ألف باء ... تاء .. ثاء
المدرسة مش جيش إلزامي
إدي دروسك للأعداء
أنا تلميذ مش جندي نظامي

جدول ضربي ف ضهر كتابي
وانت جداول ضربك فين ؟؟
بضرب بس ف درس حسابي
وانت بتضرب سلميين ...

المدرسة مش جيش إلزامي
وأنا تلميذ مش جندي نظامي

أولى وتانية وتالتة و (رابعة)
يوم ورا يوم راح يعلى الصوت
من المدرسة ولحد الجامعة
وهفضل حر لحد ما أموت

المدرسة مش جيش إلزامي
وأنا تلميذ مش جندي نظامي

مش عاوزينك جوة فصولنا
ولا عاوزين نحفظ أناشيدك
لا انت هتقدر تمحي عقولنا
ولا راح نقبل نبقى عبيدك

ألف .. باء .. تاء ... ثاء
إدي دروسك للأعداء

الشاعر اسلام هجرس