قرار وزارى بعمل نبطشيات امن للمدرسين على مدار 24 ساعة عل ثلاث نبطشيات

وصل العديد من الادارات التعليمية نشرة وزارية بشأن عمل نبطشيات امن للمدرسين كالاتى

تقسيم المدرسين من 8-3 ع و من 3-11م و من 11-8ص و يأخذ المدرس راحة تانى يوم

بالله عليكم ده كلام ؟ هو احنا بنشتغل ايه بالظبط؟

على فكرة الكثير يعتقد انها اشاعات والله هذا صحيح وانا لم اتمكن من الحصول على نسخة من هذه النشرة

يعنى تبقا قاعد فى المدرسة بليل من غير سلاح ولا اى حاجة ومعرض فى اى وقت لاى خطر

هو احنا ايه بالظبط


ياريت اللى عنده معلومات عن الموضوع ده يفيدنا علشان الكل فى حالة غضب فظيعة

وماحدش يقولى ده شىء وطنى ولازم نقف جنب البلد معلش ماتجيبنيش المدرشة بليل وانا اعزل وممكن اكون ضحية اى اعتداء ارهابى او اجرامى وكثير من المعلمين لديهم ظروف خاصة كالذى يعمل ليلا من اجل احتياجات اسرته ومنهم من صحته لا تساعده على ذلك هتودونا فين تااااااانى ؟

فهذا ليس من اختصاص المعلمين هذا شىء من اختصاص الامن والشرطة

ياريت اللى عنده معلومات عن الموضوع ده يفيدنا علشان الكل فى حالة غضب فظيعة لأن من يرفض التوقيع يكتب فيه مذكرة ترفع للادارة بجد كده منتهى القمع و الجهل

دى وزارة الخيبه و العبط
الوزاره الوحيده اللى مبتديش الموظفين حقهم
و الوزاره الوحيده اللى بتطلب اعمال خارقه منهم
وزاره عمرها ما يتعدل حالها
من وزير خايب الى وزيرخاين الى وزير
عبييييييييط

أهو ده اللى ناقص ده لو حقيقة يبقى جابو أخرينا احنا أصلاً متلصمين ومش ناقصين هبل

احنا مدرسة الشيماء ادارة السلام التعليمية
احنا طبق عندنا الموضوع دة بس للرجال فقط من الساعة 12 حتى الساعة 5 م فقط وما يجيش الصبح ده كل الموضوع

للأسف الخبر صحيح ومعي النشرة ولكن لايوجد عندي سكانر وقريبا سيتم رفعها

http://http://im36.gulfup.com/uVnPs.jpg

http://im36.gulfup.com/uVnPs.jpg

الخبر صحيح 100% ولسة شايف المنشور اول امبارح ولا تعليق

انا لما اتعقدت مع وزارة التربنه و التعتيم
اتعقدت كمدرس مش غفير
يا وزير يا اهبل
و الله شكلك عبيط
لما تترزع فى الوزاره بتاعتك
تحرسها لحد تانى يوم ابقى ابات انا فى المدرسه
و لما تتدينا حقوقنا الاول
بعد كده نعمل واجباتنا و اكتر
مش مدرس مبيكملش 20 جنيه فى اليوم عايزه يبات فيها لتانى يوم تتحرق المدرسه على دماغك يا متخلف

حسبي الله ونعم الوكيل

قرار اهبل من وزير اهبل

حال المدرس عمره ماهيتعدل فى اى عصر

ههههههههههههههههه

احنا فعلا جالنا القرار ده بس كل المدرسين فى المدرسة رفضوا ينفذوه رفضا تاما وماحدش قدر يعمل معانا حاجة

"رابطة معلمى مصر" ترفض تطبيق نظام "النوبتاجية" لحماية المدارس من الشغب

كتبت - آية دعبس | منذ 17 دقيقة


http://media.cairodar.com/news/Large/15796_1.jpg صورة ارشيفية
أصدرت "رابطة معلمى مصر" بيانا صباح اليوم الخميس، وذلك لإعلان رفضها لقرار المديريات التعليمية بالمحافظات، لتطبيق نظام "النوبتاجية"، والذى يلزم مديرو الإدارات التعليمية، والإدارات النوعية والمدارس بكل أنواعها بتشكيل لجان وورديات من المعلمين "نهارية وليلية"، لحماية المنشآت التعليمية، من أية أعمال *** أو تخريب.
قال عماد الكرديسى منسق "رابطة معلمي مصر"، لـ"كايرو دار": إن إلزام المعلمين لأداء مهام "النوبتاجية"، قد تكون ظلما لمجموعة منهم لتفوق الجهد المطلوب بالعمل عن طاقاتهم البدنية والصحية، مشيرا إلى أن المعلمين ليسوا مدربين أو مؤهلين لهذه الأعمال، بالإضافة إلى عدم امتلاكهم أسلحة للدفاع عن أنفسهم والأبنية القائمين على حمايتها.
وطالب الكرديسى بتوفير "نوبتاجية" من رجال الجيش والشرطة، حرصا على سلامة المنشآت والمدارس والمعلمين أنفسهم.

