وكيل الأزهر الشريف يقرر إلغاء إجازة السبت من كل أسبوع بالمعاهد.. ويؤكد: إعادة صياغة المقررات الدراسية وربطها بالواقع المعاصر والاحتفاظ بالمضمون..ويشدد: لا مكان لصاحب فكر يتصادم مع الفكر الوسطى
فى أولى قراراته أصدر الدكتور عباس عبد اللاه شومان، وكيل الأزهر الشريف، قرارا بإلغاء إجازة السبت من المعاهد الأزهرية، وذلك بدءا من العام الدراسى الجديد.

وأكد شومان أن اتخاذ القرار وإن كان يحمل بعض الشىء على المدرسين والمدرسات، إلا أنه فى مصلحة الطلاب، لأن مقررات الأزهر كثيرة واختصار وقت الحصص مع زيادة عددها لتعويض بوم السبت ضرره أكبر من نفع إجازة يوم السبت، موضحا أنه تقرر وبشكل نهائى بداية من هذا العام إلغاء إجازة السبت من جميع المعاهد والمدارس التابعة للأزهر وتوزيع الجداول على أيام الأسبوع، إلى أن ننتهى من إعادة صياغة المقررات التى ستشهد تغيرات كثيرة منها اختصار عدد المواد بنسبة كبيرة مع الاحتفاظ بالمضمون، وحذف الحشو منها، وربطها بالواقع المعاصر.

وأشار وكيل الأزهر إلى توقعه بأن ينتقل التعليم الأزهرى نقلة حضارية هامة، تجعل المعاهد الأزهرية جاذبة لا طاردة، ووقتها يمكن إعادة إجازة يوم السبت، وعلى الزملاء أن يتحملوا بعض العناء، ويستعدوا لتحمل ما هو أكثر إسهاما منهم فى نهضة التعليم الأزهرى من عثرته الكبرى التى يعانى منها الآن، من أجل الأبناء.

شدد شومان على أن ملف التعليم الأزهرى هو أهم الملفات التى يتولاها، وسيتابع تعديل المقررات والمناهج، وسير الدراسة مباشرة من خلال لجان متابعة فى سائر المحافظات يتم اختيار أعضائها بعناية فائقة، مشددا على أنه لا مكان لصاحب فكر يتصادم مع الفكر الأزهرى، أو متخاذل أو فاقد للضمير فى هذه المؤسسة الطاهرة بعد اليوم.

بجد قرار صاااااائب يارب يكون تصليح الأزهر ولو بعض الشئ على ايدك

كلمتبن وبس
بجد صح قرار صائب جدا والمفروض ملنش دعوه بالتربية والتعليم بس المفروض برده كان ياخد قرار الخمسين فى الميه .... مش كده ولا ايه

وكيل الأزهر الشريف يقرر إلغاء إجازة السبت من كل أسبوع بالمعاهد.
. ويؤكد: إعادة صياغة المقررات الدراسية وربطها بالواقع المعاصر والاحتفاظ بالمضمون.

هل الكلام كله هيتحقق السنه دي

ولا قرار الغاء السبت السنه دي

وقرار صياغة المقررات الدراسية اللي مش جايه

حسبي الله ونعم الوكيل

ايه الهبل ده طب فين 50% بتاعنا الاول ايلى مصرفنهاش بقالنا 6 شهور واكتر وفين ال10 % الزياده وفين الدرجات هو هيشتغلنا من اولها عاوز يتصيت على حسابنا بلاش كلام فاضى هو مش هيتحقق النهوض غير لما نرجع السبت وبقيه الحاجات دى ولا يجيب عنها سيره , وفين حقوقنا راحت فين والله لانهوض ولا غيره هيتم طول ما المدرس ملوش قيمه .
حاجه تقرف والله

حسبى الله ونعم الوكيل منكم لله يا ظلمه هو انتوا أصلا بتدونا ايه علشان تقولوا نيجوا على نفسنا دامفيش مرة التربية والتعليم أخدوا ميزة إلا ونشفتوا ريقنا علشان تعملوها منكم لله بتفتكروا بس اللى المفروض نعملوه لكن مابتفكروش احنا تعبانين ازاى وان المدرس رب الأسرة مرتبه ما بيكفهوش أكل وشرب حتى وكمان بتنقلوهم بعيد علشان خيالاتكم المريضة اللى شايفة ان كل مدرس حبصبص للبنت اللى اصغر من بناته حسبى الله ونعم الوكيل والله حدعى عليكم فى كل صلاة




































































































نعملوه لكن

أنا شخصيا لا أأبه بأي من هذه القرارات الهزيلة
طيب كان إتشطر كدا وعارض شيخ الأزهر علي الدور الثالث في الإمتحانات واللي بسببها يجعل الازهر في الحضيض

