سعيد يصل موقع التحقيق وسط هتافات جماهير الأهلي [الأرشيف]

مشاهدة النسخة كاملة : سعيد يصل موقع التحقيق وسط هتافات جماهير الأهلي

ahmed abdelaziz

10-07-2008, 12:22 PM

سعيد يصل موقع التحقيق وسط هتافات جماهير الأهلي

َوصل هاني سعيد إلى مقر اتحاد الكرة ظهر الخميس للخضوع للتحقيق بشأن عدم انضمامه للزمالك وسط تجمع العشرات من جمهور الأهلي أمام مقر الاتحاد.
ووصل سعيد إلى اتحاد الكرة في الـ12 ظهرا على متن سيارة ليموزين سوداء تحمل لوحات "جمرك الإسكندرية"، ودخل مباشرة إلى مقر التحقيق.
وكانت لجنة شئون اللاعبين بالاتحاد قد أحالت سعيد إلى التحقيق بسبب رفضه استكمال عقده مع الزمالك برغم توقيعه على الاستغناء الموجه من الإسماعيلي.
واستقبل سعيد العشرات من جماهير الأهلي التي تجمعت أمام مقر الاتحاد لتعلن مؤازرتها للاعب الدولي، وظلوا يهتفون له أثناء توجهه إلى مكان التحقيق.
وقال مصدر داخل الاتحاد لـFilGoal.com إن المستشار القانوني سيحقق مع سعيد ليتعرف على أسباب رفضه الانضمام للزمالك، قبل أن يصدر قراره بشأن اللاعب.
ولم يعلن اتحاد الكرة حتى الآن إذا كان القرار سيصدر اليوم أو في وقت لاحق.

thechampion

10-07-2008, 02:01 PM

لاعب خائن.....

الاسطورة

10-07-2008, 02:08 PM

معاك يا هانى على طول الخط
دوس يا باشا واحنا معاك
واللى وراه جماهير الاهلى دايمآ كسبان

لاعب خائن.....
ههههههههههههههه
خاين اه

thechampion

10-07-2008, 02:16 PM

اه جماهير الاهلى التعبانة وعناخد منكم حالى
جمهور حقودى

Bent 3bdo

10-07-2008, 02:20 PM

يا ب ارحمنا من سيون مصر قصدى الاهلى
قال نادى القيم والمبادئ قال

الاسطورة

10-07-2008, 02:22 PM

موتوا بغيظكم
الاهلى فوق الجميع
ولعها يا اهلى .....يا بطل الدورى

thechampion

10-07-2008, 02:25 PM

يون فوق الجميع
ارقص ياحضرى خليهم يموتوا يا حضرى ياللى اديتهم بالجزمة؟؟؟؟؟؟؟؟؟؟؟؟؟؟؟؟؟؟؟؟؟

mido203

10-07-2008, 02:28 PM

واوالله العظيم انا كل ما اقرا تعليقات الزملكاوية ازداد فرحا كونى اهلاويا انا مش عارف اية دخل الاهلى فى الموضوع دة الاهلى بعت عرض رسمى للاسماعيلى وخلص الموصوع اية المشكلة بقى وبعدين سورى هو هانى سعيد اول لاعب يفضل الاهلى على الزمالك ولا اية ما كل اللاعيبة اللى بتفهم بتروح الاهلى واحب اشكر مجلس ادارة الزمالك انهم بختاروا للاهلى اللاعيبة اللى يجيبها امثال احمد فتحى واحمد حسن (دروجبا)واحمد حسن وهاغنى العجيزى وياريت لو فى لاعيب جديد عايزين يتعاقدوا معاة وشاتيفين انه كويس يقولوا والاهلى هيخلص

الاسطورة

10-07-2008, 02:31 PM

يون فوق الجميع
ارقص ياحضرى خليهم يموتوا يا حضرى ياللى اديتهم بالجزمة؟؟؟؟؟؟؟؟؟؟؟؟؟؟؟؟؟؟؟؟؟
انذار
والمرة القادمة ايقاف

mido203

10-07-2008, 02:35 PM

حلمي يغادر معسكر الزمالك .. ويؤكد: لن أعود
غادر محمد حلمي المدرب العام لنادي الزمالك معسكر الفريق في 6 أكتوبر بسبب خلافات مع ممدوح عباس رئيس النادي والمدير الفني الألماني راينر هولمان.

