اكيد كتير منكم ومن العالم العربي بيتفرجوا علي مهند ونور المسلسل التركي المدبلج..هو راحه مسلسل حلو وانا بتبعه..بس بجد نفسي اعرف ايه الضجه الكبيره اللي عملها فالوطن العربي..البنات كلها معدلهاش سيره الا مهند وشعر مهند وعنين مهند ولبس مهند ورومانسيه مهند..مع اني شايفاه عادي..هو حلو حبتين بس مش لدرجه انو يثير الضجه دي كلها..انا كنت فكافيه وبعدين قاعد ورايا بنتين بالظبط قعدوا ساعتين يتخنقوا واحده تقول مهند احلي وهو مطول شعره والتانيه تقول لا وهو قاصص شعره..بطلب المينيوفالكافيه لقيت كوكتيل مهند بيتزا مهند ونور..قلت عادي..وانا ماشيه فالمول كل المحلات حاطه مودلز عليهم صور مهند ونور..كل الناس ماشيه حاطه رنات المسلسل ..قلت عادي الناس معجبه بيهم..بس المشكله بقت اكبر من كدا..انا قرات في كذا مجله شويه حاجات بجد شعري كان هيقف...وبجد حقيقه اسمعوا....الحله الاولي عروسه فالبحرين اسمها نور عادي جدا المهم كان فرحها كمان اسبوع والامور ماشيه تمام وكانت هتجوز واحد اسمه محمد المهم العريس اللي هو محمد فؤجئ ان عروسته نور بتقوله يغير اسمه عشان يبقي اسمه مهند اسوه بالمسلسل رفض طبعا واتفشكل الموضوع..تاني حاله ودي مستغرباها مثلا البنات حبوا مهند مراهقات ليه الستات الكبار العاقلات ليه يبقوا كدا برده المهم واحده ست عندها ما يزيد عن اربعين سنه جوزها لاقي ان اهتمامها بمهند بيزيد يوم بعد يوم وانها مبتكلمش معاه الا ولازم سيرته تيجي حاطه بوستر كبير فالاوضه له رنت المسلسل عالموبيل ووصل الموضوع الاقصاه لما صرحت له انها تتمني ان تعيش يوم مع مهند وبعدها تموت راح مطلقها...دا غير ان بعض الناس المهتمه بالموضوع اكدوا ان حالات الطلاق والخلافات الزوجيه زادت بسببه كل واحده عايزه جوزها زي مهند ومش متخيله انو تمثيل وانو ممكن فالحقيقه يطلع وحش ودمه تقيل غير اني بصراحه سمعت ان مهند واسمه الحقيقي كيفانج كان بيشتغل في مجلات فرنسيه اباحيه..ما علينا بس بجد ليه انسان زي دا ياخد كل الحيز دا لازم كل بنت وكل ست تفكر وتحاسب علي كلامها وتعرف ان كلامها دا هيضايق جوزها خطبيها اخوها اي حد...ولازم بجد نطور شويه ومنخليش مجرد واحد كان بيشتغل موديل ياثر فينا بالشكل دا..وعايزه اوضح حاجه ان المسلسل دا لم يحقق اي نجاح يذكر فتركيا وكسر الدنيا عندنا رغم ان المسلسل منجحش فتركيا بسبب مهند وضعف قدرته عالتمثيل وبيعتبروه درجه تالته...ولا هو خالص المستورد يكسب..انا بقول لكل بنت وست ماله جوزك ولا خطيبك اب بلدك اسمر وعيونه عسلي وجدع وزي الفل مش ملون زي مهند ولو نفسك هفاكي عالالوان اوي روحي جيبي تلفيزيون ملون...لكن البنات اللي راحت تطلبه للجواز لما راح الام بي سي دا كلام فاضي..فين كرامه البنت لما تقعد فبيتها والعريس هو اللي يجي ويشوف كل طلبتها..لا وايه مفيش ولا بنت تشتري صوره لمهند الاواذا كان لوحده لكن لو معاه نور لا ميشتروش ليه؟؟اصل درتهم..والله كلام يموت من الضحك..لا والهوس وصل للمطربات اهي الست رولا سعد راحه تصور كليب معاه والشحروره صباح مسبتهاش في حالها لا راحت وراها عشان تشوف مهند وقال ايه تقله لولا فرق السن لتزوجتك..عشنا وشفنا..فالنهايه عشان طولت عليكوا بس معلش كنت مخنوقه من اللي بيحصل احب اقول ان الشباب العربي احلي شباب واحلي ازواج يتحملوا المسئوليه وكل واحده ترضي بنصيبها وتجوز اللي قدمها لحسن تعنس وتبقي لا طالت محلي ولا مستورد..ومن الاخر كلو من الراجل اللي بيعمل صوت مهند فالمسلسل هو اللي صوته حلو وبيتسهتن لما دوخ البنات..........;)

