السلام عليكم
انا بصراحه مش لاقية حل خلاص ليا اكتر من 3 ساعات مش قادره افهمه ازاي
بالنسبة لتوصيل المقاومات علي التوالي وعلي التوازي
طبعا من شرح المقاومة في الكتب انها ممانعه للتيار الكهربي هوا امبير يعني تقلله
طيب ايه السبب ان عندما يوصل علي التوالي بين 2 مقوامتين تكون شده التيارفي المقاومة الاولي = شده التيار في المقاومة
الثانية مهما ان اختلف قوه المقاومة ارجو ايضاح هذه الفكرة

ممممممممممممممم المقاومتين يعتبروا موصل واااااااااحد ملهاش دعوة بقيمة المقاومة ;)
يعنى مثلا فيه خرطوم مية والمياة بتعدى منو فيه مناطق واسعة ومناطق تانية ضيقة بس المياة بتعدي ف المنطقتين بنفس الكمية اصل حجم المياة موحد وشدة التيار بردو موحدة ده فى حالة التوالى
انما لو علا التوازى التيار بيتفرق علا المقاومتين بحسب قيمهم اللى قيمتها اكبر بتاخد تيار اقل لأن العلاقة عكسية واللى قيمتها اقل بتاخد تيار اكبر عشان فرق الجهد يفضل ثابت ;)
مممممممممممم كده فهمتى ولا اشرح اكتر ؟ ;)

سبحان الله وبحمده

فى حالة التوصيل على التوالى شدة التيار بتبقى ثابتة فى جميع المقاومات وفرق الجهد هو اللى بيتغير على حسب مقدار تلك المقاومة والعكس فى التوصيل على التوازى ..

فى التوصيل على التوالى شدة التيار بتكون ثابتة مش بتتجزأ لأنها بتمشى فى فرع واحد على عكس فرق الجهد فى الحالة دى هنلاقيه بيتجزأ
اما فى التوصيل على التوازى هنلاقى فيه كذا فرع وبالتالى التيار غصب عنه هيتجزأ أما فرق الجهد هيفضل ثابت علشان كل الفروع اللى عندك بدايتها ونهايتها زى بعض

فاهمة حاجة

افهمك ببساطة شدة التيار اللي معدية في السلك بتفضل ثابتة وانا فاهم قاصدك بس المقاومة ممانعة للتيار وليست مقلله له عشان كدة في انواع اسلاك تلاقي توصيل التيار ردئ لان المقاومة كبيرة