السلام عليك جميعا
أنا واقع في مشكلة الله أعلم بيها ، بعد ما طلعت عيني في اجراءات اجازة بدون مرتب فاجأني الموجه الاول والعام ان فيه عجز ، انا مدرس انجليزي ، ومش موافقين على الاجازة، سمعت وقريت ان الاجازة اللى بدون مرتب قانونية ولا ترفض ، مع العلم اني دفعت بعض الفلوس ، ومش عارف اعمل ايه انا في حيرة ، ياريت تدلوني اتصرف ازاي ؟؟؟؟؟ ولكم جزيل الشكر

هو حضرتك محتاج موافقة الموجه ليه الطلب بتمضيه من المدرسة وبعدين مدير المرحلة إللي انت عليها وبعد كده مدير الإدارة وتروح بعدها على الإجازات وهى هتخلص ليك كل حاجه بعد ما تقوم بسداد المبالغ المطلوبة من الماهيات والإجازات

sesar شكرا على الرد ، انا لما رحت لمديرة شئون العاملين قالتلى لازم توقيع الموجهين ، وانا اتصلت بيهم ، ورفضوا اكيد هما عارفين ان التوقيع بتاعهم مهم، عشان كدا بيتمطعوا
شكرا مرة اخرى على ردك المحترم

عقدك فين يا باشا فى اى دولة والفلوس دفعتها تحت اى بند
مشكلتك محلولة ان شاء الله

انا مش معاي عقد ، ولكن انا عملت مرافقة امي المريضة ، وجبت الشهايد اللى تثثبت ذلك ، اصلا مفيش حد عاوز يبص فيها

ربنا يشفى والدة حضرتك بس انا كنت فاكر اجازة بدون مرتب للتعاقد الخارجى لان لو معاك تاشيرة موثقة من السفارة محدش يقدر يقولك تلت التلاتة كام

يعني افهم من كدا انه لو عقد وتاشيرة يباى كله تمام

لازم يبقى معاك تأشيرة علشان تقدر تاخد اجازة وتحطها فى عين التخين