مشاهدة النسخة كاملة : احنا بنرقص على السلم ولا هنحصل دول ولا دول
..Just Stop 08-07-2008, 11:39 AM اولا سلام عليكم
وكالعادة مش عارف ابدا الموضوع ازاى
بس جه على بالى سؤال
هو احنا ليه بنقلد اللى على مزاجنا ونسيب اللى مش على مزاجنا؟؟؟؟
ليه بنقلد الغرب فى لبسهم
نشوفهم بيلبسو هدوم مقطعة نعمل زيهم
نشوفهم بينزلو البنطلون نعمل زيهم
وعلى راى الزعيم ( البلوزات فى الطالع والبنطلونات فى النازل :d
ليه بنقلد الغرب فى اتيكيتهم وفى افكارهم التافهة
وبننسى نقلدهم فى اهم حاجة جديتهم وحفاظهم على اقتصاد بلدهم
الغرب دايما بيبص للامام
ونحن العرب ليه بنبص دايما ورانا ونقول احنا كنا وعملنا وسوينا...و....و,,,,
محدش بيفكر يعمل حاجة علشان بلدنا تتقدم بينا
احنا بس ناقصنا التزام
ناقصنا جدية
ناقصنا انتماء
بنقلد دا وبنقلد دا
بنقلدهم فى تفاهتهم ومبنبصش لجديتهم دايما بنبص للجانب المظلم
علشان كدا تلاقى عندنا نسبة البطالة كبيرة جدا
نسبة الفساد كبيرة
شباب ضايع
شباب تافه
ليه يا أمة محمد صلى الله عليه وسلم نقلد من لايستحقون التقليد ليه !!
بردو لسة مصمم تقلدهم فى تفاهتهم
راجع نفسك وشوف انت بتقلد ليه
وفكر هل دا ينفع نقلده واللا مينفعش وياترى هل دا هيفيدنى واللا مجرد مظاهر كدابة
انا كلامى خلص
والاصل اصل والباقى تقليد:d
ودمتم
هانى خيري 08-07-2008, 12:18 PM أولا .. السلام عليكم
ثانيا.. إيه يا عم محمود ..إنت مضلمها أوي كده ليه؟؟...طبعا إحنا فعلا عايشين على هامش الحضارة , بس مش ده الطبيعي , يعني لا يصح إلا الصحيح .. والوضع ده بيقرب على نهايته.
وبالنسبة لحكاية التقليد ... مع إن ده شىء محزن .. بس أنا شايف إنه طبيعي .. يعني الأقوى دايما بيفرض ثقافته ..حتى في طريقة لبسه.
وبس برضه في كتير جدا بيقاوموا الموضوع ده وبيحاولوا الحفاظ على هويتنا .
بس أنا شايف إن التقليد ع الإطلاق مش عيب ... يعني مثلا نظم التعليم عندهم لازم نقلدها .
شكرا ع الموضوع المثير للجدل والنقاش
..Just Stop 08-07-2008, 12:36 PM أولا .. السلام عليكم
وعليكم السلام ورحمة الله
ثانيا.. إيه يا عم محمود ..إنت مضلمها أوي كده ليه؟؟.
انا مش مضلمها والله هى ضلمة لوحدها
..طبعا إحنا فعلا عايشين على هامش الحضارة , بس مش ده الطبيعي , يعني لا يصح إلا الصحيح .. والوضع ده بيقرب على نهايته.
نهايته فين نهايته دى شكلها ملهاش نهاية
وبالنسبة لحكاية التقليد ... مع إن ده شىء محزن .. بس أنا شايف إنه طبيعي .. يعني الأقوى دايما بيفرض ثقافته ..حتى في طريقة لبسه.
طب ليه احنا منقلدش الكويس ونسيب اللى مش كويس
ومدام احنا كدا كدا هنقلد يبقا نقلد حاجة مفيدة واللا احنا بنجرى ورا التفاهات
وبس برضه في كتير جدا بيقاوموا الموضوع ده وبيحاولوا الحفاظ على هويتنا
طبعاولكنهم قلو ومعظم الناس بيعتبرو كلامهم ( لا يسمن ولا يغنى من جوع).
بس أنا شايف إن التقليد ع الإطلاق مش عيب ... يعني مثلا نظم التعليم عندهم لازم نقلدها .
