ؟ يمكن لاننا مش بنحب نشغل بالنا كل واحد فى دنيتنا عنده مشاكله اللى تكفيه وتزيد شويتين
قاغلب الناس بيقولوا لما نبقى نحل مشاكلنا بنقى ندور على مشاكل السياسه وكمان لانهم عارفين انهم هيتكلمو ويتكلمو وبرضه مافيش حاجه هتتنفذ غير اللى حكامنا عايزينه والناس بتفضل انها تخليها فى نفسها
وفى حاجه كمان عايزه اقولها كلنا شايفين حال البلد عامل ازاى الناس دلوقتى اغلب الناس بتفكر فى حال الدنيا والاسعار اللى بقت نار
الناس بتفكر ازاى هتعيش و يقدرو يعيشو كويس متهيالى ان الناس مش عندها وقت تتكلم ولا تتابع الاخبار السياسيه كل الناس هتقول ان الوقت ده يشتغل فيه احسن على الاقل الشغل هيساعده على الحياه وتوفير متطلباتها لكن الكلام فى السياسه كلنا عارفين اخرته ايه.......
وميرسى على الموضوع وسورى على الاطاله
وعلى فكره ده مجرد رأى يخضع للصواب والخطا وشكرا مره تانى

اولا سلام عليكم

دايما بابا يقول خلى بالك من السياسة

يابنى سايس الناس علشان تقدر تعيش وسطيهم:d

وناس تانية تقولك ما تتكلمش فى السياسة ( احنا عايزينك تطلع راجل محترم ):d
السياسة دى بقت كلمة بنعلق عليها جميع اخطائنا تيجى تتكلم بعدها يقولك سياسة بلد
وكان الله فى العون



شكرا على الموضوع

الرعب فى خوفنا من السياسه واعتبارها من المحرمات

رعب ايه بس
اسمها سلبية
دا انا باجى اقول شفتوا اخر الاخبار يقولولى ايه هو تامر حسنى نزل اغنية جديدة
و اه لو جبت سيرة حد زى عمر المختار او اسراء و اقول نفسى ابقى زيهم
بقيت مملة
دا حتى التوبيك بتاعى اللى هنا مفيش حد رد عليه
الناس ولا تعرف حقوقهم ولا واجباتهم
و بيتبهدلوا فى الاقسام
ما هو العيب عليهم
عايزين اللى يمشيهم من غير ما يفهموا حاجة
كتيرها أوى اعتراض على اسعار زادت
عايزين يبقوا عايشين مش ليهم علاقة بحاجة و البلد تتصلح من نفسها
بس و الله فى كتير ما شاء الله عليهم عارفين حقوقهم
و عارفين هم بيعملوا ايه
و هم دول اللى مدينى امل
امل ان مصر يتصلح فيها حاجة

ميرسى كتير ع التوبيك بجد مهم