وفي اتصال هاتفي أجراه FilGoal.com مع حلمي أكد المدرب أنه لن يعود للمعسكر مجددا، ورفض الإفصاح عن الأسباب التي دفعته لذلك.

وأبدى حلمي حزنه من الموقف، مضيفا "لا تعليق، ولن أتحدث عن أي شىء في الوقت الحالي".

وقال مصدر داخل النادي لـFilGoal.com إن الجلسة التي جمعت عباس وهاني سعيد مدافع المنتخب شهدت مشادة بين حلمي ورئيسه ترك المعسكر على إثرها.

وأضاف المصدر أن حلمي الذي كان وسيط الصلح بين سعيد والزمالك غضب من تعامل رئيس النادي مع اللاعب الدولي.

وعلم FilGoal.com أن حلمي اختلف مع هولمان حول اللاعبين المرجح قيدهم في القائمة الأفريقية خاصة أن الألماني يرغب في استبعاد بعض المقيدين بالفعل.

mido203

10-07-2008, 02:37 PM

والله اللى يشوف بلاوى الناس تهون علية بلوتة هههههههههههههههههههههههههههههه
إرجع يا حلمى محتاجينك يا حلمى إلحقنا يا حلمى هنتنفخ يا حلمى هنتقطع يا حلمى راجعين لينا من ألمانيا يا حلمى
اللى فات ده لسان حال الوملكاويه الله يكون فى عونهم بجد

ahmed abdelaziz

10-07-2008, 05:31 PM

لاعب خائن.....

ايه اللي خلاه خاين بس يا باشا
واحد مش عايز الزمالك
لو عند الزمالك كرامة يسيبه

ahmed abdelaziz

10-07-2008, 05:35 PM

معاك يا هانى على طول الخط
دوس يا باشا واحنا معاك
واللى وراه جماهير الاهلى دايمآ كسبان

صح يا بوب
و شكرا لمرورك

ahmed abdelaziz

10-07-2008, 05:37 PM

اه جماهير الاهلى التعبانة وعناخد منكم حالى
جمهور حقودى

لو فعلا انت بتشجع نادي محترم
تتكلم باحترام
و متقولش كده علي اكتر من تلات اربع الشعب المصري
شوف مين فينا بقي اللي حقود ؟؟؟!!!

ahmed abdelaziz

10-07-2008, 05:39 PM

يا ب ارحمنا من سيون مصر قصدى الاهلى
قال نادى القيم والمبادئ قال

كل حاجة برغبة اللاعب و زي ما عمنا بلاتر قال ان مافيش عبودية كرة قدم
و طالما مش عايز الزمالك انتو عايزينوا ليه؟؟؟؟
حاجة غريبة

ahmed abdelaziz

10-07-2008, 05:41 PM

Dr.mayson

10-07-2008, 06:58 PM

[quote=الاسطورة;561061]انذار
والمرة القادمة ايقاف
اعتررررررررررررررررررررراض على التفرقة العنصرية دى/quote]

ahmed abdelaziz

10-07-2008, 07:10 PM

[quote=الاسطورة;561061]انذار
والمرة القادمة ايقاف
اعتررررررررررررررررررررراض على التفرقة العنصرية دى/quote]

انتي شوفتي حد من الناسه تعدي حدوده او اتكلم بعصبية غير الاخ الزملكاوي
بالعكس كل الناس اللي ردوا بيتناقشوا بهدوء و عقلانية ما عدا الاخ
و مفيش تفرقة عنصرية هنا
و بعدين هيبقي في تفرقه علشان اهلوية و زمالكوية
الموضوع ابسط من كده كتير
كلنا اخوات في الاخر !!!

Dr.mayson

10-07-2008, 07:42 PM

ahmed abdelaziz

10-07-2008, 07:51 PM

مش واضح خالص وواضح ان حضرتك اهلاوى وبتكيل بمكيالين يعنى حضرتك بتقول الزمالك متمسك بالاعب ليه مدام هو مش عايز
يلعب للزمالك طيب احب اسال حضرتك الاهلى متمسك بحسنى عبد ربه ليه مع انوا قال انا مش عاااااااايز العب الا للاسماعيلى
بس هنقول ايه فى نادى مش بيحترم اى نادى قداموا وبيدخل فى الصفقات مش علشان هو محتاج الاعب ولكن ليمنع الفريق
المنافس يعنى حرب باردة
واحب اعرف حضرتك ليه الزمالك عايز هانى سعيد لعلمك لاعبى الزمالك قدموا طلب لممدوح عباس انهم مش عايزين هانى سعيد
بس احنا لازم نرجعوا علشان يتلعم ميلعبش بنادى كبير ومدام هو مش طايق الزمالك بيتعاقد معاه ليه وبيقبض مليون ونص ليه
وبيجى نادى الزمالك ليه ولا هما كانوا مكتفينوا