محدش قال ان التقليد عيب بس بعض الاحيان التقليد بيبقا حرام
ويا ريت نقلدهم فى طريقة تعليمهم
ومكانش دا بقا حالنا مش هتلاقى حد يقولك ثانوية ويسرى الجمل
شكرا ع الموضوع المثير للجدل والنقاش
شكرا على مرورك
سعدت بمرورك
هانى خيري 08-07-2008, 02:32 PM برضه أنا مصمم .. إنت اللي مضلمها.
وعايزك تحط في دماغك مبدأ تاريخي حتمي ( الأيام دول) .
..Just Stop 08-07-2008, 02:45 PM برضه أنا مصمم .. إنت اللي مضلمها.
وعايزك تحط في دماغك مبدأ تاريخي حتمي ( الأيام دول) .
حتى لو انا اللى مضلمها
نفسى حد ينورهالى
وهو فين التاريخ
اللى هحط منه مبدا فى دماغى
ما التاريخ خلاص بقا كله جغرافيا
ibrahim_net 08-07-2008, 02:47 PM كلامك تمام جدا
وانا شايف ان في نسبه من الشباب تافهه جدا بشكل مؤسف
وبرضو في شباب تمام ومحاكي لأي حضارة وبيشوفوا الحلو عند الحضارات الأخرى ويقلدوه
بس المشكلة في فكر المقلد هل هو بيقلد من مبدأ أنه شايف ان أهله اللى مربيينه متخلفين وكانوا في عصر جاهلي زي ما بيقولو فده انا اقول انه مالوش أصل .
أم هل المقلد بيقلد وخلاص ويقول نتماشى مع الوضع الراهن وانا اقول ان دا عايز تعديل في مفاهيمه
أم هل المقلد بياخد الحلو من كل المجتمعات ويحاول يطور من نفسه فهذا أنا احترمه وانا منهم بشرط عدم مخالفة تعاليم دين الاسلام
دا كان رأيي وأشكر صاحب الموضوع على طرحه للنقاش وان شاء الله نخرج بفائدة
أعذب تحية لكم ..
..Just Stop 08-07-2008, 02:51 PM كلامك تمام جدا
وانا شايف ان في نسبه من الشباب تافهه جدا بشكل مؤسف
وبرضو في شباب تمام ومحاكي لأي حضارة وبيشوفوا الحلو عند الحضارات الأخرى ويقلدوه
بس المشكلة في فكر المقلد هل هو بيقلد من مبدأ أنه شايف ان أهله اللى مربيينه متخلفين وكانوا في عصر جاهلي زي ما بيقولو فده انا اقول انه مالوش أصل .
أم هل المقلد بيقلد وخلاص ويقول نتماشى مع الوضع الراهن وانا اقول ان دا عايز تعديل في مفاهيمه
أم هل المقلد بياخد الحلو من كل المجتمعات ويحاول يطور من نفسه فهذا أنا احترمه وانا منهم بشرط عدم مخالفة تعاليم دين الاسلام
دا كان رأيي وأشكر صاحب الموضوع على طرحه للنقاش وان شاء الله نخرج بفائدة
أعذب تحية لكم ..
