دائما ما نعيش مع الناس ونسكن معهم نراهم و يروننا نشاركهم الافراح

ونشاطرهم الاحزان ونكمل معهم رحلة الحياة ولكننا نخافهم

لا تندهشوا اعزائى

انا اقصد نخاف كلامهم و نحاول ان نتقيه

اليس هذا هو الواقع الذي نعيشه ؟

تعددت الاسباب و الخوف واحد وهو كلام الناس

المطلقه تخشي كلام الناس

العانس تخشي كلام الناس

العاطل يخشي كلام الناس

الفقير يخشي كلام الناس

قد يترك انسان امراه احبها ليتقي كلام الناس

و لربما كانت له كل الناس و لكنها مطلقه

قد تضطر امراه ان تقبل بحياة تخسر فيها الكثير

فقط لتتقى كلام الناس و تتحرر من العنوسه

قد يضطر شخص ان يرتكب اي حماقه ليجلب

المال ليتقي كلام الناس و لا يوصف بالعاطل

وهناك الكثير من الامثله التي كانت ضحية الخوف من كلام الناس

لماذا وصل بنا الحال الي درجة الرعب و الهلع من كلام الناس؟

هل من المعقول أن نضطر لفعل أشيــاء لا نرغبهـا .. من أجل إرضـاء النـاس؟

ولماذا و صل بنا الخوف الى هذه الدرجة ؟

وهل يؤثر الخوف من كلام الناس على الطموح و يقتله ؟

وهل تعتقدوا ان ارضاء الناس ممكن ؟

من هم الناس الذين نخاف من كلامهم ؟

يسعدني ان اسمع ارائكم ووجهات نظركم


بترا

شكرالموضوعك فعلاكل انسان فى الدنيادى بيخاف من كلام الناس لان كلام الناس ساعات بيكون صعب اوى ومفيش حدبيقدريستحملةتقبل مرورى

انا سعيدة انك شرفتينى برايك

بصي يا بترا الناس دول هما الي احنا عايشين معاهم ولازم نراعي شعورهم وكمان لازم هما يراعوا شعورنا يعني اعملي الصح والي مش حرام وكوني واثقة فنفسك وماتخافيش منهم وما تخافيش غير من الي خلقك امال احنا ازاى بنقول من تدخل في ما لا يعنيه سمع ما لايرضيه خليكي في حالك ومالكيش دعوة بيهم علشان ترتاحي لانهم في كل الاحوال بيتكلموا

كلام الناس مبيخلصش

يبقى اللى حيفضل مستخبي منهم عشان ميسمعش كلامهم
حيفضل مستخبي أبد الدهر

اولا شكرا جدا على الموضوع بجد يستاهل النقاش

بصي هو تقريبا كدة المصريين الي لسه عندهم العادة دي بس (مبيسبوش حد في حاله )
متعرفيش بقى اصبحت هواية ولا عادة
لو اتفرجتي على فيلم اجنبي ولا تعرفي اصحاب ليكي اجانب اتعرفي على تقاليدهم هتلاقيهم كل واحد في حاله مدام حاسس ان مبيعملش حاجة غلط خلاص هو مقتنع بكده محدش ليه عنده حاجة (هو اوكي لازم نراعي نظرة الناس لينا لكن لازم يكون في خصوصية )
بس هتقولي لمين ؟؟

ميرسي للموضوع

مع احترامى الكامل لكل اللى ردو على الموضوع
الا ان الناس هم الاساس من الصعب الابتعاد عنهم او التجاهل بيهم و
99 فى 100 كلام الناس على حق
ولازم نخافهم
وفيه اخ او خت فاضله بتقول هم المصريين كدا طبعا احنى كدا
لنا تقاليد لا يجب التجاهل بها

فى رعاية الله

وفيه اخ او اخت فاضله بتقول هم المصريين كدا طبعا احنى كدا
لنا تقاليد لا يجب التجاهل بها


دي عادات و تقاليد المصريين فعلا و لازم نحترم رؤية الناس لا شك
بس دي عادة سيئة
يعني دي حاجة كويسة اني اتدخل في الي مليش دعوة به ليه؟
مثلا بترا قالت في الموضوع البنت الي اتاخرت عن الزواج بتخاف كلام الناس ..المطلقة بتخاف كلام الناس
طيب الناس تدخل في شئون غيرها ليه ؟ فين خصوصية كل واحد و حريته (لو كانت بمادىء الدين و الاحترام)

دي عادات و تقاليد المصريين فعلا و لازم نحترم رؤية الناس لا شك
بس دي عادة سيئة
يعني دي حاجة كويسة اني اتدخل في الي مليش دعوة به ليه؟
مثلا بترا قالت في الموضوع البنت الي اتاخرت عن الزواج بتخاف كلام الناس ..المطلقة بتخاف كلام الناس
طيب الناس تدخل في شئون غيرها ليه ؟ فين خصوصية كل واحد و حريته (لو كانت بمادىء الدين و الاحترام)




