مشاهدة النسخة كاملة : مشكلة في الغاء التحويل


ممدوح صالح
24-08-2013, 01:14 AM
موقع خدمات التنسيق ببوابة الحكومة به مشكلة وهي كالآتي :
انا قمت بالتحويل من كلية لكلية اخري
وبعد كده حبيت اتراجع في عملية التحويل
بعد ادخال رقم الجلوس والرقم السري وكود الصفحة
قمت باختيار الغاء التحويل
ثم ضغطت للتكميل فيقوم الموقع بالخروج من الصفحة ولا يقوم بعملية الالغاء
وكأن هذه الخطوة غير معمول حسابها في برنامج التحويل نرجواااا سرعة تصليح برنامج التحويل رحمة بجميع الطلبة ..
واللي مش مصدقني وحول يجرب انه يتراجع في التحويل دلةقتي مش هينفع
نرجوا لكل من له علاقة بمكتب التنسيق سرعة الابلاغ عن هذه المشكلة
ممدوح صالح - بني مزار -المنيا
:bosyht9::bosyht9::bosyht9::bosyht9::bosyht9::bosy ht9::bosyht9::bosyht9::bosyht9:

ممدوح صالح
24-08-2013, 01:30 AM
فين المشرفين يا جمااااااااااااااااااعة
البرنامج المعد من قبل كلية الهندسة لتقليل الاغتراب لا يقوم بعملية الإلغاء
نرجوا سرعة رفع هذا الموضوع للسادة المسئولين بالبوابة ولكم منا كل الشكر والتقدير
ممدوح صالح بني مزار المنيا[

Dr.Mohamed Attia
24-08-2013, 12:14 PM
يا استاذ البرنامج مفيش فيه لا مشكله ولا حاجة هو كدة خلاص لغى التحويل بتاع حضرتك خلاص ودا اللى كان بيحصل السنة اللى فاتت عادى

ممدوح صالح
24-08-2013, 12:49 PM
ازاي ولما بدخل تااااني بيديني نفس الكلية التي قمت بالتحويل اليها ...
وبعدين بيقول لك لابد من اتمام العملية باستصدار وصل لالغاء التحويل ...

وكل ما بنحاول مفيش فايدة ....

ممدوح صالح
24-08-2013, 12:55 PM
ده رد الموقع بعد اختيار الغاء التحويل
يمكنك تسجيل طلب لإلغاء اي تحويل سبق وسجلته نهائيا ويجب عليك اصدار ايصال تسليم الغاء التحويل ..

وبعدين بيكتب لك ..
راجع الكليات المتاحة حسب قواعد تقليل الاغتراب والشروط الخاصة ..

للأسف ده عيب في البرنامج واللي مش مصدق يجرب
ممدوح صالح - بني مزار - المنيا

scc_scc
24-08-2013, 02:13 PM
كلام الاستاذ ممدوح صحيح فقد حاولت الغاء التحويل ويحدث نفس المشكلة فنرجو تصحيح الوضع قبل اغلاق التحويل

hishamthanwya
24-08-2013, 03:51 PM
ده رد الموقع بعد اختيار الغاء التحويل
يمكنك تسجيل طلب لإلغاء اي تحويل سبق وسجلته نهائيا ويجب عليك اصدار ايصال تسليم الغاء التحويل ..

وبعدين بيكتب لك ..
راجع الكليات المتاحة حسب قواعد تقليل الاغتراب والشروط الخاصة ..

للأسف ده عيب في البرنامج واللي مش مصدق يجرب
ممدوح صالح - بني مزار - المنيا


حضرتك اما بتيجي تخش علي الموقع وتكتب رقم جلوسك

بيجلبك علي جنب الكلية الي عايز تخشها و بيكتبلك
علي جنب تعديل الرغبات ولا لأ

ولا بيجبلك علطول علي مرحلة اختيار نوع التحويل

mody_mw
24-08-2013, 03:54 PM
ادخل تانى من البداية من الاول يعنى افتح الصفحة من جديد

ممدوح صالح
24-08-2013, 06:44 PM
صدقني لو دخلت الف مرة ..
الوضع كما هو ..
يا جماعة المهندسين المحترمين اللي وضعوا البرنامج تجاهلوا بند الرجوع في التحويل او نسوا مش عيب كلنا بننسى
بس ياريت نعترف بالحقيقة ونصلح الغلط قبل فوات الاوان
السادة المحترمين ببوابة الحكومة بتوع ( 19468 ) افادوني في النهاية ان اذهب لمكتب تنسيق التابع لمحافظتي كي يجدون حل
ورفضوا الاعتراف بان العيب مش من عندهم ..
واتحدى كل من نسق وحول انه يتراجع في التحويل ..
واللي يقدر ياريت يفيدنا بس بالصور مش بالكلام ..
مع كل احترامي وتقديري لجميع مشرفي ومسئولي بوابة ثانوية اون لاين والتي عودتنا على الصراحة وعدم المجاملة في الغلط ..
الموقع به عيب ... او على الاحري البرنامج المصمم من قبل كليه الهندسة به عيب ..
هذا والله على ما اقول شهيد ..
وانا عارف اهم لا هيحلوا ولا هيربطوا ..
وسنتوجه باكر لمكتب التنسيق كي يجد لنا حل في الغاء التحويل .. وياريتنا لا حولنا ولا غيره ..
وحسبنا الله ونعم الوكيل ..

zizofrraj
24-08-2013, 11:04 PM
على فكره يا جماعه الغاء التحويل شغال وزى الفل ولا فيه اى حاجه انا لسه مجرب حالا وعمل طلب الغاء تحويل ودخلت تانى اتلقيته لغى التحويل بتاعى يعنى لا يوجد اى مشكله

ممدوح صالح
24-08-2013, 11:58 PM
الحمد لله تم تصليح الموقع وقمنا بالغاء التحويل الان
ونشكر كل من ساهم في توصيل شكوانا
وحاليا الموقع تمام ...

ممدوح صالح
25-08-2013, 12:03 AM
نرجوا من مكتب التنسيق التدقيق وعمل كل الاحتياطات في برامج التنسيق مع الشكر لكل من يشارك فيه
وبالفعل البرنامج كان به خطأ ..
والدليل على صدق كلامي لو قمت بالغاء تحويل فسوف تجد في الايصال خطا في كلمة تسليم
كتبت كالتالي ( ايصال تسيم طلب لإلغاء التحويل ..
والمفروض ان تكتب ( ايصال تسليم طلب لإلغاء التحويل ..
هذا للعلم .. وكي نثبت صدق كلامنا
وفي النهاية الموقع اتصلح والحمد لله ..