هو اللى بتعملوه ده حلال ولا حرام؟؟ [الأرشيف] - بوابة الثانوية العامة المصرية

Cray_Bird91

09-07-2008, 04:55 PM

السلام عليكم ورحمة الله وبركاته

الحمد لله والصلاة والسلام على اشرف المرسلين محمد صلى الله عليه وسلم

بصراحة انا مش عارفة ابتدى ازاى ولا منين ولا فين؟

عجبا اذ ارى شبابا لايعرفون طريقا للهدى حيارى بين الصح والخطأ

بصراحة ممكن يكون الموضوع جرىء شوية بس انا مش عارفة اسكت على اللى بيحصل
كل ما انزل فى الشارع واتسوق حأجد شابا وفتاة فى كل ناحية ولا يبدو عليهما اى الاحترام
ما هو ممكن يكون اخوها او خطيبها او زوجها بس بيبان الاحترام وطريقة المشى لكن للاسف لافى احترام ولااى حاجة
انا نفسي اسأل السؤال

بالنسبة للشباب: مفيش شغل!مفيش شقق!علطول فى مشاكل !بس هل اللى بيحصل ده وان الواحد يجامل بنت حتى لو هى عايزة كدة يكفى؟ هل هو ده اللى حيقق المراد والهدف؟هل حكاية ان الصداقة بين الولد والبنت ده يخرجكم من لمشاكل؟
ولا لما تقوم الشجاعة فيكم وتتقوا الله فى كل حركاتكم وتحاولوا تعالجوا المشاكل بنفسيكم وتعتمدوا على نفسيكم وفى الاخر تلاقى اللى انت عاوزه كله جه لحد عندك بارادة الله عز وجل
يقول عز وجل "وما من دابة فى الاض الا وعلى الله رزقها"
ويقول تعالى "وفى السماء رزقكم وما توعدون"

بجد انتوا الامل الوحيد اللى حتيقظوا الناس الغلبانة دى واهاليكم اللى شايفين فيكم الامل من صغركم

وانتوا الرجال اللى حتدافعوا عن نبيكم الذى استهزىء كثيرا من قبل الكفرة

انا مش بكتبالكلام ده عشان يبقى مجرد قراية ويكون فى رد وخلاص
متخلوش اسرائيل تنال هدفها وتحقق اللى هى نفسها فيه باللى بيحصل دلوقتى

وسؤالى للبنات : انتى راضية ان اى حد يمسك جوهرتك!راضية ان شرفك وعرضك تكون اطراف مترامية على الارض!اترضين ان تكونين كاللحم يجرى خلفها كلب؟
هارسولك الكريم واحب الخلق الى الله عز وجل يتهان؟
الذى اكرمك واوصى الناس بحسن معاملتك؟
انا مش بقولك التزمى وخليكى قاعدة فى البيت لاء
حاولى تنهضى وتشجعى اقاربك على العمل وتنشرى مقالاتك وتعززى بنفسك ولا تجعلى نفسك كعرض طلب فى الشارع وتبيعى كرامتك لمن لا يستحقونه
انتى اغلى بكثير من ان انتى تكونى كدة
المفتاح كله فى ايديكى انتى انتى اللى حتقدرى تنهضى بالامة
يكفى ان الله عز وجل اكرمك وجعل سورة فى القران الكريم باسمك
يكفى ان انتى اللى بتتوجدى الرجال وتعمرى الكون بمجرد ان يرسل الله موكلا وينفخ فى الرحم ويقول كن فيكون
اتمنى الكلام ده ميكنش مجرد كلام كقراية وخلاص
اتمنى الاقى الرجال اللى حيتحملوا مسئولية الامة ويدافعوا ان نيبهم الكريم لا بالقول فقط بل والعمل
وكذلك البنات اللى ليهم دور كبير فى الموضوع ده
ارجو مكنش طولت فى الموضوع بس حبيت اقول الكلام ده عشان بجد مبقش طايقة اللى بيحصل ده:mad:

super hero 1991

09-07-2008, 04:58 PM

بارك الله فيك وجزاك الله خيرا

Cray_Bird91

09-07-2008, 05:01 PM

بارك الله فيك وجزاك الله خيرا

جزانا واياك ان شاء الله

اتمنى الفعل ان شاء الله
مشكور على المرور الكريم

ياسر لاشين

09-07-2008, 05:01 PM

الف شكر على الموضوع الجميل دة وربنا يهى اولادنا وبنتنا

Cray_Bird91

09-07-2008, 05:03 PM

الف شكر على الموضوع الجميل دة وربنا يهى اولادنا وبنتنا

اللهم امين
مشكور على مرورك الكريم

dr.saeed

09-07-2008, 05:08 PM

للاسف
كل ما حد يرد
هايقولك شكرا
وانا منهم هاقولك جزاك الله خيرا
وكان هؤلاء الذين نراهم فى الشارع
لا يدخلون النت!
او يروا الموضوع فيتحرجوا يردوا
فى امان الله

شموخ مسلمة

09-07-2008, 05:15 PM

بجد موضوعك لو قلتلك روووووووووووعة هتبقى كلمة قليلة عليه

بس اتمنى بجد اننا ماننفعلش مع الموضوع و احنا بنقراه و بمجرد مانغير الصفحة ننسى

ربنا يكرمك يا حبيبتى

Cray_Bird91

09-07-2008, 05:15 PM

للاسف
كل ما حد يرد
هايقولك شكرا
للاسف وانا مش عاوزة شكر وبس انا عاوزة فعل
وانا منهم هاقولك جزاك الله خيرا
جزانا واياك خيرا
وكان هؤلاء الذين نراهم فى الشارع
لا يدخلون النت!
او يروا الموضوع فيتحرجوا يردوا
بصراحة مش حقول غير ان ربنا يهديهم وينور بصيرتهم للصح ويكفوا على اللى بيعملوه فى بنات الناس
فى امان الله

مشكور على مرورك الكريم

Cray_Bird91

09-07-2008, 05:18 PM

بجد موضوعك لو قلتلك روووووووووووعة هتبقى كلمة قليلة عليه
الله يخليكى انتى اللى روعة

بس اتمنى بجد اننا ماننفعلش مع الموضوع و احنا بنقراه و بمجرد مانغير الصفحة ننسى
انا حاسة بكدة مش عارفة ليه:(

