|
مشاهدة النسخة كاملة : استفسار هام بخصوص كلية الحاسبات والمعلومات؟؟ mido9080 10-07-2008, 01:00 PM انا عندى استفسار بخصوص كلية الحاسبات والمعلومات ؟؟؟ انا سمعت ان خريج الكلية دى بيشتغل مبرمج كمبيوتر بعد كده وليس مهندس كمبيوتر ... واستفسار تانى؟؟؟؟ ما هى اقسام كلية العلوم؟؟ 3olomgy 10-07-2008, 03:29 PM ما هى اقسام كلية العلوم؟؟ مش هقدر افيدك فى اى معلومة عن حاسبات..عموما ده رابط كلية الحاسبات والمعلومات جامعة القاهرة http://www.fci-cu.edu.eg/index.php?lng=ar&&WebsiteID=3e4e17d002f6de694a0d453c76cfc151 بالنسبة لكلية العلوم ففيها اقسام زى ما انت عاوز ...لو فاضى ممكن نعد سوا :D فيه بس نقطة عايز اوضحها ؛ كلية العلوم بتاخد الطلبة بتوع علمى رياضة وعلمى علوم لكن طالب علمى رياضة ممنوع من دخول الاقسام اللى فيها بيولوجى ...حشرات، نبات ، حيوان ، ميكروبيولوجى ، كيمياء حيوية ، فيزياء حيوية ، الخ بالنسبة للاقسام - وانا هتكلم هنا على جامعة القاهرة - ففيه اقسام كتير جدا هذكر منهم اللى فاكرهم: رياضة منفرد ، كيمياء منفرد ، فلك منفرد ، ميكروبيولجى ، حيوان منفرد ، نبات منفرد ، حشرات منفرد ، حاسب الى منفرد ، حاسب الى ورياضة ، جيوفيزياء منفرد ، فيزياء ورياضة ، حاسب الى وفيزيا، فيزياء وفلك ، علوم فضاء ، حشرات وكيمياء ، نبات وكيمياء ، كيمياء حيوية منفرد ، كيمياء حيوية وكيميا ، فيزيا وكيميا ، جيولوجيا منفرد ، جيولوجيا وكيميا ، فيزياء حيوية ، ميكروبيولوجى وكيميا ، ميكروبيولوجى وحيوان ...الخ ؛ فيه تنويعات كتير ما بين التخصصات المتشابهة واخيرا فيه قسمين جداد بمصروفات ..علوم البترول الجيولوجية وده ب 6 الاف فى السنة بس هتطلع جيولوجى متخصص فى البترول واحتمال كبير جدا تشتغل برا وهتتدرب فى شركة بترول عالمية فى سنة تالتة ورابعة واسمها (( شلمبرجير )) وفيه قسم تانى برده جديد اسمه بيوتكنولوجى ...وده ب 8 الاف جنيه فى السنة ( مش متأكد ) وهتطلع منه خبير فى الهندسة الوراثية وعلوم الجينات وال dna والحاجات دى نصيحة اخوية : كلية العلوم مش كلية معقدين ولا نضارات زى ما الناس بتفتى وتقول لكن ؛ عايزة تركيز شديد جدا والتزام والمذاكرة لازم تكون من البداية بس مش كتير برده ...اهم حاجة تكون مركز فى الكلية وتبعد عن الحاجات اللى مالهاش لازمة ( مفهوم طبعا :D ) ولعلمك انا التيرم ده جايب جيد جدا مرتفع ( 81 % ) وماذاكرتش كتير بس كنت فايق ومركز اوى ..ربنا معاك ويوفقك للكلية اللى تحقق منها اهدافك mido9080 16-07-2008, 12:37 PM ا الف شكر يا كابتن ...وانا علمى رياضة بس فيه سؤال تانى علوم قسم حاسب الى اتخرج منها مبرمج كمبيوتر ولا ايه؟؟؟ براءة 16-07-2008, 07:23 PM هو فى علوم قسم حاسب اصلا ؟ وقسم علوم البترول الجيولوجية دى هل ينفع لها بنات ؟؟؟ ودى بتتاخد من رياضة عادى ؟ وهل ينفع ادخل علوم ومدرسش فيزيا او كيميا ! 3olomgy 17-07-2008, 11:10 AM الف شكر يا كابتن ...وانا علمى رياضة بس فيه سؤال تانى علوم قسم حاسب الى اتخرج منها مبرمج كمبيوتر ولا ايه؟؟؟ اصلا مش بيدرسوا حاجة غير البرمجة:D بس بنهتم عندنا مع الحاسب بالرياضيات جدا جدا ...