اكيد كتير منكم ومن العالم العربي بيتفرجوا علي مهند ونور المسلسل التركي المدبلج..هو راحه مسلسل حلو وانا بتبعه..بس بجد نفسي اعرف ايه الضجه الكبيره اللي عملها فالوطن العربي..البنات كلها معدلهاش سيره الا مهند وشعر مهند وعنين مهند ولبس مهند ورومانسيه مهند..مع اني شايفاه عادي..هو حلو حبتين بس مش لدرجه انو يثير الضجه دي كلها..انا كنت فكافيه وبعدين قاعد ورايا بنتين بالظبط قعدوا ساعتين يتخنقوا واحده تقول مهند احلي وهو مطول شعره والتانيه تقول لا وهو قاصص شعره..بطلب المينيوفالكافيه لقيت كوكتيل مهند بيتزا مهند ونور..قلت عادي..وانا ماشيه فالمول كل المحلات حاطه مودلز عليهم صور مهند ونور..كل الناس ماشيه حاطه رنات المسلسل ..قلت عادي الناس معجبه بيهم..بس المشكله بقت اكبر من كدا..انا قرات في كذا مجله شويه حاجات بجد شعري كان هيقف...وبجد حقيقه اسمعوا....الحله الاولي عروسه فالبحرين اسمها نور عادي جدا المهم كان فرحها كمان اسبوع والامور ماشيه تمام وكانت هتجوز واحد اسمه محمد المهم العريس اللي هو محمد فؤجئ ان عروسته نور بتقوله يغير اسمه عشان يبقي اسمه مهند اسوه بالمسلسل رفض طبعا واتفشكل الموضوع..تاني حاله ودي مستغرباها مثلا البنات حبوا مهند مراهقات ليه الستات الكبار العاقلات ليه يبقوا كدا برده المهم واحده ست عندها ما يزيد عن اربعين سنه جوزها لاقي ان اهتمامها بمهند بيزيد يوم بعد يوم وانها مبتكلمش معاه الا ولازم سيرته تيجي حاطه بوستر كبير فالاوضه له رنت المسلسل عالموبيل ووصل الموضوع الاقصاه لما صرحت له انها تتمني ان تعيش يوم مع مهند وبعدها تموت راح مطلقها...دا غير ان بعض الناس المهتمه بالموضوع اكدوا ان حالات الطلاق والخلافات الزوجيه زادت بسببه كل واحده عايزه جوزها زي مهند ومش متخيله انو تمثيل وانو ممكن فالحقيقه يطلع وحش ودمه تقيل غير اني بصراحه سمعت ان مهند واسمه الحقيقي كيفانج كان بيشتغل في مجلات فرنسيه اباحيه..ما علينا بس بجد ليه انسان زي دا ياخد كل الحيز دا لازم كل بنت وكل ست تفكر وتحاسب علي كلامها وتعرف ان كلامها دا هيضايق جوزها خطبيها اخوها اي حد...ولازم بجد نطور شويه ومنخليش مجرد واحد كان بيشتغل موديل ياثر فينا بالشكل دا..وعايزه اوضح حاجه ان المسلسل دا لم يحقق اي نجاح يذكر فتركيا وكسر الدنيا عندنا رغم ان المسلسل منجحش فتركيا بسبب مهند وضعف قدرته عالتمثيل وبيعتبروه درجه تالته...ولا هو خالص المستورد يكسب..انا بقول لكل بنت وست ماله جوزك ولا خطيبك اب بلدك اسمر وعيونه عسلي وجدع وزي الفل مش ملون زي مهند ولو نفسك هفاكي عالالوان اوي روحي جيبي تلفيزيون ملون...لكن البنات اللي راحت تطلبه للجواز لما راح الام بي سي دا كلام فاضي..فين كرامه البنت لما تقعد فبيتها والعريس هو اللي يجي ويشوف كل طلبتها..لا وايه مفيش ولا بنت تشتري صوره لمهند الاواذا كان لوحده لكن لو معاه نور لا ميشتروش ليه؟؟اصل درتهم..والله كلام يموت من الضحك..لا والهوس وصل للمطربات اهي الست رولا سعد راحه تصور كليب معاه والشحروره صباح مسبتهاش في حالها لا راحت وراها عشان تشوف مهند وقال ايه تقله لولا فرق السن لتزوجتك..عشنا وشفنا..فالنهايه عشان طولت عليكوا بس معلش كنت مخنوقه من اللي بيحصل احب اقول ان الشباب العربي احلي شباب واحلي ازواج يتحملوا المسئوليه وكل واحده ترضي بنصيبها وتجوز اللي قدمها لحسن تعنس وتبقي لا طالت محلي ولا مستورد..ومن الاخر كلو من الراجل اللي بيعمل صوت مهند فالمسلسل هو اللي صوته حلو وبيتسهتن لما دوخ البنات..........;)