ربنا يكرمك يا حبيبتى
ويكرمك

مشكورة على مرورك اللى نور الموضوع

dr.saeed

09-07-2008, 05:21 PM

انا حاسة بكدة مش عارفة ليه
لان
ما تكرر
تقرر
فى امان الله

C A N D Y

09-07-2008, 05:24 PM

مش قادرة اقوللك اد ايه الموضوع دا مهم

و معاكى حق فى كل حاجة قلتيها

اولا جزاكى الله خيرا و جعل مثواك الفردوس الاعلى

ثانيا
كل ما انزل فى الشارع واتسوق حأجد شابا وفتاة فى كل ناحية ولا يبدو عليهما اى الاحترام
ما هو ممكن يكون اخوها او خطيبها او زوجها بس بيبان الاحترام وطريقة المشى لكن للاسف لافى احترام ولااى حاجة

الموضوع دا بيستفزنى جدااااا بجد حاجة عدت تقرف مفيش ادب ولا احترام و عشان انا فى المنصورة ..صغيرة يعنى مش بمشى خطوة الا لما الاقى منظر زى دا يدايقنى ..لأ دا فى شارع كمان عشان اى اتنين بيحبوا بعض يروحوا يتمشوا فيه و كل شوية بوليس اداب رايح لحد ما المحترمين بطلوا يروحوا
الموضوع كله عبارة عن فراغ .. ولاد و بنات فاضية مش لاقيين اللى يعملوه يقوموا يضحكوا على بعض و خلاص و يوهموا نفسهم ان دا اسمه حب و فى الاخر نفس النهاية ..خناقة كبيرة و خلصت الحكاية و اتفركش الموضوع و اكيد طبعا البنت هى المتضررة الاولى ..و بردو مش بيحرموا..كل واحد فيهم يروح يدور على حد تانى يبتدى معاه نفس القصة اللى بتنتهى نفس النهاية
و دول بأى ظلموا المحترمين معاهم.. لان للاسف البنت المحترمة بقيت بتخاف تمشى مع حد تعرفه ولا حتى مع اخوها فى الشارع
و انا مش عارفة هتصدقونى فى دى ولا لأ بس والله العظيم المنظر دا بشوفه فى المدرسة عندى ... كل واحدة من زميلات اختى اللى فى تانية اعدادى "مظبطة" مع حد فى المدرسة ..بقول تانية اعدادى..طب دا يبقى اسمه ايه يعنى

وسؤالى للبنات : انتى راضية ان اى حد يمسك جوهرتك!راضية ان شرفك وعرضك تكون اطراف مترامية على الارض!اترضين ان تكونين كاللحم يجرى خلفها كلب؟
هارسولك الكريم واحب الخلق الى الله عز وجل يتهان؟
الذى اكرمك واوصى الناس بحسن معاملتك؟
انا مش بقولك التزمى وخليكى قاعدة فى البيت لاء
حاولى تنهضى وتشجعى اقاربك على العمل وتنشرى مقالاتك وتعززى بنفسك ولا تجعلى نفسك كعرض طلب فى الشارع وتبيعى كرامتك لمن لا يستحقونه
انتى اغلى بكثير من ان انتى تكونى كدة
المفتاح كله فى ايديكى انتى انتى اللى حتقدرى تنهضى بالامة
يكفى ان الله عز وجل اكرمك وجعل سورة فى القران الكريم باسمك
يكفى ان انتى اللى بتتوجدى الرجال وتعمرى الكون بمجرد ان يرسل الله موكلا وينفخ فى الرحم ويقول كن فيكون

بجد كلامك دا جميل جدا..احنا فعلا مش هننهض الا اذا البنت حست ان كل حاجة فى ايديها هى و ان المفروض تبتدى تعمل حاجة مش تفضل مجرد "شىء" و اهم حاجة تحافظ على نفسها من المرضى اللى ملوا البلد..بارك الله فيكى

اتمنى الاقى الرجال اللى حيتحملوا مسئولية الامة ويدافعوا ان نيبهم الكريم لا بالقول فقط بل والعمل
قولى يا رب ..بس انتى قولتيها قبل كدة احنا مش هنفوق الا لما حد يحتلنا
يا رب فعلا نلاقى اللى يتحمل المسؤلية
اللى يخاف على بلده
اللى يغير على اهله
اللى يفكر فى غيره
اللى ليه طموح و امل
اللى عايز ينهض بمصر و بيعمل على كدة
اللى بيدافع عن دينه
اللى مش يخلى تعب الرسول صلى الله عليه و سلم و دماء المؤمنين فى سبيل نشر الاسلام من يوم ما الاسلام نزل تروح هباء
اللى مش فاضيين و مش همهم الاكبر متعتهم و بس و مش مهم ايه اللى هيحصل بكرة

و كفاية كدة
اسفة ع الاطالة بس الموضوع فعلا حلو
بارك الله فيكى و جزاكى كل خير
فى رعاية الرحمن

Cray_Bird91

09-07-2008, 05:25 PM

لان
ما تكرر
تقرر
فى امان الله

والله انا لو كان فى ايدى اعمل حاجة جديدة تفوق الناس من الغفلة كنت عملتها

بس حنعمل ايه ربنا هو الهادى

الفتاة الحائرة

09-07-2008, 05:25 PM

عندك حق فى كل كلمة قولتيها

وياريت الناس كلها تعمل بالكلام ده

مرسى على الموضوع وجزاك الله خيرا

Travel

09-07-2008, 05:34 PM

الموضوع بجد جااااااااااامد جدا
وفعلا
انا متفقة مع شموخ
يعنى الموضوع حلو مش نقول حلو وخلاص
وبعد كده لما نغير الصفحة كانه خلص خلاص
احنا فعلا محتاجين تغييير
لان اللى موجود حاليا يبشر ان هيكون فى اسوأ من كده
وفعلا جزاك الله خير على الموضوع الجميل ده

Cray_Bird91

09-07-2008, 05:41 PM

مش قادرة اقوللك اد ايه الموضوع دا مهم
يكفى انك نورتى التموضوع
و معاكى حق فى كل حاجة قلتيها
المبدأ مبيتجزأش
اولا جزاكى الله خيرا و جعل مثواك الفردوس الاعلى
واياكى يارب ونكون منهم اان شاء الله
ثانيا

