مشاهدة النسخة كاملة : لا لأمركة المناهح
معلم من مصر 02-09-2013, 08:44 AM أن المطلع الجيد على منهج اللغة الانجليزية الجديد time for English سيتطح له مدى التأثر بالثقافة الامريكية
فهذا المنهج ( الذى وضعه الاخوان ) يهدف فى الاساس على اشباع الاطفال بنهج الحياة فى امريكا فى تعبيراتهم واسلوب حوارهم وحتى مفردات طعامهم ولم يتم صبغ المنهج بالصبغة المصرية الا بتغيير اسماء الشخصيات بالاسماء المصرية وداخال صورة المس التى تلبس غطاء رأس وبنطلون
فماذا كانوا يهدفون من وراء منهج يغير الانجليزى البريطانى بمفرداته المتداوله بيننا كمصريين ومتعارف عليها الى الانجليزى الامريكى بمفرداته التى كانت جديدة حتى علينا كمدرسين
أهذا يرجع للصفقة السابقة بين الاخوان والبيت الابيض أهذا كان من شروط الدعم المالى لهم
هذا ما أحس به بعد الاطلاع على المنهج الجديد
zazaza7 02-09-2013, 09:47 AM اقسم بالله ان هذا منتهى التهريج تغيير 6 صفوف مره واحده دا احنا كمدرسين لايصين فى المفردات الجديده الغير متداوله
walidaly4 02-09-2013, 10:30 AM باربت حد بتأكد من المعلومة دى ان تطوبر المناهج و التعاقد على هذه السلسلة تم أاثناء حكم المجلس العسكرى
Mr M.Elwan 02-09-2013, 03:07 PM يا سيدى الفاضل لا امركة ولا حاجة كل ما فيها ان المنهج ده اصلا بتاع لغات واسم السلسلة English Time ويدرس فى مصر لفترات طويلة فمش جديد والصور اللى فيه متغطية الرأس للمس ومعظم الصور ولو دققت شوية هتلاقى فيه قيم اخلاقية جميلة مثل لو عطست تقول ايه وترد ازاى لو نسيت كتابك المس تقولك استخدم كتابى لو تسببت فى مضايقة حد تقوله ايه هذا على سبيل المثال لا الحسر فرايي الشخصى انه منهج متطور وعايز شغل والغلطة الوحيدة انه نزل مرحلة كاملة مش سنة بسنة
مسترأحمدسويلم 02-09-2013, 03:07 PM معك كل الحق اصبحنا نحس بلغة انجليزية مختلفة تماما وعجبى
mr_aymans 02-09-2013, 06:00 PM يا سيدى الفاضل لا امركة ولا حاجة كل ما فيها ان المنهج ده اصلا بتاع لغات واسم السلسلة english time ويدرس فى مصر لفترات طويلة فمش جديد والصور اللى فيه متغطية الرأس للمس ومعظم الصور ولو دققت شوية هتلاقى فيه قيم اخلاقية جميلة مثل لو عطست تقول ايه وترد ازاى لو نسيت كتابك المس تقولك استخدم كتابى لو تسببت فى مضايقة حد تقوله ايه هذا على سبيل المثال لا الحسر فرايي الشخصى انه منهج متطور وعايز شغل والغلطة الوحيدة انه نزل مرحلة كاملة مش سنة بسنة
بارك الله فيك يا مستر والله بالرغم من انى مش اخوانى لكن ليه هندخل الامور السياسيه فى التعليم ونكره الطلاب من المناهج من اولها وفعلا ده منهج لغات وناس كتير اشتغلته فى مدارس وطبيعى ان يكون الامريكى هو المتداول لانه الاكثر استخداما حاليا وياريت يا مستر لا تحكم على شئ قبل ان تجربه وترى مردوده على طلابك ولك جزيل الشكر
nile2004 02-09-2013, 09:39 PM أخى الغالى أنا أخالفك الرأى المنهج ليس أمريكى فهو معتمد على منهج من جامعة كامبريدج البريطانية أسمة English time ثانيا كل الكلمات الموجودة بة باللكنة البريطانية و ليست الامريكية ثالثا المنهج متطور يعتمد على المحادثات رابعا منهج مترابط و ليس جزر مستقلة خامسا أحسن 1000 مرة من منهج hand in hand الخاص بالمعونة الامريكية
shalbi_123 02-09-2013, 10:21 PM السلام عليكم ورحمة الله وبركاته .
المنهج بريطانى وليس أمريكى .