والله فعلا عندك حق بنات اليومين دول ذوقهم غريب مره تامر حسني ومرة حماقي وفي الاخر مهند مش عارف والله الدور علي مين

الدور علي لمعي التخين بتاع ميلودي افلام

شكرا علي التوبيك الرائع وشكرا علي اول مشاركة باللغة العربية انا بشوفهالك:p;)

الدور علي لمعي التخين بتاع ميلودي افلام

ههههههههههههههههههه لا مش للدرجة دي يعني

تووووووبيك تحفة

انا الى شدنى اسم مهند ونور بجد مسلسل فووووووووق االرائع والومنسى



والحمد لله ان عابدين مات


تقبل رغى ومرورى

ههههههههههه

انا ماليش دعوة باصوات ولا تامر المعفن دة معلش يعنى ولا اعرف قصة روميو وجوليت

ههههههههههههه


عادى عادى

زهيمر

بس المسلسل بتاع نور ومهند حلو

هو تحفه بس المفروض ينتهي اهتمامنا بيه بانتهاء الحلقه وثانكس زهيمر واحمد علي مروركم واوعدك سوبر هيرو مش هتكون اخر مشاركه ليا وبالعربي كمان

الموضوع جميل جدا ودى طبيعة الشعب العربى وخصوصا النساء بيحبوا الرومانسية جدا

انا بصراحة عندنا الكل متلبع مهند ونور وكل اصحابي كذالك انا الوحيده
طبعا اللي مش بحب مهند لكن بموت في نور عندما اقول لاصدقائي يقولولي لنت لتجننتي او احولتي ويقولولي ده امروانور قمر على فكره انا اختي شكل دانا زوجت انور

طب عشان احسسك ان الدنيا لسة بخير
انا ماعرفش مين مهند ونور :D
وبعدين يا نيمو .. حد مايعرفش روميو وجولييت :rolleyes:

who cares i am so happy with ur answer

بجد حاجه غريبه انا ليه واحد صاحبتي مكنتش
بتبطل كلام عن مهند ونور وكانهم بقوا شيء
مهم ف حياتها وبجد خلاص من كثر كلامها
كنت هتفرج عليه وتبعه بس الحمدلله متفرجتش
انا بره سمعت ع مهند دا كلام مش كويس برده
واكيد صح يعني
بس بجد كل كدا عشان يشغلوا الناس باي حاجه
بتحصل ف البلد دا غريبه ربنا يستر علينا يارب
من الايام الجايه هتبقي اوحش اكيد

