السلام عليكم

أنا طالب بالصف الثالث الثانوى علمى رياضة

طبعا كعادة السنوات السابقة مفيش حد بيروح المدرسة فى تالته نهائى

انا لسه كونت فى تانية مكنش فيه مخلوق واحد بيروح


وطبعا كله معتمد على دروس خارجية


فهل لو غبت هيحصل حاجه ولا لازم هحضر

ولا اعمل ايه ؟

لانى لو روحت المدرسة هضيع وقت جامد أنا اولى بيه

إن شاء الله ربنا يكرمك باللى نفسك فيه أنت وكل اللى زيك

لو مفيش مخلوق بيروح زي ما بتقول يبقى مالهاش لازمة تروح

انا كنت زيك كده ما كنتش بغيب في تانية وكان العدد قليل
وكان المدير عمال يقول هيفصل الناس الغايبة
وكان بينزل قايمة كل شوية باسماء لــ عيال مفصولة
وفي الاخر طلع كلام هجص × هجص ولقيت كل المفصولين معايا زيي زيهم

في تالتة بقى كنت عرفت اللي فيها وقعدت في البيت

من الاخر كده....... الوزارة مش هتقدر تفصل العدد ده كله من الطلبة لأنهم بيغيبوا


وربنا يصلح الأحوال وتتلغي الدروس وترجع المدارس تبقى زي الجامعات كده :)

بالتوفيق

متشكر جدا على سرعة الرد و جزاك الله كل خير

جزانا الله وإياكم ^_^