بماذا ترد على المدرسين القائمين حتى الآن على شرح منهج علم النفس بالنظام القديم ولم يستوعبوا أبدا أن منهج علم النفس تغير تماما إعتقادا منهم بأن جميع مناهج الصف الثالث الثانوى لم يتغير فيها شيئا بما فيها مادة الفلسفة والمنطق بل تم إضافة أجزاء معينة ؟!
تحياتى/ شريف شوقى
مدرس المواد الفلسفية بالأسكندرية

منهج علم النفس جديد تماما واى حد يشرح القديم لثالثة يبقى نصاب رسمى
اما الفلسفة فالبابين الرابع والخامس معانا والاضافة خلاص الفارابى والغزالى معروفة

ازيك يا شريف ؟؟؟ وسلامي ليك ولكل اسكندراني

شغل نصب
بحجة انه يربط الطلبة حتى لا يذهبون الى مدرس اخر
معلم بلا ضمير
والطالب ذنبه ايه انى اجهده ذهنيا وماديا بمنهج قديم

شغل نصب
بحجة انه يربط الطلبة حتى لا يذهبون الى مدرس اخر
معلم بلا ضمير
والطالب ذنبه ايه انى اجهده ذهنيا وماديا بمنهج قديم



اتفق جدآ مع هذه الرأي

اتفق مع هذه الرأي

دا اسلوب بذىء وللاسف منتشر جدا .. فكل مدرس خايف الطلبة تسيبة فيقوم شغال فى اى حاجة والسلام .. انا الصراحة مارضيتشى اشتغل الا فلسفة وبدأت من الباب الرابع وفهمت الطلبة عندى انى مش هضحك عليهم فى علم النفس ولا هشرحلهم الا لما اتأكد من المنهج وتقبلوا الموضوع جدا

عايزة اتفق معاكم بس الاولاد قلقة والمدرس نفسة قلق بس ممكن نعمل حل وسط احنا عارفين ان الباب الاول بيتكلم عن الزاكرة والذكاء و التفكير والقبعات الستة لية منبدأ بالقبعات الستة على اساس انى شوفتها فى مراجع كتير مفيش اختلاف خالص فى المحتوى ودا راى وبردو الذاكرة انا شوفتها فى المنهج الجديد الاختلاف بسيط بأنة حاطت خصائص لكل ذاكرة من الذاكرات الثلاثة والعوامل المؤدية للنسيان متغير فيها شوية على الاقل مسكنا العصا من الوسط
أ لبنى زهران
مدرس المواد الفلسفية
مدرسة الشيخ زايد الثانوية بنات

مش عارف بصراحة اقول ايه ..
بس احنا قولنا مش هنبدأ شغل غير مع اول يوم دراسة ..

يعني اضحك علي نفسي ولا علي الطلبة من الافضل الا نبدأ شغل الا بعد نزول المحتوي الجديد للمادة
ا / عماد السقا
مدرس علم النفس والاجتماع

من الافضل من كل مدرس محترم يعرف ربه جيداً عدم الدخول في مهاترات من اجل الرزق .. فالرازق هوا الله سبحانه وتعالي وهذا ليس ضعف او استكانة ولا الاساليب السيئة متعدده ومن السهل جدا التلاعب ولكن الله سبحانه وتعالي لم ولن يرضي بهذا الاسلوب الهذلي وبالتالي التوقف عن الدروس لاجل نزول المواد الرسمية .. وعلي قول رسولنا الكريم صلي الله عليه وسلم ( اذا عمل احدكم عملاً فليتقنه )

ممكن ياجماعة الى يبدأ يشتغل فلسفة ولا يكذب على الطالب انا عن نفسى عملت كده وصارح الطالب ان المنهج لسه تحت الكتابة والمراجعة والطباعة ده بالنسبة لمزكراتك

يا جماعة الارزاق بيد الله ويجب ان نخاف الله فالطالب امانة ويجب ان نقدم له ما نحن متاكدين منه بالضبط لان الامر تعدي التعليم ووصل لدرجة السرقة

ممكن سؤال هى المادية الجدلية تم الغائها من المنهج الجديد ام لا

ملغيه فى القديم والجديد

انا والله اقتنعت جداا جدااا ان الارزاق بيد الله والحمد لله ربنا بيكرم الانسان يبقي خلاص مش لازم النصب ده انا الحمد لله بدأت فلسفة انما النفس لسه وربنا يوفقك الجميع

طيب يا اساتذة التغيير دا على النظام القديم والجديد ولا الجديد بس

افيدونا عن المنهج الجديد افادكم الله