#وكيل الأزهر عباس شومان يهاجم معلمى الأزهر#

نحن معلمى الأزهر لا يمكن السكوت على تلك الإهانة!!

معلمى الأزهر اللذين خرجوا أجيال من جميع التخصصات على مدى 1050 عام

يتم التعرض لهم على مسمع من شيخ الأزهر!!

بعد أن خالف وكيل الأزهر القانون وتعدى سلطات رئيس الوزراء وألغى أجازة السبت

أصبح من الضرورى تقديم بلاغات ورفع دعاوى!!

يجب تقديم بلاغ للنائب العام من معلمى الأزهر ضد وكيل الأزهر بسبب مخالفة القانون وقذف وسب معلمى الأزهر!!


""كما أكد فى الكلمة التى ألقاها نائبا عنه الدكتور عباس شومان وكيل الأزهر خلال اجتماع لجنة إصلاح التعليم بالأزهر على ضرورة تطوير المداخلات التعليمية من مناهج ومقررات، وسياسات القبول، والأنشطة والمبانى والتجهيزات؛ لتحقيق الأهداف وحل المشكلات وتعديل المسار نحو طريق النهضة الحضارية المنشودة.

وأضاف: إنَّ القضية الأساسية الأولى وراء المشاكل التى يُعانى منها التعليم فى الأزهر ضعف كفاءة ومهنية المدرس؛ فالتعليم هو نقل المعرفة, والمعرفة إذا لم تكن موجودة فكيف نرتفع بالمستوى! والقضية الثانية الإدارة التعليمية بكل أبعادها.""

http://www1.youm7.com/News.asp?NewsID=1255646&SecID=97

ادارة الازهر ترى ان مشكلة الازهر فى المعلمين !

العيب فى شوية العمم اللى ماسكينه

حسبي الله ونعم الوكيل

مشكلة الازهر فى المعلمين
ولسة يام هنسمع طول ما احنا سكتين على حقوقنا

بالتوفيق للجميع باذن الله وربنا يولى من يصلح

ده شكل واحد بيمثل الازهر والازهريين ده التخلف غالب على شكله فما بالك بفعله اللهم يرحم الازهر شوية عمم يتحكموا فيه ويغلب عليهم الغباء الازهرى العممى

وكيل الأزهر عمه كبيرة أوي ومليانة تخلف ولسه ياما هنشوف من العمم المتخلفة .

نفسى أعرف يا شومان انتى جايب كام فى الثانويه العامه سيبك من ده جايب تقدير ايه فى آخر سنه

سيبك من ده ياريت تقوللى الأماكن اللى كنت بتدرس فيها علشان اروح اسأل على مجهوداتك هناك دا قبل متلبس العمه وتقعد فى القطاع

يعنى لما كنت من الغير مهنين كنت مهنى يعنى

كمان لو ليك هنا عيون فى المنتدى وقروا الكلام ده ياريت بس تحددولى معاد أقالبه ونتناقش مع بعض علشان أعرفه الأزهر مدى مرشيدير لورا ليه

صبرا اخوانى الاعزاء
دخل المدرس اعلى دخل فى الموظفين فى المانيا
طلب الاطباء والمحامين والمهندسين المساواة

ردت ميركل وقالت كيف اسويكم بمن علمونا

ياعم ليهم حق يعملوا فينا اكتر من كده ان شاء الله حتى يبع...... مش عايز اقولها لان نحن معلمى الازهر ضعفاء جدا
مرتبات اقل لا وكمان لغوا اجازة السبت وماحدش قدر يتكلم يبقى انشاء الله حتى يفرمونا عادى
يامدرسين الازهر الخانعين والمذلولين والمختومين على قفاهم

وعند الله تجتمع الخصوم ....

انا خريج 2005 بتقدير عام جيد جدا بنسبة مؤية 85% عندما نزلت مسابقة الازهر للتعاقد في هذا العام تقدمت وزملائي نفس التخصص حوالي 65 متقدم اخذو منهم ثلاثة فقط كلهم جيد جدا وللاسف كنت انا واحد منهم ولم اقبل بالعمل بالتربية والتعليم رغم ان زملائي المتقدمين الذين لم يقبلو بالازهر قبلو بالتربية والتعليم
فهل اكون انا صاحب التقدير سبب فشل العملية التعليمية بالازهر ياخي اتقي الله واعلم انك ملاقيه
ثم ان كنت انا كذلك فبلله عليك تحولني علي التربية والتعليم وانا اقسم بالله مستعد نظير ان اخرج من تحت تلك العقول المتحجرة ان اعمل عاما كاملا بدون اجر والله علي مااقول شهيد
واقسم بالله ايضا اني ماظلمت في حياتي قدر الظلم الذي ظلمته بالازهر حسبي الله ونعم الوكيل في كل القائمين عليه وانا والله لست مسامحهم حتي قيام الساعة

اذا هم يحملون المعلم كل هم العملية التعليمية ياريت يعطوه حقوقه الضائعة من درجات مالية وترقيات قبل ما يتكلموا .

