السلام عليكم ورحمة الله وبركاته
لو سمحتوا انا طلعت لى نشرة انتداب كلى من مدرستى والنشرة دى مضى عليها مدير الادراة والموجة الاول
لكن
مديرة المدرسة رافضة والحجة ان فية عجز فى المدرسة مع ان كلنا عارفين ان كتير من الناس بتطلع وبيجى مكانها ناس تانية
وبفكر اعمل شكوى و انزل المديرية لان الادارة ما جابوش جديد
ارجو من لدية الخبرة ويستطيع الافادة فلا يتاخر وجزاكم الله خيرا

على المديرية ع طول

اذا كانت النشرة لها رقم تنفيذي من التنقلات فقسم التنقلات لازم يخلي لك اداري بناء على طلبك اما لو جواب عادي الموجه عامله حتى لو عليه توقيع مدير الادارة يبقى المديرة قلبها جامد و عارفه ان ماحدش هيقدر ينفذهولك و كدة يبقى الموجه بيفسحك عشان يقولك انا عملت اللي عليه و اتصرف انت
نصيحة بقى لو هتشتكي عليك و عالرقابة و المتابعة بتاعة مجلس المدينة او المحافظة لان هيقوم منها ناس تنفذ لك اداري ده بردة لو النشرة لها رقم تنفيذي

السكرتير بتاعنا النهاردة كان فى الادارة وقالو له كان فية واحد طالع له نشرة ندب ما جابش الاخلاء بتاعة لية وقالى انى ممكن اخلى ادارى
اية راى حضرتك ؟

اطلع على الادارة وقدم طلب بتنفيذ الاخلاء اداريا بيطلع معاك موظف من التنقلات بيخلي لك من المدرسة غصب عن المديرة و عن اي حد فيها

للاسف
بلدنا عمرها ما هتنضف جت بالواسطة وعلى فكرة انا لما مشيت ما سبتش عجز ولا حاجة
تقريبا الواحد لازم يبقى وحش عشان مدير المدرسة يتمنى انك تمشى