عايزة اقوللك بجد التوبيك جامد جدااا
و انا لسة من يومين اختى موريانى مقال فيه حالات طلاق اد كدا بسبب الموضوع دا
بجد ناس تافهة و فاضية
بس عايزة اقوللك حاجة
العيب هنا مش ع البنات بس
لان اول ما هيفاء وهبى طلعت بردو كان فى حالات طلاق بسببها
العيب فينا كلنا
و ع فكرة انا مش متابعة الحلقات رغم انى بحب الحلقات التركى
و اغلب اللى متابعينها اصلا مش عارفين هى عن اى ..اهم اعدين باصين ع الشاشة و خلاص
و زى ما قلتى فعلا المسلسل محققش اى نجاح فى تركيا
(جايز عشان عندهم منه كتير:rolleyes::D)
يعنى هو اصلا ممل و السبب الوحيد انه نجح مهند دا
و وانا بقرا قصة اللى كانت عايزة تخلى خطيبها يغير اسمه توقعت نهايتها
مع انه اصلا مش اسمه مهند
متخلى هى اسمها جوموش و هو كيفنج ..الله و يسموا ابنهم اى بأى ان شاء الله:D
بس كل دا حاجة و اللى يموت م الضحك رولا
بردو هتعتمد ع شكله عشان الكليب ينجح
ولا جايز افتكرته ممكن يفكر فيها ولا حاجة:D
ولا صباح ههههههه
هى مش هتبطل ابدا
ال يعنى فرق السن كان فرق معاها قبل كدا
مع انه مش حلو اوى كدا يعنى..فى احلى منه كتيييير
بس تقولى اى ..هياااااااافة
هم المصريين لازم كل شوية يطلعوا فى حاجة و يقدسوها و بعد كدا يرموها
مش عارفة انا افتكرت اقولك ثانكس ع التوبيك ولا لأ
و مش عارفة اى الرغى دا كله
بس اقولك حاجة ..شكله احلى و هو شعره قصير:D:p
معلش بأى تقبلى رغيى و مرورى

هههههههههههههههههههههههههههههههههههى لا تعليق

لا انتى نسيتى حاجة فى ناس انا سمعتهم بيقولوا انهم معجبين بالسراير واللى معجبة بالعربيات واللى معجبة باللتسريحات واللى معجبة بالقاعد على اساس مش عندها اثاث
فعلا ناس ما يعلم بيهم الا ربنا

ههههههههههههههههههه

مرسى على توبيك وارجو تقبل مرورى

ههههههههههه حالات طلاق
والله اللي يطلق ست دماغها كدا يبقي فعلا ربنا رحمه ورحم أولاده
ايه مدى التفاهه وقله الأدب دي
انا معرفش والله فيه ايه
والهبل مبقاش في مصر بس ياعيني
الهبل انتشر بس مع مصر زايده شوية
بدل ما كل واحده من دول تحترم نفسها وتقعد تقرالها كلمتين ينفعوها
تفكر في جوزها
مش تبص لشخص غريب
علي فكرة البنات والستات مفروض يبقي فيه غض البصر كمان
مش علي الرجاله بس
والله الواحد ما بقي فاهم اي حاجة
والحمد لله مفيش واحد او واحده ف عيليتنا بيتفرج علي المسلسل ده
كلنا عقليتنا اكبر من كدا
ده لو اتفرجنا علي التلفيشن اصلا
:d
شكرا لموضوعك يا بيترا

بجد الموضوع دا اخد أكبر من حجمه
دا احتى اصحابى فى الدرس
مكنش ليهم سيرة غير نور ومهند

انا بس نفسي واحده عندها الشجاعه تدخل تدافع عن المسلسل
ويبقي عندها الشجاعه اللي تقدر تدافع بيها وتوضح وجهه نظرها

والله ماشوفت منه غير حلقة واحدة ومش كملتها
دة مسلسل شليل

طيب المسلسل بيتعرض على قناه ايه والساعه كام وانا ادافع عنه:d

طيب المسلسل بيتعرض على قناه ايه والساعه كام وانا ادافع عنه:d

يابنتى دول فى الحلقة المية وشوية
انصحك ابعدى عنه
دة مررض
ولو عاوزة تشوفيه بيجى على mbc4
مفتكرش بصراحة كان الساعة كام
تقريبا 3 الفجر
انا حذرتك وانتى حرة
ابعدى عن المسلسل وغنيله

مين مهند ومين نور ؟
انا اول مرة اسمع الاسم ده
المسلسل ده بيتذاع على اى قناة بالظبط ؟

و الله كلامك ده بيضحك اوى و يخلى الواحد يحس ان البنات اتهبلو انا لابتفرج على نور ده و لا بحبو اصلا و مهند ده بحسو مش راجل اصلا.
و مفيش احسامن الانتاج المحلى علشان الشاب المستورد بيبقى اورانى و معندهوش كرامة.و الله موضوع موتنى من الضحك و شكرا على التوبيك الظريف اللى بجد يحرق الدم