يعنى هتدرس الحاسب مع جبر عالى وتفاضل وتكامل والعقد دى بس هتطلع مبرمج اه بس فيه نقطة ؛ فيه ناس لسه متعرفش ان كلية العلوم فيها قسم حاسب فمن ناحية الشغل معرفش هيكون وضعك ايه ..بس انا اضمنلك تماما انك من ناحية البرمجة هتكون افضل من خريج حاسبات بكتير جدا ربنا يوفقك هو فى علوم قسم حاسب اصلا ؟ للاسف كلية العلوم مهمشة فى مصر لدرجة ان بعض الطلاب - وانا كنت منهم - ميعرفوش حاجة عن اقسامها ؛ اه فيه قسم حاسب فى علوم وهو بيهتم اكتر بالبرمجة ( هندسة بتهتم بالشبكات والهارد وير اكتر وحاسبات بتهتم بالنظم وقواعد البيانات اكتر ) وقسم علوم البترول الجيولوجية دى هل ينفع لها بنات ؟؟؟ اه ينفع ..خلاص البنات بقوا يشتغلوا فى كل حاجة دلوقتى وبيلبسوا خوذة صفرا ويحفروا آبار كمان :D ودى بتتاخد من رياضة عادى ؟ بتاخد من كله ...لو ينفع ادبى كانوا خدوا وهل ينفع ادخل علوم ومدرسش فيزيا او كيميا ! لا مينفعش...لازم اول سنة ع الاقل ..هتدرسى كيميا وفيزيا ورياضة ولعلمك الكيميا والفيزيا مفيهمش صعوبة اوى كل المشكلة المصطلحات الانجليزية بس ومن بعد التيرم الاول هتلاقيها احسن من دراستها بالعربى ؛ انما اللى فعلا مادة معقدة ومحتاجة معجزة عشان تعديها هى الرياضة core2duo 19-07-2008, 09:36 PM طاب الأقسام الخاصة في علوم هل بمجموع بردوا ؟ همس 20-07-2008, 06:03 PM ا الف شكر يا كابتن ...وانا علمى رياضة بس فيه سؤال تانى علوم قسم حاسب الى اتخرج منها مبرمج كمبيوتر ولا ايه؟؟؟ لا طبعا اسمك مهندس كمبيوتر .... انا اختي معيدة في كلية حاسبات طبعا حاسبات بلا ادنى شك احسن من علوم في البرمجة وردا على الاخ علومجي احب أسال جاب المعلومة منين ان خريج علوم احسن من حاسبات في البرمجة خطأ جدا جدا جدا للأسف انك مش عارف ان دراسة علوم اكاديمية الى حد ما ومش في تطبق عملي كتير بس في حاسبات الكلام دا موجود وكلية حاسبات فيها اقسام cs الي هو علوم حاسب it شبكات واقسام اخرى المهم ان خريج حاسبات قسم cs طبعا طبعا احسن من خريج علوم قسم حاسب بالنسبة للشغل وكدا عاوزة اقول ان في ناس في تجارة بتدخل كورسات وتطلع تشتغل في شركات مبرمجين عادي جدا جدا حكاية الشغل دي في الشركات شئ منفصل عن الكلية حبيت اصحح المعلومة بس للأخ علومجي .. لانه بيقول متأكد اوي اوي ودا شئ مش صح اي استفسار عن حاسبات انا موجودة تحت امركم يا ميدو هسألكم أختي على كل حاجة ان شاء الله همس 20-07-2008, 06:12 PM نسيت اقول حاجة مهمة انهم دلوقتي عملوا جمعية لخريجي الحاسبات والمعلومات تحت مسمى مهندسي الكمبيوتر .... مقدمة لانشاء نقابة خاصة ليهم طبعا يا ميدو خليك في حاسبات .. علوم قسم حاسب ممكن تفكر فيها كرغبة تانية ... حسب مجموعك واي استفسار انا تحت امرك The Brave Heart 20-07-2008, 06:15 PM طب هو كلية حاسبات ومعلومات مجموعها اقل من الهندسة ولا اكبر همس 20-07-2008, 06:17 PM طب هو كلية حاسبات ومعلومات مجموعها اقل من الهندسة ولا اكبر هو بيبقى اقل بس هي تاني كليات القمة بعد الهندسة بالنسبة لشعبة رياضة او تقدر تقول في نفس مستوى هندسة الكترونيات يعني السنة دي متوقع هندسة تآخد من 90 او 91 حد ادنى وحاسبات 90 السنة الي فاتت الحد الادنى ليها كان 93 في المية ربنا يوفق الجميع core2duo 20-07-2008, 07:52 PM همس المشاعر ممكن تسأليلي أختك هل حاسبات و معلومات (معهد عالي خاص) أسهل من هندسة حاسبات (معهد عالي خاص) ؟ ولا مفيش فرق في درجة الصعوبة شكراً جزيلاً همس 21-07-2008, 01:01 AM همس المشاعر ممكن تسأليلي أختك هل حاسبات و معلومات (معهد عالي خاص) أسهل من هندسة حاسبات (معهد عالي خاص) ؟ ولا مفيش فرق في درجة الصعوبة شكراً جزيلاً انا سالتها هندسة وحاسبات الاتنين فيهم سوفت وير وهارد وير لكن هندسة بتركز اكتر على الهاردوير وحاسبات بتركز اكتر على السوفت وير خريج هندسة يسمى مهندس كمبيوتر وخريج حاسبات يسمى مهندس برمجيات وبمجرد انشاء النقابة اسمها هيبقى نقابة مهندسي البرمجيات بالانجلش software engineers بالنسبة للعمل بعد التخرج خريج حاسبات ليه مستقبل واعد جدا ... وكذلك مهندس الكمبيوتر وخريج علوم قسم حاسب بس علوم دراستها للحاسب بتكون أقل لان مستوى مواد الحاسب في كلية الحاسبات مركزة اكتر والتطبيق العملي اكتر لان كلية العلوم اكادمية بيكون نص الساعات عددها رياضة والنص الاخر مواد حاسب لكن خريج الحاسبات بيكون دا تخصصه اتمنى اكون قدرت افيدكم بحاجة :D اي معلومات اخرى تحت امركم ayman3000 21-07-2008, 08:52 AM 3olomgy عندي سؤال هو قسم علوم البترول ده عشان الواحد يدخله لازم يكون جايب الحد الأدنى لكلية علوم؟ ولا هو عشان خاص ممكن أي حد يدخله بالفلوس؟ وهل قسم جيولوجيا في كلية علوم ممكن حد علمي رياضه يدخله ولا مش مسموح؟ شكراً جزيلاً core2duo 21-07-2008, 09:03 AM انا سالتها هندسة وحاسبات الاتنين فيهم سوفت وير وهارد وير لكن هندسة بتركز اكتر على الهاردوير وحاسبات بتركز اكتر على السوفت وير خريج هندسة يسمى مهندس كمبيوتر وخريج حاسبات يسمى مهندس برمجيات وبمجرد انشاء النقابة اسمها هيبقى نقابة مهندسي البرمجيات بالانجلش software engineers بالنسبة للعمل بعد التخرج خريج حاسبات ليه مستقبل واعد جدا ... وكذلك مهندس الكمبيوتر وخريج علوم قسم حاسب بس علوم دراستها للحاسب بتكون أقل لان مستوى مواد الحاسب في كلية الحاسبات مركزة اكتر والتطبيق العملي اكتر لان كلية العلوم اكادمية بيكون نص الساعات عددها رياضة والنص الاخر مواد حاسب لكن خريج الحاسبات بيكون دا تخصصه اتمنى اكون قدرت افيدكم بحاجة :D اي معلومات اخرى تحت امركم هو أنا بصراحة مش قادر أحدد ميولي و أتجاهاتي هل في هندسة ولا حاسبات !!!! أنا مثلاً في الفيزياء كان الباب الرابع كهربية و الخامس إلكترونيات حديثة كان البابين دول مسببين لي عقدة وكانوا صعبين عليا فهل ده مؤشر يدل أني ما أدخلش هندسة و أدخل حاسبات ؟ وهل لو أنا خدت دبلومة برمجة C++ ودبلومة صيانة ألكترونية محتوياتها - Semiconductor - Transistor - I-C - Logic Gates - Testing for Elements - Derailed Exploits for the display level Resistance - Capacitance هل لو خدت الدبلومتين دول حقدر أحدد أنا عايز أدخل أيه هندسة ولا حاسبات؟ بالنسبة للشغل بعد التخرج:- لو واحد معاه بكالوريوس هندسة حاسبات من معهد عالي خاص وواحد معاه بكالوريوس حاسبات ومعلومات من معهد عالي خاص ...........