https://fbcdn-sphotos-f-a.akamaihd.net/hphotos-ak-ash3/536788_10201913171578000_2142522961_n.jpg




آه يا بلد
فيكي الخسيس حاكم
وابن الأصول مسجون

قالوا عليكي بتحلمي

لما شبابنا يثور

..... أبوكي بلد

ميلتي للطرطور
بتحبي تأكلي زرعنا
وتقدميلنا شجنون
ثورة إيه إللي إبتدت
لما الشهيد مجنون!!
لما المناضل يتــقــتل
والدم يبقى بحور
إيه يا بلدي أتكلمي
العيب في مين ..ومين بقى مسطول
فاللي فارق فرشته ..
وساب مراته ودنيته ..
لأجل يعيش مستور
ولا إللي حضر عدته
ومعاها بانت نيته
إنه جبان موهوم
يا طيبه قولي إتكلمي
العيب في مين
فاللي قــتـــل ولا أتــقــتــل

ما الكل بقى ملعون
أه يا بلد
متجمعين تحت البياده
بتعشقوا سَحرة آمون !!

لما الحياة بتفرقك

بتنسي رب الكون
عسكر معسكر يتبني
عسكر ويحكم فوق رصاص ملعون
شلة ديابة أتجمعت
ولأجل مين بتقوم ؟؟
الجرح مفتوح من يوميها
لما أتحـــرق مظلوم

لما الرقاب أتقطعت

والدم بقى بالكوم
بصي يا بلدي وغربتي
وإلهي رب الكون
هنعيش نموت ولأجلها
ولحد يوم معلوم

طيب يا بلدي بتضحكي !!

فاكره صلاح الدين

لو كنتي ناسية أفكرك

إنا ننام ونقوم

شاغلنا حالنا وربنا

حق الشهيد ليه يوم

يا نعيش كرام طول عمرنا

يا نموت بدون ما نكون

بس بقولك اسمعي

لو حتى مات مليون

لازم هيرجع حقنا

بالسلم لا بجنون

فرعون وشايل حاشيته

جوا الرصاص مسجون

والكل عارف أخرته

هيكون منين ما يكون

الشعب قال حريته

أغلى .. وإيه هيهون

يا نعيش كرام طول عمرنا

يا نموت بدون ما نكون





كلمات / ضياء الدين سعيد

صـــــــوت الحـــــــــق


.....
....
...
..
.
اللهم أنصر الحق وعليك بمن طغى

ما أروعك أستاذ ضياء
وما أعذب صوت إبداعك
وما أوسع جرحك وأقسى آلامك
تجربة إبداعية تستحق التوقف عندها طويلا

كالعاده تتالق بكلماتك الرائعه في سماء الابداع
استاذ ضياء
كلماتك اكثر من رائعه
سلمت يداك
وفي انتظار جديدك