الموضوع دا بيستفزنى جدااااا بجد حاجة عدت تقرف مفيش ادب ولا احترام و عشان انا فى المنصورة ..صغيرة يعنى مش بمشى خطوة الا لما الاقى منظر زى دا يدايقنى ..لأ دا فى شارع كمان عشان اى اتنين بيحبوا بعض يروحوا يتمشوا فيه و كل شوية بوليس اداب رايح لحد ما المحترمين بطلوا يروحوا
الموضوع كله عبارة عن فراغ .. ولاد و بنات فاضية مش لاقيين اللى يعملوه يقوموا يضحكوا على بعض و خلاص و يوهموا نفسهم ان دا اسمه حب و فى الاخر نفس النهاية ..خناقة كبيرة و خلصت الحكاية و اتفركش الموضوع و اكيد طبعا البنت هى المتضررة الاولى ..و بردو مش بيحرموا..كل واحد فيهم يروح يدور على حد تانى يبتدى معاه نفس القصة اللى بتنتهى نفس النهاية
و دول بأى ظلموا المحترمين معاهم.. لان للاسف البنت المحترمة بقيت بتخاف تمشى مع حد تعرفه ولا حتى مع اخوها فى الشارع
و انا مش عارفة هتصدقونى فى دى ولا لأ بس والله العظيم المنظر دا بشوفه فى المدرسة عندى ... كل واحدة من زميلات اختى اللى فى تانية اعدادى "مظبطة" مع حد فى المدرسة ..بقول تانية اعدادى..طب دا يبقى اسمه ايه يعنى
والله حقولك حاجة حتى لو فى فراغ مش شايفين اهاليهم اللى تعبوا ودمهم اتحرق عشان يكونوا هم امل الامة
وحكاية الصداقة بين الولد والبنت دى بتستفزنى وبعدين اللى مش عارف الحب غير اللى على يقين انه بما احله الله يعنى الحب الحقيقى هو حب الله ورسوله
لوكل واحد اتقى الله فى تصرفاته حيعرف كويس اوى ان هى زى اخته ولو البنت عارفة قيمتها حتعرف غلاوة نفسها

بجد كلامك دا جميل جدا..احنا فعلا مش هننهض الا اذا البنت حست ان كل حاجة فى ايديها هى و ان المفروض تبتدى تعمل حاجة مش تفضل مجرد "شىء" و اهم حاجة تحافظ على نفسها من المرضى اللى ملوا البلد..بارك الله فيكى
جزانا واياكى ان شاء الله
يارب بجد نفوق من الغفلة دى

قولى يا رب ..بس انتى قولتيها قبل كدة احنا مش هنفوق الا لما حد يحتلنا
ده اكيد مفيش حد حيعرف قيمة الحرية الا لما تتسلب منه
يا رب فعلا نلاقى اللى يتحمل المسؤلية
يارب ويا عالم ممكن يكون فى
اللى يخاف على بلده
فين؟
اللى يغير على اهله
فين؟
اللى يفكر فى غيره
معتقدش الا لما يفوق
اللى ليه طموح و امل
معظمهم اصبح معترض على قضاء الله وقدره والعياذ بالله ويجيله احباط
اللى عنده امل حيقوم فى ساعتها
اللى عايز ينهض بمصر و بيعمل على كدة
ما فى بايعين بلدهم وفى اللى صبروا وعاوزين يعملوا حاجة بس قلة
اللى بيدافع عن دينه
قليل
اللى مش يخلى تعب الرسول صلى الله عليه و سلم و دماء المؤمنين فى سبيل نشر الاسلام من يوم ما الاسلام نزل تروح هباء
ماهو للاسف لو كانوا شافوا الرسول صلى الله عليه وسلم مكانوش حيبقوا كدة
اللى مش فاضيين و مش همهم الاكبر متعتهم و بس و مش مهم ايه اللى هيحصل بكرة
واللى حيحصل بكرة حيندموا عليه لو مفاقوش

و كفاية كدة
اسفة ع الاطالة بس الموضوع فعلا حلو
بارك الله فيكى و جزاكى كل خير
جزانا واياكى
فى رعاية الرحمن

نورتى التوبيك يا جميل

Cray_Bird91

09-07-2008, 05:42 PM

عندك حق فى كل كلمة قولتيها

وياريت الناس كلها تعمل بالكلام ده
يارب يكون فى امل فعلا

مرسى على الموضوع وجزاك الله خيرا
واياكى نورتى التوبيك

dr.saeed

09-07-2008, 05:43 PM

عشان انا فى المنصورة
انصحك تسيبيها
:rolleyes:
والله انا بعد امتحان المستوى طلعت من اللجنة
نزلت بالليل اخرج
رجعت مذهول
بالترتيب
:rolleyes:

dr.saeed

09-07-2008, 05:46 PM

والله انا لو كان فى ايدى اعمل حاجة جديدة تفوق الناس من الغفلة كنت عملتها
احنا بس نذكر
ونعمل حاجة مع اصحابنا ووسطنا الى عايشين فيه
اما نفوق
مستحيل
عارفه ليه
لان فيه علامة من علامات الساعة مترتبة على الى بيحصل
بس صعبة اوى ومش هاقدر اتكلم عليها
رنا يسهلى وماشوفهاش

C A N D Y

09-07-2008, 05:47 PM

انصحك تسيبيها
:rolleyes:
والله انا بعد امتحان المستوى طلعت من اللجنة
نزلت بالليل اخرج
رجعت مذهول
بالترتيب
:rolleyes:

اجمل نصيحة سمعتها فى حياتى
يااااا رب ادخل سياسة و اقتصاد عشان اخلص م العيشة السودا دى

Cray_Bird91

09-07-2008, 05:49 PM

الموضوع بجد جااااااااااامد جدا
وفعلا
انا متفقة مع شموخ
يعنى الموضوع حلو مش نقول حلو وخلاص
وبعد كده لما نغير الصفحة كانه خلص خلاص
ماهو المفروض ان اللى بيقرا سواء الموضوع ده او غيره المفروض يعرف ان مسئولية البلد فى ايده مش فى ايد الحكومة ولا غيرها لاء
احنا الشعب اللى نقدر نعمل حاجة وبعدين نفرض ان فى ناس قاعدة وساكتة على الظلم اللى بيحصل
الا ان رسول الله صلى الله عليه وسلم قال"سيأتى زمان على امتى قوما ضاع الحق بينهم"
دلوقتى مبقاش فى غير انه يرا ويتحسر وينسى وخلاص ويرجع تانى
احنا فعلا محتاجين تغييير
بايدنا مش بايد حد وده طبعا بارادة ربنا
لان اللى موجود حاليا يبشر ان هيكون فى اسوأ من كده
لو فضلنا قاعدين كدة حيبشر باسزأ من كدة
وفعلا جزاك الله خير على الموضوع الجميل ده
جزانا واياكى مشكورة على المرور يا عسل

ahmed_20005

09-07-2008, 05:49 PM

موضوع حلو فعلا ولازم ياجماعه نكتر من المواضيع دي بجد لان الشباب والبنات فعلا محتاجين انهم يفوقوا