هل خريج الهندسة ده بيلاقي شغل عن خريج حاسبات و بتكون شهادته أفضل من خريج حاسبات؟ لأن الأتنين معهد عالي خاص بس ده هندسة و التاني حاسبات؟ شكراً جزيلاً على المساعده masternew 21-07-2008, 01:02 PM انا عندى سؤال هام بخصوص كلية هندسة و حاسبات ومعلومات انا جبت مجموع هندسة وعاوز ابقى اخش قسم حاسبات فى هندسة بس اهلى بيقولوا يبقى انتا كأنك دخلت حاسبات ومعلومات الى مجموعها اقل من هندسه:huh: فمن الاخر ايه الاحسن ليا لانى اميل الى الكمبيوتر هل اخش هندسة قسم حاسبات و لا حاسبات ومعلومات ؟؟؟؟؟؟ وعامتا ايه الافضل فيهم؟؟ وايه الفرق وايه المميزات والعيوب ؟؟ همس 21-07-2008, 01:12 PM هو أنا بصراحة مش قادر أحدد ميولي و أتجاهاتي هل في هندسة ولا حاسبات !!!! أنا مثلاً في الفيزياء كان الباب الرابع كهربية و الخامس إلكترونيات حديثة كان البابين دول مسببين لي عقدة وكانوا صعبين عليا فهل ده مؤشر يدل أني ما أدخلش هندسة و أدخل حاسبات ؟ وهل لو أنا خدت دبلومة برمجة C++ ودبلومة صيانة ألكترونية محتوياتها - Semiconductor - Transistor - I-C - Logic Gates - Testing for Elements - Derailed Exploits for the display level Resistance - Capacitance هل لو خدت الدبلومتين دول حقدر أحدد أنا عايز أدخل أيه هندسة ولا حاسبات؟ بالنسبة للشغل بعد التخرج:- لو واحد معاه بكالوريوس هندسة حاسبات من معهد عالي خاص وواحد معاه بكالوريوس حاسبات ومعلومات من معهد عالي خاص ...........هل خريج الهندسة ده بيلاقي شغل عن خريج حاسبات و بتكون شهادته أفضل من خريج حاسبات؟ لأن الأتنين معهد عالي خاص بس ده هندسة و التاني حاسبات؟ شكراً جزيلاً على المساعده الشغل حاجات كتير بتحددها حسب انت اتعلمت ايه والكورسات الي انت اخدتها ولغات البرمجة الي انت عارفها انت لما بتروح تقدم على الشغل بيكون فيه interviwe وعلى اساس المقابلة دي بقى بيتحدد هتشتغل ولا ولأ وكدا بس عموما الشركات بتفضل الي معاه كورسات اكتر وكدا بالنسبة لميولك وكدا .. مش اقدر افيدك في حاجة زي كدا انت تستخير وتشوف انت هتكون مبدع في اي مجال أكتر وتتوكل على الله ربنا يوفقك ان شاء الله اه احب اقول تاني : ان في ناس بتدخل تجارة وخلال دراستهم بيآخدوا كورسات وكدا في البرمجة واللغات وبيروحوا عادي بيقدموا في منحة وزارة الاتصالات ودي منحة كويسة جدا لخريجي حاسبات وتجارة وعلوم وكدا لو سألت عنها هتعرفها المهم وبعد كدا بيقدموا في شركات وبيتم قبولهم عادي جدا كمبرمجين وفي ناس قالتلي ان خريج تجارة الي بيبقى واخد كورسات وكدا في الكمبيوتر بيفضلوه عن خريج علوم مثلا لانه بيكون بالاضافة لمعرفته في البرمجة عارف بيزنيس وكدا تبع دراسته في كلية تجارة وبالتوفيق ان شاء الله :) همس 21-07-2008, 01:17 PM انا عندى سؤال هام بخصوص كلية هندسة و حاسبات ومعلومات انا جبت مجموع هندسة وعاوز ابقى اخش قسم حاسبات فى هندسة بس اهلى بيقولوا يبقى انتا كأنك دخلت حاسبات ومعلومات الى مجموعها اقل من هندسه:huh: فمن الاخر ايه الاحسن ليا لانى اميل الى الكمبيوتر هل اخش هندسة قسم حاسبات و لا حاسبات ومعلومات ؟؟؟؟؟؟ وعامتا ايه الافضل فيهم؟؟ وايه الفرق وايه المميزات والعيوب ؟؟ هو قسم كمبيوتر الي في هندسة بيهتم بالالكترونيات اكتر حاسبات بيهتم بالسوفت وير والشبكات والبرمجة شوف بقى انت بتحب انهي مجال اكتر واستخير ربنا وربنا يوفقك ان شاء الله :) همس 21-07-2008, 01:20 PM قسم كمبيوتر الي في هندسة بيهتم بالالكترونيات يعني بمكونات الجهاز وكدا بس الحاسبات بتكنولوجيا المعلومات والتطبيقات نفسها الي هي البرامج والحاجات دي من الاخر هندسة.. كمبيوتر ... هاردوير حاسبات... سوفت وير اي استفسار تاني تحت امركم masternew 21-07-2008, 01:20 PM طب ورايك الشخصى ايه الاحسن ؟؟ او ايه اللى مجال العمل فيه افضل همس 21-07-2008, 01:28 PM :Dطب ورايك الشخصى ايه الاحسن ؟؟ او ايه اللى مجال العمل فيه افضل والله هما الاتنين مستقبلهم في الشغل كويس وليهم مستقبل الاتنين يعني في الشغل هما الاتنين مستقبلهم حلو اوي اوي بس انا بقول لحضرتك انت بتحب البرمجة واللغات ؟؟؟ لو كدا يبقى حاسبات لو بتحب بقى الالكترونيات وانك تعرف الجهاز من جوا وكدا يبقى هندسة قسم كمبيوتر واستخير ربنا برده ما خاب من استخار وما ندم من استشار :D وربنا يوفقك 3olomgy 21-07-2008, 11:41 PM لا طبعا اسمك مهندس كمبيوتر .... انا اختي معيدة في كلية حاسبات طبعا حاسبات بلا ادنى شك احسن من علوم في البرمجة وردا على الاخ علومجي احب أسال جاب المعلومة منين ان خريج علوم احسن من حاسبات في البرمجة خطأ جدا جدا جدا للأسف انك مش عارف ان دراسة علوم اكاديمية الى حد ما ومش في تطبق عملي كتير بس في حاسبات الكلام دا موجود وكلية حاسبات فيها اقسام cs الي هو علوم حاسب it شبكات واقسام اخرى المهم ان خريج حاسبات قسم cs طبعا طبعا احسن من خريج علوم قسم حاسب بالنسبة للشغل وكدا اولا يعنى لو متعرفيش فانا فى كلية العلوم وفاهم كل حرف بكتبه كويس جدا وانتى بتقولى انى مش عارف ان كلية العلوم الدراسة فيها اكاديمية ومفيهاش تطبيق كتير؟ اللى احب اعرفهولك ان فيه اقسام فى كلية العلوم مفيهاش اصلا دراسة نظرية ..قسم الجيولوجيا كمثال كله رحلات استكشافية بالنسبة لنقطة البرمجة كلية العلوم مش بتدرس غير برمجة الطالب فى كلية العلوم بيدرس 40 مقرر ..لو تخصص قسم حاسب الى عقبال ما بيتخرج بيكون درس 32 مقرر خاصين بالبرمجة وما يتعلق بها من رياضيات بحتة 32 مقرر ...يا ترى خريج حاسبات قسم برمجة بيدرس كام ؟ كلية الحاسبات فيها تنويع بين علوم الحاسب المختلفة انما كلية العلوم بتركز ع البرمجة وكل الرياضيات المتعلقة بيها ما قلتش ان كلية العلوم احسن...بل بالعكس الدراسة الشاملة للحاسب موجودة فى حاسبات افضل انما من ناحية البرمجة كلية العلوم افضل لان البرمجة عبارة عن رياضيات متطورة واعتقد انك تعرفى تماما ان المكان الوحيد لتدريس الرياضيات -بشكل اكاديمى - هو كلية العلوم كمان احب اوضحلك نقطة...سنة 96 لما كليات الحاسبات فتحت ،الاساتذة بتوع كلية العلوم هما اللى حطوا مناهجها وهما اللى درسوا فيها لحد ما قدروا يخرجوا دفعات تكمل المسيرة وقبل سنة 96 كانت الحياة ماشية ازاى من غير كمبيوتر ؟ بالنسبة للشغل فاحب اقولك انى ليا زميل فى كلية الحاسبات واقسم لى ان شغل خريج علوم قسم حاسب افضل فى البرمجة وعموما انا مش مصدقه لان الشغل قسمة ونصيب وكل واحد على قد كفاءته كل الود همس 22-07-2008, 02:20 AM اولا يعنى لو متعرفيش فانا فى كلية العلوم وفاهم كل حرف بكتبه كويس جدا وانتى بتقولى انى مش عارف ان كلية العلوم الدراسة فيها اكاديمية ومفيهاش تطبيق كتير؟ اللى احب اعرفهولك ان فيه اقسام فى كلية العلوم مفيهاش اصلا دراسة نظرية ..قسم الجيولوجيا كمثال كله رحلات استكشافية بالنسبة لنقطة البرمجة كلية العلوم مش بتدرس غير برمجة الطالب فى كلية العلوم بيدرس 40 مقرر ..لو تخصص قسم حاسب الى عقبال ما بيتخرج بيكون درس 32 مقرر خاصين بالبرمجة وما يتعلق بها من رياضيات بحتة 32 مقرر ...يا ترى خريج حاسبات قسم برمجة بيدرس كام ؟ كلية الحاسبات فيها تنويع بين علوم الحاسب المختلفة انما كلية العلوم بتركز ع البرمجة وكل الرياضيات المتعلقة بيها ما قلتش ان كلية العلوم احسن...بل بالعكس الدراسة الشاملة للحاسب موجودة فى حاسبات افضل انما من ناحية البرمجة كلية العلوم افضل لان البرمجة عبارة عن رياضيات متطورة واعتقد انك تعرفى تماما ان المكان الوحيد لتدريس الرياضيات -بشكل اكاديمى - هو كلية العلوم كمان احب اوضحلك نقطة...سنة 96 لما كليات الحاسبات فتحت ،الاساتذة بتوع كلية العلوم هما اللى حطوا مناهجها وهما اللى درسوا فيها لحد ما قدروا يخرجوا دفعات تكمل المسيرة وقبل سنة 96 كانت الحياة ماشية ازاى من غير كمبيوتر ؟ بالنسبة للشغل فاحب اقولك انى ليا زميل فى كلية الحاسبات واقسم لى ان شغل خريج علوم قسم حاسب افضل فى البرمجة وعموما انا مش مصدقه لان الشغل قسمة ونصيب وكل واحد على قد كفاءته كل الود كل الاحترام هرد بعدين عشان انا عاوزة انام دلوقتي ولسا شايفة الرد للأسف دلوقتي متأخر ياريت يكون اسلوبك احسن يا اخ محمد عارفة كويس انك في علوم وياريتني ما عرفت مش استفدت حاجة اوي يعني لما عرفت ولا استفدت خالص اساسا قول لصاحبك الي اقسملك ياريت مش يقسم تاني الله يكرمه مش بفتي من عندي دا كلام دكاترة حضرتك وبعدين الكمبيوتر كان برا مصر كلية حاسبات لما فتحت مش فتحت في مصر اول مرة في العالم كانت موجودة بره كلية علوم مش تعرف اي حاجة في الشبكات في دكاترة من علوم بيدرسوا الطلبة في كلية الحسابات لان في مواد مشتركة لكن معروف ان دراستهم مش متعمقة زي حاسبات انا بقول كلام ناس كبار مش كلامي ولا كلام طلبة على فكرة انا بقول علوم قسم حاسب هي الي مش فيها تطبيق عملي كتير كلام ناس في كلية علوم قسم حاسب اظن انت علوم قسم جيوفيزياء وانا كمان عارفة انا بقول ايه وبكتب ايه ومش بقول كلام من عندي ولا بفتي من عندي برده لانه كلام ناس اكبر مني ومنك ومن الاخ الي اقسملك بالله كل الاحترام ليك masternew 22-07-2008, 08:48 AM خلاص يا جماعة ةمش مستهالة خناق كل واحد قدم وجهة نظره او معلوماته لافادة الاعضاء فشكرااا جزيلا و الموضوع مش مستاهل كل ده ayman3000 22-07-2008, 09:20 AM أنا حنقل لكوا كلام مقتبس من واحد خريج حاسبات ومعلومات المنصورة قسم نظم المعلومات وأنا كنت أيامها بسأل ما هو الفرق بين كلية علوم قسم حاسب ألي و كلية حاسبات ومعلومات راح هو رد وقاللي [/QUOTE]السلام عليكم بداية لا يستطيع احد ان ينكر فضل كلية