اللى بيحصل دلوقتى كارثة للكرة المصرية لان تدمير اندية كبيرة زى الزمالك والاسماعيلى مش هيفيد حد خالص (وان كان هيفيد
الاهلى نادى المبادئ والقيم ) بس قابلونى لو صعدنا لكاس العالم 2010 والسبب فى ده هيكون نادى الاهلى بداية من موضوع
عصام الحضرى نهاية بتحطيم لاعبين كبار بسبب اغراء المال وزى مابيقولوا الفلوس تغير النفوس
تقبل مرورى

انا مع حضرتك في معظم كلامك
بس الاهلي له حق في حسني عبدربه لانه اشتراه و ورقه كله سليم
و الاهلي مش هيغصبه علي انه يلعبله
الاهلي بس يبيعه و ياخد حقه فيه
اما بالنسبه لهاني سعيد فورق التعاقدات مش كامل ... فين عقد اللاعب مع الزمالك ؟ فين ختم الاسماعيلي علي الاستغناء؟
التعاقد باطل اصلا ... و هو قال النهارده في التحقيقات انه مش هيلعب غير للاهلي و مش هيلعب للزمالك لانهم بيتهموه بالبلطجة من قبل ما يلعب
لو بصينا لكل الازمات دي .. فعلا هي بتضر المنتخب قبل اي حد
بس منقدرشي نقوا ان الاهلي الوحيد المسئول عن الازمات دي
طبعا الزمالك و اتحاد الكرة مشتركين فيها
و انا اتمني من الله ان شخص محترم زي مرتضي منصور يمسك الزمالك بدل الشخص اللي بيهدد و فاكر ان فلوسه كل حاجه في الدنيا و اسف علي الاطالة

Dr.mayson

10-07-2008, 08:04 PM

انا هرد على كلام حضرتك بس
الاهلي له حق في حسني عبدربه لانه اشتراه و ورقه كله سليم
و الاهلي مش هيغصبه علي انه يلعبله
يعنى الاهلى ورقوا سليم والزمالك هو اللى ورقوا مش سليم ولو الاهلى زى ماحضرتك بتقول مش هيغصب حسنى عبد ربه
انوا يلعبلوا امال بيعمل فى الاعب كده ليه ولا هو غاوى يحطم الاعب والاسماعيلى وخلاص
التعاقد باطل اصلا ... و هو قال النهارده في التحقيقات انه مش هيلعب غير للاهلي و مش هيلعب للزمالك لانهم بيتهموه بالبلطجة من قبل ما يلعب

الورق حضرتك اتسرق ولا حضرتك مسمعتش وبالعقل هو مضى للزمالك هيتهموا بببلطجة ليه مدام مضى
والصور اللى متصورالوا جوه نادى الزمالك مع مسؤلى نادى الزمالك وحارس المرمى عبد المنصف ولا دى كمان مزورة

و انا اتمني من الله ان شخص محترم زي مرتضي منصور يمسك الزمالك بدل الشخص اللي بيهدد و فاكر ان فلوسه كل حاجه في الدنيا و اسف علي الاطالة
ياااااااااااااااااا سبحان الله دلوقتى بقى مرتضى منصور راجل محترم فعلا فعلا حاجة تحير مش ده اللى كنتوا بتقولوا ع
عليه همجى ومش ده اللى قلع الجزمة (اينعم الاهلى مش بيعترض على الموضوع ده ماهو عندوا مانويل جوزيه )
مش ده مرتضى اللى كان بيخبط فى طوب الارض من الاخر فى ناس كتير من جوه الزمالك نفسوا وبتدور على مصلحتها بس
وهنقول ايه يعنى
طبعا الزمالك و اتحاد الكرة مشتركين فيها
الزمالك عمل ايه بس دا كل لما يدخل فى صفقة هو محتجها الاهلى ينطلوا فيها وبيستعرض قوتوا
واحب اوضح ان الاعبيبن عايزة الاهلى مش علشان شهرتوا ومجدولالالالالالالالالا دا علشان فلوسوا
وااسفة للاطالة