اولا شكرا على مرورك
وشكرا على رايك
بس معظم الناس بتقلد تقليد اعمى
من باب ماشيين مع اللى ماشى
مبيفكروش اذا كان ده صح واللا غلط حلال واللا حرام
لازم الواحد يكون ليه شخصية ويحاول يطورها نحو الافضل
ربنا يستر علينا الايام اللى جاية
هتبقا ايام ربنا هو اللى اعلم بيها
شكرا على مرورك
نورت الموضوع
هند2006 08-07-2008, 04:23 PM والله عندك حق والموضوع ده انا كنت عاوزة اتكلم فيه بس انت بدات قبلى جزاك الله كل خير بس مهما اتكلمت فالموضوع ده انا مش هوفيه حقه لان احنا قلدنا الغرب فى كل سيئتهم بس واكبر دليل انزل الشارع واتفرج (الشباب بنات وولاد وفكرهم وتقاليدهم)وغيرة كتير اوى بس احنا الى مش واخدين بالنا وبنتجاهل مع انها مشكله كبيرة
جزاك الله كل خير ع الموضوع
هند2006 08-07-2008, 04:26 PM بس لسه فيه شباب هما الى هيصلحوا ده كله باذن الله زيكوا كده
(((اللهم اعز الاسلام والمسلمين)))
..Just Stop 08-07-2008, 04:39 PM والله عندك حق والموضوع ده انا كنت عاوزة اتكلم فيه بس انت بدات قبلى
مش مهم مين اللى يتكلم فيه المهم ايه هو الحل ويا ترى هانقدر نوصل لحل واللا مش هنقدر
جزاك الله كل خير بس مهما اتكلمت فالموضوع ده انا مش هوفيه حقه لان احنا قلدنا الغرب فى كل سيئتهم بس واكبر دليل انزل الشارع واتفرج (الشباب بنات وولاد وفكرهم وتقاليدهم)
شوفت بعينى محدش قاللى وليتنى لم ارى:eek:
وغيرة كتير اوى بس احنا الى مش واخدين بالنا وبنتجاهل مع انها مشكله كبيرة
جزاك الله كل خير ع الموضوع
جزانى الله واياكى خيرا
شكرا على مرورك
بس لسه فيه شباب هما الى هيصلحوا ده كله باذن الله زيكوا كده
(((اللهم اعز الاسلام والمسلمين))) امين
ان شاء الله
Dr.mayson 08-07-2008, 04:45 PM عندك حق بجد
Hamset_Etab 08-07-2008, 05:00 PM شكرا على التوبيك الرائع ده بجد بيقول حكمه وكلام لو كل واحد سمعه وطبقه على نفسه هتنصلح حال الامه
اللهم إنى أسألك رحمة من عندك تهدى بها قلبى، وتجمع بها شملى، وتلم بها شعثى، وترد بها الفتن عنى، وتصلح بها دينى، وتحفظ بها غائبى، وترفع بها شاهدى، وتزكى بها عملى، وتبيض بها وجهى، وتلهمنى بها رشدى، وتعصمنى بها من كل سوء، اللهم اعطنى إيماناً صادقاً ويقيناً ليس بعده كفر
..Just Stop 08-07-2008, 05:47 PM عندك حق بجد
شكرا على المرور
Bosy 2
شكرا على التوبيك الرائع ده بجد بيقول حكمه وكلام لو كل واحد سمعه وطبقه على نفسه هتنصلح حال الامه
شكرا على مرورك
بس مين يسمع
ومين يسمع وينفذ
اللهم إنى أسألك رحمة من عندك تهدى بها قلبى، وتجمع بها شملى، وتلم بها شعثى، وترد بها الفتن عنى، وتصلح بها دينى، وتحفظ بها غائبى، وترفع بها شاهدى، وتزكى بها عملى، وتبيض بها وجهى، وتلهمنى بها رشدى، وتعصمنى بها من كل سوء، اللهم اعطنى إيماناً صادقاً ويقيناً ليس بعده كفر امين امين امين
شكرا على مروركو نورتو الموضوع
..Just Stop 23-12-2008, 05:46 PM تنشيط
تنشيط
تنشيط
لمى 2016 23-12-2008, 05:57 PM بنقلد الغرب فى الحاجات الغلط
لاننا ببساطة شديدة
معندناش شخصية
لان انتا لو بصيت لهم
هتلاقى اصحاب التقاليع دى اصلا
عندهم بيقال عليهم بردو
انهم تافهين
يعنى التافه بيقلد التافه اللى زيه
((الطيور على اشكالها تقع))
قالوا الوداع قولت قشطة 23-12-2008, 06:01 PM بجد حال مؤسف
اصل اقولك علي حاجة
انتا لو جيت تدور علي حكايه اللبس مثلا مش هتلاقي لبس شبابي كويس الا كله بيقلدو فيه الغرب
نمشي من غيره ولا هتقولي البس جلابيه وانتا رايح الكليه وتمسك بالسنه ؟
MohammeD el_SadaT 25-12-2008, 01:05 AM عارف إحنا عاملين زى البغبان بنقلد كل حاجه نشوفها
بس البغبان أفضل مننا فى حاجه
هو بيقلد الحلو والوحش
إحنا بقى بندور على الحاجه الوحشه فين ونقلدها كوكتيل معاصى يعنى
وده كله بيرجع للبعد عن الدين والتمسك بالدنيا
وأنا من وجهة نظرى إن السبب الرئيسى فى فشى الوباء
الإعلام والصحافه
سلاحين ذو حدين لو تم إستخدامهم بطريقه صحيحه هيكونه مناره
ولو تم إستخدامهم بطريقه خاطئها كما الحال الآن هيبو سلاح فتاك يقضى على الأخضر واليابس من شباب الأمه
هنا الفقي 25-12-2008, 01:22 AM برااااااااااااااااافو يا محمود اهو انا مش عاوزة اكتب رد اقول شكرا ومعاك حق والكلام ده كله عشان عارفينو
صح ولا ماصحش؟؟؟!!!
