لو سمحتم انا عاوزة مذكرة تعلمنى ازاى اعرب اى كلمة بسرعة

يبقى حضرتك محتاجة تحلى تمارين نحو بشكل مستمر .. يعنى مثلا حلى كل يوم ثلاثاء و جمعة قطعة نحو

و يٌفضل إن القطع اللى بتحليها تكون متجاوبة عشان تتأكدى إذا كانت اجباتك كلها صح أو لأ

إذا عايزه نصيحتى واظبى كل أسبوع تحلى مع نفسك قطعتين نحو فى أى يومين تختاريهم ، و يا ريت لو كانوا من كتاب المدرسة

لإن فى آخرة فى تقريبا عشرين قطعة نحو أو أكتر و مستواها كويس جدا

الأسئلة اللى مش عارفاها قومى بالتعليم عليها و أسئلة فيها مدريسنك سواء فى الدرس أو المدرسة .. أو تقدرى طبعا تحطى الأسئلة هنا

و طبعا النحو مش مجرد أعراب فقط .. لازم تتدربى على كل أسئلته إن شاء الله

عشان كده أفضل شىء إنك إما

1- تحلى قطع النحو بشكل مستمر من كتاب المدرسة
2- تحلى قطع نحو امتحانات الثانوية العامة . و من الرابط التالى يوجد

امتحانات النحو من 1996 حتى 2013بإجاباتها+ 11 من امتحانات السودان من أ. مدحت فودة (http://www.thanwya.com/vb/showthread.php?t=545218)

و طبعا أغلب منهج النحو تراكمى .. يعنى مش لازم تكونى خلصتى منهج النحو عشان تبتدى تحلى القطع

* ملحوظة: يا ريت لو كنتى تكتبى عنوان الموضوع قريب للانتى عايزاه .. عشان الناس تبقى عارفه هى داخلة الموضوع ليه

اشكرك علي ردك و مساعدتى في حل مشكلتى

جزاك الله خيرًا و بارك الله فيك
نصائحك جميلة خصوصًا كتاب المدرسة اللى فيه ناس مبتهتمش بيه و شايفة أسئلته عقيمة و سهلة
ودى أسئلة النحو فى دليل التقويم:
http://nahdtmesr75.blogspot.com/2013/02/2013_3533.html

اشكركى انت ايضا على مساعدتى

أختنا الكريمة
نصيحة من القلب لا تسمعي لأي عبارات تحتوي على ( ثوابت نحوية ) قهذا هراء ، وباب للجهل لا للعلم ، فلا ثبات إلا إذا ثبت الاستعمال ، وعليك أن تهتمي بمعنى المصطلح النحوي ودلالته ، والنحو لا ينفك عن المعنى . هذا كلام قليل المبنى جليل المعنى لو تدبرت الأمر .