ألا تعلم إننا نتقاضي مرتب 668 وكل واحد فينا لديه أسره وأولاد
كفوا عن هذه التصريحات الغوغائية وانظروا إلينا وعاملونا مثل الساعي في أي بنك أو الساعي في البترول أو الضرائب وغيرها من مؤسسات الدولة

حاجه غريبه فعلا والله على راى الزميل ايلى قبلى الاستاذ عبدو الدور التالت ده يتسمى ايه غير مرمطه للمدرس وضياع للتعليم وموضوع تانيث المعاهد وفين حقوقنا المنهوبه حاجه فعلا غريبه والله , عالم مبتفهمش اقسم بالله كل ايلى يفتكره الحاجه ايلى ييجى بها على المدرس انما حاجه للمدرس استحاله ولو هو راجل كده احنا عاوزين ال 50 % ايلى مخدنهاش وال 10% ايلى متصرفتش
عاوز يعمل فيها الشملول ايلى بيرجع للازهر هيبته ايلى عمرها ماهى راجعه بالعقليات بتاعته دى ز وبعدين حتى هو ده وقتها والانفلات الامنى والتفجيرات ايلى كل يوم والتانى الناس مش مامنه تودى ولادها جاى هو يرجعلنا يوم كمان .
خدوا قرار مره لصالح المدرس

الفني الحاصل علي دبلوم ويعمل في الكهرباء يتقاضي مرتب أكثر من 2000 جنية

هي الدنيا ماشية بالعكس
المؤهل العالي مش لاقي ياكل والدبلوم عايش وبيقبض أكثر مني 4 أضعاف

وبنسافر كمان يعنى اليوم ده عشره جنيه كمان لليوم ده اقل واجب عشان يبقى النهوض حلو اوى
حرام

أين الدرجات المتأخرة لمعلمى الأزهر

نحن مع اي قرار يرتقى بهذة المؤسسة العظيمة حتى لو وصلت لالغاء اجازة الجمعة لان الازهر فى حاجة الى هيكلة

الجهل ليه ناسه مش ده قرار مجلس وزراء زي ماقال وزير التربية والتعليم وانه مايقضرش يلغيه منك لله يا شيخ شومان مافيش حد هينبسط من القرار الامدرسي الدروس الخصوصية وهما اللي هيسقفولك

قرار صائب 100%والله ينور عليك نحن معلمو المرحلة الابتدائيه اكثر من يعانوا من هذه العطلة وبالاخص ذات الفتره الواحده

دا قرار صائب رغم تعبنا لكن كله لله
الجماعه اللي بينتقدوا اي قرار ويدخلوا الامور في بعضها وساخط علي كل حاجة في الازهر
اما تكون بناء واما تسيب ياخي الازهر كله تقدر ؟؟؟؟

اين المصدر بالله عليكم

حسبي الله ونعم الوكيل.
معروف ان يوم السبت اجازة من مجلس الوزراء ووزارة التعليم وكل محافظة بطبقة حسب رؤيتها وحسب زحمة المواصلات فيها.
ياريت زي مابيفكروا في انفسهم ويلغوا اجازة السبت يفكروا في النواحي المالية للمدرسين .
وممكن يكون عندهم حساسية من ناحية الماليات يمقدروش يقربوا منها .
ويمكن يقدروش ييتكلموا في النواحي المالية إلا بعد اخذ موافقة الناس اللي فووووووق .

هو كان فين لما كان بيتخصم من المدرسين ويعاملو ماديا ولا اكنهم زبااالين وهو ده القرار الى هيخليك مستقل ومش تابع طب فين ال 50% ولا مش عايزين تصرفوها علشان بردو متبقوش توابع وفين ال10% ولا هيا اى قراار ضد المدرس هو بس الى بتشفووووه كويس وبتعملو لصالح الطالب مهو المدرس بردو هو الى يظبطلكو المنظومه ولا هتجيبو حد تانى يشتغل غير الى موجودين ليس هناك مصلحة للطالب طالما ان هناك اهمال للمعلم وشكرا على هذا القرار الذى لا اررررررراه صائبا ولا فى مصلحة الطالب حسبنا الله ونعم الوكيل

الا ما حدش جبله سيرة ال 50 ف الميه اللى اختفت على معلمى الازهر فقط في ظروف غامضة و لم يعثر لها على اثر الى الان :

عودة السبت قرار صائب جدا لكن احنا عايزين الاصوب
1- اين ال 50% مع انهم لا هيودوا ولا هيجيبم
2- أين الدرجات المالية المتأخرة
3- أين ال 10 %
4- أين ضم المدة
5- أين الدورات التدريبية الحقيقية لتأهيل المدرسين
6- أين موضوع تجريد العلاوات للمثبتين حديثا
7-أين تثبيت دفعة 2009 من المتعاقدين
8- أين الحد الادنى للاجور
اثبت حسن نواياك وحل هذه المشاكل ثم طالب المدرسين ييجوا على نفسهم