العلوم بتخصصاتها المختلفة على جميع الكليات العملية ، فانا اعتبرها بمثابة ام العلوم و هي المدخل الاساسي لدراسة الكليات العملية ، و الدليل ان معظم تخصصات السنة الاعدادية (او الاولي)بالكليات العملية تستمد اساسا من مناهج و اساتذة كليات العلوم ، و منها: الفيزياء و الرياضيات و الاحصاء و البيولوجي و الكيمياء . . . . الخ ثانيا : بالنسبة للدراسة بكلية العلوم فهي اساسا اكاديمية في المقام الاول ، و تتشعب الاقسام بطريقة شجرية (Tree) ، بمعنى ان الطالب يختار اولا قسم العلوم الطبيعية في الفرقة الاولى (رياضيات + فيزياء + كيمياء) . ثم يتفرع منها بعد ذلك الى اختيار قسم رياضيات و فيزياء في الفرقة الثانية ثم يتفرع منها بعد ذلك الى اختيار قسم الرياضيات و الحاسب في الفرقة الثالثة و الرابعة و هذا معناه ان دراسة الحاسب الالي تستغرق عامين دراسيين ، علما بانها تكون مشتركة مع تخصص اخر و هو الرياضيات ............. و بالتالي فان صافي الفترة الدراسية للحاسب لا تزيد على عام دراسي واحد فقط ثالثا : اقسام الحاسب بكليات العلوم قامت بتخريج العديد من الكفاءات التي تشغل مناصب هامة حاليا و على درجة عالية من الكفاءة ، و كان ذلك في فترة معينة حيث لم يكن هناك كليات حاسبات و معلومات ، و كان سوق العمل لا يزال في مهده خلال فترتي الثمانينات و التسعينات . و بالتالي فقد ادت هذه الاقسام - و لا تزال- دورها في حدود الامكانات المتاحة و سوق العمل المتوفر خلال هذه الفترة. رابعا : عند انشاء كليات الحاسبات فانها بدأت بداية قوية حيث هي اول كلية متخصصة في الحاسبات و نظم المعلومات بصورة مركزة ، و الدراسة بها لمدة اربع سنوات منها سنتين بدون تخصص ، بعدها يتخصص الطالب في القسم المحدد لمدة عامين دراسيين خامسا : يدرس طالب الحاسبات و المعلومات في المتوسط 30 مادة متعلقة بصورة مباشرة بالحاسب الالي و نظم المعلومات ، و ذلك بعد استبعاد المواد التمهيدية و المواد الغير متعلقة بالحاسب - - - و هذا العدد من المواد غير متوفر باي كلية اخرى سادسا : المواد التي تم وضعها لتدرس بكلية العلوم تم وضعها في فترة الثمانينات ، بينما المواد التي تم وضعها لتدرس بكلية الحاسبات تم وضعها في منتصف التسعينات بما يعني انها تم تحديثها لتواكب التقدم السريع في هذا المجال و التركيز على احتياجات السوق. سابعا : في سوق العمل الموضوع اولا و اخيرا ارزاق ، و يتنافس في هذا المجال خريجي العلوم و الهندسة و التجارة و الحاسبات ، و ربما كليات اخرى خصوصا بعد انتشار الكورسات المجانية لوزارة الاتصالات و المعلومات ثامنا : بعد ثمان سنوات في سوق العمل ، أرى ان خريج الحاسبات و المعلومات قد فرض نفسه بقوة خلال فترة وجيزة ، الا ان اتساع حجم السوق و المنافسة لا تزال تستوعب خريجي الكليات الاخرى ، و البقاء دائما للأصلح و لمن لديه الرغبة في التطوير و التحديث تاسعا : ------------<<<<<<<< آسف على الاطالة >>>>>>>> ------------ [/QUOTE] همس 22-07-2008, 11:31 AM متشكرة اوي يا ايمن على ردك هو دا كلام أختي والي كنت فعلا هدخل اكتبه انا مش بقول الكلام دا من فراغ فعلا واختي كبيرة وبتشتغل في الكلية وانا عشان كدا قلت