صح
طيب ايه الخطوة العملية الايجابية اللي ممكن ناخدها
ممكن نفكر مده 10 ثوان قبل ما نتكلم او قبل ما نقوم باي فعل
نشوف احنا هانعما صح ولا غلط حسنات ولا سيئات
بس دي اقل حاجة نعملها او اقل اسئلة نسالها لنفسنا قبل ما ندمر كتير
..Just Stop 27-12-2008, 02:19 PM بنقلد الغرب فى الحاجات الغلط
لاننا ببساطة شديدة
معندناش شخصية
مش كدا احنا فعلا عندنا شخصية بس مش قادرين نعبر عنها فبنلجأ لاى اسلوب وبنقلد ما نغير ما نعرف هل دا صح واللا دا غلط
لان انتا لو بصيت لهم
هتلاقى اصحاب التقاليع دى اصلا
عندهم بيقال عليهم بردو
انهم تافهين
اديك قولتها تافهين طب ليه نقلدهم ليه مناخدش منهم الكويس ونسيب اللى مش كويس عندهم
يعنى التافه بيقلد التافه اللى زيه
ربنا يهديهم
((الطيور على اشكالها تقع))
فعلا كلام مضبوط
شكرا على المرور
ودمتم فى رعاية الله
..Just Stop 27-12-2008, 02:24 PM بجد حال مؤسف
اه طبعا مما لا شك فيه حال مؤسف
اصل اقولك علي حاجة
اتفضل
انتا لو جيت تدور علي حكايه اللبس مثلا مش هتلاقي لبس شبابي كويس
مين قال كدا
دور انت بس كويس هتلاقى كتير
الا كله بيقلدو فيه الغرب
لا فى لبس عادى ويتماشى مع العصر ومع ذلك محترم بس مين يلبس
نمشي من غيره ولا هتقولي البس جلابيه وانتا رايح الكليه وتمسك بالسنه ؟
لا يا سيدى متلبسش جلابية ولا حاجة معنى كلامك ان مفيش حاجة تنفع تتلبس غير يا اما مش محترم يا اما جلابية
لا اكيد فى كويس
انا كلامى مش متوقف على اللبس
لا فى المنهج والتفكير كمان
يعنى اللبس دا جزء من التقليد
انما التقليد ( ما خفى كان اعظم )
شكرا على المرور
ودمتم فى رعاية الله
..حدوتة.. 27-12-2008, 02:28 PM برافو الموضوع الجامد ده
بس خلينى اقولك حاجة
لمجتمعات الغربية بقى عندهم كل حاجة متاحة ومفيش حد منهم بيعانى من اى حاجة عشان كده تلاقيهم انقسمو لجزئين
جزء منهم مهتم بالعلم بكل انواعه
والجزء التانى مهتم برافهية الحياة
طبعا احنا كشعب فاقد الكتير من رفاهية الحياة بندور على لجزء التانى منهم
بنحاول تقلده
يمكن نتمتع بحاجة من للى هما بيملكوها
يعنى تلاقى الشاب بيسقط البنطلون
لمجرد انه يبقى يشبه الهيبز فى لبسهم
وهو مش فارق معاه ثقافتهم
لانه بيدور ع القشور
وبيهمل اللب
ومهمة كل حد عارف الفرق زيى وزيك هى التوعية
وبيتهيلى هو ده اللى نقدر علية
مؤقتا
فى رعاية الله
..Just Stop 27-12-2008, 02:34 PM عارف إحنا عاملين زى البغبان بنقلد كل حاجه نشوفها
بس البغبان أفضل مننا فى حاجه
هو بيقلد الحلو والوحش
إحنا بقى بندور على الحاجه الوحشه فين ونقلدها كوكتيل معاصى يعنى
وده كله بيرجع للبعد عن الدين والتمسك بالدنيا
عندك حق يا سادات
المشكلة اننا مش بنقلد غير التفاهات والهيافات المشكلة الاكبر اننا بندور عليها فين
وأنا من وجهة نظرى إن السبب الرئيسى فى فشى الوباء
الإعلام والصحافه
راس الفساد لما بنستعملهم غلط
سلاحين ذو حدين لو تم إستخدامهم بطريقه صحيحه هيكونه مناره
طب بس مين يستعملهم صح يا كبير
منتا شايف الاعلام عامل ازاى والمناظر عماملة ازاى
والتفكير عامل ازاى
ولو تم إستخدامهم بطريقه خاطئها كما الحال الآن هيبو سلاح فتاك يقضى على الأخضر واليابس من شباب الأمه
ربنا يهدينا جميعا
ربنا يعدينا منها على خير
شكرا على مرورك يا حبى
دمت فى رعاية الله
..Just Stop 27-12-2008, 02:43 PM برااااااااااااااااافو يا محمود اهو انا مش عاوزة اكتب رد اقول شكرا ومعاك حق والكلام ده كله عشان عارفينو
صح ولا ماصحش؟؟؟!!!