عودة السبت قرار صائب جدا لكن احنا عايزين الاصوب
1- اين ال 50% مع انهم لا هيودوا ولا هيجيبم
2- أين الدرجات المالية المتأخرة
3- أين ال 10 %
4- أين ضم المدة
5- أين الدورات التدريبية الحقيقية لتأهيل المدرسين
6- أين موضوع تجريد العلاوات للمثبتين حديثا
7-أين تثبيت دفعة 2009 من المتعاقدين
8- أين الحد الادنى للاجور
اثبت حسن نواياك وحل هذه المشاكل ثم طالب المدرسين ييجوا على نفسهم
احييك استاذ احمد خير الكلام ما قل ودل لخصت كل الكلام بطريقه منطقيه جميله

تمام لكن فين حقوننا نحن المطحونين في دوله الظلم لا حول ولا قوة الا بالله

الحكاية ياجماعة ، أن حكومة السيسي، عندها أوامر بأخذ قرارات شديدة وقوية لكسر أنف المصريين الذين توسعوا في استخدام الحرية بعد الثورة ، سواء أكانت قرارات صائبة أم خاطئة ، مثل قرار وزير الأوقاف بإلغاء ترخيص 55 ألف خطيب مكافأة دفعة واحدة دون وجود البديل . وهو عنده 150 ألف مسجد ، وليس عنده إلا 55 ألأف خطيب معين ، وبالطبع الجيش والشرطة متواجدين بالشارع جاهزين ، وبالطبع لا توجد رؤى مستقبلية ، ولا خطط لهذه القرارات ولا ميزانيات ، بل هي العشوائية المطلقة في القرارات .
فلو توافرت النية الخالصة عند وكيل الأزهر ، لقام بجلب لجان فنية تربوية واقتصادية ونفسية عالية التخصص ، وطلب منها وضع خطة تطويرية لتطوير التعليم في الأزهر ، قابلة للتطبيق طبقا للإمكانيات ،مع أخذ الزمن الكافي لتطبيقها دون تعجل ، ويقوم بعمل حملة شعبية ودولية للتبرعات لتجديد المعاهد ودعم تطوير خريج الأزهر ، تبعاً للخطة التي وضعها المتخصصون ، ولو جلب خبراء من الخارج
لكن أحادية القرارات والعشوائية والديكتاتورية في اتخاذها دون دراسة لجان متخصصة وليس أفراد ، فهذا يدل على سوء النية ، أو ، ولاية الفشلة !!!!!!!

فعلا قرار صائب جدا بس ياريت زى التنفيذ هيكون فى بداية العام دور على حقوق المعلمين

أين الدرجات المتأخرة لمعلمى الأزهر

واين قرار الشيخ جعفر عبدالله علي

يعنى هو التعليم هينصلح كده اقسم بالله معى مدرسيين بالمعهد لايفقهون شىء فى مادتهم الا اليسير وسيادته صاحب القرار لو حضرنا الجمعه حتى عمر ما التعليم هينصلح ادى للمدرس الى شغال حقه ماديا وادبيا وحقه فى الترقيه والمدرس الجاهل الى اتعين وهو ليس اهلا للتعليم اركنه على جنب منكم لله منكم لله اصلحوا حال المدرسيين اولا واعملو اعاده هيكله من جديد الكفء يشتغل والضعيف يتعمله دورات تدريبه وان لم يستجيب يحول للعمل الادارى واعطى المجتهد حقه ادبيا وماديا

ونتمنى عوده الجمعه حتى نضيع على الطلاب فرصه تعلم النجاره والسباكه والمحاره يمكن يتعلموا

بجد حسبي الله ونعم الوكيل
ياريت نبقي زي التربية والتعليم في القرارات والترقيات والتنظيم وحسن الادارة
انا لم اري مثل هذا التخبط في القرارات سوي في الازهر

فعلا قرار صائب جدا

كارثة بالنسبة لى وحسبى الله ونعم الوكيل فيمن اصدره
ولو كان من اصدر هذا القرار تم تعيينه فى غير بلده وبيطلع عينه فى المواصلات كان رحم المدرسين ولم يصدر هذا القرار
فين شيخ الازهر من هذة القرارات
فين 50%
فين ضم المدة السابقة للمعينين
فين 10% علاوة شهر 7
فين فلوس المراقبة فى الشهادة الاعدادية والثانوية
فين المساواة فى الراتب بيننا وبين التربية والتعليم
فين كرامة المعلم الازهرى