هو منهج جيد ولكن كان لابد من التدرج في استخدامه حيث كان المفترض أن يتم تطبيقه من الصف الأول وده سوء تخطيط طبعا ُ.
sir_mohamed 02-09-2013, 10:22 PM ياجماعة بردة خلينا واقعين المنهج معقد جداااااااااا بالنسبة لطلبة عاديين حرام بجد حرام
احمدعل 02-09-2013, 10:59 PM يا جماعه المنهج بريطانى وياريت منعقدهاش الطلبه نفسها تحس انهما فاهمينه
شرقاوى جدا 03-09-2013, 03:12 PM يا جماعة المنهج بريطانى حتى بمفرداته ... ثم Oxford اللى واضعين المنهج ازاى هيحطوا كلمات وتعبيرات أمريكية وبريطانيا بتعتز جدا بلغتها الاصلية وتخشى عليها من الضياع والتحريف كما فى اللهجة الامركية ... حتى وان صادفت كام كلمة أمركية فدا على اساس أن اللهجة الامريكية هى المتداولة فى العالم ..
ثم المنهج اديله كذا سنة فى المدارس الخاصة ....
أجمل حاجة فى المنهج دا التعبيرات واسلوب الحوار دا يعلم لغة مش يحفظ لغة ... ثم فى حاجة كمان القواعد مش كتير قوى ع فكرة ... تعلم اللغة ليس قواعد فقط لان هذه طريقة بدائية المهم هو المصطلحات والتعبيرات ثم ادراك القواعد يكون بعد اتقان الحديث ... المنهج دا بيتيح للمدرس يعمل مناقشه ويتكلم ويحاور الطلاب عشان المحادثات اللى فيه كويسه ...
مشكلة المنهج بالنسبة للمدرسين والطلاب أنه به كلمات جديدة نوعا ما او تقدر تقول مش متداولة زى ماكانت فى المناهج القديمة... هو فى المنهج دا بيركز على التعبيرات والكلمات الاكثر شيوعا والتى تستخدم فى الحياة اليومية ... على عكس منهج Hand In Hand .
عيب المنهج دا انه نزل مرة واحدة فسبب صدمة للطلاب اللى اتعودوا على سلسلة Hand In Hand .... المنهج كان لازم ينزل تدريجيا .. بحيث يدرسه بتاع سنة اولى ويطلع بيه لغايه سنة 6 ... بعد كدا يتغير المنهج مرة تانى .. بحيث كل 6 سنوات يتغير المنهج ... عشان التجديد مطلوب والموضوعات والاحداث بتتغير ... مش معقوله هنفضل ندرس فى منهج بتاع 20 سنة زى الفرانساوى اللى قعد 26 سنة لغاية مغيروه السنة دى ...
مستر/صابرالبوشى 03-09-2013, 03:39 PM من وجهة نظري اعتقد ان المنهج كويس الى حد ما ويتطلب التخصص والمنهجيه في تدريسه كما يمنع مدرسي المواد الاخري من اقتحام مادة اللغه الانجليزيه الذي ادى الي تدهور مستوى ابنائنا في اللغه الانجليزيه ... فالمطلوب من الساده المعلمين الجد ثم الجد في نجاح هذا المنهج الرائع ومساعدة ابنائنا .
عندى فكره:
انشاء موضوع مثبت في قسم .. معلمي اللغه الانجليزيه عن افكار جديده وطرق تدريس المنهج الجديد بمشاركة الاساتذه اللي اشتغلوا بالمنهج دا قبل كده
والله الموفق والمستعان وكل عام وانتم بخير
Wanal 03-09-2013, 04:02 PM وياترى فى حل اناشايفه ان المنهج بيجبر المدرس انه يشتغل طول الوقت ومش هيلاقى وقت حتى يراجع اللى قاله او شرحه وكمان مليان مصطلحات وكلمات كتير ثم طالب مين اللى هيتحمل انه يحب ماده كلها شغل وتعب وارهاق صدقونى الاهمال فيهم هيظهر مهما عملنا عشان نشبع جواهم حب الماده ومفيش اى وسائل مساعده تشجعهم انهم حتى يحبوهياريت نحاول بقدر الامكان اننا نتبادل اى جديد لتبسيط المنهج باسهل ما يمكن لان بجد الطلبه صعبانين عليا
مس ايمان الدسوقي 03-09-2013, 06:57 PM انا باتفق مع الاستاذ ان المنهج بريطاني
بس الي هو قصده ان المنهج يعتمد ع الثقافه الامريكيه والاجنبيه
اجمل مافي مناهجنا القديمه
انه بيربط الواقع و الشخصيات المصريه
الطالب كان بيدرس مصطفي حسين ورانيا علواني
وبلدان زي اسوان و اسكندريه
لكن كده كاننا بنحطه ع كوكب جديد
طبعا المنهج حلو و غني جدااااااااااا
بس لازم برضو اننا نساعد بعض في عمل وسائل و عمل برامج باور بوينت
او حتي نبحث عن المتوفر ع النت
ahmedhassanspr 04-09-2013, 01:45 AM لو سمحتولى اقول رأيي مع انى مدرس رياضيات
بلاش ندخل السياسة فى الكلام عن المنهج