Cray_Bird91

09-07-2008, 05:53 PM

احنا بس نذكر
ونعمل حاجة مع اصحابنا ووسطنا الى عايشين فيه
اما نفوق
مستحيل
عارفه ليه
لان فيه علامة من علامات الساعة مترتبة على الى بيحصل
بس صعبة اوى ومش هاقدر اتكلم عليها
رنا يسهلى وماشوفهاش

بس احنا ممكن ونقدر وده لما كل واحد فينا يعمل حاجة لبلده ويشجع اصحابه بدل ما يقعد فاضى وينشغل بالكلام الفارغ ده
ربنا يعفينا من العلامات دى كلها سودة وده بسببنا

dr.saeed

09-07-2008, 05:54 PM

يااااا رب ادخل سياسة و اقتصاد عشان اخلص م العيشة السودا دى
هادعيلك والله
بس انتى ادعيلى ادخل طب اسنان الا.........
فى امان الله

Cray_Bird91

09-07-2008, 05:55 PM

اجمل نصيحة سمعتها فى حياتى
يااااا رب ادخل سياسة و اقتصاد عشان اخلص م العيشة السودا دى

ربنا معاكى يارب ويحقق اللى نفسك فيه واحنا كمان بس اهم حاجة النية
يعنى خلى نيتك انك تدخلى الكلية دى عشان تصلحى فى الناس اللى بوظت الدنيا دى

dr.saeed

09-07-2008, 05:56 PM

ربنا يعفينا من العلامات دى كلها سودة وده بسببنا
بسببنا من غيرنا
لازم نشوفها
وكل عصر
وله صفاته
بس حظى الابيض
انى جيت دلوقتى
وماسك على الجمر ان شاء الله

لمى 2016

09-07-2008, 05:57 PM

انصحك تسيبيها
:rolleyes:
والله انا بعد امتحان المستوى طلعت من اللجنة
نزلت بالليل اخرج
رجعت مذهول
بالترتيب:rolleyes:

اكيد لازم نصاب بذهول

ولو قلت لحد يقولك

ما انا لازم اعيش حياتى

يعنى هو انا لازم اغضب ربنا عشان اعرف اعيش حياتى

لو كدة بقى فانا مش عايزة اعيش الحياة دى

و بعدين احنا يعنى هنعمل لهم ايه هما مش صغيرين و عارفين هما يعملوا ايه و ليه

شكرا طالبة العلم على الموضوع لكن دة امر واقع و محدش هيقدر يغيره غير الشباب و البنات دول نفسهم
بس دة يتطلب انهم يقربوا من ربنا اكتر و يعرفوه عشان يحبوه و يحرصوا على رضاه
ربنا ييسر لنا و ليهم الحال

dr.saeed

09-07-2008, 05:59 PM

بس دة يتطلب انهم يقربوا من ربنا اكتر و يعرفوه عشان يحبوه و يحرصوا على رضاه
ربنا ييسر لنا و ليهم الحال

يكفى العربيات الى تحس انهم عاملين افراح جواها دول
ههههههه
ربنا يعافينا ويعافيكم

Cray_Bird91

09-07-2008, 05:59 PM

بسببنا من غيرنا
لازم نشوفها
وكل عصر
وله صفاته
بس حظى الابيض
انى جيت دلوقتى
وماسك على الجمر ان شاء الله

ربنا يكتر من امثالك ويكثر من الشباب اللى يحافظوا على دينهم كماسك جمرة من النار

dr.saeed

09-07-2008, 06:01 PM

ربنا يكتر من امثالك
بلاش امثالى انا
ويكثر من الشباب اللى يحافظوا على دينهم كماسك جمرة من النار
دول افضل ان شاء الله
يرفع الله الذين امنوا منكم والذين اوتوا العلم درجات

Cray_Bird91

09-07-2008, 06:02 PM

موضوع حلو فعلا ولازم ياجماعه نكتر من المواضيع دي بجد لان الشباب والبنات فعلا محتاجين انهم يفوقوا

يارب يفوقوا ويقوموا من الغفلة دى

مشكور على المرور الكريم واتمنى فعلا وليس قولا

C A N D Y

09-07-2008, 06:04 PM

ربنا معاكى يارب ويحقق اللى نفسك فيه واحنا كمان بس اهم حاجة النية
يعنى خلى نيتك انك تدخلى الكلية دى عشان تصلحى فى الناس اللى بوظت الدنيا دى

ميرسى ع الدعوة ..بس المشكلة ان الكلية دى مكانتش فى نيتى خالص ... هموووووت على صيدلة بس بعد الامتحانات بأى قلت ارضى بالامر الواقع و لقيت نشاطى اتحول لسياسة ..بس بردو جامدة .. نفسى ادخلها عشان اولع فى كل اللى فى البلد:)

Cray_Bird91

09-07-2008, 06:05 PM

اكيد لازم نصاب بذهول

ولو قلت لحد يقولك

ما انا لازم اعيش حياتى

يعنى هو انا لازم اغضب ربنا عشان اعرف اعيش حياتى

لو كدة بقى فانا مش عايزة اعيش الحياة دى

و بعدين احنا يعنى هنعمل لهم ايه هما مش صغيرين و عارفين هما يعملوا ايه و ليه

شكرا طالبة العلم على الموضوع لكن دة امر واقع و محدش هيقدر يغيره غير الشباب و البنات دول نفسهم
بس دة يتطلب انهم يقربوا من ربنا اكتر و يعرفوه عشان يحبوه و يحرصوا على رضاه
ربنا ييسر لنا و ليهم الحال

يارب اشوف كدة لانى بدأت احس ان الجيل الحلو الصافى انقرض مش لاقينه وجود
مشكورة يا جميل على مرورك نورتى التوبيك

thechampion

09-07-2008, 06:05 PM

فوق كل ذى علم عليم

Dr.Nobel

09-07-2008, 06:05 PM

شكرا
بجد موضوع جميل
ويارب الناس تتعظ
وربنا يهدي شباب وبنات المسلمين

لمى 2016

09-07-2008, 06:05 PM

يكفى العربيات الى تحس انهم عاملين افراح جواها دول
ههههههه
ربنا يعافينا ويعافيكم

هههه
افراح
انا عن نفسى مش بشوف الحاجات دى لانى من اول الامتحانات ما خلصت و انا مقولتش للشارع عامل ايه

عموما منك نستفيد

thechampion

09-07-2008, 06:06 PM

ربنا يهدى كل الناس وكلنا نتقابل عند الحرم

the black rose

09-07-2008, 06:07 PM

جزاكم الله كل خير

Cray_Bird91

09-07-2008, 06:08 PM

ميرسى ع الدعوة ..بس المشكلة ان الكلية دى مكانتش فى نيتى خالص ... هموووووت على صيدلة بس بعد الامتحانات بأى قلت ارضى بالامر الواقع و لقيت نشاطى اتحول لسياسة ..بس بردو جامدة .. نفسى ادخلها عشان اولع فى كل اللى فى البلد:)