شوية بطيخ ماسكين الازهر مش فاهمين حاجة وفى الاخر يجيبوها فى المعلم منهم لله

حسبي الله ونعم الوكيل

العيب فعلا فى العمم الفشله يعنى ازاى واحد فاشل فى الدراسه اصبح شيخ ومسك منصب فى الازهر

الراجل ده درسلى فقه واعطانى مقبول رغم كمال الاجابة فلا تنتنظرو منه شئ وهوكمان صعيدى وانتم عارفين الباقى

السلام عليكم . انا عامة مسمعتش اى قرارات ولا اى حاجة . بس عايز ااقول ان الازهر فعلا لو عايز يبقى مؤسسة قوية لازم يتبع عديد من الخطوات . اولا- مفيش حاجة اسمها واحد جايب 50 فى المائة وهو يبقى المدير والمسئول وشيخ منطقة ومن ثم باشا كبير فى وزارة الازهر مكون من مجموعة فراغات عقلية بالاضافة لمجموعة مترسبة جدا من الغباء الوراثى . ثانيا _ ترك الادارة للاكثر كفائة بصرف النظر ان كان ضرعى او عربي او ثقافى . ثالثا _ اعادة البشاوات الكبار اوى ال احتلو المراكز والمناصب فى الازهر من خلال تقديم فروض الولاء والطاعة المتمثلة فى شكارة غلة ونصف شكارة رز ابيض دا بخلاف العسل والبط . رابعا _ استقلال الازهر فى الكتب الثقافية ال بياخدها حسنة من مطابع التربية والتعليم _ خامسا _ الاهتمام بالترقى من خلال المؤهلات العلمية مش من خلال الفراخ والوز _ سادسا _ عدم تعيين اى فرد بعيد عن خريجى الازهر ال اصبح 90 فى المائة سائقى محترفين للتكاتك نتيجة لسياسة الغباء المستمر فى التعاقد مع خريجى التربية والتعليم وعدم تشغيل خريجى الازهر على الرغم ان التربية بتعتز بنفسها كوزارة وترفض اى حد ينتمى للازهر لانها وزارة تانية وان كان لسة كتير عما تستحق لقب وزارة . سابعا _ ازاى يا افنينا بزكائكم تعملو دور اول وثانى وثالث ورابع يعنى انتو بتساعدو على الفشل الكامل لمنظومة الازهر عايزين الراسب ينجح غصب عن الجميع . ثامنا _ الاخ الفاضل عفوا الفاشل ال بيسب فى معلمين الازهر . اعتقد ان جميع خريجين الازهر الان ومن فترة كبيرة متخصصين كل واحد فى مادتة ومتعينين ومتعاقدين من خلال اعلى التقديرات دة بخلافكم طبعا ال كان منتشر فية تدريس الفصوليا واللوبيا المشتركة . أخر كلامى ان المشكلة فى حاجتين هى ادارة الازهر العامة وانتقائة لطلابة . يا رب حد من المهمين قوى يشوف الكلام دة ويقدر يحس بأى حاجة تكون مفيدة للتغيير للافضل دا بالنسبالكم طبعا

ميشوف النظار خريجى دبلوم المعلمين والموجهين اللى قضو على التعليم فى الازهر ومدير المرحله الابتدائيه فى الاداره دبلوم معلمين والله مايعرفو اى حاجه فى التعليم وسيب دول ويتهم المعلمين خريجى الكليات واعلى التقديرات ويجعلنا سبب فى فشل التعليم

تعريف مسؤلين الازهر: هم عبارة عن خليط مكون من طرابيش وعمم وفتيته وبطييييخ مضاف عليهم عصير غباء

هو مين اللي علم هذا الرجل ناس من الشارع ام معلمين من الازهر اللي سيادته بيشتمهم او ربما يكون نازل متعلم جاهز
يا له من ناكر للجميل

حسبي الله ونعم الوكيل

طيب يا فضيلة الشيخ ما تعمل دورات تدريبية للمعلمين وخلى المعلم ياخد حقوقه المادية علشان يبقى فاضى لشغلة بعد الاهانه وبعدين اتكلم عن مستواه التعليمى
واضح ان الكراسى بتغير النفوس

اهدي شوية يا عبس هوانت قريب عباس بتاع الزمالك

هوة بغبوته

الراجل ده درسلى فقه واعطانى مقبول رغم كمال الاجابة فلا تنتنظرو منه شئ وهوكمان صعيدى وانتم عارفين الباقى

استاذى الفاضل ما دخل الصعيد بذلك الأمر
فمعظم المسئولين بالازهر من الوجه البحرى
والجميع من صعايده ووجه بحرى صنف واحد

ما دخل الصعيد بتلك التصريحات
اتق الله

عباس شومان بدأت بلاويه تبان وحده وحده