الاخوان لهم مالهم وعليهم ماعليهم
أعتقد أن المشكلة الأكبر عندكم
ستكون فى أن المناهج الدرسية تكون تراكمية من عام لآخر
ولذلك تغيير المناهج كان يجب أن يكون بالتدريج
وهذا سيضاعف من المسئولية على المعلمين أعانهم الله
وتحتاج إلى مدرس متخصص دارس وهذا لايتوفر بسبب العجز
وأنا كنت فى مدرسة بها معلمين اثنين تخصص دراسات اجتماعية يقومون بتدريس اللغة الإنجليزية لسد العجز
أما عن موضوع الهوية فشخصية مثل الدمية(سكرة) مصرية
أما المناهج فكما علمت منكم أنها تدرس مصطلحات british english
وليس american english
ثابت العربى 04-09-2013, 01:48 AM كل شىء نلزقه فى الاخوان وفكرة التخوين ... مش معقول يا استاذ نتكلم بحياديه
إسماعيل قناوى 04-09-2013, 08:32 AM منهج بصراحة سهل ومش صعب زى منهج way ahead وموجود بقالة فترة فى المدارس الخاصة وشغالينه من زمان وبصراحة حد كان عاجبه المنهج التعبان بتاع Hand in Hand ده كان منهج تعبان ومش بيخرج طالب فاهم حاجة وبعدين ده منهج عصرى وده الكلمات المستخدمة الان أظن المنهج ده لو أدرس صح الجيل الجديد هيعدى ومستواه هيبقى حاجة مشرفة بصراحة وربنا يعينا عليه ويوفق الطلاب
مؤمن باشا 04-09-2013, 08:01 PM انا شايف ان المنهج معقول وكويس فى حالة واحدة لو ان التلاميذ دارسين انجليزى صح والمدرسين كمان المصيبة الاكبر هتكون فى الصعيد علشان معظم المدارس اللى بيدرس فيها انجليزى مدرس حاصل على كلية خدمة اجتماعية فلكم الله يا تلاميذ الصعيد وعليه العوض ومنه العوض
Mr Ragab Ahmed 05-09-2013, 05:14 PM للعلم وللفائدة :
:stickjo4: المنهج أمريكى :stickjo4:
الموقع الرسمى للمنهج :
http://elt.oup.com/?cc=global&selLanguage=en&mode=hub
صورة من داخل الموقع الرسمى للتأكيد أن المنهج أمريكى :
http://im38.gulfup.com/rvwpJ.png
الدليل من الموقع نفسه مرة أخرى :
http://elt.oup.com/searchresults?q=English+Time&cc=global&selLanguage=en&searchtype=cat
Alphabet cards, and Picture and Word cards
بروابط مباشرة من داخل الموقع ، لازم تسجل فيه عشان تحملهم ... هما موجودين في الموضوعات المثبته بالموقع :
http://elt.oup.com/teachers/englishtime/?cc=global&selLanguage=en&mode=hub
بالتوفيق للجميع
khaloud 06-09-2013, 11:21 AM اين ادله المعلم ياعالم
معلم من مصر 06-09-2013, 02:09 PM للعلم وللفائدة :
:stickjo4: المنهج أمريكى :stickjo4:
الموقع الرسمى للمنهج :
http://elt.oup.com/?cc=global&sellanguage=en&mode=hub
صورة من داخل الموقع الرسمى للتأكيد أن المنهج أمريكى :
http://im38.gulfup.com/rvwpj.png
الدليل من الموقع نفسه مرة أخرى :
http://elt.oup.com/searchresults?q=english+time&cc=global&sellanguage=en&searchtype=cat
alphabet cards, and picture and word cards
بروابط مباشرة من داخل الموقع ، لازم تسجل فيه عشان تحملهم ... هما موجودين في الموضوعات المثبته بالموقع :
http://elt.oup.com/teachers/englishtime/?cc=global&sellanguage=en&mode=hub
بالتوفيق للجميع
شكرا يا مستر على الاضافة
واظن كده الكلام بالدليل مش زى ناس تسمع وتكرر وخلاص
English Time
American English course for beginner to intermediate primary students
Susan Rivers and Setsuko Toyama
Beginner to Intermediate
English Time - great lessons around the clock!
http://elt.oup.com/searchresults?q=English+time&cc=global&selLanguage=en&searchtype=cat
عاطف كامل 2 06-09-2013, 06:46 PM انا رايي ان في مناهج اللغات الاجنبية من المفيد التعرف علي ثقافة الدول الغربية وهذا هو الهدف الاساسي منتعلم هذة اللغات
ElprinceAhmed 11-10-2013, 01:12 AM لا حول ولا قوة الا بالله
هم ما بيخلصوش..... أعوذ بالله
عقل مفيش
|