مشاهدة النسخة كاملة : ضم المدة بقنا


MAhdak96
29-08-2013, 05:42 PM
السادة الزملاء بعد عناء شديد من الانتظار طيلة عام ونصف العام حتى يصل الينا قرار ضم المدة تناثرت الاخبار بان هناك كشوف لضم المدة قد وصلت المنطقة ( منطقة قنا الازهرية )
وجائنى اتصال من زميل ان اسمى موجود بالكشوف ففرحت وانتظرت حتى يصل خطاب الى المعهد اسبوع كامل ولم يرد شىء فذهبت الى المنطقة وسألت عن الموظف المسؤول وعرفت ان اسمه فلان ..... وصلت لمكتبه لم أجده... احد زملاؤه قال انه فى اجازة وسيأتى يوم السبت المقبل فخرجت من المكتب مع زميل لى يبحث عن موظف اخر ايضا لم يجده فى مكتبه ولكن وجد موظف اخر يعرفه من قبل مسؤول عن دفتر الحضور والانصراف بالمنطقة فسأله عن الموظفين وقال انهم وقعوا فى الدفتر فى الصباح فما كان ردنا الا حسبنا الله ونعم الوكيل ونزلنا لأسفل فوجدنا الموظف المسؤول عن الضم جالسا على كرسى على باب المنطقة وبعد السلام والاستئذان فى السؤال سألته عن اسمى فسألنى عن المعهد فأجبته وكان الرد بصوت عال انا زهقت من المعهد ده ومفيش ولا واحد جاء اسمه وكفاية كده تعبتونا
مع العلم ان المعهد قوته 60 مدرس واظن ان كل واحد من حقه يبحث عن حقه وعدد من سأله قبلى اثنان فقط وانا الثالث خلال اسبوع
واقسم بالله العظيم ان هذا ما حدث بالفعل واتمنى عدم تكرار هذا الموقف مع احد

dodyhat
29-08-2013, 07:35 PM
ولا يهمك يانصوره كلنا لها

مصرى من الصميم
29-08-2013, 10:12 PM
فى أسماء جات فى منطقة قنا بالفعل من 30/6 ولم يتم إرسالها للمعاهد حتى الان
لى زميل ذهب ليسأل عن ضم المدة له الاسبوع الماضى فقال له الموظف لم تأتى أسماء و بعدين سأ’ل موظف تانى وبحث فى الاوراق لقى ورقه جاى من 30/6 فسال الموظف لية مبعتوش الورق للمعاهد قله عشان مكنة التصوير عطالنه صور الورق بتاعك على حسابك
شفتوا استهتار اكتر من كده

karam mahmoud
30-08-2013, 10:46 AM
لقد وصل بالفعل اسماء مكونة من 9 كشوف الى تفتيش فرشوط والصبر اخوانى على بلوانا

karam mahmoud
30-08-2013, 10:56 AM
لقد وصل بالفعل اسماء مكونة من 9 كشوف الى تفتيش فرشوط والصبر اخوانى على بلوانا

MAhdak96
30-08-2013, 11:10 AM
هل الكشوف خاصة بادارة فرشوط ام هناك اسماء فى اماكن اخرى

karam mahmoud
31-08-2013, 01:22 AM
الله اعلم لكن هسالك

moonmony82
31-08-2013, 08:14 AM
عشان خاطر ربنا اللى يروح المنطقة يشوفلى اسمى امانى عادل ورقم سجلى 332410 عشان انا روحت وماحدش رضى يورنى حاجه

جاسمين33
31-08-2013, 08:44 AM
ضم الخدمة للازهر فقط ولا للتربية والتعليم بقنا

خالدالنم
31-08-2013, 10:30 AM
شاغلين نفسكم بضم المدة ضم مدة اييييييييييه حد يجاوبنى انا عن نفسى ضميت المدة المزعومة ولكن حتى الان اعامل من تاريخ التثبيت فقط فى كل شيئ حتى لو ارسلت اى اوراق يكتب فيها تاريخ التثبيت وليس تاريخ التسوية وفروقها ضعيفة 290 جنيه مع انى ضمت لى اقصى علاوات خمس علاوات + سنة الجيش ودليلى على ان ضم المدة ليس له قيمة مسألة تجرييييييييييييييييييييييييييييييييييييييييييييييي يييد العلاوات فوقوا وعلى فكره انا رافع قضيه لضم المدة منذ اكثر من عام وهى الان محجوزة للحكم

محمـد الشيخ على
31-08-2013, 10:53 AM
مش فارقه ماديا بس المفروض انها تكون اقدميه يعنى تنسى قرار التعيين 29/9/2011