من أكتر مدرس حبيتة بيدرسلك ألماني ولية ههل تفتكر أنة كمان بيحبك مع ذكر التفاصيل؟

صدقونى لو انا مش متأكدة ان المدرس اللى انا حتكلم عليه مبيدخلش الموقع هنا ماكنتش حتكلم ولا حفضفض


بداية كدة انا و تلاتة من صحابى حاليا دخلنا المانى و من اولى ثانوى ماكنتش باخد درس فيه لانى كنت شايفة ان شرح مدرس الفصل كويس و هى الحقيقة......و على الرغم من ذلك ضاع املى فى السفر الى المانيا مع انى لغيط دلوقتى مش عارفة ايه هى الغلطة بتاعتى

و لما دخلت تانية ثانوى مكانش ليا اصحاب قوى لان اصحابى حاليا كانوا زمايلى سابقا و مكناش شلو قوى يعنى.....و جه حظنا عند مدرس واحد هو مدرس مدرستنا و على الرغم من انه لسة جديد (خبرة 7 سنين)...الا اننا كنا مستريحين فى اول السنة على الرغم من وجود مدرس مشهور جدا فا لاسكندرية ...معظم الناس تقريبا بتاخد عنده.....الا ان الحمد لله اننا مخدناش عنده لانه_و كما شعرت_ مغرورو لدرجة مش كويسة ... و مش حتصدقوا لو قلتلكوا على انى انا و صحابى اتجمعنا على الالمانى و اتخاصمنا على الالمانى و عملنا مشاكل على الالمانى .....طب تيجى ازاى اقولك...اكتر حاجة انا شايفاها كويسة فى المدرس الذى يدعى م.ن انه يثير غيرة بعضنا الاخر ...فذكر مرة لنا ان هناك فصل يقوم بعمل قاموس المانى مستعينا بكتاب التدريبات ...و لاننا لا نحتمل فكرة ان يتفوق علينا احد فيما نحب قررنا ان نقوم بعمل القاموس و لن تصدق اذا قلت لك ان كتابة القاموس على ورق بايدينا تمت كاملة فى ثلاثة ايام -12 درس فى ثلاث ايام على اربع بنات-......و ذهبت صديقة لى بالورق اللذى كتبناه على ان يكون ترتيب الكلمات مرتب طبقا للدروس و ليس للاحرف الهجائية الى مكتب للكتابة بالكمبيوتر ...و انتظرنا حوالى اسبوعين حتى تم الانتهاء من كتابته......و اعطينا نسخة منه الى مستر م.ن كى يصححها لنا و ينقيها من الغلطات الاملائية .................................................. .................................................. .................................................. ......................و لم نرى الاقموس مرة اخرى الا بعد 5 شهور من العذاب و المعاناة







و ياريته كان كويس كان مشغبط و حالته لاتسر عدو ولا حبيب..................................و لا حتى جمل ...
و استسلمنا للامر الواقع و زاد حنقنا على المدرس الى درجة اننا كنا لانرغب فى سماع اسمه لاننا شعرنا انه اضاع ثمرة مجهودنا و لم يقدره و لو باقل التقدير و كلما اتذكر لحظة رمى القاموس على الترابيزة قائلة :و ادى القاموس .....تصعب عليا نفسى......

و لكن نأتى لما حدث بعد ذلك و نترك صفحة الغضب الاليم ....مرض ذلك المدرس قبل الامتحان مرضا شديدا و دخل المستشفى و خرج و لكننا فوجئنا به يدخل المستشفى مرة اخرى قبل امتحان الالمانى بحوالى 3 ايام او ربما اقل ....... و عمل معانا حركة جدعنة على عكس اغلب المجاميع ..........

مما جعلنا نذكر له هذا الموقف فينسينا ما فعله قبل ذلك....كما اننا اذا نظرنا الى الوجه الخر للعملة سوف نلاحظ ان طريقته فى التدريس تعتمد على التنافس الشريف و محاولة ان نجعله يشعر اننا مجموعة متميزة مما اثر بالايجاب على دروسنا


اما عن رأيه فينا فهذا مالا نعرفه ...فى السنة الماضية فى اولى ثانوى كانت صورتنا بالنسبة له اننا بنات مؤدبين و مالهمش حس و لا صوت و لانفس ....اما الان فاننا نشعر ان صورتنا لم تهتز فقط و انما وقعت لتحطم كل ما فى طريقها..........و لكن اعود فاقول واحدة بواحدة و الابادى اظلم

شكرا يا جي جي علي المشاركة الجميلة و الصدق في التعبير وصدقيني أتمني أن يري كل معلم كلماتك حتي يتذكر جيدا كيف يحافظ علي مشاعر طلابة ودايما يقدر مجهودهم والكلمات التي أكتبها عامة لا نقصد أحدا بعينة لانة لو كل مدرس قرأ كلامك بالتأكيد هيقرر أنة دايما يقدر مجهود طلابة وأحب أحييكي مرة أخري لأني طرحت الموضوعات دي وقصدت فعلا أخرج بدروس جديدة يتعلمها الطالب والمعلم . و دلوقتي فية موضوعات تانية أحب تجاوبي عليها أنا طرحتها في المنتدي الخاص بقسم اللغة الألمانية