السلام عليكم
؟
لا ده مش تدخل ولا حاجه بس نقدر نقول دى امور مفروضه فى مجتمعنا
وبالطبع دى عادة سيئه
ولاكن يجب علينا احترام المتمع
فيه مثل بيقول
كل اللى يعجبك والبس اللى يعجب الناس ولا انتا ايه رائيك
فى رعاية الله

السلام عليكم

؟
لا ده مش تدخل ولا حاجه بس نقدر نقول دى امور مفروضه فى مجتمعنا
وبالطبع دى عادة سيئه
ولاكن يجب علينا احترام المتمع
فيه مثل بيقول
كل اللى يعجبك والبس اللى يعجب الناس ولا انتي ايه رائيك

فى رعاية الله

بس انت كده دخلت في موضوع تاني خالص
المثل ده المقصود به اني البس الملابس الي الناس تحكم عليا بها و تحترمني لما تشوفني
مش موضوعنا ...
بس المهم انا بقول ان نظرة الناس عادي كل واحد له وجهة نظرو من حقه يقولها بس ميدخلوش في مشاكل الناس ولا تصرفاتهم و قراراتهم و يا عيني حصل كذا و ياعيني محصلش ( تدخل بزيادة جدا)
او يتكلموا عليهم بسوء (دي اصلا تبقى نميمة و غيب)
يا ريت تكون فهمت وجهة نظري و الموضوع
اختك يمنى

فعلا توبيك جميل جدا
وانا بصراحة رأيي ان الانسان مادام مش بيعمل حاجة حرام يبقا خلاص ماحدش له عنده حاجة
ماشي لازم نحترم آراء الناس طبعاً
لكن بالشكل ده والخوف ده .. هنفضل كلنا خايفين من بعض
وكلام الناس كدا هيبقا قيود على كل الناس
عشان كدا انا عن نفسي مش بهتم اوي بصراحة طول مانا مش بعمل حاجة عيب او حرام
لأن الناس كدا كدا هتتكلم وكلامهم مش بيخلص

وثااااااااانكس مرة تانية على الموضوع .. بجد يستاهل النقاش :romarioxp6:

لو انت كنت بتحب واحده او خاطب واحده وتم اغتصباها

هيكون رد فعلك ايه ؟؟

ياتري هتطلع ندل وتسيبها وتقول ما فيه غيرها كتير

ولا يا تري هتحاول تقف جمبها وتنسيها ده

ولا يا تري هتقف جمبها بس عشان كلام الناس ومش يتقال عليك

انك مش راجل وعيل وانت من جواك مش مقتنع بيها

لانها مش بقت تلزمك ؟؟

انا قلت اجيب المثال ده

لانه واقع حى وبقى منتشر فى الشارع المصرى

وانا من رايى ان مش كل الكلام خطأ

بس طالما الانسان واثق من نفسه ومش بيعمل حاجة غلط يبقى يتكل على الله ويعمل اللى هو نفسه فيه دون الالتفات لاى تعليق او اى رد من الغير

اما بالنسبة للمثال اللى انا قلته ده
فانا شايف ان كلام الناس بيكون مفيد فى كثير من الاحيان فى مواقف شبيهة للموقف ده

بس انت كده دخلت في موضوع تاني خالص
المثل ده المقصود به اني البس الملابس الي الناس تحكم عليا بها و تحترمني لما تشوفني
مش موضوعنا ...
بس المهم انا بقول ان نظرة الناس عادي كل واحد له وجهة نظرو من حقه يقولها بس ميدخلوش في مشاكل الناس ولا تصرفاتهم و قراراتهم و يا عيني حصل كذا و ياعيني محصلش ( تدخل بزيادة جدا)
او يتكلموا عليهم بسوء (دي اصلا تبقى نميمة و غيب)
يا ريت تكون فهمت وجهة نظري و الموضوع
اختك يمنى



يمنى انا اصلى من الريف وعشت هنا وعشت هنا
فى الريف تدخل مطلق فى شؤن الغير بلا مبرر
وفى المدن كل واحد فى حاله الا فى الاشياء الظاهره
امام الناس
انا فاهم موضوعك كويس مش دخلت فى موضوع تانى
انا كنت اقصد اوصلك وجهة نظرى من على طريق المثل ده
بس هقولك حاجه بسيطه جدا
وربنا يبعد عنك الشر وعن المسلمين جميعا
يعنى لو شائت الظروف وحصل خناقه بين اى اسرة ونقول مثلا انا واخويه وانتى اختى ماذا ستفعلى
اليس هناك غير الناس لكى تطلبى منهم المسعده
واذا شاء الله لكى الفرح اليس هناك غير الناس لكى يشاركو معاكى الفرح
بس نقدر نقول هناك ناس ليس عندها سوى الغيبه والنميمه
واشكرك على موضوك الجميل