ahmed abdelaziz

10-07-2008, 08:25 PM

يعنى الاهلى ورقوا سليم والزمالك هو اللى ورقوا مش سليم ولو الاهلى زى ماحضرتك بتقول مش هيغصب حسنى عبد ربه
انوا يلعبلوا امال بيعمل فى الاعب كده ليه ولا هو غاوى يحطم الاعب والاسماعيلى وخلاص
الورق حضرتك اتسرق ولا حضرتك مسمعتش وبالعقل هو مضى للزمالك هيتهموا بببلطجة ليه مدام مضى
والصور اللى متصورالوا جوه نادى الزمالك مع مسؤلى نادى الزمالك وحارس المرمى عبد المنصف ولا دى كمان مزورة

حضرتك عايزة تفهميني انك مصدقة قصة ان هاني سعيد طلع علي اوسه و هدده و الافلام الهندي اللي اوسه قالها دي؟
ده كلام ميخشش العقل
الصور طبعا حقيقية و لكن هاني قال انه جاله تليفون من مسئول بالاهلي اثناء وجوده في نادي الزمالك و سأله ان كان مضي العقود فهاني رد عليه بالنفي فقاله اخرج من النادي و فعلا تظاهر هاني انه هيجيب حاجة من عربيته و لم يعد و اللوائح واضحة طالما مفيش عقود ( و حتي لو كانت اتسرقت مع ان ده محصلشي طبعا فده تقصير من مسئولي الزمالك ) و مفيش ختم لنادي الاسماعيلي علي الاستغناء فالتعاقد غير سليم

ياااااااااااااااااا سبحان الله دلوقتى بقى مرتضى منصور راجل محترم فعلا فعلا حاجة تحير مش ده اللى كنتوا بتقولوا ع
عليه همجى ومش ده اللى قلع الجزمة (اينعم الاهلى مش بيعترض على الموضوع ده ماهو عندوا مانويل جوزيه )
مش ده مرتضى اللى كان بيخبط فى طوب الارض من الاخر فى ناس كتير من جوه الزمالك نفسوا وبتدور على مصلحتها بس

انا فعلا و معظم الاهلاوية ماكنوش بيحبوا مرتضي منصور .. انا عن نفسي بعترف اني كنت غلطان .. لانه بعيدا عن عصبيته رجل نضيف جدا
اما مانويل جوزيه انا بتضايق من عصبيته و من زمان

الزمالك عمل ايه بس دا كل لما يدخل فى صفقة هو محتجها الاهلى ينطلوا فيها وبيستعرض قوتوا
واحب اوضح ان الاعبيبن عايزة الاهلى مش علشان شهرتوا ومجدولالالالالالالالالا دا علشان فلوسوا

الاهلي قليل جدا لما بيعرض مقابل مادي يفوق المقابل الي بيقدمه الزمالك عن طريق ممدوح عباس
بس اللاعيبة بيشوفوا استقرار الاهلي اللي مش موجود للاسف في الزمالك
انا و الله كأهلاوي اتمني ان الزمالك يبقي نادي قوي ينافس مع الهلي بشكل اكبر و نفسي الانتخابات دي تطلع اي رئيس غير ممدوح عباس ايا كان ( اسماعيل سليم او المندوه الحسيني او مرتضي منصور )

Dr.mayson

10-07-2008, 08:44 PM

الصور طبعا حقيقية و لكن هاني قال انه جاله تليفون من مسئول بالاهلي اثناء وجوده في نادي الزمالك و سأله ان كان مضي العقود فهاني رد عليه بالنفي فقاله اخرج من النادي و فعلا تظاهر هاني انه هيجيب حاجة من عربيته و لم يعد و اللوائح واضحة طالما مفيش عقود
لو هفترض معاك لو هفترض ان الكلام ده صحيح بزمتك دى تصرفات نادى محترم ولا حتى لاعب محترم معتقدش ابدااااااااااا
دى مش تصرفات ناس عندها مبادى وقيم بالمرة
الاهلي قليل جدا لما بيعرض مقابل مادي يفوق المقابل الي بيقدمه الزمالك عن طريق ممدوح عباس
بشهادة كل الاندية الاهلى بيدخل اى ثفقة يقول انا هدفع اكتر من الزمالك وتقدر تسمع لكلام مسؤلى الاسماعيلى ان عدلى
بعتلهم بعد لما الزمالك اتفق معاهم وقالهم هندفع اكتر من الزمالك يعنى مش زى ما حضرتك بتقول

