السلام عليكم! ;D

انا فى 2 ثانوى و حبيت اسال عن خبراتكم .. انا لسه مش قادره اختار علمى او ادبى اما مستوايا كويس فى الاتنين بس علمى بتبقى مجهود اكتر

انا اختيارى هيبقى مبنى على الكليه الى عاوزه ادخلها و انا محتاره بين هندسه او اعلام انجليش .. بصراحه انا عاوزه حاجه اتخرج منها الاقى فرصه عمل متوافره عشان كده انا مياله لاعلام

ياريت لو حد فى كليه اعلام-هندسه يفدنى ^^

سؤال واحد كمان هو ايه المواد المقرره فى 3 ثانوى على ادبى-علمى رياضه؟ o.O

شكرااا!

أنا طالب فى تالته ثانوى علمى رياضة لما جه وقت انى اختار بين علمى أو ادبى بدون تفكير كتبت علمى لانى ناوى على هندسة باذن الله المشكلة تكمن فى علمى رياضة او علمى علوم وربنا وفقنى ودخلت علمى رياضة



للبنات كلية الفنون الجميلة كويسة و ليها شغل كويس والكلية بتقبل سواء علمى أو ادبى بس اللى بيدخل علمى رياضة بيدخل فنون جميلة قسم عمارة فقط

اللى هيدخل علمى محتاج شغل جامد وبالاخص فى تالته ثانوى وبالاخص كمان الفيزياء مش هقول صعب ولا سهلة ولكن هى محتاجة تركيز عالى

وبالتوفيق باذن الله