ahmedbadawey
02-09-2013, 09:34 AM
السلام عليكم و رحمه الله وبركاته
استفسار بسيط بس انا دلوقتي في 3ث علمي رياضه جبت كتاب لامي بتاع السنه دي ومعايا كتاب 100% و كتاب المعاصر بتوع السنه ال فاتت ومزكره المستر بتاعي بتاعت السنه دي
ينفع ازاكر و احل منهم ولا لازم اجيب المعاصر بتاع السنه دي
الاستفسار التاني : المفروض مثلا انا اخدت درس انهرده وليكن التباديل اروح احل جميع المسائل بتاعته من الكتب دي ولا يكتفي مثلا من كتاب واحد ولو بعد 3شهور حبيت اراجع عليه احلهم تاني ولا اعمل ايه وان شاء الله بعد لما اخلص المنهج ارجع احلهم تاني مع الامتحانات ولا الامتحانات بس
نور القمر2000
04-09-2013, 10:53 AM
السلام عليكم و رحمه الله وبركاته
استفسار بسيط بس انا دلوقتي في 3ث علمي رياضه جبت كتاب لامي بتاع السنه دي ومعايا كتاب 100% و كتاب المعاصر بتوع السنه ال فاتت ومزكره المستر بتاعي بتاعت السنه دي
ينفع ازاكر و احل منهم ولا لازم اجيب المعاصر بتاع السنه دي
الاستفسار التاني : المفروض مثلا انا اخدت درس انهرده وليكن التباديل اروح احل جميع المسائل بتاعته من الكتب دي ولا يكتفي مثلا من كتاب واحد ولو بعد 3شهور حبيت اراجع عليه احلهم تاني ولا اعمل ايه وان شاء الله بعد لما اخلص المنهج ارجع احلهم تاني مع الامتحانات ولا الامتحانات بس
بالنسبه للكتب الخارجيه اللى مع حضرتك اللى هى القديمه حل منها عادى جدا لان المنهج واحد بس هيختلف فى الميكانيا فقط لان الميكانيكا نازله كامله فى الكتب القديمه اما فى الكتب السنه دى محذوف الجزء اللى اخدناه فى تانيه فحرام تكاليف انك تشترى كتب جديده اللى موجود مع حضرتك دا كفايه
نور القمر2000
04-09-2013, 10:58 AM
وبالنسبه للاستفسار التانى المفروض الرياضه ترجع من الدرس لازم بعد ماترجع لان انت كده بطبق كلام المستر اللى فهمته وبيكون افضل وقت علشان تعرف ايه الخلل اللى حصل معاك وايه اللى فهمته واللى مفهمتوش وبيديك فرصه اطول للتفكير تمسك واجب المستر اولا تحله وبعد ماتخلصه تحل من لامى لان لامى يقدمنا للتفوق ومش لازم كل الكتب الخارجيه من اول السنه لان انت اصلا مش هتلاقى وقت علشان تحلهم كلهم
فمن الافضل انك تبدا بلامى ولما تخلص اسئله الكتاب وعاوز تحل تانى الجأ لباقى الكتب بس الاساس انك تحط كتاب منهم هو الاساس ليك لحل الاسئله
ومعظم اللى سابقونا فى 3 والاستاذه اعترفو ان اللى يحل لامى ان شاء الله طريقه على هندسه بيناديه
وربنا يوفقكك ويكرمك
ehabelsapa
04-09-2013, 01:05 PM
ربنا يوفقك وتقدر على حلهم كلهم إن شاء الله :)
Senior007
05-09-2013, 10:32 AM
هتضطر تجيب كتب ميكانيكا جديد
عشان المنهج اتضاف عليه حاجات جديدة
* الاحتكاك
* وتطبيقات على نيوتن
~~~~~~~~~~~
مصطفى ايجيبت
05-09-2013, 11:25 PM
ركز على 3 مصادر وهى اهم حاجة كتاب المدرسة ودليل التقويم والامتحانات طبق الكلام دة على كل درس تاخده والمسائل الصعبة اكتبها فى كراسة لوحدها عشان لما تراجع مفيش وقت تراجع كل اللى ذاكرته قبل كدة وطبعا تكون عامل تلخيص للقوانين والملاحظات على جنب
الأستاذ / وليد زوال
06-09-2013, 02:05 AM
لامي + كتاب المدرسة + دليل التقويم فيهم الكفاية ان شاء الله
ودع 100 % للمراجعة
ونح المعاصر جانبا ففيه قصور كبير في الصف الثالث الثانوي