لو مهند ده حضر امتحاناتنا كان كبر دماغو من نور

ههههه واللع تعليقاتكم كلها جميله..والمسلسل بيتعرض علي ام بي سي فور الساعه عشره بليل وبيتعاد الساعه اتنين ونص بليل وبريشس معرفتش ابعتلك ايميلي لاني لسه عضو جديد ابعتيلي انتي ايميلك وانا اضيفك

طب ايه ياجماعه انا المسلسل ده لسه عرفاه قريب والله يسمحها اللى عرفتنى عليه ............

هو بس البنات مشدوده ليه عشان رومنسى
بس والله عادى زيه زى اى مسلسل تانى مش فرقه كلهم زى بعض

لا مهند ولا تامر ولا حماقى ولا كل دول يدخلو فى دماغى ببصله

كل ده كلام فاضى

وانا اسفه انى طولت سامحونى

المسلسل بيتعرض على mbc 4وهو بينعاد 3 مرات الساعة 10.15 و3 و 5.15 وانا بحب نور جدا انا بنتوالله بس مش بحس ان مهند لذيذ

على فكره بقى انا تبعت المسلسل بعد مانتوا اتكلمتوا عليه هنا .....وهو مسلسل جامد اوى .....وياريت الممثلين المصرين

والمنتجين يتعلموا ...ازاى تكون صناعه السنيما والتلفزيون

الدور علي لمعي التخين بتاع ميلودي افلام


هههههههههههههههههههههههههههههههههههههههههههههههههه
والله العظيم اجمل تعليق بجد جااااااااااااامد اوووووووووووووووووووووووى

موضوع جميل وفعلا لازم نفوق

عالم فاضية !َ

لا حول ولا قوة الا بالله
هذا هو الواقع الاليم الذذى نعيشه
وهو فعلا سبب الانتكاسة للعرب والمسلمين
فى امان الله

مهند هو ف زي مهند ده ملوش حل يا جدعان الوله حلوووووووووووووووووووووووووووووووووووووووووووووووو ووووووو اووووووووووي

هو انا الوحيده الى مش بتفرج عالمسلسل ولا ايه:eek:
غريبه:eek:
الناس جرالها ايه:eek:
ماشى اتفرجوا عليه كمسلسل عادى يعنى
مش لازم الهوس ده:mad:
هتستفيدوا منه ايه يعنى:confused:
والله انا اعرف واحده بتشوف الحلقه تلات مرات فى الاعادات كلها
وكانت هتتجن منى لما عرفت انى مش بشوفه:D
ربنا يهديكوا:rolleyes::rolleyes:

انا سمعت كتير اوي عن المسلسل ده بس بصصراحه ماشوفتهوش

انا سمعت عن المسلسل كلام كتير

بس ما شفتش غير حلقة واحدة

وبالعكس عجبتنى نور لانها لذيذة وعلى طبيعتها

اما بالنسبة لمهند فهو شخصية باردة وكممثل مش بيعرف يمثل

على فكرة ده رأى من حلقة واحدة

تقبل مرورى

انا رايي ان المسلسل عادي اوي

ومايستهلش كل الضجه دي

'''''''''''''''''''''''''''''''''

سلام عليكم
فعلا كل شوية يطلع واحد موضة و يبقى هو فلانتين البنات مرة تامر و مرة حماقي و مرة و مرة و مرة..
بس المهم بقى اني برغم اني مش بشوف المسلسل الا غصب عني و طشاش كده حسيت و اتأكدت ان المؤلف فاكرنا اغبياء..
عمال يمط في المسلسل و يفتعل مشاكل لغاية ما يوصل لالف حلقة انشاء الله..
و كل ده طبعا لأنه بيقبض(بيقفش) الفلوس على كل حلقة و احنا اللي نشيل كل ده التلفزيون والع طول النهار و الحلقة تتذاع سبعمائة مرة في اليوم..
شوفو كام قناة اشترت المسلسل .. ارزاق..و ضحك على الدقون..
و انا بجد عن نفسي شايف ان المسلسل مفيهوش حاجة مميزة..
سلام عليكم..