الامر سهل وبسيط محدش يطبق القرارا ده .لان الشرطه والجيش بيحموا الناس علشان دية وظيفتهم كمان مرتباتهم كبيرة جدا جدا مقارنه بالمدرسين كمان لو حد مات اسرته بياخذوا معاش كبير وتعويض يساعدهم علي معيشتهم وكمان اشياء كتير.................
اما احنا مرتبات ومعاش زباله يبقي نضحي بحياتنا لية................

طبعا وزير متخلف لأنه مش تربوى وكمان فى حكومة الانقلاب
اللى هتخلى الشعب يرجع يبوس رجل الغفير قبل الظابط

ثم المدرسه فيها ايه مهم غير اجهزة الكمبيوتر الصينى المضروبه اللى الجهاز ما يساويش فيها 1000 جنيه وبيتحسب على الدولة ب 5000 جنيه والغريبة ان العامل اللى المفروض انه يبات فى المدرسة كل اللى بيعملو انه ينور المدرسة بالليل ويروح ينام ويرجع يفتح المدرسة الساعه 7 الصبح

الوزير شكلو اهبل ومش عارف ايه اللى بيحصل فى المدارس

هما فاكرينا أيه والله لو المعلمين نفذوا القرار الاهبل ده يستاهلوا الي يحصلهم بعد كده مايحرس الجيش والشرطه الي رفع السيسي مرتباتهم عشان يضمن ولائهم وقمع الشعب حلو وكأننا في دوله بوليسيه أو أسرائيل تفتيش وأمن دوله وأعتقالات ومفيش تفسير وأي حد يتكلم التهم جاهزه خلي الجيش يحرس ولا شطار بس في فض الاعتصامات

احنا مدرسة اعدادى بادارة مركزكفر الدوار بحيرة رفعنا مذكرة بأسماء مدرسى المدرسة الى الادارة بأننا غير ممتنعون عن أداء الواجب الوطنى لكنها لا تتناسب مع ظروف حياتنا الطبيعية وبررناها وامتنعنا عن تنفيذها

على فكره النظام ده مطبق فى الكهرباء

ربنا يكون فى عونكم

انا شايف ان معظم الناس اللى بتسخن الموضوع لسة جداد على الموقع

اتمنى ان لا يكونو من ذو النوايا ........ والله اعلم

الموضوع ببساطة ان حتى لو النشرة موجودة متمضيش عليها لو مش عايز , لان دى مش من مهام وظيفتك . حمى الله مصر من شر الفتن .

انا مدرس مؤقت بمرتب 200 جنيه وكمان عاوزني انام في المدرسة هههههههههههههههههههههههههههه

اخر نكته ...... هق هق هق

لا السيسى بيحبك التمثيلية

هو الموضوع كله عايز يحسس المصريين بان فيه ارهاب

المليونيات صار اسمها ارهاب
السيسى عايز يعمل لجان شعبية فى الشوارع

تحت اشراف قضاء وحكومة السيسى
"المعينة المفروضة"
عشا ن تبئا حرب اهلية ودولتين دولة شرعية مناهضة لدولة سلاحية
يؤيدها مجموعة من البلطجية
فهل يقبل المعلمين ان يكونوا على هذه الدرجة من الاستحمار؟
طبعا مليون فى المائة لا
الاستحمار فقط
للخسيسين السيسيين
المغيبين
وعايز يعمل لجان مدرسية
لتترسخ فكرة وهمية اسمها محاربة الارهاب
ههههههه
هم لو كان المعتصمين المصريين معاهم اسلحة؟
كان مات منهم كل العدد دة فى ساعات قليلة؟
لجان مدريسية جديدة
ودة طبعا بمناسبة العام الدراسى الجديد
عودة بابا مبارك لبيته سالما غانما
الذى ناضل طيلة فترة حكمه
ليرتفع معدل الدين من20 مليار بعد وفاة السادات
الى
1300مليار
والذى ياخذ من موازنة الولة60%
وعشان كدة العيشة فى مصر صعبة جدا ارتفاع اسعار
وانخفاض فى قيمة الجنيه المصرى
وازدياد معدل البطالة
ومرتبات زهيدة وثورات واعتصامات
وحتى الى كان فاضل سليم فى البلد
واللى صرفنا عليه دم قلبنا" الجيش "
الان يستخدم
خطا
فى ضربنا نحن من عملناه من قوت الشعب وهو الان يضربنا

اكرر لن نسمح ابدا ان نكون مغفلين

شكرا خادم المسلمين علي الترددات

تم الغاء القرار

الأخ خادم المسلمين
طبعا باين من ردك إنك تبع الإخوان ودخلت الموضوع في منحدر سياسي
وللأسف كلامك كله غلط 100%
وللأسف إنت بكلامك ده خادم للإرهاب مش خادم للمسلمين

تم الغاء المبيت بالمدارس
http://akhbar-cairo.blogspot.com/2013/08/blog-post_8813.html

تم الغاء المبيت بالمدارس
http://akhbar-cairo.blogspot.com/2013/08/blog-post_8813.html


الحمد لله عشان الناس تبطل تخلق حكايات