هههههههههه
ربنا يناولك اللى نفسك فيه بس بصراحة الكلية دى لو دخلتيها ان شاء الله وخدمتى دينك حتبقى عملتى المستحيل لان فيها لغات ولازم تتعلمى لغات ومن خلالها حتخاطبي وتفهمى كل الدول دينك وبلدك بلغاتهم وتصلحى فيهم اقصد فى بلدك مش فيهم

ربنا معانا كلنا ان شاء الله

Cray_Bird91

09-07-2008, 06:10 PM

بلاش امثالى انا
ليه؟

دول افضل ان شاء الله
وتكون منهم ان شاء الله وكل شاب وفتاة ان شاء الله
يرفع الله الذين امنوا منكم والذين اوتوا العلم درجات

يارب نشوف اللى امنوا بيك وحققوا ما امرتهم بيك

Cray_Bird91

09-07-2008, 06:12 PM

فوق كل ذى علم عليم

ونعم بالله
مشكور على المرور الكريم

Cray_Bird91

09-07-2008, 06:13 PM

جزاكم الله كل خير

جزانا واياكى ان شاء الله
مشكورة على مرورك الجميل

C A N D Y

09-07-2008, 06:15 PM

هههههههههه
ربنا يناولك اللى نفسك فيه

ما بلااااااش:D

بس بصراحة الكلية دى لو دخلتيها ان شاء الله وخدمتى دينك حتبقى عملتى المستحيل لان فيها لغات ولازم تتعلمى لغات ومن خلالها حتخاطبي وتفهمى كل الدول دينك وبلدك بلغاتهم وتصلحى فيهم اقصد فى بلدك مش فيهم

لا الحمد لله انا اللغات عندى تمام و فكرت فى الموضوع دا لقيته كويس..كل اللى يجيبه ربنا كويس و و انا بعترف ان انا اول مرة اقولها عن اقتناع

ربنا معانا كلنا ان شاء الله

ان شاء الله

Cray_Bird91

09-07-2008, 06:16 PM

شكرا
بجد موضوع جميل
الله يخليكى بس ياريت ميكنش كلام وبس
ويارب الناس تتعظ
يارب
وربنا يهدي شباب وبنات المسلمين
اللهم امين

مشكورة على المرور الكريم

Cray_Bird91

09-07-2008, 08:41 PM

المشاهدات وصلت 142 !!! والردود 42 بس؟؟

طب عاوزة اعرف حاجة مش مهم عندى الرد خلونا معاكو

عاوزة اعرف انتوا عاوزين تعملوا حاجة ولا جالكم احباط ؟؟
يا جماعة الهدف مش هدف ان احنا نقعد نتسلى بالقراية وخلاص انا نفسي بجد اشوفكم معايا على الخط ولا واخدين خط النظام الفاشل اللى احنا فيه ده دلوقتى؟؟
معنى ان المشاهدات اكتر من الردود يبقى مفيش حد عاجبه الكلام :confused:

bosy .. mostafa

09-07-2008, 09:18 PM

بسم الله الرحمن الرحيم

والله يا أختي كلامك صحيح
أنا بشوف المنظر ده كتير لما امشي في الشارع , أو اقعد في مطعم عشان آكل , الاقي لك في الترابيزه اللي جنبي اتنين قاعدين مش باحترام خالص , و مش محترمين اللي حواليهم , و مش باين عليهم بينهم صله اصلاً
ليه نسيوا او تناسوا قول الرسول عليه الصلاة و السلام

" ما إجتمع رجل و إمرأه إلا و كان الشيطان ثالثهما"

عارفين .. فيه ناس لما بقولها الحديث ده يقولوا لما تكون خلوه و مش حواليهم ناس , بس حتى لو حواليهم ناس , برضو الشيطان حواليهم , مهو هما بيقعدوا في حتت لا يذكر فيها إسم الله , و بيكون فيها أغاني و كده

على فكره الشباب و البنات بالمنظر ده مش راح يتقدموا بالأمه و لا ينهضوا بيها , قليل لما تلاقي شاب عنده حماس و بيرفض الحاجات دي , عارفه دلوقتي الشباب بتباهوا بإيه ادام بعض , أقولك انا
بيتباهوا بعدد البنات اللي بيعرفوها و "مظبطينها" و للأسف أنا بيضايقني أوي التباهي ده !!
و البنات بيحبوا كده , و مش بيبقى ليهم كلام غير الواد ده عمل ايه و مش عارفه راح فين , أنا بنت ولما بقعد مع شلة بنات زيي بيكون كلامهم كده , فبمشي و أسيبهم , لإن ده كلام مش مفيد , و نفسي يبقوا من عباد الرحمن اللي ربنا قال عنهم في القرآن

"وَ إِذّا مَرَوُا بِاللّغّوَ مَرّوُا كِرَاماً"

و برضو نفسي الشباب يغضوا بصرهم , لإن النظره هي أول المعصيه , و الدين بيحذره و بيقوله الأولى ليك اما التانيه فعليك , و غض البصر ده حاجه مهمه اوي
و كلامي للبنات برضو , ياريت مش يلبسوا حاجه بتلفت النظر , و تحرك الشهوه , لإن زي ما هو خد ذنب هي كمان أخدت ذنب أكبر ..

أقولك منظر بجد خلاني كنت هبكي في الشارع على حال شبابنا اليومين دول
كنت ماشيه في الشارع راجعه من شغلي و مروحه .. فكان ورايا شلة شباب بيعاكس و بعدين فجأه لقيتهم بيجروا ورا عربيه و واحد منهم بيقول "إيه ده , إلحق دي بتغير في العربيه" انا استغربت فبصيت عالعربيه دي
لقيت بنت بتغير هدومها في العربيه بجد , و بتلبس لبس ملفت اوي , بجد استغربت اوي و قعدت استغفر ربنا
تفتكري البنت دي كانت رايحه فين هي و صاحبتها؟؟ طب بتغير في الشارع ليه ؟ مالهاش بيت يعني ؟!!!