أسالها لانها هتكون فاهمة عني وعن اي حد وفعلا كنت هدخل اكتب كل كلمة انت كاتبها في ردك الاخير دا وانا سبق وقلت ان دراسة علوم اكاديمية في قسم الحاسب وان نصف عدد الساعات في علوم مخصص لدراسة الرياضة وانهم بيهتموا بالرياضة اكتر ودا كله مش من عندي والله دا كلام اختي وكلام ناس في علوم قسم حاسب وانا عارفة ان خريج حاسبات فرصه في الشغل احسن كتير من خريج علوم وسبق وقلت كدا وان علوم دراستهم مش متعمقة زي حاسبات بس لو واحد مجموعه مش يجيب حاسبات ممكن تكون دي بديل وهو يكمل كورسات ويطبق مع نفسه ويطور نفسه احسن من مافيش حاجة تانية ان حاسبات ومعلومات فيها اقسام اخرى غير البرمجة انما علوم دراستهم في البرمجة فقط وربنا يوفق الجميع 3olomgy 22-07-2008, 02:25 PM بتعيدى وتزيدى تانى فى ان حاسبات دراستها اعمق ؟ ..هو انا قلت حاجة غير كده لا سمح الله ...، كل اللى قلته ان البرمجة فى كلية العلوم هى المصدر بعدين فيه نقطة بس اوضحها الدراسة فى جامعة المنصورة مختلفة عننا لاننا بنتخصص مباشرة من سنة تانية مش من سنة رابعة زى العضو الفاضل ما قال عن جامعة المنصورة يعنى بناخد 32 مقرر رياضة وبرمجة هل فيه كلية بتدى الكم ده من المقررات ؟ كمان انتى مافهمتش معنى سؤالى انا بسألك قبل سنة 96 ..كان مين المسئول عن تدريس الحاسب الالى فى مصر ؟ كنا عايشين فى بؤس وضنك لحد ما حاسبات ومعلومات تفتح ؟ واصلا اما الكلية فتحت ...جابوا مناهج منين ؟ وبعدين مين جاب سيرة الشبكات ؟...انا قلت احنا بندى شبكات ؟ :o كلام الدكاترة الكبار على عينى وعلى راسى بس زى ما واضح من كلامك هما بيتكلموا على دراسة الحاسب الالى عموماً وانا ما انكرتش ده ..كل اللى قلته مينفعش تقارنى طالب قضى تلات سنين من حياته يدرس برمجة وخوارزميات زى ما ربنا خلقها بطالب درس اربع سنين متنوعة وشاملة فى الحاسب الالى وانا اسف لو اسلوبى شديد حبتين بس مش احب حد ييجى يعلمنى ايه اللى فى كليتى لان انا ادرى هدى اعصابك بس ..مش خناقة هى وانا مش هرد فى الموضوع ده تانى عشان ما اشتتش العضو المحترم صاحب الموضوع تحياتى همس 22-07-2008, 05:29 PM اممممممممممممم وانا كمان نسيت اقول لحضرتك انهم في حاسبات ومعلومات بيتخصصوا في قسم معين مش دراسة شاملة ولا حاجة يعني ممكن يتخصص في الشبكات او في البرمجة مش دراسة شاملة ولا حاجة حنان التيه 23-07-2008, 05:56 PM انا كان عندي استفسار لو سمحتوا بخصوص كلية حاسبات ومعلومات ....... هو الخريجين منها بيبقوا تبع نقابة ايه ؟؟؟؟؟؟؟؟؟؟؟ يا ريت لو حد يعرف يقولي ananoo 24-07-2008, 11:37 PM انا كنت بس عيزة افهم الدراسة في حسابات و معومات شكلها ازاي و ايه المواد اللي بنخدها فيها و كمان كان عندي استفسار مهم انا سمعت ان الدراسة اللي فيها بتبقى انجلزي وانا متخرجة من مدرسة عربي عادي مش عرفة اقدر امشي فيها؟؟؟؟؟؟؟؟؟؟؟؟؟؟ ارجو الرد في اسرع وقت ممكن وشكرا lamar 30-07-2008, 02:01 PM انا كنت عايزة اسأل عن الجامعات نفسها مين الافضل هل حاسبات القاهرة ام عين شمس ام بنها ويا ريت اعرف ليه لان الاقرب لى بنها بس خايفة تكون اقل زى مثلا هندسة اسكندرية و هندسة طنطا طبعا اسكندرية افضل و اصعب واقيم |