السلام عليكم و رحمة الله و بركاته

انا عندي مشكلة بسيطة اني عاوز اشتغل مدرس في التربية و التعليم .... كفرت ؟ عملت جريمة ؟

انا من الاسكندرية خريج دفعة 2010 كلية تربية قسم لغة عربية عام دور مايو بتقدير جيد

و من ساعتها بلف في وكالة الوزارة اللي في ابيس عشان فرصة عمل في أي مدرسة و طبعا الرد

الوحيد مفيش شغل و مفيش عقود و مفيش تعيينات من كذا سنة !!!!!!!!!!!!!

بس الإجابة الحقيقية إنه مفيش واسطة و للأسف دي الطريقة الوحيدة و أنا مش حابب اشتغل

حاجة غير اللي درستها و حبيتها و هي اللغة العربية ، و معنديش اخوات يعني مفيش غيري

يقدر يقف مع أسرتي :(

بالله عليكم لو حد يقدر يساعدني في الموضوع ده يبعت لي رسالة علي الخاص

نصيحتي إذا كنت مصما على الغلب أن تسلك طريق الملحقات الثقافية لدول الخليج أو تطرق أبواب المدارس الخاصة ، أما الأفضل بعد عمل لي في التعليم ما يزيد على الـ 25 سنة أنصحك نصيحة مخلص أي شغلة غيرها أفضل وأسأل الله لك التوفيق..

والله جاتلي فرصة سفر لكني تركتها إرضاء لله لأن أسرتي ليس لها غيري فأنا وحيد و ليس لي أخوة

اشتغل فى المدارس الخاصة وخلاص والحق اقدم قبل الدراسة متضيعش السنة دى

يعنى مفيش اى أمل فى الحكومة