بجد ربنا يهدي شبابنا , و الواحد مابقاش عارف يقول ايه , البنات المحجبات الحجاب مابقاش حجاب , بقى حاجه بتغطي بيها شعرها و خلاص , لا أكتر ولا أقل

شكراً للموضوع ,و ياريت نصحى و نفوق

Cray_Bird91

09-07-2008, 09:30 PM

اشكرك على مرورك الجميل
بجد دمى وقف من الحكاية دى
يعنى ايه تغير فى العربية؟
وابسط مثال هاهو شباب بمجرد ما شافوا حاجة زى كدة جريوا ولا كأنهم رجال ولا فى حس رجولة اصلا الله يخربيتهم ويخرب بيت كل اللى بيحاول يدمروا الناس بالطريقة دى
حسبي الله ونعم الوكيل
يمكن كلامى مش حينفع لان معدش اشوف همة الشباب والبنات زى الاول
واول حاجة دمرت الشباب هى الاعلام كلها اباحات وقلة ادب حسبي الله ونعم الوكيل
مشكورة اختى على مرورك الكريم

Travel

10-07-2008, 12:15 AM

جزانا واياكى مشكورة على المرور يا عسل

الشكر لله
هقولك حاجة
هو فعلا التغيير بايدينا
بس
خلينا واضحين اكتر
احنا بنشكل نسبة قد ايه
احنا اللى عاوزين التغيير هنكون كام فى المية من بقيت البشر
هو التغيير فى ايدينا ماشى وصح
لانه فعلا حقيقة
بس ازاى فى تغيير موجود بس مش فى كل حاجة
لان فى حاجات كتيير مينفعش انها تتغير
لان احنا مش هنصلح الكون ولا هنغيره

الموضوع فعلا عاوز وقفة مننا
من كل الاعضاء اللى موجودين
لو عاوزين نتغير فعلا!!

ebrahem_el

10-07-2008, 02:45 AM

C A N D Y

10-07-2008, 03:03 AM

مع احترامي للي بيتكلم على المنصوره ... غلطان ... انا من المنصوره و المنصوره بالنسبه للقاهره و الاسكندريه ... تبقى جامع
انا لما انزل القاهره او الاسكندريه و خصوصا الجامعه او الكافيهات اللي جنب الجامعه ... اتفرجوا بقى و احكموا بنفسكم

احم
مبدأيا انا مش عارفة حاجة عن الاسكندرية

بس الشوية اللى قضيتهم فى مصر كان نصهم فى المنصورة و نصهم فى القاهرة

و كفاية ان فى القاهرة هتروح مكان محترم تلاقى ناس محترمة

فى المنصورة معدش فى مكان محترم .. فالناس المحترمة اعدة فى البيت

مفيش تقريبا غير النادى و استغفر الله العظيم يا رب زهقت منه و من اللى بيحصل فيه

و بعدين واضح ان حضرتك مش خدت بالك من اللى انا بقوله:rolleyes:

فى رعاية الرحمن

dr.saeed

10-07-2008, 04:21 AM

هيلاقي ان احنا في بلد عاوزه كده
حلوة
ضحكتنى
وانا مالى ومال البلد الى عاوزاه
المهم ارادة ربنا
مش البلد

Cray_Bird91

10-07-2008, 09:52 AM

مع احترامي للي بيتكلم على المنصوره ... غلطان ... انا من المنصوره و المنصوره بالنسبه للقاهره و الاسكندريه ... تبقى جامع
انا لما انزل القاهره او الاسكندريه و خصوصا الجامعه او الكافيهات اللي جنب الجامعه ... اتفرجوا بقى و احكموا بنفسكم

انا مش بقول كده علشان اشجع عليه
ربنا يحفظنا و يهدينا .... بس و الله احنا مظلومين .. البنات و الصبيان ... لو حد سافر بره مصر و شاف ... هيلاقي ان احنا في بلد عاوزه كده ... كفايه الاعلام المصري ... كل حاجه في مصر عاوزه ... عاوزه البنطلونات في النازل و التيشرتات في الطالع ... و الله انا بقول كده و انا زعلان .... ربنا يخلي لينا بابا مبارك و ماما سوزان و انكل نظيف ... و بدل ما 17 % من طلاب الجامعات المصريه متجوزين عرفي ... بكره 77 % هيتجوزوا ... و ربنا يستر .. وربنا يحفظنا ... و شكرا على الموضوع

احنا مش بنعيب على المنصورة والقاهرة ولا اسكندرية لازم اى مكان فى البلد يكون فيها حاجات مش كويسة
اصبحت الظاهرة دلوقتى تتوقف على ان كل شاب مش لاقى شغل ولا جدية فيروح للشلة البايظة وينضم ليها
وكما قال رسولنا الكريم صلى الله عليه وسلم"الصاحب ساحب" فيتخرب معاهم وهكذا فى البنات لحد ما بقت نسبة العزوبة واعنوسة اكبر من نسبة الزواج

ونسبة الزواج العرفى والزنا اكبر من نسبة الزواج اللى ما احله الله
وياريت يطلعوا لبس محترم بدل البناطيل اللى نازلة والتيشرتات اللى طالعة بحس انهم محتاجين لبس عدل واللى يربيهم
مشكور على المرور الكريم

Cray_Bird91

10-07-2008, 10:03 AM

الشكر لله
ونعم بالله
هقولك حاجة
هو فعلا التغيير بايدينا
بس
خلينا واضحين اكتر
احنا بنشكل نسبة قد ايه
نسبة كبيرة جدا
احنا اللى عاوزين التغيير هنكون كام فى المية من بقيت البشر
بصراحة حاسة انه 4% من اللى بشوفه:(
هو التغيير فى ايدينا ماشى وصح
لانه فعلا حقيقة
بس ازاى فى تغيير موجود بس مش فى كل حاجة
لا فى تغير وممكن بعددنا القليل ده نقدر نغير اعداد كثيرة قال تعالى"وكم من فئة قليلة غلبت فئة كثيرة بأذن الله"
لان فى حاجات كتيير مينفعش انها تتغير
ليه؟ زى ايه طيب؟
لان احنا مش هنصلح الكون ولا هنغيره
طب ماهو عندك الرسول عليه الصلاة والسلام لما بدأ الدعوة بدأ باعداد قليلة جدا حينما نزل الله عليه الوحى وقال "فاصدع بما تؤمر واعرض عن المشركين" من داخل عائلته ومن خلالهم انتشر الاسلام

الموضوع فعلا عاوز وقفة مننا
ياريت
من كل الاعضاء اللى موجودين
لو عاوزين نتغير فعلا!!
بصى يا اختى لو فى رجال بجد دلوقتى كانوا حيستحملوا اللى الحكومة حتعمله فيهم ولو فى بنات بجد كانت حتبطل اللى هى بتعمله فى الشباب ده وتبطل المسخرة اللى هى فيه ده
الموضوع عايز دراسة بحيث ان كل واحد يتكلم ويحاول بالتدريج مع غيره ويشجع عيلته وهكذا لحد ما نقدر نكون قادرين وطبيعى البلد ممكن تتأثر خصوصا ان فى ناس ماشية بنظام التقليد:D
مشكورة اختى على المرور الكريم