نفسي الانتخابات دي تطلع اي رئيس غير ممدوح عباس
ومالو ممدوح عباس ةلا علشان اظهر الغش و حاول انوا يكبر الزمالك ويهتم بيه ومعتقدش انكم هتكرهوه مثلا علشان هو مش بيحب
الزمالك ولا ايه
واسفة للاطالة

ahmed abdelaziz

10-07-2008, 09:14 PM

لو هفترض معاك لو هفترض ان الكلام ده صحيح بزمتك دى تصرفات نادى محترم ولا حتى لاعب محترم معتقدش ابدااااااااااا
دى مش تصرفات ناس عندها مبادى وقيم بالمرة

لا مش تصرف محترم بس هو ده حال الكرة المصرية و الزمالك برضه بيعمل كده في كل صفقاته

بشهادة كل الاندية الاهلى بيدخل اى ثفقة يقول انا هدفع اكتر من الزمالك وتقدر تسمع لكلام مسؤلى الاسماعيلى ان عدلى
بعتلهم بعد لما الزمالك اتفق معاهم وقالهم هندفع اكتر من الزمالك يعنى مش زى ما حضرتك بتقول

ده في بعض الصفقات مش في كلها
طيب لما الزمالك عرض مليون و 400 الف يورو في حسني و الاهلي عرض اقل بكثير و لكن رغبة اللاعب هي الي فرقت .. صفقة محمود فتح الله الاهلي مرضيش يزايد عليها رغم حاجته الشديدة له
و انا معاكي ان الاهلي زود المقابل المادي في صفقة حسين علي و كان مستعد يعمل كده في صفقة هاني سعيد
يعني مش كل مرة الاهلي بيعرض اكتر و لا كل مرة الزمالك بيعرض اكتر

ومالو ممدوح عباس ةلا علشان اظهر الغش و حاول انوا يكبر الزمالك ويهتم بيه ومعتقدش انكم هتكرهوه مثلا علشان هو مش بيحب الزمالك ولا ايه

اولا انا بكره التعصب الاعمي و انا و الله احب الخير للزمالك
و هذا الرجل لن يجلب الا العار للزمالك يكفي تعديه علي عمرو زكي و يكفي منعه دخول مرتضي منصور للنادي
يكفي الكلام الكتير علي الفضائيات و في الاخر نص الكلام بيطلع كذب

Dr.mayson

10-07-2008, 09:28 PM

اولا انا بكره التعصب الاعمي و انا و الله احب الخير للزمالك
و هذا الرجل لن يجلب الا العار للزمالك يكفي تعديه علي عمرو زكي و يكفي منعه دخول مرتضي منصور للنادي
يكفي الكلام الكتير علي الفضائيات و في الاخر نص الكلام بيطلع كذب
م مرتضى منصور الكل عرفوا وعارف المشاكل اللى كان ومازال عاملها وهو لو بيحب الزمالك بجد مكنش يعمل كده بخصوص موضوع عمرو
زكى فالكل قال كلام والله اعلم مين صادق ومين كذاب
[/COLOR

] لا مش تصرف محترم بس هو ده حال الكرة المصرية و الزمالك برضه بيعمل كده في كل صفقاته

[COLOR="DarkOrchid"]فين ياحسرة الصفقات اللى عملها الزمالك

ahmed abdelaziz

11-07-2008, 04:41 PM

مرتضى منصور الكل عرفوا وعارف المشاكل اللى كان ومازال عاملها وهو لو بيحب الزمالك بجد مكنش يعمل كده بخصوص موضوع عمرو زكى فالكل قال كلام والله اعلم مين صادق ومين كذاب

انتو يا زمالكاوية عارفين مصلحتكو اكتر
و لو شايفين عباس اصلح خلاص انتو حرين بس مترجعوش تندموا

فين ياحسرة الصفقات اللى عملها الزمالك

امال ايه ايمن عبد العزيز و اجوجو و هاني سعيد و غيرهم
صفقات جيدة جدا