تسجيل الدخول

مشاهدة النسخة كاملة : قصيدة مدوية للثانوية الغبية

mido203
10-07-2008, 05:53 PM
قاعد وسط الكتب مهموم

كفاية كدة يبنى و قوم

بقالك من الفسح سنة محروم

دى الدنيا كوم و صحتك كوم

و الامتحانات حتيجى زى المرسوم

ولو حتى صعبوها مش حنلوم

انت ذاكرت كويس ع العموم

و الدروس الخصوصية بيعتنا الهدوم

بس انت ايه ذمبك يا مظلوم

دة حال الكل و دة المقسوم

و اللى حصل فى التفاضل مش حيدوم

ولا حيتكرر فى باقى العلوم

يلا قوم خد كفايتك من النوم

بكرة الامتحان و دة لزوم

على الكل سارى قضا محتوم





داخل اللجنة لا بيا ولا عليا

ألاقى مراقب بيبحلق فيا

و التخت كلها رجليها مصدية

وشوش تهبط أعلى معنوية

دعيت و قلت يا عالم النية

ييجى الامتحان أسهل من المية

و جه الامتحان بأسئلة لولبية

دى فيزيا دى ولا طاقة نووية

فين أرشميدس و قانون الجاذبية

طب فين المقرر و العلاقات الرياضية

بلاش الاجبارى و أروح للاختيارية

لقيت حتة صعبة فى كل جزئية

طب أروح أحسن للرسمة البيانية

اتحولت فيها دى أفقية ولا رأسية

عشمونا و قالوا الامتحان حييجى هدية

هدية ايه دة قمبلة ذرية

و اللى حطه أكيد عنده حالة نفسية

عايز يقيس قدراتنا الابداعية

قال و كنت بحلم بدرجة نهائية

و أخش بعدها أجدعها كلية

اخرتى سريح فى اشارات مرورية

خفت أكون لوحدى بصيت حوليا

واحد بيلطم زى الولية

و التانى قتل نفسه بطلقة مدوية

و متعدش المحاولات الانتحارية

اه يا جبابرة يا عالم مفترية

عايزين تشغلوا الجامعات الخصوصية

و يكش تولع بقى الحكومية

طب ذمبنا احنا ايه فى الليلة دية

و ترجعوا تسألونا عن روحنا الوطنية

اسألوا الوزير و قراراته العنترية

اللى قتلت جوانا أى انتمائية

سيبت كراسة الاجابات مهوية

خرجت لقيت أمى واقفة مستنية

هه...عملت ايه يا نور عينيا؟

ادعيها و النبى ياما و انتى متوضية

قولى: يخرب بيت امتحانات الثانوية

هذة القصيدة كتيبتها الطالبة مى ونشرت بجريدة الاخبار
أحمد2025
10-07-2008, 05:58 PM
والله العظيم جامدة
thedreamer33
10-07-2008, 06:03 PM
ياعم مالدنيا بقت مهلبية
كلها بالكوسة معدية
موقفتش بقى عالثانوية
ولا انقراض الشعبة العلمية
او انفجارات الشعبة الأدبية
اللي غلبت الإنفجارات السكانية
ربنا يستر علينا وعلى اجيالنا اللى جاية
وحسبنا الله ونعم الوكيل في الناس دية
basmala
10-07-2008, 06:06 PM
حلوه جدا جدا
thechampion
10-07-2008, 06:08 PM
جميلةةةةةةةةةةةةةةةةةةةةةةجدا
Dr.mayson
10-07-2008, 06:27 PM
جميللللللللللللللللللللة جدا
abosaid
10-07-2008, 10:23 PM
راااااااااااااااااااااااااااااااااااائع جدا وربنا يكرمنا ويكرمك
Mohamed_AmeesH
10-07-2008, 11:04 PM
url=http://www.Dvd2Arab.com]http://up.dvd2arab.com/uploads/f08dfff034.gif[/url]
محبة الله
10-07-2008, 11:10 PM
جميلة جدا
والله ياجماعة كفاية الواحد حاسس بغم فظيع غيروا السيرة
وياخبر النهاردا مش موجود
بعد اسبوع هتباه مفضوح
فعادى انسوا باه
..Just Stop
11-07-2008, 12:10 AM
جامدة والله

لا وكمان الامتحانات سربوها
وعلى اى قهوة او نت بيبيعوها
وطلبة فاسدة بيجرو ويشتروها
وبيدخلو الامتحان ومبيعرفوش يحلوها
ووزرا مشهيصين والبلد خربوها
عايزين يسيطرو او حتى يأجروها
ياعم كبر وسيبك انشالله يولعوها


ودمتم سالمين للثانوية مفتكرين
Dr.Nejar
13-09-2008, 11:27 PM
ليه بتقلب عليا المواجع وتفكرني باسود يوم في الدنيا بس بجد كلام روعة وحاسة بيه اوي .............يخرب بيت الثانوية العامة يااااااااااااااااااااااااااارب:(:(:mad::huh::mad:: o:(
Dr.Nejar
13-09-2008, 11:30 PM
كانت ايام سودا ومنيلة
بندق__2007
13-09-2008, 11:53 PM
اه يا جبابرة يا عالم مفترية

عايزين تشغلوا الجامعات الخصوصية

و يكش تولع بقى الحكومية

طب ذمبنا احنا ايه فى الليلة دية

و ترجعوا تسألونا عن روحنا الوطنية

اسألوا الوزير و قراراته العنترية

اللى قتلت جوانا أى انتمائية

سيبت كراسة الاجابات مهوية

خرجت لقيت أمى واقفة مستنية

هه...عملت ايه يا نور عينيا؟

ادعيها و النبى ياما و انتى متوضية

قولى: يخرب بيت امتحانات الثانوية

والله صدقت اللى كتبتها

ربنا على المفترى
مس رانيا حسن
14-09-2008, 05:16 PM
كلمات معبره

مشكور على القصيده
sama_91
14-09-2008, 11:52 PM
جميييييله بجد
mido203
16-10-2008, 09:46 PM
ياريت حد يحذف الموضوع دة علشان الطلبة بتوع دلوقتى لازم يشوفوها بعد الامتحانات مش دلوقتى
dedy_dody
16-10-2008, 09:59 PM
:av4056bb7jp3:بجد كلامك صحيح مليون فى المية :confused:
وده هيحسه كل واحد كان معانا او لسه هيجرب الثانوية :078111rg3:
واهى كلها ايام سوده مش معدية :abdoog8:
وربنا يصبرنا على الظلم وعلى العيشة ديا :040vk0:
أحمـدنجـم
16-10-2008, 10:40 PM
شكراً يا ميدو على هذا الموضوع الرائع .. الذي يمس قضية هامة أصبحت حديث كل بيت والبيت اللي جنب البيت .. بس معلش يا حبيبي أنا مضطر أنقل الموضوع للركن الأدبي لأنه مش من إبداعك .. شكراً جزيلاً لك يا ميدو .. وتقبل تحياتي