Cray_Bird91

10-07-2008, 10:07 AM

حلوة
ضحكتنى
وانا مالى ومال البلد الى عاوزاه
المهم ارادة ربنا
مش البلد

لو البلد عاوزة كدة نعمل عكس اللى هى عاوزاه

شكرا على المرور الكريم

Cray_Bird91

10-07-2008, 10:12 AM

احم
مبدأيا انا مش عارفة حاجة عن الاسكندرية
ممكن تاخدى استراحة بين القاهرة والمنصورة وتستريحى عندى واعرفك الاسكندرية حتة حتة:D

بس الشوية اللى قضيتهم فى مصر كان نصهم فى المنصورة و نصهم فى القاهرة

و كفاية ان فى القاهرة هتروح مكان محترم تلاقى ناس محترمة
ممكن تلاقى بس برضه قليل جدا

فى المنصورة معدش فى مكان محترم .. فالناس المحترمة اعدة فى البيت
ماهو من العادات والتقاليد ان الست تكون فى البيت والراجل بيشتغل مش كلهم طبعا

مفيش تقريبا غير النادى و استغفر الله العظيم يا رب زهقت منه و من اللى بيحصل فيه
ماهو اكيد:D

و بعدين واضح ان حضرتك مش خدت بالك من اللى انا بقوله:rolleyes:

فى رعاية الرحمن

مشكورو على مرورك الجميل يا عسل

yass

11-07-2008, 01:16 PM

جزاكي الله كــــــــــــل خير
وبجداحيكي علي الموضوع الجميل ده
واناكمان بشوف زي ده كتييييييييييييييييييير في الشوارع
وبقول ربنا يهديهم

Cray_Bird91

11-07-2008, 01:26 PM

جزاكي الله كــــــــــــل خير
جزانا واياك ان شاء الله
وبجداحيكي علي الموضوع الجميل ده
واحيكى على مرورك الجميل
واناكمان بشوف زي ده كتييييييييييييييييييير في الشوارع
مش عارفة كل حاجة جميلة اختفت بسببهم:(
وبقول ربنا يهديهم

ياارب:rolleyes:

Hamset_Etab

11-07-2008, 04:10 PM

جزاكى الله خير يا حبيبتى
موضوع بجد قيم جدا بيعبر عن الى انا حاسه بالضبط
مع اختلاف اسلوبك الراقى الى بجد عجبنى كتير اوى
تقبلى مرورى

Cray_Bird91

11-07-2008, 04:17 PM

جزاكى الله خير يا حبيبتى
جزانا واياكى خيرا ان شاء الله
موضوع بجد قيم جدا بيعبر عن الى انا حاسه بالضبط
الله يكرمك ما هو الكويس هو اللى بيحس
مع اختلاف اسلوبك الراقى الى بجد عجبنى كتير اوى
الله يكرمك ويبارك فيكى
تقبلى مرورى
تسلم مرورك اللى اسعدنى ونرنى بس ياريت يكون فى حاجة نعملها بدلا من الشكر والرد بس

عمر علي أبوشادي

11-07-2008, 06:35 PM

جزاكي الله خيرا

Cray_Bird91

11-07-2008, 06:45 PM

جزاكي الله خيرا

جزانا واياك خيرا ان شاء الله
مشكور على المرور الكريم

roomioo2008

17-07-2008, 03:31 PM

جزاك الله كل خير بجد موضوع روعو روعو

Cray_Bird91

29-07-2008, 05:32 PM

جزاك الله كل خير بجد موضوع روعو روعو

جزانا واياك ان شاء الله
مشكورو مشكورو على المرور الكريم:)

pinky_star

29-07-2008, 06:25 PM

Cray_Bird91

29-07-2008, 06:40 PM

شكرا على الموضوع الجميل
اتمنا ان تقبلونى معكم
واتمن ان تزورونا فى منتدى www.betak3net.com
اتمنا ان ينال المنتدى اعجابكم
وطبعا ان احنا هنعمل فى المنتدى بتاعنا قسم لمنتدى الثانويه العامه
لان منتدى الثانويه العامه وشه حلو عليا

تنورينا وتنورى المنتدى بوجودك

تسلمى على مرورك الجميل

Cray_Bird91

29-07-2008, 06:42 PM

بجد موضوعك رائع

وفعلا المنظر ده بيتكرر كتيييييييييير
وانا كل اللى عايزه اعرفه هما ليه بيرضوا لنفسهم كده
انا شايفه ان دى اهانه اصلا لاى بنت لان كده هى معندهاش ضمير
ولا كرامه

وبجد ربنا يهدى الجميع

والله بصراحة العيب يرجع للبنت الاول قبل الولد

مش حقول غير ان ربنا يهديهم وينور بصيرتهم للصح
وينتقم للى لسة مصر انه يلعب ببنات الناس
مشكورة على مرورك يا قمر

stop

03-08-2008, 11:44 AM

بجد عندك حق واللة بجد دى دت حاجة مستفزة ولما اجى انصح مثلا وحدة صاحبتى تقولى احنا مرتبطين
يعنى اية مرتبطين؟
احنا بعدنا اووووووووووى عن الاسلام فى كل حاجة
ربنا يهدينا يارب و يغفرلنا
وبجد موضوعك اكتر من رائع و يارب الكل يستفيد منة

Cray_Bird91

04-08-2008, 12:06 PM

الأستاذ كامل الريس

04-08-2008, 12:51 PM

موضوع جميل بس الموضوع ده لازم يتنشر فى قلوب الناس عشان تقدر تقراه

happiness_sadness7

04-08-2008, 01:09 PM

أحمد2025

04-08-2008, 04:32 PM

مش عارف اقولك ايه
بس عايز اضيف نقطة
احيانا بيكونوا الأهل السبب

dr.saeed

04-08-2008, 04:58 PM

على فكره الشباب و البنات بالمنظر ده مش راح يتقدموا بالأمه و لا ينهضوا بيها , قليل لما تلاقي شاب عنده حماس و بيرفض الحاجات دي , عارفه دلوقتي الشباب بتباهوا بإيه ادام بعض , أقولك انا
بيتباهوا بعدد البنات اللي بيعرفوها و "مظبطينها" و للأسف أنا بيضايقني أوي التباهي ده !!