صح طبعا ودى عايزة كلام
صح
طيب ايه الخطوة العملية الايجابية اللي ممكن ناخدها
ابدأ بنفسك اولا دى لازم تبقا البداية واول واهم الخطوات الايجابية
ممكن نفكر مده 10 ثوان قبل ما نتكلم او قبل ما نقوم باي فعل
عشر ثوانى هيبقو كتير لان التفكير عن الناس اتشل خلاص المهم يعملو زى الناس وخلاص
وان معملتيش زيهم يقولة مش عصرية بلدى مش متمدن والكلام الحلو دا كله
نشوف احنا هانعما صح ولا غلط حسنات ولا سيئات
فى الغالب سيئات لان كل ممنوع مرغوب
بس دي اقل حاجة نعملها او اقل اسئلة نسالها لنفسنا قبل ما ندمر كتير
عندك حق والله يا هنا بندمر حاجات كتير اهمها تدمير نفسنا حتى نصبح بلا خدف بلا شخصية والتقليد الاعم دليلنا
والهيافات سبيلنا
والتفاهات طريقنا
ولا حول ولا قوة الا بالله
شكرا على المرور
ودمتم فى رعاية الله
..Just Stop 27-12-2008, 02:58 PM برافو الموضوع الجامد ده
لا برافو على واجب :d
بس خلينى اقولك حاجة
اتفضلى
لمجتمعات الغربية بقى عندهم كل حاجة متاحة ومفيش حد منهم بيعانى من اى حاجة عشان كده تلاقيهم انقسمو لجزئين
اه زى ما بيقولو مجتمع مفتوح كله عندهم حلال كله عندهم متاح
جزء منهم مهتم بالعلم بكل انواعه
والجزء التانى مهتم برافهية الحياة
طبعا احنا كشعب فاقد الكتير من رفاهية الحياة بندور على لجزء التانى منهم
بنحاول تقلده
هههههه فاقدين الجزئين والله العلم والرفاهية كما تقولين
طب ليه منقلدش الجزء المهم والاهم اللى هو علمهم تفكيرهم الايجابى تقدمهم محافظتهم على النظام واللا احنا بنقلد وخلاص
يمكن نتمتع بحاجة من للى هما بيملكوها
يعنى تلاقى الشاب بيسقط البنطلون
دا اقل حاجة طبعا
لمجرد انه يبقى يشبه الهيبز فى لبسهم
وهو مش فارق معاه ثقافتهم
مع ان المفروض يبقا العكس ياخد ثقافتهم ويسيب بنطلوناتهم ماله بس ومالها ي
لانه بيدور ع القشور
وبيهمل اللب
مع ان اللب هو اللى فيه الغذاء :d عندك حق طبعا والله
ومهمة كل حد عارف الفرق زيى وزيك هى التوعية
وبيتهيلى هو ده اللى نقدر علية
مؤقتا
نبدأ بنفسنا اولا وبعد كدا نحاول نغير من اللى حوالينا اصحابك جيرانك اخوتك المهم نحاول نغير
فى رعاية الله
شكرا على مرورك
بجد نورتينا
دمتى فى رعاية الله
|