حسبى الله ونعم الوكيل

قرار صح عشان كان فيه حصص السابعة والتامنة بتطير ع العيال .. صح ولو انه جه ضدنا وطير يوم اجازة
الفكرة ان بقية الخبر غير منطقى اطلاقا ... تعديل مقررات ايه اذا كان الكتب نزلت خلاص ؟؟!!
ولو عاوز يصلح فعلا اولى يشوف معلميه اخدو حقوقهم ولا لا
فين ال 50% الموقوفة من شهر مايو (مع انى مليش فيها عشان محدش يقولى بتدور على مصلحتك)
فين ضم الخدمة للناس اللى كانت متعاقدة واتثبتت ؟؟ بقى معقول ان زميل ليا متعاقد لمدة 3 سنين وانا اتعينت بالضم بعده ب 3 سنين يبقى مرتبى ازيد منه ؟؟!!
فين ترقيات الناس المتاخرة ؟؟
فيه حاجات كتير كده لو عاوزين يصلحو الازهر فعلا الطريق واضح قدامهم

رجوع السبت افضل قرار حتى الان حتى يستطيع الطالب ان يأخذ حقه

بجد قرار معقول بعض الشئ و لكنه ا غلى حساب تغبنا و بهدلتنا الا انه فى مصلحة الطالب مش مشكلة

القرار صائب وفى صالح الطالب

اذا كان لكم مطالب ولتكن بالطرق القانونية اشتكى ياخى انت جبان وخايف من المطالبة بحقك وتقول على القرار الصائب خطأ انتم عاوزين فلوس وعاوزين تناموا وعاوزين حقكم بدون مطالبة .

هذا المنتدى تعبير عن وجهة نظر ودية يعنى حكاوى بيننا ........عليكم بالفاكسات لجميع النواحى .....افضحوهم على صفحات الجرائد ...طالبوا عبر التلفزيون
اين من يمثلونكم فى النقابة هم نائمون......هم كرسى ينام فوق كرسى .
من باب المطالبة بحقك اضربوا عن العمل .....اقفلوا المعاهد وقفوا امامهم ....اخلعوا الخوف من قلوبكم لكن......
الجبان ....الخائف ....ليس له حق ....وماضاع حق وراءه مطالب .

المفروض تلغو الجمعه الثانيه وحسبناالله ونعم الوكيل في زكيل الازهر الجديد شومان

قرار صائب لان الطالب100%كان بيهلك من كثرة اساعات اليوم الدراسى

الله يخرب بيتك كل يوم قرارات متضاربة وحدش يدفع تمنها غيرنا احنا المدرسين

أنتو صدقتوا ان الغاء يوم السبت كأجازه علشان مصلحه الازهر هما بيلموا الموظفين علشان ما يطلعوش مظاهرات يوم السبت والقرار ده لو أتطبق هيكون وراه جهات سياديه أكبر من وكيل الازهر هذا

[quote=عبدو عصر;5488796] الفني الحاصل علي دبلوم ويعمل في الكهرباء يتقاضي مرتب أكثر من 2000 جنية

هي الدنيا ماشية بالعكس
المؤهل العالي مش لاقي ياكل والدبلوم عايش وبيقبض أكثر مني 4 أضعاف[/quote






جارى فى البترول دبلوم صنايع بياخد 10000 المؤهلات العالى ملهاش قيمة فى التعليم

السبت اجازة غصب عن اي مسئول ده قرار رئيس الوزراء مش قرار شيخ الازهر علشان يتلغي

نفسيا غير مريحة للطلبة والمدرسين وعمليا مناهج الازهر تحتاج السبت

لا لعودة السبت حرام عليكم الكل بيدور علي مصلحة الطالب والله معاهد الاعدادي والثانوي مع وجود السبت اجازه بيكون المعهد مقفول قبل الساعه واحده
وكلنا عارفين ان الازهر من الاساس مافيش حضور للطلبه الا شهر في التيرم الاول وشهر في التيرم الثاني فلما السبت يرجع او مايرجعش مش فارقه كتير مع الطالب

حراااااااااااااااااااااااااااااااااااااااااااااااا اااااااام يعنى م بناخد زى التربية والتعليم
كمان السبت يرجع تانى شغل والله العظيم حرام
ياجماعة قلتلكم من الاخر لازم اضراب عن الدراسة

طول عمر الازهر داه طرطور فعلا داه وراه هدف تانى بجد ربنة ينتقم منهم لازم نعمل اضراب عن الدراسة
اشمعنه التربية والتعليم ياازهر الضلال ربنة ياخد المسءولين عن الازهر داه فى داهية

القرار صاءب لانه فى صالح الطالب والمعلم

قرار خطأ مليون في المائة ولا يراعي أبنائنا الطلاب ويزيد احساسهم بالتفرقة بينهم وبين طلاب التربية والتعليم