للاسف دة الى بيحصل مع شباب كتير
الحمد لله مش مصاحب من الاشكال دى
أقولك منظر بجد خلاني كنت هبكي في الشارع على حال شبابنا اليومين دول
كنت ماشيه في الشارع راجعه من شغلي و مروحه .. فكان ورايا شلة شباب بيعاكس و بعدين فجأه لقيتهم بيجروا ورا عربيه و واحد منهم بيقول "إيه ده , إلحق دي بتغير في العربيه" انا استغربت فبصيت عالعربيه دي
لقيت بنت بتغير هدومها في العربيه بجد , و بتلبس لبس ملفت اوي , بجد استغربت اوي و قعدت استغفر ربنا
تفتكري البنت دي كانت رايحه فين هي و صاحبتها؟؟ طب بتغير في الشارع ليه ؟ مالهاش بيت يعني ؟!!!

يا نهار ابيض!
انتى بتتكلمى بجد؟
لا خلاص بقى
انسى اننا نرجع تانى
ننتظر
المهدى المنتظر
فى امان الله

Cray_Bird91

04-08-2008, 05:59 PM

اهلا بيكي يامون لايف ......... بجد موضوعك كويس ... وكنت اتمني الموضوع ده يبتدي بالشباب ......... انا بجد متأكد والبنت هي اضعف المخلوقات وطبعا بيبقي من السهل علي الشاب انه يسيطر عليها ويخليها تضعف امامه بس اكيد البنت المحترمة بجد وده من التربية ومن البيت طبعا يخليها اقوي المخلوقات ....... لكن الشباب هم اللي يبتدوا ويقولوا كده علشان لو كل شاب احترم نفسه ودينه ماكانش كل اللي احنا بنشوفه ده حصل وبجد بجد ممكن للشاب انه يحب فتاه اه ماشي وكل حاجة بس ده بينه وبين نفسه وهو بجد لو احبها بجد هيحافظ عليها ومش هيرضي حتي انه يكلمها علشان ماحدش يقول عليها نص كلمة .... وممكن بس يعرف اذا كانت هي كمان موافقه عليه والا لا وهو هيعمل كل حاجة علشان يقدر يتقدملها ويتزوجها علي سنة الله ورسوله ............. لكن في النهاية باشكرك علي الموضوع اللي كنت اتمني انه يكون من الشباب .......... وانا علي فكرة شاب بس يللا سبقتينا ........... وربنا يجازيكي خيرا ... نرجو منك المزيك .

بصراحة معدش احنا فى زمن الخير دايما كل واحد عايش لنفسه وميهمهوش غيره

شكرا على الاضافة الجميلة واتمنى كل واحد يعى الكلام ده ويحس بضميره
وربنا يهدى شباب وبنات المسلمين

شكرا على المرور الكريم:)

Cray_Bird91

04-08-2008, 06:02 PM

مش عارف اقولك ايه
بس عايز اضيف نقطة
احيانا بيكونوا الأهل السبب

صح ممكن الغلط يكون من الاهل بس غالبا بيكون فى نفور بين الاهل والابناء

شكرا على المرور الكريم

Cray_Bird91

04-08-2008, 06:04 PM

للاسف دة الى بيحصل مع شباب كتير
الحمد لله مش مصاحب من الاشكال دى

يا نهار ابيض!
انتى بتتكلمى بجد؟
لا خلاص بقى
انسى اننا نرجع تانى
ننتظر
المهدى المنتظر
فى امان الله

ربنا يهدى بجد عشان الاخلاص بدأ ينقرض

شكرا على الاضافة والمرور الكريم

أحمد2025

04-08-2008, 06:08 PM

صح ممكن الغلط يكون من الاهل بس غالبا بيكون فى نفور بين الاهل والابناء

شكرا على المرور الكريم

عارفة
المشكلة احيانا بتكون ايه
ان الأهل مش بيسمعوا للأبناء
الأهل فاكرين نفسهم هما الكفاءة والقدوة والخبرة وكده
ويخلوا الأبناء يعملوا اللى على مزاجهم
طبعا الأبناء بيكونوا مغصوبين على حاجة
فالأبناء بتضطر تنحررررررف
شكرا جزيلا على التوبيك

Cray_Bird91

04-08-2008, 06:20 PM

عارفة
المشكلة احيانا بتكون ايه
ان الأهل مش بيسمعوا للأبناء
الأهل فاكرين نفسهم هما الكفاءة والقدوة والخبرة وكده
ويخلوا الأبناء يعملوا اللى على مزاجهم
طبعا الأبناء بيكونوا مغصوبين على حاجة
فالأبناء بتضطر تنحررررررف
شكرا جزيلا على التوبيك

صح بس مش كل الاهل
وبعدين حتى لو الاهل كدة ليه الواحد ميقعدش يفكر ازاى يندمج مع اهله ويحاول يتكلم معاهم ويفهمهم الزمن بيمشى ازاى ويحاول ياخد والده ووالدته صحابه ويسمع لمشاكلهم

عكس لما الابن او البنت يصروا على حاجة حرام وعارفين انه حرام ويحاول الاب او الام انهم ينصحوهم بس هما مش قبلين كلامهم ويندموا فى الاخر
غير ان بعض الاهالى شايفين انهم الامل اللى حيكبروا ويعملوا حاجة لدينهم وبلدهم

مش حقول غير انه علامة من علامات الساعة وربنا يعفينا

ولسة فى ناس كتير كويسة الحمدلله
مشكور على المرور الكريم

أحمد2025

04-08-2008, 06:27 PM

صح بس مش كل الاهل
وبعدين حتى لو الاهل كدة ليه الواحد ميقعدش يفكر ازاى يندمج مع اهله ويحاول يتكلم معاهم ويفهمهم الزمن بيمشى ازاى ويحاول ياخد والده ووالدته صحابه ويسمع لمشاكلهم

عكس لما الابن او البنت يصروا على حاجة حرام وعارفين انه حرام ويحاول الاب او الام انهم ينصحوهم بس هما مش قبلين كلامهم ويندموا فى الاخر
غير ان بعض الاهالى شايفين انهم الامل اللى حيكبروا ويعملوا حاجة لدينهم وبلدهم

مش حقول غير انه علامة من علامات الساعة وربنا يعفينا

ولسة فى ناس كتير كويسة الحمدلله
مشكور على المرور الكريم
أكيد طبعا مش كل الأهل
أنا بتكلم عن فئة معينة
وصعب قوى ان الإبن يندمج معاهم
لإنهم ببساطة مش بيناقشوا حد
فهو هيندمج ازاى
بس ده قصدى
شكرا على التوبيك مرة أخرى